波子V V's Profile

已經唔止一次在此用膳，其實每次都覺得佢哋嘅食品質素好好，只係服務態度有部份員工冷漠咗少少🤏反而送餐嘅非常好非常體貼，其實係樓面接觸人客嘅第一步，似乎佢哋把關都好重要，希望會留意一下吧，凱撒沙律用料真係好靚好新鮮👍🏻豚肉Resort、芝士火腿長管粉味道份量都非常適中，青口朋友話有驚喜，忌廉湯底好好味，Pizza係佢哋招牌👍🏻今晚叫咗夏威夷風光及海鮮pizza，如果唔係有限時用餐，我哋坐得更加自在，食品亦都可以邊傾邊叫，就可以試得更多不同款式😋…Read More

好友介紹推薦一間唔太就腳，地點就在饒宗頣文化館附近，喺山上面，因為我哋係自己揸車上去，該處亦有十幾個車位提供（只需要在餐廳付款時順道給予$50行政費用便可）泊車後行上去感覺已經似去咗新界鄉郊，環境好寧靜有一個小型嘅荷花池，有一啲提供俾人做展覽嘅廳館，亦都有一間小店，還有一個可以租住休憩好似酒店小旅館…飯前或飯後行吓吸吓新鮮空氣，感覺都好舒服呀👍🏻一踏入餐廳環境氣氛好好，店員招呼及態度都好親切，食物擺碟同質素都好唔錯👍🏻仲有超級抵食，$10一隻嘅生蠔🦪我當日係食午餐，但係侍應嘅招待餐廳內嘅環境都幾有酒店嘅氛圍，首先上菜係一個蔬菜蕃茄前菜同南瓜湯跟一件好少嘅麵包，屬於佢哋自家製嘅麵包好好食呀，我要外賣，肉眼件頭唔細又有水準，再品嚐佢哋自家製嘅雪糕，我哋選擇嘅係朱古力味有微微嘅酒香唔太甜，但係佢又唔係黑朱古力，總括嚟講餐廳值得推薦👍🏻如果有特別日子生日或紀念慶甜品仲有寫字打吓卡影吓相，係一個唔錯嘅地方…Read More

近期短時間內已經去過幾次呢個店舖食嘢，全因朋友推介，有live Band但並不是晚晚有人唱歌的，店舖唔大，但坐得舒適嘅亦唔會食完就有被驅趕嘅感覺，店員服務態度好好👍🏻好親切，食物質素亦都唔錯👍🏻所以近期一有朋友聚會第一時間都諗起呢度，黑松露火腿多士推薦必食😋西班牙乳豬😋青椒仔泡煮時間啱啱好好味😋佢哋嘅檸檬啤配生蠔六隻亦每次都叫（但係好多時都會賣晒㗎，所以如果想試訂枱前可以講定俾店員知）豬梅頭西班牙飯及芝士大蝦西班牙飯，可以留意一下喜歡硬脆嘅落order時同店員講聲，比起一般淋身嘅西班牙飯更有口感👍🏻豬鞍扒有啲失色，好嚡好硬身，店員講原來係慢煮😳就更加失望，呢個希望店方可以改善一下💪🏻仲有佢哋嘅小食拼盤炸魷魚酥雞粒薯條，三五知己聚聚傾吓偈嘅一個好地方。…Read More

今日去啟德零售館1號館food court附近嘅阿參一向都係海南雞飯聞名嘅，雞味的確好鮮嫩好滑，油飯軟硬適中，但係佢唔係黃薑油飯冇薑味，驚喜竟然係佢跟午餐嗰碗雞湯，係兒時嘅回憶🥰六七十年代….透露咗自己年齡秘密添🤭家人每次蒸雞燉完嗰碗精華上湯嘅味道👍🏻阿參豬手偏鹹，幸好肉嫩同埋好夠腍嘅，另一個推薦嘅係斑蘭咖映鮮油多非常鬆脆👍🏻仲有馬拉盞怡保芽菜跟獨特沙茶醬食好味，鳳尾蝦春卷炸得非常乾爽，全場冇+1，出色，可以再幫襯👍🏻…Read More

