phoenix_mak3's Profile

呢間隱藏喺街角嘅日式餐廳真係一個驚喜 今晚同朋友一齊去試，環境同食物都令我好滿意 餐廳門面用咗木質設計，門口嘅燈光同海報好吸引人 一入去就感受到濃厚嘅和風氣氛，木枱同日式裝飾好有心思 坐低即刻放鬆咗心情 😌餐牌選擇好多，從套餐同便當應有盡有，仲有自選選項，性價比高 無論你想點配搭都得，彈性非常高我哋今次點咗好多好食嘅菜式 超級人氣自選便當係一大亮點 便當有手羽先、刺身（三文魚、帶子、蝦）、風味螺、和風燒汁白飯同麵豉湯，份量十足，擺盤又靚 食落去新鮮又好味，特別係刺身同燒汁白飯嘅組合，令人回味 醬燒芝士三文魚壽司同脆爆吉列一口豬都好正 壽司嘅芝士同三文魚配搭好夾擺盤有心思，食落好味啲一口豚外脆內嫩，咬落去有滿足感 ，淡淡都係肉芝士醬好香濃，配埋一口豚真係食到停唔到口，芝士醬少少酸甜好開胃柚子蜜清新解膩，水準正常仲有福岡濃厚抹茶蛋糕做甜品 抹茶味濃郁，口感軟滑，真係完美收尾 餐廳服務員態度友善，落單同上菜速度都快 適合同朋友聚會或者一個人輕鬆食飯 如果鍾意日式料理，呢間餐廳真係值得一試 ，下次可能會試吓海鮮丼或者壽司拼盤，期待再有新驚喜 …Read More

今日旺角行街，天氣熱辣辣想食越南菜，酸酸辣辣開胃啲，見到呢間咁多人讚，應該無死，黎到門口見到餐廳坐左8成滿，即刻行入去，遲多幾分鐘仲要係門口等位先入得坐低即刻叫嘢食，餐牌選擇好多，款式好豐富咁多選擇唔知揀咩好，見到有個二人餐都幾抵食，即管試吓二人餐有主菜，有小食仲有得包特飲，仲要餐廳唔收加一，今時今日真係無幾多間會唔收，果然都係小店有良心我地要左個二人餐（$198），豬肉卷撈檬，扎肉湯粉，田園灼時蔬，安南鮮蝦紙米卷，仲有兩杯特飲另外再點一個香茅沙嗲串燒（雞肉）（ $68 ）超大份既豬肉卷撈檬一個人食完都飽到上心口，抵食到癲仲要豬肉卷外皮好香脆，入面肉質好juicy夏天都係要食撈檬先夠開胃札肉湯河，湯頭好香甜，河粉份量多到食唔晒，你個二人餐其實夠三個人食呢個生菜成個小山丘咁，多到咁真係好癲上面d炸蒜蓉好香好惹味鮮蝦紙米卷又係比平時食開嘅大份好多紙米卷爽口清新，配埋酸辣醬，真係幾飽都仲食得落香茅沙嗲串燒係令我最有驚喜，沙嗲醬超級香濃惹味，串燒燒到外皮好香脆，入面好Juicy ，配埋香濃嘅沙嗲醬，唔會有人可以抗拒到串燒份量唔敷衍，咬落啖啖肉，食得好開心最後再黎一杯椰果/芒果椰汁西米露，簡直係絕配，椰汁味好香，好欣賞佢呢啲特飲唔會好甜好甜，西米煮得好冧，配搭得好好，食完飯飲一杯就完美作結呢個價錢又抵又好食…Read More

