eatwithyannick's Profile

┈┈┈┈┈┈┈┈┈┈┈┈┈┈┈┈┈┈┈┈今晚想簡簡單單又一餐, 路過南記發現好耐都冇食過, 決定就入去回味下. 當年南記只係係港島有分店時期有時我都會專登入港島食下佢既春卷,仲好記得大約8/9年前係旺角開設分店時果種興奮, 當年非常中意橙色既辣椒醬. 我都算食得辣, 但都敵唔過呢個辣椒醬, 香得黎真係好辣. 由當年小店發展到依家各式各樣既食品, 好耐冇食過南記既我唔想諗決定揀❰A 牛魔王小窩蕃茄米線 ❱, 配有肥牛 牛丸 牛腩, 另跟餐揀可樂.❰牛魔王小窩蕃茄米線❱幾舊牛腩, 三粒牛丸, 幾條肥牛,幾舊切半既蕃茄,份量都對得起牛魔王呢個稱號. 湯底係蕃茄mix牛汁, 牛汁較為突出; 牛腩較柴亦較韌, 牙力不佳既我只好放棄; 牛丸及肥牛都屬大路質素, 牛丸濃郁亦算彈牙, 肥牛則牛味欠奉. 整體而言就係簡簡單單既一餐, 惜已失去當年的期待. 題外話枱面上已經失去橙色辣椒醬既蹤影, 不禁令人婉惜. 希望春卷依然保留當年既味道令人留戀.┈┈┈┈┈┈┈┈┈┈┈┈┈┈┈┈┈┈┈┈南記粉麵❰牛魔王小窩蕃茄米線 ❱ $64┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤好味: ①②③④⑤回頭: ┈┈┈┈┈┈┈┈┈┈┈┈┈┈┈┈┈┈┈┈📍地址: 旺角西洋菜南街138號福苑1樓用餐時段: 晚餐用餐方式: 堂食┈┈┈┈┈┈┈┈┈┈┈┈┈┈┈┈┈┈┈┈…Read More

┈┈┈┈┈┈┈┈┈┈┈┈┈┈┈┈┈┈┈┈牛坑腩香濃有肉味, 肥瘦均稱完全唔韌, 配上淡淡既腩汁湯, 份量足夠普遍女仔. 估唔到$37有高水準既牛腩米, 果然係其貌不揚.┈┈┈┈┈┈┈┈┈┈┈┈┈┈┈┈┈┈┈┈金利茶餐廳❰原汁牛腩米❱ $37┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧⑨好味: ①②③④⑤⑥⑦⑧回頭: ✓┈┈┈┈┈┈┈┈┈┈┈┈┈┈┈┈┈┈┈┈地址: 新蒲崗康強街用餐時段: 午餐用餐方便: 外賣┈┈┈┈┈┈┈┈┈┈┈┈┈┈┈┈┈┈┈┈…Read More

┈┈┈┈┈┈┈┈┈┈┈┈┈┈┈┈┈┈┈┈❰星洲炒蘿蔔糕❱蘿蔔糕切成細細粒,加上蔥花 蛋 蝦 菜脯炒埋一碟, 雖然唔算乾身但食落唔會一pat pat亦唔粉,火喉十足,加上辣辣地,非常濃郁惹味.❰海南雞飯❱雞滑惜份量不算太多, 有淡淡既雞香味; 油飯為淺醬油色, 睇外表已經滿意, 我曾經試過其他舖頭既海南雞飯, 配上既油飯多為白飯油飯混搭, 令我太為失望. 講返呢個油飯先, 淡淡既油香味又不會太油膩,恰到好處. 淡淡奶白雞湯頗為暖胃, 內有椰菜絲中和微量雞油. 醬油(老抽?)唔死咸唔會搶味; 薑茸尚算溫和但不失薑味; 蒜蓉辣椒醬微辣. 題外話見到格離枱會食埋海南雞下面既椰菜絲令我少驚訝, 請問有冇人會食埋椰菜絲🤣❰辣牛筋通菜煲❱以往都係食開馬拉盞通菜, 今次試下辣牛筋通菜煲. 老闆非常大方, 牛筋有10+粒,食極都仲有. 配上濃郁既牛汁湯底, 滿滿既骨膠原令牛筋入口非常黏口而充滿牛味. 通菜頓時淪為配菜, 就係牛汁味通菜.優惠:lunch去食飲品除左椰青外都有半價┈┈┈┈┈┈┈┈┈┈┈┈┈┈┈┈┈┈┈┈好時沙嗲 Good Satay❰星洲炒蘿蔔糕❱ $65❰海南雞飯❱ $60❰辣牛筋通菜煲❱ $70┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧好味: ①②③④⑤⑥➆➇➈回頭: ✓┈┈┈┈┈┈┈┈┈┈┈┈┈┈┈┈┈┈┈┈📍地址: 尖沙咀麼地道63號好時中心1樓148室用餐時段: 午餐用餐方式: 堂食┈┈┈┈┈┈┈┈┈┈┈┈┈┈┈┈┈┈┈┈…Read More

