Foodyyy's Profile

殼飼牛肉、蘿蔔米線$34（學生傻惠）米線嘅湯底係超濃超香嘅蕃茄味而且似汁多過湯，啖啖都食到蕃茄，酸酸甜甜夠晒開胃真係落好足蕃茄煲 牛肉夠鮮嫰，有肥牛嘅口感蘿蔔都好鮮甜個湯底真係令人回味無窮…Read More

侍應姐姐全部都係泰國人，個裝修又好有泰國feel下午茶set$28 有泰式湯河，飲品連泰式甜品泰式生牛肉湯河生牛肉浸落d湯到生熟岩岩好因為係濃湯所以好入味但肥肉多左d 秘製鴨絲湯河鴨肉唔肥而且好入味但唔夠嫰滑，不過味道好夠，河粉食落好爽口不過湯比較濃味，叫左個椰汁冰，但因為湯太濃味變左飲落個椰子冰有d淡…Read More

睇落好似好好食...但食落麻麻 叫左半隻雞$98雞肉少，洋蔥同青椒好多 基本上底下都係配菜而且雞頸，冇肉位偏多！醬汁好油好肥加完湯d油更加係浮晒上面個爐仲要壞左，好細火個火熄左幾次開唔著但都唔換一個比我去到我開始唔耐煩佢地先肯換一個！搞到野食變晒油浸由於唔係任食 所以逐樣叫但價錢比一般高，份量仲較少而且食物唔多新鮮 天氣好凍 但食到好火！總括-服務價錢食物質素…Read More

紫薯蛋撻$8.前試過專登去但買晒，早兩日經過竟然仲有即刻買左個👍牛油皮好鬆化，蛋漿夠滑夠蛋而且有濃濃嘅蛋味紫薯亦好足，每一啖都有蛋加紫薯嘅味道 而且$8唔算貴 抵食唯一不足係...佢唔夠熱…Read More

海蝦雲吞麵配薏米水$40 雖然細碗左d但味道搭夠 雲吞好足料原隻蝦而且仲好鮮好爽 但麵嘅鹼水味就重左少少 不過都好爽口 不過個湯就鹹左少少而且仲有d鹼水味:(！平時都有自己煲開薏米水 但呢度嘅都好特別佢加左薑汁同蜜枣調味 飲落有少少薑味 而且個甜度岩岩好而且好足料 …Read More

豬扒包$45假期去 人特別多 我排左10分鐘先可以拎到個熱辣辣嘅包成個包香噴噴已經唔想影想就一啖食左佢豬扒大大塊而且仲超熱，食落好鬆軟，醃得夠入味外面個包都唔差，烘得好香脆 等耐d都值 …Read More

韓式泡菜豚肉定食*配麵豉湯$40(下午茶減左$5 ) 呢個又日又韓嘅配搭岩曬有選擇困難嘅我，前菜有超fresh雜菜沙律仲有個爽爽嘅中華沙律同酸酸甜甜嘅黃蘿蔔，飯嘅份量唔多，但對我就岩岩好，泡菜醃到好入味，個豚肉好淋好鬆軟，有d似肥牛嘅口感，用左柴魚做裝飾 郁下郁下好得意但個麵豉湯就鹹左少少，整體里講味道唔錯，份量好足…Read More

入到去排隊拎餐具，揀烏冬，跟住就開始夾你自己想食嘅天婦羅再比錢 然後拎調味料*記住食幾多夾幾多 唔好浪費冷烏冬$29/茄子天婦羅$7 /蕃薯天婦羅$7/炸蝦餅$15個冷烏冬 好彈牙，好煙韌我最鍾意加超多wasabi 同蔥落個醬汁到再放烏冬落去浸個茄子 同蕃薯 天婦羅 都好厚身，足料但個茄子天婦羅 放得太耐 唔香脆了不過個蕃薯天婦羅 就好好食 咬落好粉炸蝦餅 係佢一炸起就比我拎左 入面真係食蝦粒 而且因為岩岩炸起 好香脆…Read More

甘梅地瓜$18炸到脆脆，灑埋梅粉，食落去甜之中帶少少(真係好少)酸蚵仔麵線$28好足料 有好多雞絲揀左少辣，但我諗唔辣會好食d個米線鹹左少少，同埋個蠔有d腥雖然睇落細細碗咁，但食完真係飽到死死下*記得用匙羹食先有台灣風味…Read More

呢間cafe氣氛好好 分左3層 每層主題都唔同我去左有懷舊特色嘅一層環境好靜 音樂帶有古典味適合同朋友仔談天說地***逢星期三，日 都有live band表演大家可以較岩時間揀左個個dinner set$95 +$15有個甜品成個set有個沙津，主菜同飲品 ^_^沙津係用燕麥，水果同乳酪混埋一齊 好特別，平時去食開嘅沙津都係菜為主今次用生果 夠健康主菜-煙鴨胸冷麵鴨胸夠淋 唔會好似食香口膠咁個冷麵甜甜地 有少少麻油香^_^甜品-紐約芝士蛋糕個底夠實 唔會一整就散個芝士唔會好漏 岩晒做飯後甜品^_^飲品-水蜜桃紅茶真係有水蜜桃係入面 成杯野飲都好香水蜜桃味…Read More