今日去咗石硤尾南山邨睇下舊式建築物，第一次去呢區，覺得環境同市區完全唔同，建築物都係好舊式嘅風格呢區唔止食物吸引，環境同人情味都好特別見到呢間招牌炸髀，個樣好吸引就入去睇下有咩岩舖頭唔算好大，但舖頭入面乾乾淨淨，坐落都舒服自己QR code落單，食物選擇唔算多，但小店招牌係生炸髀，好食既話一款都夠我地叫左原條日式鰻魚飯，邪惡芝士薯條，沙律同招牌生炸髀舖頭雖然細，但上菜速度都算快，除左生炸髀係即炸要等耐d原條日式鰻魚飯，有啲驚喜，鰻魚烤得好冧，魚香味好濃，鰻魚醬唔會死甜，送飯一流，最驚喜係鰻魚嘅份量比想像中大，呢個價錢嚟講真係好抵食，平時出面餐廳$72都食唔到半條邪惡芝士薯條真係好邪惡，芝士醬好濃，配埋啱啱炸起嘅薯條，熱辣辣又惹味，食到停唔到，薯條份量真係好多，我哋兩個人都食唔晒招牌生炸大雞髀，真係冇令我失望，一上枱就香噴噴，聞到都已經流口水，仲要隻雞髀好大隻，超級厚肉，咬落啖啖肉，一路咬啲肉汁係咁流出嚟最犀利係佢唔使落好多炸粉，但係個皮都炸到好脆好香口點解可以炸到咁好食㗎？沙律入邊都有好多種生果，有蘋果，菠蘿，薯仔，蜜桃同青瓜份量好大份呀，一定要同朋友share分享嘢飲跟餐加$4 ，不過不失，一般嘅汽水都有齊呢個價錢同份量真心抵食平時過黎食個炸雞髀當下午茶都好滿足…Read More

今日係屋企唔想煮飯,搵下附近有咩新野未食過去食下，Plan左12月先去台灣，但已經好掛住台灣美食，咁就搵下有咩台灣餐廳頂住癮先，之前上社交平台見過有人講呢間D set 都抵食，上網睇過餐牌又真係唔貴，就即管去試下地點唔係好近鬧市區,但地鐵過黎都好方便，到左餐廳門口，門口擺左幾盆綠植，美化環境仲增添左生活氣息。呢種細節比人感受到店家用心，用心提供舒適、放鬆既用餐氛圍。門口放左各式菜單同海報，比路過的顧客一眼就知餐點內容。菜色睇起來豐富多樣，小吃到主食都有，呢期仲做緊9折，最後仲發現佢原來唔使加一，真係良心店餐廳唔係好大但座位好闊落，環境乾淨衛生我地見餐牌有全日餐，最平$68，仲有好多唔同小食都試到，於是就揀左兩個全日餐一個貢丸魚丸湯米粉，一個大大雞排滷肉飯(轉左淮山麵)再加一個滷肉青菜貢丸魚丸湯米粉 ($68)貢丸魚丸都彈牙，唔會成口粉，勝在清清地，小食揀左台灣香腸、木耳同炸杏鮑菇，木耳酸酸甜甜好開胃，炸杏鮑菇外面脆入面多汁小食真係無得輸，好有台灣既夜市風味，野飲一定唔少得台灣既珍珠奶茶啦呢個價錢真心唔係貴滷肉青菜($22)滷肉有好多，無手軟，配搭青菜好惹味大大雞排滷肉麵 ($88)雞排真係好好好大塊，係呢度既主打菜，食台灣野一定會食雞排，果然無揀錯雞排炸得好香脆，雞肉完全唔會柴，炸粉又唔厚，真係拍得住台灣既夜市最驚喜係佢個個滷肉，食一啖就知呢D唔係港式滷肉，係真正既台灣滷肉味道，好多餐廳都話改良味道，其實根本唔使改良味道，我要既就係原味道跟餐飲品蜂蜜柚子唔會太甜，岩岩好珍珠奶綠加奶蓋，好creamy …Read More

