咀刁妹妹's Profile

兒童節老公話帶我食西餐，少有的佢發辦話食邊間餐廳，仲要係西餐，原來佢同事食過好食，介紹佢的。呢間餐廳之前我都有經過，好香食物味，今次可以食，正呀！ 坐下先叫了兩杯飲品，熱Latte和青蛙王子。兩杯都好好飲，Latte的咖啡濃度剛好，不會被奶蓋過。至於青蛙王子其實就係薄荷青檸梳打，好fresh 。 頭盆叫了吞拿魚他他，老公平時少食魚怕腥，但佢話呢個他他好好食，完全無腥味，吞拿魚和牛油果配合得非常好，味道適中不會太咸或太淡，內裡還有黑芝麻和旁邊的杏仁片好香，同埋呢道菜賣相好靚。 至於主菜我們叫了同事介紹的威靈頓牛柳，同事話好味又抵食。來到的時候好香酥皮味，其實我們好少食威靈頓牛，我唔知點切，好彩廚師已幫我切開一半，當我一切落去，完全無酥皮還酥皮牛柳還牛柳，好易切，牛柳好柔軟，酥皮好香蛋味，牛柳剛好五乘熟，廚師功夫值得一贊👍 最後甜品我們叫了騎士鬆餅，鬆餅外層嘅有焦香糖漿，不會太甜，伴碟嘅生果好甜好新鮮，總括而言，呢間餐廳食物用靚材料，出品有質素…Read More

日常工作繁忙，難得準時收工，放工後落公園河邊行吓散吓心，順便睇下食乜。行到去呢個新屋苑弦海，見到河邊有間餐廳，叫『犇道』好似幾 chill, 有啤酒有咖啡，個舖頭名有三頭牛，當然有牛扒，啱晒我呢啲牛摩皇。我們一坐下侍應就細心介紹一下佢地既晚餐，唔洗諗我一見到斧頭扒，就立即叫澳洲M5 頂級斧頭扒配脆薯條, 需然我們只有兩人，但我多多都食得晒呀🤭😋。再來杯Stella 生啤，爽呀！斧頭扒來到，嘩！真係好大塊😆，侍應悉心介紹怎樣切，真係好服侍周到。 我們叫了五乘熟，切開有點粉嫩，唔錯。再點下廚師配上既牛油，有香草味好香呀！再食吓薯條，真的很脆，十分好食。餐廳外面有公園，又有啲康樂設施，仲要有單車徑添，餐廳內外環境都唔錯，下次可以再來😋…Read More

週末總想chill 吓，係OpenRice 發現尖沙咀山林道有間蠔吧， 正合我心意可以嘆下酒及食我最愛生蠔， 和朋友傾下計放鬆一下心情。一來到餐廳發現裝修好特別，成間都用花裝飾，加上燈光配合，令我覺得自己置身室內花園，而且座位闊落，坐得好舒適，我們都坐了三小時，餐廳員工都很有禮貌招呼。我們叫了幾款食物，有雪茄蝦卷，Parma ham 沙律，生蠔連白酒，烤焗海鮮併盤，每款食物都各有特式，擺盆吸引。雪茄蝦卷：外表已十分吸引，真的極像雪茄，製作認真，熱焫焫再配上沙律醬，鬆脆可口。Parma ham 沙律：ham 甘香，油香適中，沙律醬調味剛好，不會太多或太少，每一塊沙律菜都有沾上，味道恰到好處。生蠔連白酒：呢個係set, menu 選一枝酒另加$50，就有精選生蠔一打或中碼生蠔半打。由於我們十分喜歡食生蠔，所以各叫了1 set, 侍應話精選生蠔係來自歐洲，呢隻生壕海水味較濃，而且入口creamy。中碼生蠔係來自美國，呢隻size較大，入囗 creamy。而白酒我只叫了最平的Tini Bianco, 所以一款生蠔連酒$198,抵呀👍。呢隻酒易入口，不會太酸，送海鮮一流🤤。烤焗海鮮併盆：滿滿一盆海鮮送上，吸晴度十分，因為有很多款式，有龍蝦， 扇貝，翡翠螺，魷魚，大啡菇。樣樣海鮮都好新鮮，加上芝士烤焗，好好味。廚師好細心，龍蝦鉗已破殼，輕輕一摟已打開，值得一贊👍。呢間餐廳環境舒適，味道一流，價錢抵食👍。…Read More

