暴食熊's Profile

剛經過，有d餓，又有排未食飯，唸住買d壽司返去食，見好耐冇食一番，就買下外買，佢仲有下午茶價錢添，就叫咗4客三文魚壽司+1客帶子壽司+1客芥辣8爪魚壽司，到拎得外賣時，我望一眼，眼都凸埋，以為自己望錯，細粒到，6客壽司好似難民咁質落一個細外賣盒，我見得咁少，就去爭先再買外幾粒壽司嚟食，返到屋企打開，首先係 size 明顯細粒，再而就係， 一番d三文魚全部都係d頭頭尾尾又有筋嘅位囉，帶子又冇味，完全唔覺得佢嘅味道比爭先好囉，伏到令人震驚。其實佢下午茶嘅價錢只係每一客壽司平$1咋，咁係咪比返$1就可以比返啲正常水準嘅食物人哋呢？希望一番嘅人睇到之後會改善，其實你哋比 d垃圾客人食，只會做壞你哋自己招牌架咋。…Read More

今晚就個朋友, 去長沙灣食晚餐, 之前見食評話CHOO CHOO 好味, 就去試下, 一入去間餐廳, 感覺好舒服, 唔會太光, 樓底夠高, 唔會有壓迫感, 服務員好細心, 見今晚轉冷, 我地一坐底就比咗杯暖水比我地暖下身先. 今晚叫咗個柚子汁鴨肉沙律, 非洲雞, 炸魚薯格 & 墨汁軟殼蟹意粉, 再加一杯Mix Berry飲品, 個柚子汁沙律好開胃, 鴨肉唔係平時成日食果D 鴨胸, 而係自製果D, D肉好嫩滑, 啱啱熟, 肉仲係粉紅色架, 好香, 而非洲雞個汁真係好香, 一送上嚟就聞到香噴噴 (夾小小椰香), 好吸引, 令人食指大動, 食落D 雞好似棉花咁軟滑, 第一次食到咁軟滑o既雞咋. 炸薯格就一食就知, d 魚真係同出面果d 唔同, 魚肉較為有咬口, 比街外果d 靚好多, 最後就係軟殼蟹墨汁意粉, 好香好香, 離遠已聞到香氣撲鼻, 用咗好多蒜頭+蒜茸去炒, 好乾身, 唔同外面d 有d 汁响度, 而隻軟殼蟹炸得啱啱好, 又冇乜油, 好香, 好so & 脆口, 呢個真係超好味, 我仲叫咗杯Mix Berry飲, 飲得出係用好多BERRY打出嚟, 唔係溝水嗰D, 真材實料, 酸酸甜甜, 好好味, 食得太飽仲可以中和一下, 當食到一半時, 已見好多人了, 仲有D人响外面等著, 天寒地凍都仲肯等位去食, 証明有返咁上下, 下次都係要早D 去食先可以免等位, haha…Read More

因為突然好想食d地道小炒, 首選當然係大排檔啦, 有朋友話石硤尾村有大排檔, 就同朋友一齊去食了, 去到一間叫"珍品雞煲烤魚", 本來都想叫烤魚, 但朋友話叫咗就叫唔到第二d 小炒, 因為烤魚一般都比較大盤, 所以都係叫返小炒食, 我地叫咗酸菜魚, 羊腩煲 & 滑蛋炒蝦仁. 酸菜魚同羊腩煲同時一齊上, 雖然天氣唔算太凍, 但仍然好想食羊腩煲, 一打開煲蓋...好多魚腩啊, 而且有好多配料, 有馬蹄, 支竹, 大蒽, 冬菇等等, 羊腩好林好滑, 濃濃o既羊味, 肉汁有d 黏口, 即係好重膠質啦, 最好係有馬蹄, 因為食到咁上下, 食一粒爽口o既馬蹄, 即時清新晒, 而且仲附送咗d "塘O" 菜, 好乾淨. 好香. 之後再食酸菜魚, 又係好大盤, 好多魚片, 平時出去食酸菜魚, 通常都只有面果"浸" 係魚片, 底果d 都係配菜, 但呢度就唔係la, 除咗面果d 魚片之外, 底下仲有好多魚腩, 食到飽為止, d 魚仲要好好好滑, 但食果陣要小心d, 因為有骨, 如果怕多骨, 可以食底下d 魚腩, 啖啖肉呢., d 酸菜又好好味, 唔會死酸, 仲帶有小小甜味, 而且呢個酸菜魚唔會好辣, 就算唔太食得辣o既人都食得到! 唸起都流口水呀! 最後就係滑蛋炒蝦仁, 呢個真係有驚喜, 超級好味, 朋友食咗第一啖之後, 忍唔住叫多一碗飯, 哈哈, 雖然呢個係好平常o既小菜, 但唔係度度做得好食, 呢度係我食咗咁多年滑蛋蝦仁中, 其中最好食o既top 5 之一. 蛋真係超滑, 唔會實的的, 仲有d 韮黃, 而d 蝦又好大隻, 有蝦味, 爽口, 食得出係冇用嘢"那"過o既, 而且勁大碟lor, 果真係抵食夾大件. 大排檔就有呢度好, 夠鑊氣, 夠風味, 真材實料. 所以大排檔係我最喜愛o既搵食地方之一.…Read More

