Kellala so's Profile

一行三人，成三點先放lunch，一於去荃灣新開嘅一幻拉麵試一試個新鮮下午茶店內除咗普通座位，仲有吧枱，間鋪都算空間大，座位都多！可能新開嘅關係，啲物品都乾淨整齊！荃灣限定套餐，我哋都冇叫我要咗「豬骨濃湯招牌蝦拉麵（味增味）」，個叉燒都夠林唔柴皮，隻滷水糖心蛋都好入味，麵質軟硬適中，個湯底都好香蝦味，不過加埋豬骨湯濃湯味增就好似鹹咗少少，有啲失色同事要咗「原味招牌蝦湯拉麵（鹽味）」，佢口述返：「個拉麵所有嘢都剛剛好超級正！」另一位同事要咗「辛辣味增蝦湯拉麵」，佢都係口述返：「個湯麵辛辣味適中，唔會太辣，好啱口味！」賣單平均每人$96.8，價錢都正正常常，可以值得一試！…Read More

又一日嚟到荃灣工作，仲要晨早報道，未報到前，梗係要嚟光榮冰室食返個豐富嘅早餐，先可以有能量完成今日嘅工作！行到門口，簡簡單單的門面，有着一種懷舊嘅感覺！裏面都冇豪華嘅裝修，實而不華麗，簡單樸實！每張枱都有應有嘅距離，而且有隔板，防護意識足夠！餐牌亦冇多餘嘅修飾，簡簡單單列明食品同價錢！我叫咗沙嗲牛肉公仔麵，配炒滑蛋方包，凍檸茶走甜！沙嗲牛肉好香沙嗲，牛肉唔會乸到冇晒味，公仔麵軟硬適中，湯底就清清地，好適合配沙嗲，味道剛剛好！炒滑蛋好大份，非常滿足！凍檸茶茶底唔錯，唔會覺得苦澀，檸檬厚薄亦都合適！$34份個早餐性價比都可以，大大份又夠飽！食完充滿力量可以去返工！…Read More

荃灣多美食大家都知，但係最近我喜歡咗呢一間「秘密花園」！嚟到荃灣做嘢，放飯一定要嚟呢度，佢係荃灣大會堂入面，環境乾乾淨淨，都坐得舒舒服服！平日嚟食就唔使等位，喺荃灣lunch time好多都要等位，呢到就可以滿足到唔想等位嘅你！Lunch set 有9款選擇，都算多！Tea set 都有11款，下次可以嚟試吓Tea set今次叫咗個「三文魚子和風蜆肉意大利粉」配美式凍檸茶！檸檬唔苦、茶底唔澀，好飲「三文魚子和風蜆肉意大利粉」好足料、味道又剛剛好，正！平日係包飲品，都算抵食…Read More

每次經過置富第一城，肚餓唔知食咩好，就會嚟呢間，已經幫襯過好多、好多次啦！唔知點解，雖然每次幫襯，啲味道都有啲差異，但係都係會走入嚟食門口細細餐廳內環境唔算大，一眼睇晒，但坐位都算舒服，而且一坐低，店員就會比一兜出煙的熱水，用嚟洗碗筷🤣🤣🤣餐牌上的$198兩人套餐，係每次嚟都會叫，有粉、有小食、有菜、仲有任選飲品，特飲都唔使另加錢牛腩片香茅豬扒（牛湯）—今次牛片好大件，以牛腩件，都有牛香，唔羶！扎肉香茅雞翼湯檬（雞湯）唉😮‍💨叫左湯檬，點知嚟咗我唔鐘意嘅金邊粉，太失色，為咗唔想麻煩，都無叫換！整個粉都唔錯，唯獨雞亦浸係湯到，變左淋晒！上湯浸津白—無特別扎肉蝦餅—上面啲蔥油，好正，咸香咸香咁，加落啲無味的扎肉蝦餅，味道就剛剛好！越式蒸粉包—同札肉蝦餅一樣，有啲蔥油，不過放係呢碟到就變得有啲多餘左不過，佢個粉包熱辣辣，呢度就加翻唔小分西瓜柚子（左）—以為係有西瓜成份，但飲落同柚子梳打無咩分別青檬梳打（右）—唔算得上好好飲，但酸酸甜甜，都幾開胃總括來說，$198一個2人餐，有咁多野食，性價比都幾高，以呢個價錢都配合呢個質素同味道:)…Read More

今日，工作關係嚟到將軍澳日出康城，放飯時間一到，即刻諗吓食咩好？見到呢間食星馬菜的餐廳，而且又唔使點排隊，就入去試試可能我早，門口唔使排隊，就入得啦餐廳內的環境都乾淨整齊，坐位都坐得舒服坐低咗，當然要睇吓食咩好啦？餐牌上有各色各樣的套餐、粉麵，都好多選擇我叫咗個「尋覓99分海南雞飯套餐」有湯有飯有醬汁，正呀海南雞皮有啲肥，正呀！而且啲雞肉好滑，味道剛剛好同事就叫咗個「檳城蝦麵」配「凍薏米水」同事話，蝦麵湯好濃、仲有好多蝦，又係好鬼正！最後，埋單$180，仲可以用八達通付款！…Read More