今日去旺角行街，天氣真係太熱，頂唔順走咗去買手搖飲品，呢間茶茶go門口唔起眼，差啲Miss咗店舖主打台式飲料，仲有好多款唔同嘅蛋糕同甜品，選擇豐富夏天推出咗好多新嘅西瓜飲品，全部都好消暑，啱晒行街行到口渴嘅時候買嚟飲好欣賞佢除咗飲品仲有咁多款唔同嘅甜品選擇，買完飲品唔使周圍搵嘢食，一次過搞掂晒最後，我哋揀咗個出邊好少見嘅開心果切件巴斯克蛋糕🍰蛋糕size好大件，夠兩個人既下午茶蛋糕唔係好甜，但好重開心果味，口感好creamy，值得推介另外再叫咗兩杯嘢飲，一杯係珍珠奶凍奶茶，仲有白桃烏龍茶，奶茶比我想像中重奶味，奶凍份量好好好多，珍珠又冧又有咬口白桃烏龍茶都要讚吓佢，唔會好似出邊啲白桃茶，只係得d調味香味，飲落好清新又解渴直到我地差唔多飲晒，仲有好多奶凍係底用料真係好足價錢合理，人均消費唔使40，份量又足，絕對值得返轉頭…Read More

今日去左海洋公園，6點幾返出市區就喺中環翡翠中心嘅鐵牛台灣牛肉麵同朋友食晚飯，太掛住台灣既美食，點都要食啲台式菜同飲品頂住先裝修好簡單樸素，去到台灣嘅餐廳就係咁，餐廳入面好光猛，座位好闊落，坐得好舒服，木質傢俬同燈光有一種溫馨氣氛，適合朋友小聚店員好友善，真係好似去咗台灣咁食物選擇好多我哋兩個人點咗香酥排骨肉燥湯麵香濃蕃茄爆蔥鍋配西班牙豬肉片鹽酥雞拼夜市小香腸酥炸花枝丸嘢飲有宜蘭金桔檸檬蜜同嘉義檸檬冬瓜茶我哋兩個食到好飽，好滿足，呢度嘅食物份量真係唔嘢少湯麵湯底濃郁，湯入面加咗好多肉燥喺底，令到個湯好惹味，麵條正常，重點當然係香酥排骨，排骨外脆內嫩仲要好Juice，又厚肉蕃茄鍋湯底微酸濃郁，西班牙豬肉片份量好多又夠嫩滑，一睇色澤，就知道係靚嘅肉，唔會只係一大堆脂肪既豬肉片，小火鍋配料豐富，蔬菜配料好充足，加上我哋配米粉，米粉吸晒蕃茄湯，食落好惹味，火鍋配米粉係絕配鹽酥雞外皮香脆，食落啖啖肉，九層塔同蒜片提香，夠晒台式嘅味道小香腸都好Juice，咬一啖就爆汁酥炸花枝丸金黃酥脆，內裏彈牙，好有咬口，花枝份量好多，唔使點調味料都已經好好食飲品方面，金桔檸檬蜜酸酸甜甜，夏天飲好開胃，冬瓜茶唔太甜，飲落好順口，適合夏天消暑解渴，兩款都用大罐裝，份量夠多，乾淨衛生，解膩一流。賣相都好貼近台灣特色，睇住都好有食慾。喺中環想搵地道台式美食又唔想咁迫，呢度係一個好選擇！…Read More

今日去旺角行街，天氣熱想食啲開胃嘅菜式，於是就揀咗呢一間好多人推介嘅水門雞飯去到嘅時候見到坐滿晒人，證明呢間舖頭唔會中伏坐低之後我哋就睇吓有咩啱心水既然呢間招牌菜係雞飯，我哋點都要點返招牌水門雞飯，加$10轉雞髀，價錢合理，另外見佢有新產品生酮系列，又幾新奇我哋又點咗一個椰菜花雞飯試吓另外點左串燒同脆炸雞翼，飲品方面梗係要飲椰青啦smileheart QR code落單之後，出餐速度非常之快招牌水門雞飯，分量好多，我哋已經叫咗少飯招牌菜水門雞飯，果然冇令我失望，雞肉非常之嫩滑，雞皮好薄，中間完全唔會有肥油，食落完全冇罪惡咁，絕對係水準之作wow跟餐有一個湯，胡椒味好重，好啱我口味之後上嘅生酮系列，雞嘅份量會比水門雞飯餐少，但勝在店家落足咗心機比唔同嘅顧客提供更多選擇like，相信一般嘅舖頭都未必會有呢個用心，好值得欣賞，好適合OL同想健康啲嘅食客我哋仲叫咗兩串雞肉一串豬肉，兩款都醃得好入味，可以配沙嗲醬或者青瓜酸醬一齊食，兩款醬料都好夾好惹味，啖啖肉好滿足脆炸雞翼，更加冇得頂，炸到外脆內嫩，食到停唔到口食串燒炸雞翼點少得椰青清甜好味又唔貴，點到要嚟返一個仲有其他粉面類，下次嚟到要試吓先得…Read More

