Eye Lam's Profile

最近經過始創，發現斜對面轉角開咗間新鋪，睇餐牌感覺主打健康嘢，例如係酸奶乳酪咁，屬於比較少見嘅類型，夏天咁熱除咗食雪糕，乳酪都係一個唔錯嘅選擇，最啱減肥中嘅我。呢間鋪係無堂食嘅，買嘅時候店員會提醒最好半個鐘內飲完。第一次買果陣個店員推介牛油果好新鮮好靚，我試咗密瓜牛油果酸奶，好好味。之後再試過黑糖珍珠鮮奶同鮮果乳酪都唔錯，乳酪嘅生果好新鮮，份量仲要好多，一盒食曬已經飽了，而且即叫即整，價錢都唔算貴，店員又好好禮貌，值得一試…Read More

今晚一班朋友6人去試，個海鮮鍋入面嘅嘢係無得揀，會加4種菜都係無得揀。但另外可以㨂多5種食物，我地揀咗肥牛、牛肉粒、芝心丸，梅菜豬肉丸同水魷。最尾有個公仔麵或烏東。湯底就揀魚湯，好味，海鮮都好新鮮，份量每人最少一隻唔使爭，不足係隻蟹細咗小小同無咩菜，所以我地另加咗菜。食曬海鮮就食其他嘢。肥牛，牛肉粒同芝心丸都有驚喜，好好味，唔係cheap嘢限時2個半鐘，我地慢慢食都趕得切，埋單每位$360，環境唔太迫，又唔太嘈，有機會會再去！…Read More

媽媽由於剛做完手術，不而食牛、鵝、蝦、蟹等"毒"的食物，所以選擇了食素。去之前2日已訂枱，去到唔使等可以馬上入坐。當晚是星期四，人不太多，7/8成滿。坐低有2款前菜放在枱上，一個是酸齋，另一個好似豬肉鬆，真係好似肉味。我們共有7人，叫了：湯羹、雜錦拼盤（好似叫七色拼盤）、炸大蝦、串燒、黑松露炒飯、柚子沙律、生菜飽，碟碟都唔錯，唔會太油，係個柚子沙律辣咗少少。最後仲每人送紅豆冰或豆腐花，個豆腐花好香好滑，好味！埋單$1200，仲送咗張9折咭下次用。會再去！…Read More

放工唔舒服諗住食碗粥，見東大街新開張咪去試下，去到見佢有個女仔係到派傳單，粥得幾款（應該得6款咁上下），佢介紹有個用豬骨，有個用牛骨煮嘅2款粥，話係佢地嘅推介。咁我就試下個豬骨粥囉。買完加埋返到屋企前後都無10分鐘，我就打開碗粥食，點知一打開竟然係得啲肉碎，幾粒蜀米，睇張相完全想像唔到係咁囉。都算啦！諗可能個粥底好甜，點知淡某某，好似醫院粥咁囉！完全唔知想點！跟手試下個蝦米腸，竟然凍到硬掘掘，一拮就斷！絕對唔會想再食囉！…Read More