sandrahmt's Profile

平時去九龍灣多數去酒樓或者高檔啲食肆,好難得先嚟倒呢間素食快餐店食.今日午飯時同爸媽路經此地,就介紹咗佢哋嚟呢間食.爸爸叫咗咖喱薯仔洋樂飯+有機豆漿咖啡($26).媽媽叫咗蕃茄磨菇意粉+豆漿奶茶($26)我唔係好餓,所以只叫咗沙律豆腐扖包($16).呢度啲飯用紅米加白米煮成,好健康.爸讚好好味,咖喱有濃烈o既椰汁香味,入面啲"肉"質感好似牛腩.竟然可以吸引倒食肉獸爸爸!媽說佢啲意粉好味,裏面有啲"肉粒"好得意.至於我o既沙律豆腐扖包,我叫服務員"走"沙律,佢話啲沙律唔用奶同蛋,叫我試試,真係細心!嘩,食落去出奇地同沙律醬一樣味道. 豆腐扖質地好似漢堡扖,正!呢間餐廳全部食物並無動物成份,包括牛奶,蛋,葱,蒜,非常正宗.賣相吸引,美味抵食o既一餐,一定會再去!…Read More

我留意咗呢間舖頭好耐,但一直都覺得好遠冇行去試.尋日午飯時間同媽咪行專程去搵. 眼見舖子細細,但張貼了幾張雜誌介紹同一張攞奬報導. 可能係好嘢嚟.隨即買了一個細法包($21)跟媽咪share.包質地太硬. 入面啲饀就酸酸哋好醒胃,內有紅蘿蔔絲,青瓜絲,車厘茄,扎肉同類似元蹄o既肥肉.味道都可以,但係要去到咁遠,又係外賣,價錢唔抵.…Read More

每次行過見倒呢間餐廳門面都幾懷舊,今次有機會一試.望見餐牌,有晚餐,特餐,鐵板餐...價錢由$42-6x不等,都唔係特別平啫..由於我同朋友都唔係食肉獸,所以淨係叫咗晚餐.我o既係蕃茄龍脷柳扖飯($44),朋友叫咗茄汁蝦球意粉($44).晚餐包括羅宋湯,牛油多士同冷熱飲. 羅宋湯有濃烈蕃茄味,但沒有牛肉味.差了一點 牛油多士新鮮烘出,好味道 我o既飯啲蕃茄好新鮮,但係啲汁鹹咗啲. 魚柳一般, 朋友o既蝦球都係一般咋餐飲就ok 啦.見其他枱食緊鐵板牛柳絲炒麵同扖餐,好似好好火喉. 下次有機會可以試吓.…Read More

喺旺角試完Our Restaurant o既中東菜之後, 我哋去咗發記食甜品.飽飽哋,我哋兩個就嗌咗兩杯菓汁奶(木瓜奶($20)同哈蜜瓜奶($20)).再加個芒果糯米糍.兩杯奶都係走甜,但係兩杯質地都好"杰",應該冇乜加水. 唔加糖都好味.講番芒果糯米糍($33),真係好好味. 糯米皮軟熟,椰絲香,芒果甜.食到笑晒口...…Read More

我呢個香港駐澳門勞工今日偷懶唔返地盤,就約朋友一齊搵呢間有售傳聞中澳門第一o既豬扖包...劉記美食去食早餐.呢間舖係座落於一羣鐵皮屋內o既大排檔,都幾難搵,九點鐘倒嚟到,見倒好多人已經喺入面食緊早餐.我哋嗌咗豬扖包($11),咖喱雞絲撈麵($13),凍鴦($8.5),同新出o既凍胚芽好立克($11).豬扖包塊豬扖好鬆軟,醃得好入味.豬仔包索咗豬扖啲油,十分match.咖喱雞絲,啲咖喱好香,辣辣哋,味道好似街邊檔咖喱魚蛋啲汁咁.食落有啲爽爽哋o既嘢,口味好清新....咩嚟呢?望一望隔雜廚房有一籮沙葛. 哦....原來係佢.撈麵底啲豉油甜甜哋,仲有幾條菜,好少餐廳啲麵有菜...頓覺好幸福呀.嘢飲就差唔多啦...第一次飲胚芽好立克...幾得意.…Read More

