Yen Lau's Profile

因係屋企附近， 所以都會經常幫襯。 飲品其實唔差， 但態度就真係差喇！ 特別有位女士。 每次態度都唔好。 問多句都要黑面。 本身叫熱飲。 當一睇張單見到冇入熱飲， 我即時出聲。 但收錢小姐講個位女士已沖緊。 我強調我唔飲得凍， 當時女士繼續沖好似冇諗住要沖過杯。 我都唔想浪費， 咁我都建議不如走冰算啦！點知仲要比人黑面講「你下次要熱講呀嘛！」其實我有講， 可能而家戴住口罩， 聽得唔清楚。 但可以大家搵方法去解決。 並唔係完全唔了解件事就黑面。 仲要埋怨客人。點解唔諗下係咪自己聽唔到呢？講返杯嘢飲。 有茶味， 唔會係奶水感覺。 珍珠口感適中。 …Read More

今日係咁係OpenRice 搵， 搵下搵下就見到呢間。 今日去到唔洗等位， 地方都乾淨。 服務一般，冇咩特別。 先叫3個菜式試下。 諗住之後先補叫其他同甜品。 但食完都唔想再叫喇！ 海南雞飯： 雞較韌不滑身， 沒有雞味。 飯偏硬亦沒有油飯香味。 蝦餅： 唔知係咪隻碟太大， 定件蝦餅真係太細。 加埋個擺盤， 碟蝦餅嚟到大家都呆一呆。 味道一般， 質感比普遍嘅係較實身。但$56就真係……肉骨茶： 味道係偏清淡同甜， 唔係濃味個隻。 舊肉就唔入味喇！ 總括都…..可以嘅………Read More

甚少到愉景新城， 行到去呢間餐廳，入去前打開個Menu研究下，見到都有好多菜式選擇， 咁啱仲要有優惠時段。 好啦！ 就試下呢間啦！我哋兩大一細， 叫咗個刺身飯套餐（三文魚腩、赤海蝦，芥辣章魚）、8件壽司拼烏冬餐、兒童餐麵包超人便當。刺身好新鮮，隻蝦好大隻👍🏼 飯嘅軟硬度適中。 套餐仲有前菜、茶碗蒸、甜品、一大杯飲品。價錢相當合理。小朋友食嘅麵包超人便當好開心， 有炸蝦、蟹子飯、玉子燒、粟米、烏冬、啫喱糖、益力多....（唔記得影相😅）侍應細心，對小朋友都好有愛心。…Read More

點心好可愛，適合影相打卡用。以呢個價錢計，點心份量太細碟。仲要味道係唔好食，個包好厚皮，好睇唔好食。蝦餃皮厚清淡的擔擔麵安格牛炒飯，較為好食，但真係細碟。茶水唔夠熱，唔知點解沖茶嘅熱水係唔滾嘅！ 完全做唔到水滾茶靚。6個人食咗$800， 仲要唔飽肚，之後仲轉場去其他地方再食過。服務唔合格，係門口驟眼見到有廣告牌寫某信用卡有9折，諗住再問下個侍應，點知佢答我唔清楚。起身離開時，仲比我哋發現有隻蟑螂仔係牆上爬。…Read More

已經第三次光顧， 每一碟餸菜都穩定水準 香椿拌豆腐（凍嘅！ 味道帶出胃口）素鵝（一般）京城豬皮凍（好味， 有d似上海菜嘅餚肉）北京填鴨（半隻，但份量感覺偏少，沒有鴨香味）京燒排骨架（帶甜味，不濃味， 排骨炆到好腍）胡同炸脆雞（好香，味道似炸子雞）小籠包 （一般）京東肉餅（味道似鍋貼，好香口，好味）鍋貼（一般）水餃 （好味）蔥油餅（唔夠香，較乾身）擔擔麵（一般）慈禧牛肉手擀麵（味道清淡，麵質較硬）拔絲蘋果 （蘋果較腍，味道可以已）高力豆沙 （好味）…Read More