朋友生日相約到Cambo食泰國菜，印象中食品質素唔錯，而且服務好好，但係本店坐滿咗，被安排坐過去隔離餐廳，沒關係，反正招呼的都是同一班侍應，豬肉生菜包今次明顯比之前乾同鞋，沒之前的美味還辣了點！泰式拼盤保持之前一直水準👍🏻青咖喱雞及法飽依然出色，椒絲炒通菜就非常適中，不辣而且菜嫩，甜品拼盤是整晚畫龍點睛的一項👏🏻建議可以設定一下能為生日的朋友插個生日牌或者提字，便更能夠令到好友聚會更喜歡選擇的一個餐廳之一。…Read More

朋友聚餐相約到近期好喜歡去嘅圍方，今晚選擇米泰泰國菜，我早了15分鐘到但係見餐廳入座率大概只有一半，即管問問是否容許我先坐下等朋友，幾位員工都以因為要入座計90分鐘，所以我的要求全無反應😓我覺得既是平日又非繁忙時間嚟講未免有點不人性化及處理不靈活了吧！最終還是只能等到朋友到來亦都到了訂枱時間才坐下，我選擇店舖外用餐，因為覺得店外對開幾個卡座更寬敞舒服，我哋叫咗一個四人餐，平心而論四人餐份量相當足夠👍🏻味道亦都非常好👍🏻首先泰式生蝦賣相非常吸引🤩鮮蝦炒貴刁，馬拉盞炒椰菜苗，軟縠蟹紅咖喱配薄餅，燒排骨都非常不錯，但要批評泰式拼盤竟然放幾條炸豬皮就作為其中一個美食🙄有點那個吧🙂‍↕️而且豬皮受潮了煙靭難食⋯⋯希望餐廳留意一下需唔需要修正一下泰式拼盤嘅內容呢？…Read More

貓貓生日入住海洋公園萬豪酒店，次次都食自助餐，今次試吓另一餐廳PIER LOUNGE,差唔多滿座嘅情況，明顯見到各樓面員工非常努力，7點左右我哋就坐低，食咗餐包（非常好味）沙律同湯之後😓主菜等咗超過40分鐘…. 不過好彩有位扎馬尾藍色套裝嘅職員小姐，喺我並冇任何投訴及催促下一直有留意到我哋，過嚟向我哋表示歉意及會跟進，最後我哋差唔多3小時至可以食完離開😅野菌忌廉湯、三文魚沙律、牛扒及羊架及去到甜品，其實食品質素都好好，各員工禮貌亦相當好，只係廚房跟進混亂影響餐廳運作！真希望餐廳留意及跟進，我亦希望下次再嚟均已作出改善👍🏻…Read More

媽咪生日，想搵一個特別啲嘅蛋糕，媽咪鍾意食栗子，就喺社交平台搜尋一下，見到Sweet On,介紹前迪士尼總廚…. 所見之款式都不太賣弄花巧，心想Sweet On莫非係sell內涵？即管一試，果然非常驚喜呀全家人都很好喜愛，好細心已經去核嘅車厘子，栗子蓉非常又新鮮，份量亦都恰到好處不會太少，蛋糕相當鬆軟不太甜的口感，最欣賞鬆軟蛋糕中心夾着的栗子蓉亦都非常美味，所以淡淡都吃到栗子香味，下次再要訂蛋糕就是我的首選…Read More

老夫老妻嘅我哋，心血來潮就今日2月14號搵間餐廳食個晚飯感受一下其他情侶嘅浪漫氛圍，由於臨急臨忙喺OpenRice見到熊小館嘅網評都好唔錯，亦都有啲特色又近屋企附近，於是乎就選擇咗，由於我哋比較晏先入座，所以意大利飯已經冇得選擇！餐廳氛圍係OK嘅，食品質素亦都唔錯，只係我哋略嫌偏鹹同濃味少少，唔知係咪因為今晚個場都比較爆滿，廚房質素就出現啲參差，牛扒肉嫩食得出唔係是但俾啲普通貨出嚟，去骨雞腿焗飯好味，仲有少少好似飯焦咁我哋鍾意，唔知係唔小心定係刻意嘅製作呢？但係好味道嘅，心太軟好味唔會太甜，係飲品反而就覺得有啲失色、款式唔多，只係果汁加啲果醬調較而成，但係性價比嚟講都係好合理架喇，而且場所氛圍唔錯，有好多不同大小嘅態啤啤公仔及場景供大家打卡…Read More

