pinkpink豬's Profile

今日一行四人去咗九龍塘又一城，諗住搵間西餐廳食飯。可能係平日關係，其實好多餐廳都有位，唔使book位，最後我哋就上咗去又一城頂樓呢間Simplylife。呢個係佢嘅餐牌，選擇唔算話好多。麵包好硬，所以我哋都冇食香煎鱸魚茴香手製龍蝦汁扁意粉野菌黑松露忌廉汁手製闊條麵澳洲肉眼扒略嫌個汁黑椒味有少少過多，有啲辣燒焗黑鱈魚 呢個就有少少細份，唔係太大食就夠飽其實整體嘅食物都不過不失，晚餐時間佢有個85折優惠，計落價錢都唔算貴，所以我覺得都算係性價比高。…Read More

情人節book到位，就去咗試呢間位於尖沙咀嘅鐵板超。當日都幾full，餐廳一晚分咗三輪時間晚飯，所以都唔算食得幾急。不過餐廳員工嘅服務質素都係唔錯。叫咗個二人餐，有龍蝦，鮑魚，帶子，A4和牛，炒飯，龍蝦湯。食物大致上都好新鮮，龍蝦上到枱都仲識郁，而師傅手藝都好好，亦會問客人需要，迎合唔同嘅口味，開始燒龍蝦嘅時候仲會提醒我哋用慢嘅錄影影出嚟會比較靚，所以整體上都大致滿意，價錢無因為情人節而加價，讚👍🏻…Read More

雖然住咗大埔唔係好耐，但係一直都冇試過呢間祥基茶餐廳。事緣亦都係佢之前一直裝修左一段時間，最近呢幾個月先至重開。好...今次就決定一試！其實本身都諗住普普通通食餐飯完全冇任何期望，但點知又估唔到有驚喜喎！例湯都好大碗。椒絲腐乳仔炒白菜牛肉，真係非常唔錯！個菜炒得勁好味，牛肉又叫嫩滑。唔係誇張..白菜仔勁入味，值得一讚。沙姜雞都幾好，當然以價錢來講$66都幾抵食！其實呢杯凍檸茶係冇特別嘅，我只係想講凍飲加$2，但我估唔到呢杯凍檸茶係咁大杯架！以後唔煮飯嘅時候，都可以考慮下黎叫個餸食個飯都唔錯丫！…Read More

新年一定會有好多飯局，約埋朋友一齊食飯..搵個地方記腳，又可以坐得舒服少少，傾來啲計都可以去呢個小南國都唔錯。位置喺太子新世紀廣場都算好方便，就算朋友帶埋小朋友出黎都方便。餐牌都算係多選擇。我哋有四個大人..所以就選擇左一個二人套餐(A)另外再散叫一啲其他特色小炒。招牌小籠包果然係冇失望..唔錯！生拆蟹粉豆腐撈飯一流，我勁鍾意食呢個！花膠鮮魚羹就好淡..冇乜味道，十分普通完全冇特別。另外我哋仲單點左個香酥鴨配薄餅，幾特別！同一般片皮鴨既分別都係件鴨係炸，又唔錯喎！…Read More

星期五嘅晚上，我同男朋友去咗大圍田心警署對面呢間大排檔食飯。如果有揸車嘅話都算幾方便，旁邊有個爛地停車場可以泊車，不過可能星期五嘅關係車位滿晒，最後我哋都係冇得選擇之下泊街就算。而且呢個大排檔亦都適合吸煙人士，因為坐露天嘅位置係可以食煙。我哋只係叫咗三個餸，因為得兩個人食都怕食唔哂，呢間大排檔嘅嘢出名全部都係大大碟。首先叫咗個咕嚕肉，當然就係好大碟啦，但確實係色香味俱全。仲有蒜蓉蒸開邊蝦，仲有粉絲係底，啲粉絲勁入味撈飯超好食。再叫多個腐乳通菜，菜係最失色嘅，因為完全唔夠腐乳味。埋單三百幾蚊，當然就唔算係平，不過三個餸都咁大碟都算抵食嘅。…Read More

新年趁住有幾日假期陪屋企人所以去東涌行街，周圍都迫滿人，我地行左過去富東商場果邊..發現有間新開張嘅味千拉麵。屋企人話好耐冇食過味千，同埋侍應又話等幾分鐘就可以，咁我地就決定試一試呢間喇。新裝修嘅環境都唔錯..地方亦算幾寬敞..坐得唔迫。鰻魚炒飯定食-其實呢個飯炒得唔錯，都算足料，只係略嫌有少少油。定食仲跟個miso soup豚肉拉麵-湯底不過不失，唔算特別。但值得讚嘅係真係有好多塊豚肉。雜菜就好大碟... 30幾蚊都算係抵食。餃子就黐埋一舊舊，有少少難分開，每夾一舊個皮都會爛晒。另外值得一讚嘅係雖然當日餐廳好忙，但係侍應嘅服務真係唔錯，個個都仲係好有笑容..態度亦好好。…Read More