剛開店就已經光顧，最初食物質素非常高，價錢合理。 開咗唔夠一年後就已經保持唔到個水準。 今日重回舊地，突然想食個叉鴨飯，直情變晒呀！ 食物：😩飯可以未熟透，中間仲係生嘅！ 叉燒好乾身，都幾硬身。鴨肉較老。蜂蜜綠茶，尚算正常。服務：😡一心想食燒味飯，坐都未坐好就問飲咩茶，我話我唔飲茶喇！ 我叫燒味飯。但.....待應：「唔飲茶都要收你茶錢架！咁你要唔要呀？」（咁我咪話好啦！要香片啦）.......食食下望下個餐牌先發覺原來燒味飯有得送飲品，咁我叫咗個後生d嘅待應....我問：「個餐係咪有嘢飲送？」待應：「咁你係咪要呀？」....？？？點解可以咁差嘅語氣同態度呢？ *仲要呢位後生待應由我坐低開始一直企正我旁邊睇住部電視，個感覺好奇怪，睇還睇可唔可以唔好企係客人旁邊睇呢？收茶費感覺好強迫人啊！ 因為間餐廳除咗點心外，仲有其他燒味餐，小炒，粉麵。 我自己快食個燒味飯，係都要人開壺茶， 個餐仲要送杯嘢飲，點飲呀？…Read More

就咁睇相好吸引，仲期待晚餐嘅來臨。1）板燒芝士菜盤 - 個鐵板好細，每次只能燒3件， 仲要棵菜都厚，但鐵板又細，真係燒到燶都未食得。 而火只能維持10分鐘左右，換第二次火已經冇心機燒。 而配嘅芝士係冇香濃芝士味。2）羽衣甘藍煎餅 - 冇味嘅😓3）柚子蜜炸韓蔘 - 都有少少蔘味，但炸得唔夠脆，配嘅柚子蜜好杰。4）韓國水梨卷 - 冇味5）烤牛肉 - 好碎，完全唔係一塊塊。係碎濕濕。6）素紫菜飯 - 較為好少少7）嘢飲唔記得全名.....紅醋（2人）， 即沖飲品嘅味道，加了較多水比較淡。服務： 差，帶位不停睇電話，侍應目無表情。另外我哋有張BB櫈，當時朋友帶小朋友離開餐廳一陣，但有位侍應好細聲自言自語講‘e....點解有張BB櫈係到架’ ，但又冇問我哋要唔要就攞走咗。 我哋見差唔多食完就冇特別出聲。…Read More

香蕉糕完全唔似一般傳統香蕉糕，味道太濃香蕉香油味，質感不是平時食開嘅香蕉糕質感，唔識形容。 一咬落去，唔知點解令我諗起新年食嘅史蜜夫蜜瓜軟糖。鳳凰卷味道一般，內用料少。今日預到個售貨員服務好好，都會主動介紹其他食品給我，同有禮貌。…Read More

有一次叫咗碗口爽爽，冇加芒果汁，一食就愛上咗。第二次再叫，今次有加芒果汁，但有芒果汁反而味道有點兒混亂，應覺怪怪的。第三次食，冇加芒果汁，味道很淡。第四次食，冇加芒果汁，似返第一次食嘅味道。係足料但味道好唔穩定啊！今次仲叫咗碗咋喳， 係足料嘅！冬天食熱糖水外賣，外賣嘅發泡膠盒受熱，令糖水有陣發泡膠味，希望會改善下發泡膠盒嘅問題。服務方面，其中一位唔係太好，明白做街坊生意，可唔可以有返d好態度呢？我同佢講唔要芒果汁，要花奶，而另一碗咋喳就走花奶，佢自己又唔留心聽，最後問咗我3次，之後係另一位員工返嚟幫我整，呢位聽1次就明，頭先個位仲要黑我面，好簡單一碗唔要芒果汁要花奶，一碗淨係走花奶，點解唔留心聽客人講嘢，仲要黑我面呢？…Read More

之前都一直有光顧，但最近2次食，發覺意粉質素下降，咬落完全冇彈性，口感好奇怪。 塊豬柳就係一般凍肉鋪可以買到嘅，冇咩特別。 味道是可以的，芝士都好濃。希望能改善意粉呢個問題。 …Read More

枱好迫，好嘈，感覺好似去咗大排擋咁，待應人手不足，叫極都冇人理。 茶壺放咗好耐冇水，想叫待應沖水都難。食物質素較差，唔好味，感覺到係零誠意.......真係總括咁多唔好嘅地方，真係食龍肉都冇味。叫咗個滑豆腐，薄到’北‘唔起，同一’北‘就散。問待應有冇炒飯或者麵類，竟然回答係’餐牌冇寫嘅，你想要咩炒飯呀？講啦！’.......咁大間餐廳係九龍塘嘅商場入面，咁嘅回應，簡直係令我呆一呆呀！原本想叫甜品食，但食完餸菜後，都唔想再試甜品喇！ …Read More