┈┈┈┈┈┈┈┈┈┈┈┈┈┈┈┈┈┈┈┈重口味人士表示去過新川食過幾次, 今次就叫左❰8.秘製醬汁撈拉麵.麻中辣❱,另外加2隻❰酥脆炸雞翼❱. 每碗均配有炸醬芽菜花生蔥花芫荽及秘製醬料, 作為炸醬愛好者, 毫不猶豫加多份炸醬及五花腩肉片.❰秘製醬汁撈拉麵 麻中辣 配炸醬五花腩肉片❱店主非常大方, 毫不客氣落足配料. 滿滿的配料鋪滿係拉麵之上, 幾乎見唔到拉麵既蹤影. 隱藏係各式各樣配料之中既仲有辣椒醬料. 我試過小辣同中辣, 辣椒醬料既份量可謂差天共地. 除左將辣椒醬料撈入拉麵外, 加倍份量既炸醬令到每一啖都可以啖啖肉. 炸醬屬於乾身非濕潤tpye, 咬落有肉粒感但唔韌, 調味偏咸, 唔建議獨立品嚐. 五花腩肉片亦同屬乾身, 腩肉既脂肪令其乾身得黎又唔韌, 食落亦唔多油膩. 辣椒醬料既麻味突出辣味緊隨其後, 愛好麻辣人士必試. 拉麵軟硬適中有咬口, 非常高質. 份量絕對足夠普遍男人.❰酥脆炸雞翼 2隻 ❱酥脆炸雞翼有原味及辣味選擇, 辣味實為原味雞翼外加上辣椒粉, 而原味較為岩我口味. 即叫即炸既雞翼上枱時出緊熱. 攤凍左一陣再食都冇影響到本身脆卜卜既外皮, 內面竟然有肉汁. 外脆內軟既炸雞翼 令人慾罷不能. 雖然係原味, 但雞翼已簡單調味, 重口味人士認為接受, 友人則認為頗咸.┈┈┈┈┈┈┈┈┈┈┈┈┈┈┈┈┈┈┈┈新川美食❰秘製醬汁撈拉麵 麻中辣 配炸醬五花腩肉片❱$47❰酥脆炸雞翼 2隻 ❱ $14┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧➈好味: ①②③④⑤⑥➆➇➈回頭: ✓┈┈┈┈┈┈┈┈┈┈┈┈┈┈┈┈┈┈┈┈📍地址: 太子砵蘭街414號用餐時段: 午餐用餐方式: 堂食┈┈┈┈┈┈┈┈┈┈┈┈┈┈┈┈┈┈┈┈…Read More

┈┈┈┈┈┈┈┈┈┈┈┈┈┈┈┈┈┈┈┈食肉獸表示想食多幾款肉又想平平地食個lunch, 所以揀左7號有豬牛雞,仲有芝士年糕, 套餐跟白飯, 湯, 沙律同飯素白飯. 餐廳另外送50g牛五花.150g既牛五花,豬頸肉,嫩雞肉各有3塊. 牛五花肉質軟嫩, 帶有一定既油脂, 輕易咁係嘴中溶化; 嫩雞肉燒成一層金黃色酥脆既皮, 外脆內軟令人唇齒留香; 豬頸肉爽口容易咀嚼.芝士年糕燒至金黃色, 芝士既溶化令整個年糕更加滑順,煙煙韌韌加上濃郁既芝士, 為整體口感添上層次感.┈┈┈┈┈┈┈┈┈┈┈┈┈┈┈┈┈┈┈┈一韓燒❰07 牛五花 拼 豬頸肉 拼 嫩雞肉 拼 芝士年糕❱ $68┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦好味: ①②③④⑤⑥回頭: ✓┈┈┈┈┈┈┈┈┈┈┈┈┈┈┈┈┈┈┈┈📍地址: 新蒲崗太子道東638號 mikiki 1樓 103A舖用餐時段: 午餐用餐方式: 堂食┈┈┈┈┈┈┈┈┈┈┈┈┈┈┈┈┈┈┈┈…Read More