今日男朋友帶咗我去葵芳新都會廣場嘅少爺18食午餐，其實我係第一次去，男朋友就話佢之前食過呢間既肉骨茶覺得唔錯。出奇地新都會廣場入邊間間餐廳都要排隊等位，竟然呢度唔需要等位，入面亦只得四五台客人。餐廳裏面嘅裝修十分精緻，餐具亦都好特色。我哋各點左一個馬來牛肉濕炒河粉，新加坡椰香海鮮喇沙，仲有紅豆冰。男朋友就覺得個河粉炒得好好食，牛肉好嫩好香口。我就覺得個喇沙唔錯，就算唔食得辣嘅我都唔覺得太辣，但如果個湯底可以再濃味少少就更加好。紅豆冰勁香椰汁味，正！但講到服務方便，就覺得麻麻地。我哋差不多食完個餐杯紅豆冰都未黎..最後要我地催促個侍應。之後到買單嘅時候，又等左好耐好耐。我哋係比信用卡付款，但最後侍應竟然攪錯單拎左現金想找錢俾我哋。其實午市並唔算多人，如果都有咁多人攪錯，到晚市真係唔知點攪。…Read More

新年前想同朋友搵個地方聚一聚..韓舍都算係一個唔錯既選擇。因為地方幾寬敞，餐廳入面坐位都係以卡位形式..坐得幾舒服。本身都好想試一試佢個海鮮鍋，上網睇到好多朋友仔介紹都話好抵食。不過我地有個朋友對海鮮敏感，所以我地就選擇左燒烤，燒肉既種類都唔少。味道都可以...以價錢黎講都算性價比高。我諗應該係為左唔好癡底..侍應都會係開始燒之前..放張牛油紙係面。其實都唔錯...唔洗癡哂個爐啲黑色野。熟食好出色又講唔上，但至少種類都夠多。亦都有好多機比大家DIY做整食物，又得玩又有得食，好啱一家大小有小朋友。唯一覺得係只有兩小時食..其實時間真係唔夠。…Read More

今日係我地男朋友既紀念日，所以我地就特登去到平時都比較少去既屯門..黎到黃金海岸酒店食自助餐。呢到既環境真係好靚，如果住下層仲可以對住個海景用餐。可惜因為過節關係..實在係好full..我地只應夠全喺上一層，其實坐上一層環境都唔係差..只係拎食物就比較辛苦..因為大部分既食飯都喺下層拎既。呢間自助餐餐廳食物種類都幾好，但刺生就較少，對中意食日本野既人黎講可能就唔多選擇喇。而且佢有個特別之處..當晚侍應話我地知有兩個不同時段都會有一啲不同既食物，例如7點會有green salad, 8點就有另一啲特別口味既意粉。對於中意食熟食既我真係完全冇得挑剔。仲有幾張不同銀行既信用卡都有85折。$5xx一位都算抵食！…Read More

就黎又過年喇！呢個星期都不停搵地方外出食團年飯。之前已經聽過功德林呢個名字，但一直都未試過，事關向來都係冇肉不歡。不過今年同屋企人餐團年飯就選擇左呢間！因為過節關係..唔可以散叫..一定要叫套餐。我地一家有6個人，唔夠12人一圍，侍應就推薦左呢個餐比我地。將12位轉成6位。由於屋企人唔想食羹，亦可以將個魚翅羹轉做蟲草花燉湯。個湯勁大碗，又足料都幾抵飲。蛋白都好滑，呢個幾好食。我反而唔係咁中意食呢個魚，其實唔差..只係我本身唔係好中意食芋頭。拼盤唔錯...粉皮夠薄。四季豆都係我既至愛，有少少辣，令到成碟菜都好香口。清清地有時食下素都唔錯呀！呢間既服務質素亦唔錯..因為我地屋企人有BB，侍應都好幫忙，不時照顧我地既需要。…Read More