今晚好想食日本拉麵, 就去咗"焰"拉麵, 之前都好想試架la, 但成日見到要等位, 就放棄咗, 今日好彩, 見佢晚巿一開, 冇乜人, 即入去試, 雖然麵款不多, 但可以自由選, 無論湯底濃厚度, 定係麵o既硬度, 甚至主食都可以選 (即係要叉燒, 豬軟骨定係燒雞, 都可以揀), 店員會細心介紹比你知, 而且仲可以加$28轉為套餐 (包括沙律, 糖心蛋 & 支裝汽水), 如果去fb like & 打咭, 仲可以享有半價轉套餐價添  今次叫咗黑蒜湯底 & 豬軟骨, 因為有好多菜, 比較健康, 好快麵就到了, 大大碗的, 有好多菜, 好香淡淡o既蒜味, 湯底真係黑色的. 因為選湯底時叫了中等濃度, 感覺剛剛好, 淡淡清香, 又有d 甜味, 不會好喊, 喜歡濃度高的, 可以叫高濃度湯底. 反而d 野菜就炒得好爽脆, 帶有甜味, 而麵就與一般日本拉麵唔同, 比較幼身, 店員話係老闆去日本博多學完返嚟整的, 麵幼身的話, 會比較易沾多d湯, 很細心呢. 豬軟骨真係好軟林, 很易溶化呢.但由於成碗麵太多料, 豬軟骨亦多, 最後食唔晒d豬軟骨, 很可惜 , 仲有, 一定要食o既係糖心蛋, 好好味, 蛋黃係少少流心咁, 食落唔會令人有負擔, 配麵食啱啱好!! 值得再試! …Read More

因為太晏起身, 所以今日食的第一餐係下午茶, 唔想去咁遠, 就去咗茶包, 叫咗個蒜蓉脆豬+柑桔綠茶 (小甜), 由於唔想飲咁凍, 同佢地一講, 店員即話可以走冰, 太好了, 茶到後, 味道剛好, 不太甜, 有柑桔味, 很清爽, 脆豬到後, 一打開, 香噴噴的, 但可惜, 今次太燶了, 令蒜蓉走了點色, 但包仍然很很很脆, 這個很重要, 因為如果包不脆就沒有意義了.  …Read More

由於响長沙灣返工, 所以每朝都會响Pie & Tart買早餐, 試咗咁多味道之後, 始終都係鮮奶tart 最好味, 今朝又買咗一個做早餐, 奶味香濃, 由於係新鮮做好, 所以熱辣辣, 食過一定會再想食, 所以現在差不多每日都食一個, 食過咁多間, 長沙灣呢間整o既係最好味的.…Read More

好耐冇响吉野家食過早餐了, 今日有事請咗假, 所以可以一早去食, 叫咗一個粟米紫菜牛肉飯加埋凍飲都只係$20咋, $20有埋凍飲o既早餐真係冇乜邊處有, 仲有最愛o既牛汁, 加埋酸薑一齊食, 真係正, 本人最中意將d牛肉浸响牛汁肉, 加強牛肉味, 食完真係好有滿足感…Read More

今晚約咗友人到旺角買嘢, 朋友話想食咗嘢再行, 又話想食米線, 咁就走去搵食, 見到一間叫小雲川o既食館, 就入咗去, 因為時間尚早, 所以唔駛等位, 朋友叫佐佢招牌o既蕃茄安格斯肥牛, 而我就叫咗豬腸米線, 另外再叫咗2款小食, 香辣牛筋 & 雞亦 (配3種醬汁, 香辣, 柚子 & 泡菜沙律味), 加2杯凍豆漿, 首先到o既係牛筋, 係涼菜, 未食已聞到好香, 食落軟Q, 又唔會太林 或太硬, 食唔停, $25真係好抵, 之後友人的蕃茄牛米線到了, 好香好濃o既蕃茄味, 好多牛肉, 仲有真茄呢, 我食咗塊牛肉, 好好味, 跟住我o既豬腸米線就來了, 嘩, 睇到不敢相信, d 豬腸多到你唔信, 一定比外面食的多一倍呢, 而且好香鹵水味, 食落好入味, 好香好林, 而且冇乜肥膏在腸肉, 食多d 都唔怕, 食完好想再食  所有米線都有芽菜 & 九菜伴住, 米線份量好大, 食量少的人一定要叫小米線, 最後到咗雞亦了, 係即整o既, 所以遲少少到, 試咗3種醬料, 本人喜愛柚子味, 因為好青爽, 小小甜甜酸酸味道, 友人中意辣味, 話夠辣又好味, 食到咁上下, 食飯人潮開始來了, 好彩, 但見到其他食客叫咗肉燥飯, 很香, 下次可以試肉燥飯了.…Read More