┈┈┈┈┈┈┈┈┈┈┈┈┈┈┈┈┈┈┈┈❰特色雪糕配小丸子系列 芒果仙草小丸子配椰子雪糕❱幾粒甜既芒果, 配上芒果汁, 加埋煙煙韌韌既小丸子已經好滿足, 誰不知濃厚椰子雪糕更為個甜品錦上添花, 令人回想起越南既椰子雪糕既甜品. 出色出色.❰香滑芝麻糊 加配 芝麻湯丸(兩粒)❱芝麻糊夠濃唔淡亦唔水, 每啖有濃濃既芝麻香味. 另外加配既芝麻湯丸都有好濃郁既芝麻香, 皮薄饀靚, 食落唔甜.┈┈┈┈┈┈┈┈┈┈┈┈┈┈┈┈┈┈┈┈地茂館甜品❰特色雪糕配小丸子系列 芒果仙草小丸子配椰子雪糕❱ $39❰香滑芝麻糊 加配 芝麻湯丸(兩粒)❱ $34┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧➈好味: ①②③④⑤⑥➆➇➈回頭: ✓┈┈┈┈┈┈┈┈┈┈┈┈┈┈┈┈┈┈┈┈📍地址: 九龍城福佬村道47號用餐時段: 飯後甜品用餐方式: 堂食┈┈┈┈┈┈┈┈┈┈┈┈┈┈┈┈┈┈┈┈…Read More

┈┈┈┈┈┈┈┈┈┈┈┈┈┈┈┈┈┈┈┈乳酪雪糕非常出色, 厚身既雪糕唔會好水汪汪, 濃厚既乳酪味雪糕配上自選既配料相得益彰, 可惜小丸子入面頗粉, 估計係製造小丸子時未過篩.荔枝椰果, 乳酪味爆爆珠都係普遍坊間食到既味道.整體而言呢個價錢呢個質素非常高, 值得一試.┈┈┈┈┈┈┈┈┈┈┈┈┈┈┈┈┈┈┈┈IKEA TST❰乳酪隨心配 荔枝椰果 小丸子 乳酪味爆爆珠 焦糖醬❱ $25┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧⑨⑩好味: ①②③④⑤⑥⑦⑧⑨回頭: ✓┈┈┈┈┈┈┈┈┈┈┈┈┈┈┈┈┈┈┈┈地址: 尖沙咀 K11 購物藝術館用餐時段: 下午荼用餐方便: 外賣┈┈┈┈┈┈┈┈┈┈┈┈┈┈┈┈┈┈┈┈…Read More

┈┈┈┈┈┈┈┈┈┈┈┈┈┈┈┈┈┈┈┈三文魚魚生飯 走沙律菜三文魚已解凍處理, 口感ok但三文魚味欠奉, 只好配上wasabi豉油作調味.Wasabi頗辣會攻鼻,日式豉偏濃而不搶味, 為三文魚加上味道.醋飯為微暖珍珠米, 有淡淡既醋味食落好吸引.為抵食性價比高既一餐┈┈┈┈┈┈┈┈┈┈┈┈┈┈┈┈┈┈┈┈和味日本料理❰三文魚魚生飯❱ $52┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧好味: ①②③④⑤⑥回頭: ✓┈┈┈┈┈┈┈┈┈┈┈┈┈┈┈┈┈┈┈┈地址: 新蒲崗康強街用餐時段: 午餐用餐方式: 外賣┈┈┈┈┈┈┈┈┈┈┈┈┈┈┈┈┈┈┈┈…Read More

星期六晚難得獨自一人晚餐,米線癮起即刻去紅墈新川食米線但可惜冇開. 身處紅墈既我又好想食米線, 本來打算去土瓜灣食雞球米但又真係太遠, 心思思諗緊好唔好搭車去之際又突然醒起有間貴緣小鍋米線, 見google map係可步行範圍就決定你啦!雖然現場都幾full, 不過得自己一個所以可以直入. 叫左個❰酸辣小鍋米線配秘製腩肉冬菇王 , 中辣❱. 等左差唔多30分鐘終於有得食, 一上菜雖然見到色水偏淺, 但都試左啖湯, 果然唔多辣而酸味突出, 應該比錯辣度我.同職員反映返佢就拎左碗麵入廚房處理然後好快又上菜, 色水果然深左. 湯底的確係辣左亦冇咁酸, 但其實都唔算好辣. (本人食得辣). 碗麵有三舊好厚肉好大舊既冬菇王,食落的確同想像中一樣厚肉又唔軟癩癩又滿菇味, 呢款乾菇浸出黎好好味. 另外, 因為係一片片薄既腩肉, 食落唔會柴但又唔會成口肥膏, 算係中規中矩. ┈┈┈┈┈┈┈┈┈┈┈┈┈┈┈┈┈┈┈┈┈┈貴緣小鍋米線 Gui Yuan Siu Work Mixian❰酸辣小鍋米線配秘製腩肉冬菇王 , 中辣❱ $50性價比: ①②③④⑤⑥⑦好味: ①②③④⑤⑥⑦回頭: ✓┈┈┈┈┈┈┈┈┈┈┈┈┈┈┈┈┈┈┈┈┈┈…Read More