今日下午出左中環同個女仔朋友食午餐，午飯時間成個IFC都爆滿..等位都有排等。竟然俾我哋諗到之前上過IFC平台食過呢間glass house既晚餐...今日試一試午餐有咩食都好。雖然餐廳入面九成都係滿座，不過都唔需要等位直接入去就可以坐低喇。我哋選擇咗坐高枱對住大玻璃，可以望住摩天輪個靚景食午餐都唔錯。我地點左兩個意粉share食。韓式辣醬烤豬肉意粉&黑胡椒醬烤雞炒意粉兩個意粉都唔錯，其實韓式辣醬係一啲都唔辣，至於雞肉亦都好嫩滑..兩個意粉都有個炒蛋係底..幾特別。再點左杯熱咖啡同埋荔枝玫瑰茶，中環來講一杯飲品50幾蚊價錢都唔算合理。埋單總數連加一大約四百蚊，可以對住個咁靚嘅景食午餐..豪一次半次食貴少少都值得既！…Read More

呢幾晚都凍冰冰..今晚仲幾左朋友係東涌食晚，離島地區仲凍，梗係要搵個地方打邊爐暖一暖啦。不過原來我發覺東涌有得打邊爐嘅地方真係唔多，我地今晚就去左稻香喇！好耐冇去過東涌呢間稻香食飯，發現晚市好似清靜左好多，冇以前咁多人。我哋湯底選擇左馬來沙嗲鍋。其實湯底唔算特別，不過以咁嘅價錢來講...都唔會有乜嘢特別嘅要求。另外我哋重點左兩款唔同嘅肥牛。分別點左安格斯肥牛同埋美國牛小排。但係我覺得呢個安格斯肥牛一啲都唔值＄128嘅價錢。同一般普通肥牛全冇分別。至於呢個美國牛小排，就雪到硬哂..想夾都夾唔到。但肉質來講，我反而比較喜歡美國牛小排。買單大概二百幾蚊一個人，價錢其實唔算好貴，不過我覺得以呢個價錢喺當然都仲有更多更好嘅選擇！…Read More

今日係星期日..成日荃新天地都迫滿人..都搵間餐廳唔洗等位或者唔排長龍都難。咁啱見到茶木唔洗排隊就即刻衝左入去喇。其實都唔係第一次食茶木，但荃灣呢間就係第一次去。入到餐廳可能都幾多人，侍應都唔得閑招呼我地，唯有自己搵個位坐低。由於今日真係超級肚餓..雖然只要兩個人都叫左4樣野。肉燥蓋上翡翠苗-味道大致上唔錯，但翡翠苗有少少苦澀味道。芝心雞翼-雞翼裏面讓入左啲芝士，好好味。不過唔可以食太多隻因為啲芝士都幾溜，所以我覺得唔使點醬都夠哂味。酥炸雞排面-好香濃既湯底..好味但好油。雞排其實炸都唔錯..裏面嘅肉質都仲好juicy。香煎沙朗肉燥飯-個飯幾好，但塊牛肉我就覺得麻麻喇。…Read More

今日同同事去咗葵芳新都會，我哋兩個都鍾意食韓國嘢，同事話呢間新麻浦可以食韓燒亦都可以單點其他菜式...所以我地就決定試一試啦。平日晚試晚關係，餐廳唔算太多人，亦唔需要等位。環境都算舒適，侍應安排左一張卡位俾我哋兩個人坐。餐牌上睇到真係有好多種類嘅嘢食。前菜方面都好豐富..有沙律，泡菜，洋蔥，蘿蔔，紫菜。之後我地點左兩款燒肉..秘製豬排骨同埋新麻浦牛護心肉。我幾中意個排骨..咬落去好淋..肉質幾好。反而個牛護心我就覺得普通。仲有幾個我最愛既海鮮泡菜煎餅。完全係大愛。海鮮嫩豆腐鍋都一樣好出色..又唔太辣..啱哂我呀！除此之外..飲品都有幾多選擇，有部份仲可以選擇有酒精或者係無酒精。…Read More

老老實實平時真係好少去吉野家..尤其是下午時段。仲記得通常去吉野家都係夜晚想食個快飯就會去叫過牛肉飯啦，又或者夜麻麻又想打邊爐又得一個或者兩個人，就最啱去吉野家食佢嗰啲一人火鍋喇！其實吉野家嘅牛肉飯出名就唔使講啦，今日想食個下午茶嘅時候發現原來佢都有其他野食，竟然係出前一丁..我都唔知其實係新嘢丫..定還是我真係太耐冇食吉野家呢？！我就係叫咗呢個撈丁，仲有泡菜食，另外我仲加左＄9要咗兩條雞肉腸。其實又唔錯喎，佢有少少辣嘅..不過我相信唔食得辣嘅人都接受到。係個出前一丁有少少硬，不過我對快餐嘅要求不嬲都唔高，幾廿蚊仲想點..今日試呢個新野都唔錯丫。…Read More