之前經過旺角見到呢間台式一人燒肉已經好想食,見到平日Lunch $58就有得食,可惜唔係呢頭返工，唯有星期6黎食，有一點好好就係就算一個人嚟食燒肉，都無任歡迎餐牌見到唔同盛合套餐嘅內容好豐富，性價比高，我哋揀咗豚肉成盒套餐。同日和極上成盒套餐，另外再加左個松阪豬同小鮑魚好豐富，好滿足點完餐，我哋就去食沙律自助吧，選擇好多好豐富，淨係食沙律都已經有24品選擇生菜好新鮮好脆口呀，仲可以配我最愛嘅芝麻醬木耳同青瓜都係我鍾意嘅沙律，鍾意食辣嘅，仲有泡菜可以揀嘢飲我哋就揀咗最有台式味道嘅蜂蜜檸檬同冬瓜檸檬，感覺到唔係死甜，檸檬配燒肉剛剛好可以解油膩豚肉成盒套餐，有好多款唔同嘅豚肉，包括有豚腩片，豚梅花，豚肋條，松阪豚，西班牙伊比利黑豚，每一款都係肥瘦相間，食起嚟食落唔會太油膩，但又食到油脂嘅甘香燒好就聞到啲豚肉香噴噴，送飯真係一流，最欣賞係所有肉都唔需要再加調味料已經好入味，後來發現原來全店使用冷藏肉，肉質會更加鮮甜多汁，呢啲就係質素嘅保證日和極上盛盒套餐，呢個套餐真係冇得彈，牛肉油脂分布平均，一睇就知道燒完一定入口即溶wow加上佢配有龍躉石斑同鮮蝦，款式多質素高肉有日本A5和牛，西班牙伊比利亞黑豚，無骨牛小排，款款都好出色最令我哋驚喜嘅係蔥花玉子飯，雞蛋用咗日本雞蛋，配蔥花同白飯好甘香，不知不覺成碗飯食晒見到豚肉嘅質素好好，即刻再order咗一碟松阪豚，唔使驚一個人嚟都冇得食，因為呢度一個人都可以用單人烤爐，再加上日本無煙設計，食完都唔會成身燒烤味小鮑魚真係好驚喜，估唔到細細粒，但驚爽口，又有鮮味，燒完更加Juice食飽之後揀咗個焦糖布甸做甜品，表面係脆口嘅焦糖，下面係凍嘅雞蛋布甸，食落甜味唔太多，配雞蛋布丁真係一絕…Read More

