PP Li的个人专页

見社交平台 有人share左個廣告，仲送護膚試用裝就決定黎打咭， 間野係有啲難搵， 去到企喺門口一陣， 諗住啲服務員醒目會問你係咪訂左枱等，點知佢地望完你當無野喺度傾計，服務真係麻麻，之後我入去話訂左位要坐出面， 佢地話出面好熱，好多人都唔會坐又曬，我都係堅持坐出面可以影相，外面有風扇，都唔會好熱嘅，我地坐左之後，好多人都坐出黎，影相靚啲， 點心好快到，份量都幾小，食完唔會飽嗰隻，但幾好食嘅，樣樣都唔錯，飲品我就覺得一般般啦，無咩特別， 一個鐘都唔洗我地就埋單，見佢仲未送護膚品就問佢啦，點知佢話無貨叫我留低電話到左打比我黎拎，等左三個月都無人打黎，無貨就唔好出廣告話送護膚品，又話到左打黎又無左件事，好似呃人咁，所以我遲左咁多先post 係一路等緊佢打黎， 點知無左影，所以無下次…查看更多

今個月爸爸生日，所以就帶佢黎103食午餐，諗住啲人話靚景，就當黎睇景啦，睇食評就一早預左食無野野食，同食物都唔會太大期望， 尋日早左到，但佢地要十二點先放人入去，服務都唔錯嘅，幾有禮貌，野食比預期多，因為真係以為無野食😬 至於景就其實無咩睇到，因為玻璃有窗簾同其他野遮住，唔係窗口位基本上無咩景睇，不過廁所個景幾靚，大家去可以欣賞下😹 個人記為如果睇景，自助山會比較好個玻璃比較開陽， 同靚，食物亦好食好多，價錢比較便宜， 103 午餐都要差不多5百一個，如果有滙豐Signature , Platinum 等有85 折，不過但我無帶，所以比正價😐 海鮮有小龍蝦， 青口，蝦，蜆，我無食，因為對呢啲海鮮真係無咩興趣，我覺得麵包最好食，因為其他都係一般般，無咩特別， 食一次就夠🥰 …查看更多

朋友前幾晚食過介紹我去， 位置亦好方便就喺舊348 對面， 之前成日經過都無留意到呢間餐廳，睇食評話服務麻麻，但我覺得員工好熱誠， 氣氛好好環境好舒服，仲有人彈結他同唱歌，爸爸生日佢仲走黎唱歌比我地聽， 幾個員工走黎講生日快樂， 周圍啲人望過黎之後聽到好多人拍手， 好好笑， 其實呢個環境晚餐價錢算公道有折的話，食物算好食嘅， 但蠔就好瘦好薄，可能日日唔同，朋友佢話食嗰日無咁瘦，叫左$28 同$38 各6 隻，餐廳職員話呢兩款比較肥，一打送紅/ 白酒，我地叫左紅洒， 送嘅黎講算幾好飲， 我地叫左兩個$298餐，龍蝦湯好好飲，前菜個撻都好脆好食，牛扒煮得啱啱好，因為好多餐廳，你叫五成，黎到都已經熟哂，佢地真係五成煮嘅，牛亦有牛味，而三文魚就無咩特別， 鵝肝我覺得一般般，可能未煎得夠脆， 試過有一間洒店煎到外面好脆好好食，最後朱古力心太軟，餐要加$15 一份， 聽人講好脆好好食，但我地今日嗰個好淋， 覺得一般般，反而個雪糕好食，仲加左木糠，同個雪糕好夾，爸爸都話個雪糕好食，下次會試早餐同下午茶，早餐係超平，最衰唔係住附近，如果係真係變左我飯堂…查看更多

睇蘋果同OpenRice 網友講都係有龍蝦同蟹，點知變了二選，龍蝦仲要每位加$20， 龍蝦比較細但好鮮甜新鮮嘅，魷魚腸粉幾好食，腸粉好滑，八寶魚好滑，蟶子比較細都好鮮甜，八隻蜆四隻有沙，蝦一人兩隻幾新鮮，鮑魚郁嘅新鮮，蠔一隻新鮮一隻麻麻，個飯完全唔覺好食，仲有啲排骨幾舊都叔嘅，因為海鮮唔多唔夠飯，所以都食左兩碗， 個湯麻麻，個糖水幾好飲嘅，第一次食窩心八鮮，食過好好次窩心，覺得窩心好食好食，仲比八鮮平，仲有最唔好就係book 嘅時間話由5:45 -8:00 ， 點之之後又話7:45 就要交枱，因為第一次去搵唔到，網上又教人牛頭角站，足之遲左十五分鐘，小小趕嘅感覺，講左幾次要7:45 前還枱，好似比人係咁吹嘅感覺，下次都係食返窩心比較好…查看更多

聽人講中庭任食點心高質，親戚試過都讚不絕口，就book 左黎試下，現在要$228加一茶錢，一人$27x ， 聽人講$198 嗰時比現在$228多野食啲，我覺得款式唔算多，但樣樣都好食，茶就一般般，我咩茶味，點心食得出係用心整嘅，我爸爸鐘意食佢嘅叉燒包，點心一件件叫比起其他任食點心好，可以食多啲唔同種類，食過W hotel ， 籠籠都三粒，仲要幾大粒下，我地兩個人去食得唔多款， 點心比中庭更小選擇，另外食過海雲天，三間黎講呢間最好，無論食物或服務，收碟好快，服務員非常有禮，為一唔好就係只有十點，對於我黎講太早了，太早都唔會有胃口食任食，如果十二點會更佳，整體黎講，食物質素算比較高…查看更多

今日同爸爸去食，上月星期食左文華，爸爸話呢度仲多種類🙈 60已經有老人優惠， 佢啱啱好60， 折左$173 加10%， 本身成日折左都唔貴， $208 加一， 呢個價錢真心比想像中好，可能睇食評食物種類唔多，無咩期望之下，又覺得有小小驚喜，我覺得算幾多種類，茶水、咖啡任飲，有魚生，點心，牛羊扒， 凍蝦、螺、青口、蠔雖然唔算肥美，無咩鮮甜，但有蠔一定加分，食物算中規中矩， 坐得都好舒服，係位同位之間算近，服務都好好，差不多食完... 侍應哥哥先叫入code 做會員，可以送可樂、橙汁、啤酒， 如果早小小叫會好啲，因為已經飽到飲唔落，整體滿意，會再去嗰隻，抵食！ …查看更多

媽咪生日去左呢度買花花蛋糕，公司啲同事成日買，所以特登搭車去九龍城買，蛋糕好靚，好味，但酒店價錢，服務勁差，服務員白鴿眼加唔想做咁嘅款，非常無禮貌，直情趕客咁嘅款…查看更多

以前差不多每日都食佢嘅早餐同下午茶，絶對係一間有誠意嘅餐廳，食物品質高，以前嘅魚柳腸仔芝麻包係我最愛，差不多每天都吃，包係烘脆，好好食.... ！但依家食品質素越黎越差，包直情唔烘一舊石頭咁就比人食，而且仲係凍冰冰，為左慳時間，以前嘅誠意完全無哂，凍奶茶越來越差，每次叫小冰都成杯冰，拎走D冰杯奶茶係得番細半杯！最差喺佢嘅服務態度，員工服務態度差，無用心，經常落錯單，D人成日掛住傾計而唔幫客人落單，總之就係受氣！…查看更多