報紙見到大閘蟹蛇宴$1488半席好吸引🤩遇到黃經理非常窩心，入席前更細心通知蒸蟹需要20分鐘，叫我哋通知佢先至叫廚房開始蒸蟹，半席蛇羹都有一整鍋，隨後豉汁蒸鱔非常新鮮夠份量👍🏻羊腩煲好靚酥香又軟熟仲好夠份量，蛇汁唐生菜鮮嫩爽脆，半席鵝就當然係半隻啦，鵝皮脆卜卜👍🏻仲有臘味糯米飯，薑汁桂圓茶同第一度菜嘅大閘蟹嚟返一個頭尾呼應完美終結。順便一提之前食評見到好多彈服務態度差！本來我哋今晚都有啲戰戰兢兢，或許我今天非常好運，遇到黃經理細心又有禮貌又貼心，員工亦都非常友善，完全覺得係超值又舒適嘅一餐…Read More

朋友推介位於Airside 5樓四面太泰式火鍋，服務員非常有禮貌，坐得舒服，之前兩次晚飯的確排長龍入唔到！今日午市終於可以坐低食到，服務員態度有禮，座位亦相當舒適。食物質素很好，清新另類，只是選擇種類不算太多，泰式珍珠奶茶不錯，非常絲滑，今日二人吃咗兩個午餐，再加咗竹笙蝦滑、豬肉卷、椰子滑雞，午餐已經好足夠了，碰巧今天在場女士還會獲得大笨象毛毛公仔一隻，呢個氛圍設計很不錯啊👍🏻希望店舖再推出多款食物選擇，那晚餐會食得更開心滿足😌…Read More

朋友推介特色主廚秘製南蠻炸雞，反正要找一個地點飯聚慶祝，見到OpenRice其他分享圖片亦相當吸引，決定一試，首先非常日式風味嘅門口設計，個子稍高一定要低頭彎腰才進入，店內裏有吧枱可以近距離望到炭火燒烤的廚師處理，店內裝修日本風味濃郁，令人恍如置身日本一樣，店員非常好笑容，禮貌服務非常到位👍🏻解釋食物種類耐性又詳細👍🏻食物質素水準高，非常好味😋個人喜愛魷魚餅、月見免治雞軟骨串、厚燒牛舌心、燒茄子（非常Juice）、青森蘋果豚肉卷….尚有很多款式，今晚未試到！下次encore再試其他🩷…Read More

朋友生日見到呢度嘅讚評唔少，所以一試，首先值得一提店員招呼服務的確唔錯👍🏻尤其一位戴眼鏡嘅金髮弟弟叫做Ryan嘅，現在真係甚少見到年青人咁有禮貌、親切又有耐性，邊個話香港嘅服務不及北上？真係值得一讚，貴公司可以留意一下呢位員工。另外有位女士全程招呼我哋由落單開始至到燒肉嘅初段，都一樣落力有禮又貼心，只是美中不足套餐裏面嘅90日牛一直同我哋講係豬！令到我戒牛肉嘅朋友都食咗一件😖先知出問題！話說回來店內座位舒適，寬敞闊落無壓迫感，食物質素亦相當唔錯👍🏻燒牛肋排及調味豬上肩，煎薯仔餅，套餐跟嘅泡菜豬肉湯亦都好好味，大家可以一試…Read More

好朋友生日me time搵個地方傾吓偈，食吓嘢，店舖設計好適合girl talk，食品賣相更適合打卡，店面不算大，但還有上層坐得更加舒適的，略嫌店內枱面太細！放嘢食嘅時候比較論盡，但係每一個小食、主菜、飲品賣相都相當吸引，而且味道亦都好好👍🏻各店員態度相當親切，整體而言非常滿意。推介👉🏻檸香梳乎厘，想食的話預半小時落單便可，非常軟熟香濃蛋香，店員還會細心講解如何食法可以享受3個味道，非常特別。…Read More

無目的搵地方食晚飯，有善老闆打招呼介紹二人燒肉餐，又推介生猛龍蝦刺身➕龍蝦湯兩食只係三百幾蚊吸引入去試試，卡座寬敞，環境舒適，佈置亦都相當有日本感覺。店員非常有禮貌，一坐低首先就送上特飲紫貝天葵荔枝飲，因為我唔食龍蝦刺身，又唔食刺身，細心老闆發現我坐喺度冇嘢食，自動送上一點燒鱈魚干，已經感動到我啦鵝肝多士推介鵝肝大塊，油香十足，燒肉西冷A4和牛，嘩…..不得了，入口即溶油香填滿整個口腔牛舌心牛味特別濃郁，最重要食得出全部都係優質食材，值得推薦👍🏻…Read More