日軍魚魚's Profile

又去吃好o野了, “喜百合”之前吃過一次, 係公司請的. D 裝修好靚, 食物又唔錯. 今次吃第二次, 同樣覺得出色. 環境很舒服, 侍應又有禮貌, 我地叫了: 松鼠黃花魚 (好鬆化, 魚好鮮甜！)鮑汁菜遠山珍菌 (鮑汁好濃好香, 個人喜好鍾意食菇, 已經加到爆分！)蘿蔔絲酥 (出面好香口, 入邊蘿蔔很冧, 配合得好好, 熱lala, 正！)小籠包 (好juicy, 唔小心整穿o左, 裡面仲有好多汁！)四川成都擔擔麵 (雖然叫了小辣, 但都勁辣, 呢個係美中不足的！)MEGABOX查實夜晚靜靜地都幾好, 呢餐食o左$350, 兩個人飽到抱住個肚走！…Read More

新城市三期o既”甘味讚岐烏冬”. 之前我上網睇過一致好評, 就e-mail介紹d朋友仔去試下. 朋友睇完我e-mail, 果然去o左試, 仲要已經吃o左三次, 事關佢話d烏冬真係好好味. 反而我自己就未試過.一坐低朋友就推介鐵板牛柳蕃茄湯烏冬, 我就order我必吃o既冷烏冬, 食湯烏冬就食得多, 但唔係間間都識整同整得好冷烏冬呢味o野, 分出麵質真假好味就一定要吃 “冷”. 叫o左個豬軟骨湯烏冬.跟住我地仲叫o左碟咖喱薯餅, 豬軟骨餃子棒, 加料叫多個自選烏冬(加大版)加茄子天婦羅南瓜天婦羅, 認真好胃口. 鐵板牛柳蕃茄湯烏冬, d湯好濃, 牛柳粒好嫩, 好味到成碗湯都飲晒. 豬軟骨好 “淋”同好入味, 而每一款烏冬(無論熱同涷)都好滑好彈牙. 小食都好好味. 如果唔係趕時間, 俾我坐多陣, 我都想叫多碗吃！…Read More