約咗朋友嚟到Time Square 行街，但未行就先肚餓咁當然唔好餓親自已個肚仔，知道呢度嘅12樓有間食澳門菜，就上嚟試吓啦！上到嚟12:30PM，唔使排隊，正！最鐘意唔使排隊的餐廳有Set lunch ,唔想諗食咩的朋友可以選擇唔想焗限啲Set Lunch，就可以選擇餐牌內的食物，一樣都吸引！不過，都提提大家，如果用coupon 的朋友，就唔可以叫Set Lunch,一定要散叫啊蝦子黑松露意大利麵—好重芝士味，非常之濃郁，不過，唔喜歡芝士的朋友，就留意啦小食雙併—即是手打墨魚球3粒、芝士馬介休薯球3粒，我較喜歡芝士馬介休薯球豬扒包—有筋的豬扒，咬唔開，失色，好彩啲配菜薯角都脆口好味豬扒包係澳門菜的特色，做到咁的水準，真係要改善改善！葡式烤乳豬—個皮夠脆，肉又嫩滑，非常好味，只得5件，有小小貴，但個底又放咗好多薯角，夠晒飽…Read More

今日放假，好耐冇見閨密，於是就琴日約定閨蜜食早餐，見一見面嚟到閨密住處都會駅附近，佢就帶我嚟到呢間Grove Cafe（明愛專上學院），今日學生門返晒學，唔使排長龍，一入去就可以坐低啦有室內環境也有室外環境，環境清幽恬靜，舒舒服服咁坐低食早餐，唔使趕急，好寫意！睇吓餐牌，一個餐蛋麵連熱飲，都係$26，而家去邊搵，有時候，做學生都好幸福我當然唔叫餐蛋麵，點夠我食呢？我叫左個英式早餐，大大碟，有煙肉、腸、煎雙蛋、茄汁豆、車厘茄、多士，配熱鮮奶咖啡，好滿足的一份早餐，而且價錢只係$33以這價錢，配這不錯的味道，CP值真係超高閨密就無我咁大食，佢叫左火腿芝士牛角包配熱奶茶$25，牛角包香酥，芝士就溶溶地，啖啖都係滿足環境清靜，食物價錢優惠，食物質素唔錯，又可以同閨密聚一聚，呢2小時，真係過得好開心好寫意！…Read More

早排，知道荃灣荃新天地1期1樓開左間新的過江龍日式Pancake ，好多好評，而且去日本大板時未有機會試食，於是，為咗唔使排長龍，係佢未開舖就過嚟等，果然，我前面得一家人佢哋地準時12點就開始安排入坐！入到店內，坐位唔太多，每張枱之間都有隔板或者屏風，都坐得舒服，唔會櫈貼櫈坐位後面就有個半開放式的廚房，可以見到廚師係到整Pancake 等食物我哋叫咗兩個Set Lunch 同要咗一份PancakeSet Lunch的餐湯——南瓜湯，本身就喜歡食南瓜的我，應該會覺得個湯唔錯，有啲粒粒的南瓜肉，但感覺就有啲似自助餐入面的餐湯，亦唔係好特別！Set Lunch餐飲——凍檸茶，講真，杯茶真係好失色，其實都唔期望似茶餐廳，但都不至於茶唔夠茶味、檸檬唔夠檸檬味、甜又唔夠甜之後就到Set Lunch的主菜一——黑松露野菌比薩，芝士係可以拉絲，味道就還可以，個比薩剛上枱的時候食，個底都算係外脆內軟，但隔左一陣就變得有啲硬Set Lunch的主菜二——香烤免翁牛柳（7成熟）配荷蘭汁伴薯菜，個荷蘭汁點薯角好味，紅蘿蔔好甜個牛柳都就無咩得別，正常味道！最後，到我最期待的紫薯梳乎厘班戟等左足足20分鐘，係即叫即整紫薯的質地同栗子撻一樣，算不上驚喜，但喜歡這質地的一定會鐘意總結這餐起初有點期望，雖未至失望，但就沒有驚喜！…Read More

無無聊聊咁同朋友嚟到葵廣閒逛，見到廣場內有好多小食店，肚仔就餓啦！於是乎就上美食頻度搵下有邊間受歡迎不負所望，好多人都介紹「慧食貓」，一於去食返個手抓餅葵廣一樓，地點一啲都唔難搵，去到先知原來有4事項要注意一到場，店員就會示意你要先落單，到取食物時先付款！有好多款口味選擇，仲有自選口味！我地免得諗，叫左個G「火腿雞蛋煙肉手抓餅」！等左足足30分鐘，返回「慧食貓」比錢！當我哋一返回店舖時，店員能立即說出我們的訂單，我地仲以我佢會唔記得看以材料簡簡單單，但味道一啲都唔簡單多面手抓餅熱辣辣、香香脆脆地，再配埋佢個沙律汁，嘩！真係好味，而餡料非常多，一塊都好夠飽，真心覺得好味道，雖然等左成半小時，但因為非常美味，所以已經同朋友討論下次嚟食邊款…Read More