疫情期間冇得去旅行， 又思鄉病發作， 忽發奇想不如嚟一轉本地日本遊。 先去有日本城之稱嘅屯門市廣場， 逛逛Donki, 又再逛逛新開嘅 GU, 視覺滿足了就去滿足吓味蕾，屯門要找一間十分日本餐廳不容易，上網找找發現景峰輕鐵站有間居酒屋， 正合我心意可以飲飲啤酒食下串燒， 和朋友傾下計放鬆一下心情。來到發現舖頭門口嘅佈置十分日式， 好可惜門口已有客人，有機會一定再嚟坐門口， 一邊呼吸新鮮空氣一邊食串燒和飲啤酒。嚟到居酒屋梗係要飲啤酒啦，我和朋友都叫了生啤， 生啤的而且確比罐裝啤酒好飲，尤其Premium Suntory 有啲蜜糖味，比較適合女性飲。串燒我們叫了幾款，有煙肉卷車厘茄，燒火鷄腎鹽燒翠肉瓜，汁燒鷄肉鹽燒五花腩，醬燒豬舌再叫了炸魚手指及送酒一流的味碄魚乾坐坐下見到有個牌寫着餐廳選用新瀉米，咁就要叫個和風牛肉飯，試下啦。…Read More

老公加人工梗要屈佢食返餐好西，牛扒正是我至愛，所以每逢慶祝活動我一定揀西餐。聽同事講長沙灣工廈有間隱秘西餐廳，問過地址後，就膽粗粗走去一試。地點幾就腳荔枝角站D1出口過傾對面馬路就是，食完仲可以行陣 D2 place two, perfect! 通常工廈比人感覺低級D, 去到面口又唔覺wor, 幾光猛，同高級西餐廳一樣門口有個stand放餐牌.入到裡面感覺氣氛不錯，檯上餐具、檯布用料不錯，不是低級貨，每檯梗有黑醋及橄欖油 ，部分檯上梗有蠟燭，令氣氛昇華。接過餐牌後，發現餐廳對食物配搭非常用心，每道菜式配料都非常配合，例如鵝肝批配了紅橙醬，紅橙醬酸味減低油膩感，非常好食！最後我選了法式海鮮濃湯，紅橙醬鵝肝批及洛神花油醃配澳洲M5和牛肉眼扒。海鮮湯非常濃郁鮮味配麵包一流鵝肝批用料配搭恰當，擺盤及餐碟像藝術品和牛生熟程度處理得非常好，出面高級西餐廳好多時都會做到過熟，再配洛神花油醃也非常配合，不會太酸有少少油香而老公選了...... 粟米忌廉湯, 粟米打碎了，方便飲用，不用咬台灣鳳梨莎莎配帶子，擺盤又係好似藝術品，我估廚師係讀 Art ，台灣鳳梨正當造，果香味十足寶雲蘇羊柳配台灣鳳梨，無羊騷味，唔食羊的我也食到最後再來杯咖啡及薑茶…Read More

經過一段時間在家工作，日日食公仔麵，返返 office對自己好啲，找間餐廳食好西。太耐無去旺角區，啲舖頭面目全非，行到女人街見到有我最愛燒牛肉，睇餐牌價錢又相宜，就試吓啦！有好幾款牛排選擇，我點了200g牛柳$110，包白飯，紅湯，沙律自助巴任食。沙律可選胡麻沙律汁或柚子沙律汁白飯可加紫菜碎，好好味牛柳未來到，牛肉香味先來到，一陣陣勁濃香味飄來。切開非常嫩滑，生熟程度適中，咬落無渣，牛味非常濃郁，好耐無食牛扒，好味。…Read More

星期六通常都出街食，屋企附近食得多好悶，前兩日同事介紹浸會大學內有間地中海餐廳唔錯，所以就試下。九龍塘一帶比較寧靜，連泊車標位都比較易找，一去到餐廳就有位，平時去各區都非常擠迫，排完停車場再排餐廳，今次全部直入，非常好。入到餐廳發現環境唔錯，開放式廚房，座位闊落舒適。我們一行六人叫了五個晚餐都夠食。首先上麵包，全部熱的，非常好食，尤其提子果仁麵包非常好食。馬賽魚忌廉湯，非常濃郁，有海鮮湯料，非常美味。凱撒沙律黄金炸魷魚，由於本人好喜歡咸蛋黃，所以非常好食。松露忌廉温泉蛋、炒雜菌有非常濃郁松露味，正。德薩斯州式BBQ鷄肉pizza, pizza上有bbq醬，好 惹味。西冷扒，肉質不錯。黑松露雜菌意大利飯。溫泉蛋卡邦尼意粉，意粉麵質好Q。士多啤梨乳酪and荔枝乳酪…Read More