先講食物質素先： 胡麻豆腐沙律： 豆腐好香，菜新鮮。黑蒜帶子意大利飯： 擺設好靚， 但味道好甜有啲奇怪， 而飯嘅口感適中。野菌黑松露意粉： 黑松露好香，好味。特濃巧克力茶壺： 味道一般，份量比相像中細，睇相以為起碼有手掌4份3大，點知真實只有掌心咁大。洋甘菊： 好香，好清。食物總括嚟講係好味嘅， 賣相都非常吸睛。環境非常舒適優雅，枱唔算多，唔迫嘅。 明白唔招待12歲以下嘅小童原因。但要照顧小朋友嘅食客們，想幫襯就比較困難。…Read More

首先講咗食物質素先，味道大致上都好普通，份量都比較細碟，如果味道普通，份量細碟，咁呢個價錢真係比較貴咗啲喇。招牌西班牙海鮮飯：上網睇到d相以為好大碟，幻想以為同一般西班牙飯咁大碟，點知嚟到只可以講係一人份量，海鮮唔夠新鮮，味道唔算濃郁，飯偏硬。魷魚墨汁香蒜番茄意粉：味道香濃好味，但份量都係較少。脆炸雞肉火腿忌廉球： 炸得剛剛好夠脆，有驚喜，好味。西班牙式烤乳豬伴焗馬鈴薯： 隻乳豬皮唔夠脆，冇味嘅。香炸西班牙青椒： 熱騰騰食時好香口，但放耐咗之後再食就變成好苦澀。烤時令蔬菜： 蒜頭燒得好香好好味，茄子同蘆筍就唔係燒得太好。蘋果撻伴香草雪糕： 個餅底做得好好，好香好脆。*講完食物，就講環境喇！ 原本食物就叫做不過不失， 但當配埋餐廳嘅環境就扣晒分喇！餐廳樓底已經唔高，但枱嘅擺位就非常之迫，簡直係用盡所有嘅空間，當坐滿食客嘅時候真係非常嘈，嘈到冇心機用餐，枱與枱之間連行一個人都差唔多行唔到，仲要當日有張大枱飲酒，飲到好興奮，真係好嘈，嘈到頭痛。 不如改成做酒吧仲好啦⋯⋯…Read More

叫咗芥末雞腳根，招牌撈麵（$65），金絲煎蠔餅（$68），一碗蠔仔粥（$48）。食第一樣餸芥末雞腳根，雞腳根爽口，但芥末過多，只感受到配角芥末嘅‘拱’鼻，完全忘記咗主角雞腳根的爽。招牌撈麵好油呀⋯⋯金絲煎蠔餅，蠔餅味道一般，唔夠熱，冇鑊氣，唔香口，只係蠔夠肥美。蠔仔粥，蠔肥美，但有隻蠔味道怪怪的（唔知係咪變咗），粥冇蠔仔粥嘅香味。唔知係咪第一道菜食芥末先，餐飯食到一半就開始胃痛。 食完成餐飯後，我同朋友都超級口渴。味道同做法都感覺唔到有正宗潮洲菜嘅情懷（之前去西營盤食過潮洲人開同煮嘅大排擋就真係感受到咩叫做潮洲菜）。餐廳內有8成都係遊客多。…Read More

之前成日經過好想試下嚟食，但每次都係大掛長龍，今次就預早好多訂枱，終於有機會食到喇！打開餐牌，有好多菜式選擇，樣樣都想食，最後揀咗好耐，終於叫咗：油甘魚刺身（凍咗少少，但肉質都好鮮美）豚平関西燒 （味道好味，醬料適中）免治牛肉茶漬飯 （呢個就比較差喇！牛肉極少，味道十分淡，好似滾水撈白飯咁）炒雜菜（味道較淡，芽菜較多，冇咩得別）燒牛舌 （普通）麵醬燒鯖魚（超級好味，麵豉醬配鯖魚原來好好味，鯖魚燒得好香口）豆腐凍 （豆腐好滑好香）…Read More