好耐無食火鍋，今日黎八幡屋涮涮鍋真係超正又抵食！上到去見到佢哋個餐牌，真係冇得輸。佢哋啲食材唔單止夠新鮮，仲有推出抵食嘅優惠，食完真係超滿足！我地諗左好耐揀咩餐，優惠多，C3餐有買一送一優惠，D4餐就全天半價，兩個性價比都高，心大心細咁，最後決定食豪d，揀左D4火鍋之前先上雞煲，雞煲調味，唔會太咸，但又好惹味香噴噴，好欣賞係洋蔥甜味，雞肉又嫩滑多，侍應間中行過都會幫手，睇吓要唔要校細啲個火，食食下見到差唔多又會即刻收走用過既碟，服務態度真心友善D4餐有招牌的A4和牛，澳洲A5和牛，每款牛肉都好有油香，入口即化，好食到停唔到口，終於可以狂食好食既牛肉至於龍蝦，賣相靚到冇朋友，肉質彈牙又新鮮，外殼紅噹噹，擺盤又夠精緻，仲影到啲靚相打咭海鮮最正係有鮑魚呀，點解可以咁抵食，海蝦又係爽口彈牙無腥味刺身成十款，新鮮選擇夠晒多，最正係有帶子同吞拿魚同鯛魚，我地揀左最吸引過幾款黎試D4餐仲有全天半價優惠，真係平靚正，適合無論慶祝大日子定係平日開心下都超抵火鍋之前先上雞煲，雞煲調味，唔會太咸，但又好惹味香噴噴，好欣賞係洋蔥甜味，雞肉又嫩滑多，侍應間中行過都會幫手，睇吓要唔要校細啲個火，食食下見到差唔多又會即刻收走用過既碟，服務態度真心友善自助火鍋料選擇都超豐富，有唐生菜、冬菇、魚丸、蝦丸、烏冬，仲有拉麵同好耐冇見既八爪魚🐙任點你鍾意搭配，每一口都係幸福滋味！湯底有好多選擇，我地揀咗用壽喜燒湯底，用嚟涮牛肉，更加香到無得彈。呢度無論刺身、龍蝦、雞煲，火鍋料定雪糕雪條飲品都質素超高，優惠多又適合各種場合。下次再聚會，必定揀返呢度，真係好味又開心！ …Read More

行街點會唔飲野，但鍾意健康飲品又追求味道嘅享受，就有More Yogurt絕對唔會令你失望。佢哋主打嘅牛油果乳酪奶昔同藍莓香蕉乳酪奶昔，真係讓人眼前一亮  原創牛油果乳酪奶昔 ($46) 呢款奶昔最特別嘅地方係用咗一整個新鮮牛油果，真係不惜成本！牛油果帶嚟濃郁嘅奶油口感，再配埋乳酪嘅微酸風味，飲落去滑溜又有層次感。甜度調校得恰到好處，絕唔會搶走牛油果天然嘅香氣，口感好creamy「More Yogurt」仲提供少糖少冰嘅選項，好貼心咁照顧每位注重健康嘅朋友。呢款飲品非常適合早餐或需要快速補充能量嘅時刻。藍莓香蕉乳酪奶昔($47)  呢款奶昔就係清新果香嘅代表作。藍莓嘅酸甜味同香蕉嘅天然香甜完美融合，加上乳酪嘅濃厚風味，真係每一口啖都係享受。藍莓嘅果香令人覺得好fresh，而香蕉就增添咗自然甜味，完全唔會過於濃烈，小朋友都好岩飲，藍莓同香蕉原來可以咁夾我地今日4點去到都有好多賣晒，店員接外賣單無停過，睇黎係一大人氣店「More Yogurt」呢兩款奶昔唔單止健康，更係對味蕾嘅尊重。鐘意天然又滋味飲品嘅你，千祈唔好錯過！…Read More