今日車完家姐一家返馬鞍山，兩公婆走去石門開餐。經過京瑞二期，見Golem Craft Beer 酒吧門口有位泊，門口餐牌既野睇落又啱食，就揀呢間。老公揸車，我只好自己飲啤酒。食物我地叫左墨汁海鮮意粉，老公好鍾意食墨汁意粉，見到必叫。呢度既意粉無令佢失望，好好味好彈牙。帶子，大蝦，青口都好新鮮。海膽汁帶子意大利飯，用海膽汁煮意大利飯，好特別。美式燒烤豬仔骨，豬仔骨好大塊，超市買未煮既都要成百蚊，抵。👍再叫D小食送酒。炸辣味雞鎚，炸得好脆，吾辣。雞肉好嫩滑。和牛粒串燒，和牛油花均勻，好林滑。炸薯角用美國焗薯做，好好味。差不多食完，有警車出現，老公即刻沖出去開車走人。好彩泊門口，否則呢餐貴幾百。😛…Read More

今日屯門因為交通意外大塞車，出得九龍食飯太晏了，唯有再來yoho mall, 之前食過尖沙咀分店唔錯，又諗唔到食乜，咁就試吓呢間分店。一到門口要等位，假期周圍都多人，唯有等啦！等嘅時候發現門口有新款食物，啱晒喜歡新事物嘅我。扁肉湯~呢個名未聽過，看看宣傳單張，原來是福建菜，好像是雲吞湯，有些葱花、紫菜，個湯少許酸酸咸咸有啲紫菜味廷開胃，再食粒雲味道廷特別，再看看宣傳單張，原來皮都係肉。九豬腸黃花魚炒米粉…Read More

之前經過呢間Green Waffle 餐廳，裝修非常多綠化，感覺好舒適、 遊閒，今次有機會決定一試。一打開餐牌，好多健康食物，有orangic飲品、無麩質食物……，而且價錢公道。而且用QR code上網落單，十分方便。喜歡食牛嘅我本來想叫十安士安格斯牛扒，但見到有五安士安格斯牛扒all day breakfast ，即叫呢個，可以叫多啲其他嘢試。牛扒好有牛味，好好食，鷄蛋要了水煮蛋，樣子好得意。另外叫了香辣蕃茄香腸薯粒鑊仔:呢個有大、細size,正合我呢類想食多啲款式嘅客人，而味道非常之好，辣道適中。埋單侍應和我傾計，他提及老闆係加拿大長大，回流香港定居，在香港開餐廳，餐廳有些食物是老闆在加拿大生活食過嘅菜式。這餐飯令我感覺到人情味，餐廳有自己嘅故事，令我覺得美味又滿足。…Read More

星期日約了家姐一家食飯， 既然有小朋友就找間公仔主題餐廳食晚飯，等大人細路都開心吓。網上找到這間熊仔主題餐廳價錢唔貴，環境又ok， 於是就決定來這間餐廳一試。一到達發現門口有兩隻巨型嘅熊仔， 大人細路都忍唔住沖埋去一齊影相， 而餐廳內更有一個兒童遊樂區， 小朋友可以在裏面睇書玩熊啤啤， 而我們坐下發現枱上有隻細嘅熊啤啤陪我們食飯， 小朋友們十分開心。我們叫了一個兒童餐、一個二人餐、一款小食。兒童餐:好有心思，啫喱係熊仔頭造型，意粉及腸仔好好食。二人餐:我覺得好抵食$298有湯及飽、小食、main course、飯或意粉、飲品、甜品。main course:安格斯牛肩扒，好有牛味。小食: 蛋黃醬焗鮮露筍， 好嫩、 冇揸。飯或意粉:芝士蜜桃鷄腿飯甜品:心太軟小食:酥炸魷魚圈，非常鬆脆可口。…Read More

