mamaluk's Profile

琴晚係銅鑼灣收工男朋友話見到呢間放題，不如去試下囉？當時20:00，就試下打去約20:30有冇位啦！留咗陸小姐2位，好，直入香港仔，到步後搵咗一陣都搵唔到就打去問下，電話一通「喂！陸小姐你好」，服務員仲記得我姓陸😱好好，問完位置就即刻行過去，一入到去唔係好大間，但服務員已好細心講解落單流程，好肚餓，唔理三七廿十一點咗嘢食先，落單係用紙劃的，服務員每收一張都會說多謝，食物到喇，服務員會同你講「小心碟邊熱呀/紫菜卷物要食先唔係會淋咗/炸物要小心熱呀！」呢啲每一句說話我都好耐冇聽過，重要嘅係每一位服務員都唔會黑住面對住你，到差唔多食完，我問係咪有甜品咖？服務員即問「陸小姐咁快食飽喇？好，我攞張甜品紙比你」鍋心到呢，埋單$590，呢個價錢呢個服務，有冇攪錯呀，五星級酒店都唔會記你貴姓啦！讚讚讚👍🏻👍🏻👍🏻好希望香港飲食業可以做到咁，唔係要你地記住我貴姓，只要唔好黑面就好了🙏🙏🙏…Read More

今日11:00左右到呢間餐廳，冇咩位就唯有坐係出外賣位隔離張枱，叫咗個咖喱牛腩飯，凍檸茶少甜，一邊等一邊睇電話，我用杯水頂住個電話放係枱睇，跟住凍檸茶來到，放一邊，等等下有個女侍應放咗個外賣炒麵係我對面位，但我見出外賣位仲有好多位放，我都算，跟住佢再將外賣嘢飲同湯都放過來，然後推開我杯凍檸茶，再推開我頂住電話隻杯，我快快手將電話攞起，全程我都望住佢，佢一啲唔好意思都冇，算算算，食個飯姐，唔好勞氣，飯到咗，咖喱牛腩飯，一碟飯一碟咖喱，個碟咖喱三色椒多過薯仔，咖喱冇咖喱味，好難得，點先可以做到？都唔理，試下牛腩，嘩，我未老到冇牙掛，咬唔入🥺，我成碟飯食咗1個薯仔，2口飯，食唔到，出去埋單，同好似老闆娘嘅女人講，咖喱冇味牛腩咬咖入，佢寫係張單道，話唔好意思😅咁我就比咗$66埋單，價錢對我來講真係唔係問題，但都要入到口先得咖…..🤢🤢🤢…Read More

前幾日都已經試過，1個人去食，點知被安排左搭右搭，算啦，冇位冇計，但今日去，我等咗10分鐘，來遲過我2人、3人、4人都入曬坐，我見有2坐位，咪問下我幾時入得，佢答我未有位，我話來遲過我都入曬，佢居然答我「成間舖得2個位係1人坐，我反咗眼問佢，姐係2人坐唔坐得1個人？佢冇答我，同另一侍應講「比果個位佢，跟住我以為有2坐位唔使搭抬啦，點知被安排搭抬，嬲嬲地唔食喇，走人，我唔會再去試😡😡😡😡😡😡…Read More

今日收工想食個下午茶，來到呢間舖，叫咗個5餸下午茶，包括魚皮餃、八爪魚、腩肉、豬紅、雞翼尖，粉絲底，再加杯咸檸樂，總數$68，價錢我都覺得合理，但返到屋企一打開，3條八爪魚鬚尖令我笑咗出聲，2片腩肉實在好孤單，我未食過一碗車仔麵叫咗5個餸都好似冇咩餸咁，唔知係唔係下午茶會比較小，好後悔叫下午茶😭…Read More

今晚10點幾本來想食唐記飯，點知賣曬，冇辦法轉頭又開工，就唯有去呢間買個晚餐A，都知沒有好結果，但只有選擇佢，好，等……，一等等咗25分鐘，問亞姐如果未整就由佢啦，佢居然同我講「即叫即整咖，係耐啲」，但我叫嘅係黑椒牛柳雞扒飯，點煎都唔使25分鐘掛，個亞姐仲話「牛扒要煎熟比你」😱煎25分鐘變牛肉乾啦（心諗），好結果等咗30分鐘，攞咗上車食，點知個塊雞扒同黑椒汁都係酸嘅，牛扒已經唔想掂佢，放棄，直接食飯同羅宋湯，我講過，我餓死都唔會再去呢間嘢道食，我會當佢唔存在:(:(:(…Read More

今日晏晝去呢間買個燒鵝油雞飯，油雞走胸，凍檸茶小甜，盛惠$63攞到返公司一打開，咩事呀油雞收雞翼唔緊要好正常我走雞胸丫嗎，點知燒鵝得啲骨帶皮冇肉，我咪攞落去同佢講$63唔係比皮同骨我食呀？點知入面切燒味師傅同我講走胸丫嗎係咁咖喇，唔係你想點？好嬲，我話我淨係走雞胸，但燒鵝唔係我皮同骨呀？冇人食骨咖？另一位師傅又講，你走雞胸佢味覺得你咖食胸囉，好正常乜料呀？你收咁嘅價錢咁嘅食物都好正常？我真係真係唔會再幫襯，上次試過下午茶都係咁，諗住唔會再係咁，點知都係咁😡😡😡…Read More

今日同男友到西苑飲茶，坐低咗見枱面冇筆，咪問女侍應借支筆用囉！點知比人回一句「唉！最後一支筆都借埋比你」，真係好好笑，你唔借比我，我點落單呢？好，落咗單搵唔到個女侍應，咪比部長囉！點知同部長講你同事態度唔好，佢回一句「得啦！得啦！放低支筆得啦！」好嬲好嬲！啲野食幾好都冇用！…Read More

買咗個叉燒乳豬飯，買完返到屋企都唔使5分鐘，一開飯盒，見到乳豬有毛，已經唔係好想食，將有毛嘅放一邊，開始食乳豬，一咬啲皮，嘩……又硬又唔翠，仲要咬唔斷，仲要收我50蚊！一定冇下次！！！…Read More