今日，一行4人早就訂定枱，準時去到，唔使排長龍，同侍應講就帶我哋埋位！用餐時間2小時，有啲趕迫，醬料同小食係另計$19位！餐廳中間有個好仙氣的水池，環境都唔錯！時間得2小時，我地一坐低就叫左個鴛鴦鍋！😍😍😍有我至愛的台式麻辣鍋（勵志鍋）同紅顏花膠雞鍋（食妝鍋）個花膠鍋店員告知，要先飲個湯之後先再打邊爐！首先講吓個麻辣鍋，鴨血同臭豆腐係無限添，仲可以免費外帶一份，可惜到最後都係唔記得咗而辣度同麻度就唔多夠，可能我食得辣，不過朋友就覺得剛好，而且都好夠咸而個花膠鍋啲湯好濃稠，入口好有膠質，我鐘意呀！之後到肉類，我地一共叫左2款「湊湊精選肥牛」美國特選牛小排之後就到丸類——手工蝦滑、蛋餃好可愛我企鵝丸（墨魚漿製）好可愛的小企鵝，有啲唔捨得咬、芝士魚腐當然唔小得叫菜類——蔬菜併盤（大）超級大盤，如果小人食，可以叫盤細食麻辣火鍋點可以無飲品？於是我哋就一人一杯台式飲品（左起）冰大紅袍珍珠奶茶、冰大紅袍、冰冬瓜檸檬茶、冰大紅袍珍珠奶茶（右），呢杯飲品，目測有800ml，大大杯，夠曬飲難得一聚，飲杯每次食完台式麻辣火鍋都會比杯乳酸飲品解解辣同油膩，仲可以添飲一次最後，上埋個甜品——梅子茶果凍去完結呢一餐！…Read More

今日朋友生日，早一個星期訂定枱，我哋行完街，準時6點去到，唔使等位，安排左張4人枱，2個人坐得舒舒服服店內裝修簡簡單單，但又不失和式的感覺！！唔好講咁多，好肚餓，要快啲叫野食！其實係我地入門口之前已經比呢個餐牌的壽司定食晚餐吸引左，一於叫嚟試吓🤤🤤🤤呢碟係定食晚餐的鵝肝卷入面配蟹子牛油果沙律醬無行輸，唔會覺油膩，反而覺得好清新定食壽司晚餐有8件壽司，件件都大大件，上面的魚生又新鮮又肥美，正定食入面仲有個叉燒烏冬，烏冬彈牙無酸味，叉燒又夠淋，入口都唔使點咬，而個湯成好清甜，飲完一啖追一啖！章紅魚簿切，師傅刀工好勁，塊塊都切到咁簿，仲可以透到碟底，但唔好以為咁簿入口會無野𡁻，咁就錯啦，塊魚肉入口滑滑地，咬落爽爽脆脆，再配埋個醬汁，簡直一流！牡丹蝦兩食——刺身，鮮甜多内個牡丹蝦的蝦頭用嚟煮麵豉湯，真係好飲到無朋友黑松路鵝肝壽司——塊鵝肝有半隻手掌咁大，而且個壽司飯唔係普通的壽司飯，係撈過黑松路，真係好好味，下次嚟一定要再叫！帶子鵝肝卷，十分足料，而且唔會太大件，剛好一口一啖，正到爆！最後，當然唔小得串燒啦，我地叫左3款，分別係（左起）免治雞肉串、凡立貝串、雞翼串！免治雞肉咬落多汁又有啲軟骨，回味無窮今日呢餐真係非常滿足！！…Read More

今日同朋友嚟到尖沙咀行街，行下行下覺得有啲口乾，於是乎四圍搵吓睇吓有咩可止下喝！終於不負所望，比我睇到由旺角搬嚟的「花果山」，既然有緣見到，當然要幫襯一下！原來花果山唔係得美猴王，仲有各式各樣的飲品😍😍😍飲品餐牌 睇吓邊款啱飲先😍😍😍有沙冰、鮮果、榴槤系列……….叫左百香果芒果沙冰（左）$34 有着香濃芒果味，淡淡的百香果，甜甜酸酸，就算冰溶咗都唔會溝淡杯飲品👍🏻正！貓山王沙冰（右）$45🤤🤤🤤入口有啖啖榴槤肉，每口都有榴連的清甜，而且甜度適中👍🏻👍🏻無得輸！！仲有日本人主理的飯團，都有好多口味選擇，好可惜，到我時已沽清，有機會一定要再嚟試過！！…Read More