成日經過莆田都要排隊，咁啱今日經過唔洗等，就食吓呢間想食好耐米芝蓮餐廳。初初以為米芝蓮餐廳一定貴，睇吓餐牌價錢好合理。我們叫了幾款餸，同埋餐廳做緊莆田海蠣節，$188可選兩款海蠣菜式，就叫了兩款海蠣。前菜:小朋友非常喜歡，一放下不久就食晒。江口家鄉海蠣湯:本人平時怕胜好少食蠔，朋友要叫呢個湯我有啲擔心，來到試飲簡直令我對蠔改觀，啲蠔好滑，個湯咸咸香香有少少酸，好好味呀！福建特色海蠣前:其實係壕仔煎蛋，不過個蛋應該落了蕃薯粉，好煙煙韌韌，口感幾好。椒鹽豬手:炸得非常香脆，肥肉完全溶解，沒有肥膩感覺，只有膠原蛋白。百秒黃花魚:睇餸名就知只煮了一百秒，所以非常嫩滑，調味亦做得很好。九轉小腸:清洗得非常乾淨，完全沒有豬腸臭味，煮得非常爽口彈牙，正呀！酥炒芋芯:外脆内軟，外面咸香，内甜甜地，又出奇地夾。興化米粉配辣媽醬:一入座坐下我就聞到辣醬香味，心諗一定要叫啲炒粉麵配這個醬，真係好好食，成餐飯都好滿足，呢間米芝蓮餐廳廚師廚藝真係好了得👍…Read More

今日約了朋友們聚餐，朋友A介紹了這間秘密餐廳，由於於工廈裡，樓下又沒有廣告牌，唔係朋友係附近工作，都唔知有間樓上cafe。到達餐廳時已接近七點，餐廳已差不多滿座，咁秘密嘅餐廳，星期六滿座一定有過人之處。坐落覺得環境好舒適，大部分傢俬都係木制，好有家的感覺。我們叫了四個set share食，套餐包括餐湯、沙律、main course、飲品和甜品，每個set平均一百二、三十蚊，都好底食。而且全部質素好高。湯及沙律:沙律菜好新鮮，沙律汁少少酸又甜甜地。黑豚肉漢堡:漢堡有肉汁，煎得好香口。黑菘露雜茵意粉:好濃黑菘露味。黑毛豬配蘋果醬:黑毛豬好嫩好霖。北海道帶子蒜香天使麵:好香蒜容味。甜品:綠茶蛋糕、粟子蛋糕、tiramisu 、士多啤梨雪糕|…Read More

工作辛苦了一星期，星期五通常都會出街食開心吓，今次找了間有酒飲有game玩餐廳，餐廳室内環境昏暗好有情調。我們叫了一個main course，一個burger ，一個snack，一杯cocktail ，一杯mocktail。飲品先來，兩杯都好好飲。alone together係西柚味加soda，西柚味好香甜，加埋soda令甜度適中。pine in the grass來到時非常吸引，係好可愛草帽土人杯，外型已好吸引，同埋同名稱好襯，揀呢杯飲品係因為想飲有酒精，但又不想太濃酒精味，rum酒酒味無咁濃再加上菠蘿汁，好好味呀！係食物未來到我們先玩了兩個game，平時睇韓國綜藝節目都有見過呢啲game，今次有機會玩真好，玩完game食物來了，時間剛好。香辣蜜糖鷄亦:小小辣又有蜜糖味，啱晒太能吃辣嘅我，鷄亦亦好滑。磨菇湯及沙律安格斯肉眼配薯角:薯角非常香口，肉眼有肉汁。大磨菇芝士漢堡:漢堡扒仍有肉汁，煎得非常香口。Tiramisu…Read More

買兩杯田籽波霸厚鮮奶，一杯熱、一杯常温，店員話無常温，常温都有52度，真0咀😮，飲了好多間珍珠奶茶常温即係室温咁，通常用冰冲調完，走咗冰就係常温，呢間田籽茶事menu明明有室溫，但店員話無。唯有叫一杯熱、一杯凍少冰，最後店員都落錯order，做了一杯常温、一杯凍少冰，好彩佢落錯常温，常温都好熱，好'辣'手， 取飲品時問店員取膠袋，店員話膠袋要比$1😤，我同佢講凍飲應該不用比$，都可有膠袋，因為七仔、ok都係咁，佢支吾以對調身背向我唔埋會我😤😤😤。跟住我打開飲，啲珍珠好硬，好似未煮好咁，真係飲到我一肚氣，呢間嘢無下次，又唔好飲、服務又差。…Read More