同媽媽嚟到搵食,咁鬼熱仲見倒有人坐舖頭外面啲位.我哋梗係坐入面有冷氣啲位啦.坐低周圍望吓人哋食啲乜,有早餐麵(即係餐蛋麵,五香肉丁,回鍋肉...),有人食緊多士三文治.再看看餐牌,嗯...好簡單o既餐牌. 但係最緊要係好味.我哋食咗Openrice推介o既蛋牛治($10)同奶醬麥多($6)+一杯凍檸蜜($10)同凍杏霜($10).個人覺得三文治細細份,但係啲饀絕不油膩,好乾身.奶醬麥多就係想像倒o既味道. 唯一特別係佢哋將黃色o既提子包話係麥包喎...??轉"麥包"+烘底都唔使加錢...抵食.值得一試!…Read More

睇倒好評如潮,就好想過嚟試吓係咪咁"堅".今日係入夏以嚟最酷熱o既一日. 今日唔使返工所以自己一個嚟搵食.上山過咗蘭芳園,向住卑利街方向行,經過泰昌餅家,PCC,望吓望吓,咦....原來喺對面馬路咋!即刻入嚟坐低,入面冇客人. 但係唔夠十分鐘,又有約十個客人跟住入嚟幫襯.我先叫了一份蔗汁糕($10). 食食吓,見其他客人都叫蔗汁,難得嚟香港區我又叫埋一份($7).蔗汁糕,同蔗汁好清甜不"溜". 蔗汁糕好彈牙,好得意!…Read More

This time, come to dinner with 7 fds. We ordered a lot of dishes.Firstly, each enjoyed the soup of the day: Lentil,Tomato and Spinach Soup served with Garlic Bread => Very delicious, not salty.Two dishes of Salad: Mediterranean Spahetti Salad, Goat Cheese SaladTofu Burger, Juicy Bean Burger, Pizza, Platter Balls, Two dishes of Veggie Chicken Nuggets -> All are delicious, the meat are substituted by bean paste with good taste.We also ordered the Shake: Sunshine,Bookworm and Gaia Shake =>freshly blended. …Read More

尋晚同朋友於soho區搵食,佢介紹呢間幾好味o既餐廳.餐廳唔算大,我想只得十幾廿張枱. 入面只有柔和o既光線和燭光,好有情調.見到幾枱嚟聚會或慶祝生日o既年青男女. 我們坐在旁邊比較嘈吵.餐牌選擇不多,得個四種類Appetizer,Soup, Main Dish,Dessert.每種幾款.主菜價錢約$158-168.如果選擇三道菜($218)或四道菜($238)會比散叫抵好多.由於我哋係女士所以叫三道菜都夠晒飽.我叫咗蟹籽蝦肉濃湯,紅酒燴羊膝,同blueberry Soufflé, 朋友叫咗洋葱湯,牛眼扖同ginger Soufflé.特別推介餐前送o既法包,真係外脆內軟.好好味.湯夠濃味,肉類很腍,甜品好味又不太甜.呢度o既食物色,香,味俱全.…Read More

見到openrice 咁多好評,就即刻攜同爸媽嚟呢間試吓有幾好味啦.星期一(7/7/2008)晚七點半到,見倒得兩三枱客人,心諗好似入咗黑店.唔理喇,我估openrice 唔呃人掛.初初以為上海蘇杭菜會好油膩,但係我哋嗌咗啲餸都幾清淡喎.1.筍乾萬年青 ($48) - 冷盤,菜o既味道好新鮮.2.燻魚 ($65) - 唯一味濃o既餸,有少許骨,但好味道.3.生煎包 ($36/4隻) - 皮脆可口,饀多汁美味,但9蚊細細隻就覺得唔係好抵.4.薺菜肉絲炒年糕 ($60) - 細碟,但不油膩.味道ok.5.三鮮魚圓 ($98) - 最特別o既餸,魚圓打到好似棉花一樣,大力啲"畢"都爛. 魚味濃郁.$10/位茶芥Total = $371…Read More