呢間新開張，不過已經好多人排隊，好彩一早已book左位唔洗等一入去就揀湯底，淨係湯底已經有15個比你揀，多到唔識揀，樣樣都好吸引，最後揀左藥膳湯 （推介給女孩子），呢個都係其中一個店鋪推介食物種類超級多，而且都新鮮，肥牛切得夠薄，放落湯一分鐘多d食得 本人推介海蝦，肥牛，帆立貝甜品仲有雪糕、乳酪比你揀5:30pm-10pm$174（已包加一）任食2個半鐘…Read More

$26 三餸一麵*學生送飲品呢個價錢依家唔知邊到搵本人揀左蘿蔔，魚蛋，金菇（朋友揀嘅牛肚有點騷味）先揀好配菜->入去等->麵到就俾錢食嘅時候可以先飲一啖湯個湯好清，唔油膩，有d淡（可能冇味精嘅關係）蘿蔔夠淋夠甜,魚蛋嘅咖哩味好出D餸嘅汁夠濃味 倒左落個湯到味岩岩好…Read More

Duck & Chicken Liver Mousse ($118)麵包配下層係鴨肝加雞肝醬 ，上層係紅酒燴洋蔥醬，搽落塊意式麵包度，口感又脆又smooth , 味道甜甜地，洋蔥味唔會太濃，食落完全唔覺得油膩<br style="line-height: 1.6;">Fried Prosciutto Balls ($108)呢個芝士波波 入面有3種唔同嘅芝士同巴哈馬火腿做餡配埋個哈蜜瓜醬 （巴哈馬火腿拼哈蜜瓜嘅改良版）雖然係炸 但一d都唔油膩 而且好清新食落去有少少辣應該係用左胡椒粉調味<br style="line-height: 1.6;">Agnolotti ($148/half)用意大利綿羊芝士 ，牛小排肉 同埋牛骨髓整成嘅意大利雲吞 ，皮够薄，芝士味好出，有少少酸味，個餡食落鬆化多汁，雲吞上面有少少淡淡地嘅汁，幾match<br style="line-height: 1.6;">Chitarra ($168/half)呢個pasta特別在佢用左'00'麵粉手拉 夠曬新鮮加埋個蟹肉一齊煮 個pasta好爽口 而且會食到d蟹子 夠曬口感再加左d意大利香草做調味 唔會有蟹嘅腥味:)…Read More

抺茶軟心朱古力芭菲($59)最上係抺茶雪糕仲有2粒軟心朱古力 仲要係苦苦的 十分滿分 第二層外面係白色cream但原來中間係紅豆蓉 成個甜品加曬分(本人最唔鐘意食落成口Cream) 然後係粟米片溝埋紅豆蓉食唔會單調 到左最下面仲以為係冰 但原來係寒天粒 咬落爽爽的 成杯野cream嘅比例好少 絕對抵食傳統抹茶($19) 開始飲有D濃同苦後來加多D水沖淡左 好飲好多 苦得來回甘 其實同平時嘅綠茶冇分別只係冇奶冇糖 同埋貪玩想試下搞搞搞  仲有配埋2粒白玉 一啖茶一粒白玉會易入口 我就將用來沾白玉嘅黑糖都倒入茶到 有少少黑糖味 幾特別天突士多啤梨椰奶葛粉條($39)又係貪玩之選 木盒入面已經有類似抹茶果子 要用力壓(飲奶嘅力都出埋)先會出里 就咁食 又D苦 但配合左個椰奶就變得好唔同味噌豬骨牛油拉麵 ($69)個湯夠晒濃D肉吸晒味 但個牛油味吾夠出 份量都ok 1個人岩岩好 不過菜多肉少 似食緊雜菜拉麵咁 不過鐘意食菜嘅本人可以接受…Read More

見到好多好評 所以就去試一試入到去服務都幾好 不過上菜速度十分慢3樣野等左一個鐘都未齊香草忌廉牛肉漢堡扒飯（$39）-汁太鹹 漢堡扒太乾好似食緊紙皮咁（m記比較好食）意式鮮茄鴨胸飯（$39）-汁太水好似飲茄汁汁湯咁 而且冇番茄味 飯太硬太乾芒果金磚蜜糖吐司（$78）-等左一個鐘 諗住終於等到 結果waiter整跌左 再要等多15分鐘先有 但味道普普通通過得去 吐司同cream比例岩岩好 但唔算有咩驚喜 唔值得等咁耐…Read More