今日黎平民美食區深水埗揾野食，見到呢間餐廳人山人海，望下原來係食鐵板餐咁多人食應該點都唔會中伏一於試下佢鐵板餐係主打，牛扒有4款，仲有一款好特別就係佢竟然有鐵板和牛漢堡扒配飯今次先試懷舊鐵板西冷牛扒配薯菜，點完餐好快上左餐湯同牛油麵包餐湯我地都係中意羅宋湯，呢款羅宋湯有少少辣啦，但飲落好開胃，而且用料好足，天氣凍凍地好岩飲麵包不過不失，正常發揮:)主角出場，好大塊好厚既牛扒呀，牛扒我地揀左七成熟一睇就知好嫩滑，鐵板餐有兩款醬汁，燒汁同黑椒汁，我哋揀咗燒汁，配合西冷牛扒更juicy牛扒份量真係超大份，我地兩個人點一份鐵板餐一份焗飯，食唔晒仲要飽到上心口兩個餐夠三個人食到飽，真心抵食夾大件焗飯我哋揀咗鮮茄芝士焗豬扒飯，保守估計有兩大碗飯，豬扒切開有五大件，最正係佢落咗超級多芝士同鮮茄汁，配飯一流豬扒唔似一般餐廳落咗勁多調味料醃到死咸飯有炒蛋，用料好有誠意沙律係正常水準，不過一般食牛扒都好少有咁大碟沙律，老闆真係有心吸客做好餐廳飲品叫左菜蜜，飲落同茶餐廳唔同，唔係一般落好多糖得個甜字既菜蜜，有一陣自然甜味最後要讚吓個甜品真係有誠意，啫喱入面加咗水果肉，呢啲細微位啲真係好加分唔怪得之餐廳咁多人幫襯，坐到滿晒座…Read More

今日放工唔想煮飯就去揾外賣返屋企慢慢食，見到呢間川菜門口菜單好多選擇就去望下，鍾意食辣唔食得辣都可以一齊食飯啦，唔睇唔知原來川菜都有得揀唔辣好貼心呀未夠7點人唔算太多，好彩行快兩步菜式選擇好多，配搭又多，仲有一人同二人套餐都幾抵食，最後就揀左個一人套餐川香回鍋肉小辣，配酸辣木耳，冰粉，同白飯，$88呢個價錢有咁多算好抵另外加左小籠包，酸辣無骨鳳爪，蔥油拌麵，口水雞，有辣有唔辣，返屋企自己選擇小籠包唔係我哋食開嘅上海小籠包，似煎包多d，但餡好惹味好juicy$29有6個幾抵食，下次要試下辣味小籠包係點先酸辣無骨鳳爪(小辣)又係辣得過癮又食得好爽，唔使慢慢吐骨，一啖一隻，配埋爽口青瓜小辣都夠辣，中意食辣可以試中辣大辣口水雞辣味反而無咁重，以香為主，雞肉嫩滑，配飯麵一流，份量夠又多一人餐揀左川香回鍋肉(少辣），肉醃得好入味，又切得厚薄均勻，肉配蔥食係惹味香濃又唔膩肉既份量都唔少，加碟白飯真係一流一人餐會配酸辣木耳，木耳好大塊又爽口，酸味唔搶，辣味為主調，整體調味剛好唔太重手蔥油拌麵比想像中出色，炒得好夠鑊氣，一打開就聞到好香蔥油香味，衣個價錢黎講絕對無投訴跟餐既冰粉幾特別，桂花香味淡淡唔太甜，食完辣食返個冰粉平衡返…Read More

灣仔新開西餐廳，位置係之前仙后，新餐廳分兩個路線，今次試Bar & Grill，環境寧靜有格調，同朋友傾計岩晒食物種類都好多，我地見到樣樣都想試，餐廳服務好好，侍應好耐心介紹餐牌今日放工即刻過嚟，時候好早未有太多人今日湯係蘑菇湯，好creamy 好好味，超香濃Snack combo有四款小食，岩晒我地樣樣都想試既人熱辣辣炸起好香口，醬都有四款，配合返唔同炸物，炸魷魚同雞翼係最好食Ribs叫左半份都好大份BBQ醬汁偏甜但唔膩，肉好嫩滑Ribs會配一個沙律，沙律好新鮮，新鮮果然唔使醬汁都夠主食方面好欣賞carbonara,芝士味好香濃惹味，熱辣辣上菜仲聞到好濃芝士煙肉香氣樓較之下飯就惹味但偏咸Seabass都值得一試，煎得一面香脆一面嫩滑，但魚肉唔會散最後點少得甜品, banana split賣相好又岩女仔，唔太甜，特別係朱古力味，甜中帶苦好正呀…Read More