放工搭船由澳門返香港,約咗老爹老娘食晚飯. 之後又要返過澳門,所以就定咗喺上環食飯.上嚟openrice 搵吓有冇啲中式菜.就搵咗呢間食飯.我哋三個叫咗一份鹵水拼盤($60),中size蠔仔肉碎粥($45),玉蘭炒飯($30)同雜菜煲($38).再叫10蚊3枝仔blue ice 啤酒.啲餸要等咗廿分鐘先有,叫人跟跟,四眼阿叔待應,佢話:大排檔係咁o架喇!鹵水拼盤有鵝腸,腩肉,豬肚,雞蛋半隻,墨魚,鵝肉,豆腐,紅腸每樣少少,味道幾好,但係得三四舊鵝肉,下次再嚟一定要叫淨鵝肉.蠔仔肉碎粥好好味,有大地魚,菜普同紫菜做配料. 個人覺得肉碎o既肥肉多咗啲.雜菜煲出奇地有墨魚同蝦仁,但係油咗啲玉蘭炒飯係用芥蘭,菜普,肉碎同蛋炒,抵食夾好味.…Read More

每次我由澳門返嚟香港放假,都要去星巴克搵新出o既綠茶豆腐芝士餅.搵咗旺角,上環,尖沙咀都搵唔倒. 最終竟然喺呢間咁細o,仲係喺商場open area o既舖搵倒.咁一定要即刻試啦.嘿....嚟個綠茶套餐先.細green tea latte ($25) + green tea tofu cheesecake ($27).Green Tea Tofu Cheesecake 味道冇想像中o既味道,因為冇咗豆腐味.開頭分層食,芝士味香濃,綠茶層反而覺得味道怪怪哋.之後試吓兩層一齊食就好味好多喇.Green Tea Latte 不嬲都係my "飛弗". 所以佢扯高咗我俾o既分數.…Read More

三五知己星期日(1/6/2008)下晝兩點九專登走去排隊.就係為咗食呢個tea buffet.呢度好多有cake 食,Blueberry Cheesecake,Mango Cheesecake Cake, Chocolate cake, butter cake, Chestnut Cake, puff etc. 仲有生果盤同一啲好"的骰"o既三文治.餐前一杯果汁,餐後一杯咖啡/奶茶.呢度環境高級且寧靜,服務一流.但係食物款式唔多.每人$185唔係好抵.…Read More

終於有機會去我老細推介o既日本吉列專門店,啱啱好,我同兩個姊妹三個人嚟order 三人餐作我哋o既晚餐. 有三隻蝦,三隻生蠔,豬柳同豬扖. 我哋加$28將個麵豉湯轉做菜肉湯,好濃豬骨味,裏面有菜,蒟蒻同豆腐.服務員好細心介紹唔同o既肉最好點什麼汁嚟點.最特別係要自己磨芝麻.吉列食品唔油膩唔熱氣.吉列蠔同蝦好新鮮,好爽口.豬扖同豬柳都有同汁好腍.飯同椰菜絲係任食o既.椰菜絲可以紫菜汁和柚子汁撈嚟食. 個人覺得撈飯都好好味…Read More

心癢癢,四月四日清明節唔使拜山,就同好姊妹再嚟南丫島食呢間舖.又叫咗Fruit Salad with Yoghurt($65).今次試Bean Burger($65)加件Mixed fruit & Nuts cake($20).飲品叫咗兩杯juice...只記得好似係Giai Juice($37) 同Grace Juice($37).沙律有木瓜,香蕉,雪梨,腰果撈乳酪,依然好新鮮同健康.豆蓉漢堡啲豆蓉好香口惹味,伴碟薯條好新鮮.兩杯juice好"杰"唔記得有乜嘢汁喺入面,但係食倒有dates. 好好味.件cake 好多果乾同nuts,味道都ok. 但我哋覺得cheesecake比較好味.…Read More