今日冬至去荃灣行街，係荃新天地2見到有呢間新開無耐麵包舖，見到舖頭係用日本麵粉製作，信心大左，即管入去睇下有咩好嘢食一入舖頭就見到好吸引嘅可頌仲有六款唔同味道任你揀，最吸引我就係開心果可頌，見到梗係即刻買來試吓la，用咗日本麵粉製作嘅麵包，依個價錢算係好合理佢哋嘅可頌食落去，唔會好似一般牛角包🥐好重牛油味咁Heavy，平時食一個就好膩，呢間嘅日式麵包完全冇油膩感，感覺係行健康路線嘅日式麵包另外仲揀咗鮮牛油軟包，紅莓合桃包，開心果扭紋包，最值得一讚係鮮牛油軟包，麵包好軟熟牛油味好香，但食落又唔會好油膩麵包size好大絕對唔係美X嘅空氣包紅莓合桃包係酸種麵包，相對地較健康，紅莓同合桃份量都好多，呢個價錢冇投訴開心果扭紋包size好大，開心果味好香，麵包上鋪咗開心果碎搣開仲見到一絲絲咁舖頭亦有其他健康嘅選擇，裸麥包同蝶豆花裸包喺出邊麵包舖都少見最後要讚吓呢個紫薯包，一般麵包舖嘅紫薯餡都係加咗好多糖同奶去整，易入口但食完會無意中吸收咗好多糖分呢間麵包舖嘅紫薯包係直接放半條紫薯好食之餘，亦都會健康啲用咁足料成本一定高啲，好欣賞佢嘅專業同堅持最後見到佢凍櫃有蛋糕，賣相正常，試左個紅絲絨蛋糕，唔會太甜，食完唔會好膩，口感好細緻下午茶配埋杯茶就一流麵包整體都做到好軟熟，用料足又健康，麵包size又大，加上價錢合理，可以再回頭…Read More

就到聖誕，約左朋友食飯，想揀返間有聖誕氣氛嘅餐廳，所以就去鋸扒，今日食呢間餐廳好有細個同父母喺聖誕節食聖誕大餐嘅感覺人愈大，愈想過返細個時嘅日子🥹餐廳裝修好有懷舊氣氛，好似7,80年代是扒房嘅環境，紅色格仔枱布加上聖誕裝飾，好有氣氛我哋食飯時間7:30去到已經坐滿晒人懷舊鐵板餐價錢合理，我哋叫咗一個鐵板西冷牛扒，一個鐵板肉眼牛扒無論係份量，定還是食物質素都比我預計好好多，重點係牛扒嘅質素真係幾好點完餐店員已經好有效率咁上咗餐湯同麵包，紅湯嘅調味做得好好唔會太酸天氣凍又飲暖笠笠嘅湯好開胃原本想留肚食牛扒，但都係忍唔住全部飲晒鐵板肉眼牛扒，牛扒又厚又大件，我自己一個人食唔晒，又嫩又juicy，成塊牛扒完全無筋，唔使係咁𡁻到牙都軟質素好高朋友點嘅鐵板西冷牛扒，牛扒份量又係非常之大而且好厚，我地都係叫七成熟，入口非常之鮮嫩軟冧，唔怪得知成間餐廳平日夜晚都坐到滿晒人最後點都要讚吓佢個燒汁，調味啱啱好，唔會太鹹太重口味，燒汁令牛肉既味道更豐富，店員幫我哋加燒汁嘅時候好貼心咁等我哋準備好晒先出手成日都好怕鋸扒時侍應好似趕收工咁出晒煙，熱辣辣，好正好有氣氛好中意佢個啫喱，好懷舊，細細個去鋸扒就係食呢款啫喱加花奶跟餐有嘢飲，食得太飽飲番杯檸水幫助消化一下聖誕節黎真係好有氣氛，呢個價錢食一餐咁有質素嘅聖誕大餐真係非常超值…Read More