日抖去行完山, 夜晚幾個人返元朗再燒烤, 近近地就去西鐵燒烤樂園啦, 又加價了, 要$130一位, 但食物選擇少咗好多, 慶幸o既係..辣雞亦, 豬脾仔仍然存在, 其他食品如, 豬肉粒, 金沙骨, 丸類, 腸仔都係冇特別, 始終都係雞亦類最好味, 不管係蒜味雞全亦定中亦, 或辣雞中亦都非常入味, 好好食, 辣雞亦真係辣到好過引的, 豬脾仔就加咗孜然粉去"yip", 所以食起上嚟好香, 其實自助燒烤的話, 呢間真係唔係最好味, 但勝在夠方便lor. 下次都係要搵過第二間試下先得. …Read More

今日幾個人唸住入大埔行下, 咁一入到大埔, 當然係唸住去食下東記o既大豬扒 & 雞亦麵架la, 都預咗等位, 去到時大約下午3點, 等咗大約15-20mins, 都ok, 但叫咗食物, 一等就是30mins, 不是吧, 之後就麵先到, 本人叫咗河粉, 朋友叫了上海麵, 一食....直頭想倒咗佢, 河粉就硬的，朋友話上海麵是林到爛的, 而湯底只清淡如水+蔥咁..再等多大約8-10mins 主角豬扒 & 雞亦終於到了, 雖然味道仍然不錯, 但整体水平下降咗好多, 仲要賣$30一碗, 真失望. …Read More

今晚放工飛快咁返到元朗, 路過見到ALDOU CAFE, 望見間CAFE 唔算好大, 但好"骨紙", 就入咗去食我o既晚餐, 入到去, 餐廳環境舒服, 雖然係open kitchen, 但都冇油煙味, 燈光適中, 睇見有前菜, 而主菜轉set只需加$28, 首先嚟o既餐湯係鮮茄蓉忌廉湯, 真係有茄粒的. 而餐包就微暖但好脆口, 之後就嚟咗我叫o既前菜, 白酒煮蜆, 好抵$68咋...一上枱, 嘩...好香好香, 仲有好多隻, 每隻都好飽滿 , 煮到啱啱好, 好滑, 味仲有點甜...主菜叫咗個蟹肉龍蝦汁意大利飯. 好多蟹肉, 睇得出係人手撕開的, 飯煮得剛剛好, 好creamy, 蟹肉好甜, 好香, 飯裡面仲有d 野菌一齊煮, 食落有好多種層次 & 味道, 因為野菌味都好濃郁..套餐我選擇咗果茶, 今日之選係柚子蘋果茶, 真係有果肉在的, 而且唔會好甜, 小小酸, 剛好..以食物質素計算, 價錢真的很抵,  …Read More

今日响尖沙咀做完嘢, 攰攰地想搵個靜d o既地方食晚餐, 行下行下見到呢間PETIT DELI好似好好情調咁, 就入咗去試...先叫咗杯特飲, 叫"薄荷滑冰", 係好似沙冰之類, 酸酸地, 涼涼地, 好醒胃, 問咗餐廳d人, 佢地話用青檸汁+檸檬汁+小小薄菏酒整成的, 但真係唔係好覺有酒味, 跟住就叫咗個"芒果蟹肉牛油果他他"做頭盤, 因為中意食牛油果, 所以叫呢個, 味道好好...好滑, 牛油果同蟹肉都好夾, 配d 芒果..帶小小酸味..正, 仲有, 佢d配菜都有用橄欖油撈過的, 菜亦新鮮, 真係唔可以浪費, 之後叫咗個法式烤豬扒, 一嚟...wow...好厚的一大舊呢..豬扒o既豬味勁濃厚, 唔知係咪進口豬, 真係好香, 烤得啱啱好, 好juicy, 點埋個芥茉醬...一流, 配菜中有一個很特別, 係紅菜頭薯蓉, 更覺健康, , 最後叫咗個鮮果奶凍, 鮮果係用野莓蓉配搭的, 很搭, 奶凍味道很好, 但可能雪得唔夠時間, 質感稍遜, 若可以雪得耐d, 應該會更好. :) 呢間餐廳, 真係可以推介比朋友, 下次再嚟過. …Read More

啱啱出咗成8日差, 一返到元朗, 唸住第一時間要食返碗靚粥, 幾夜都要買外賣返去食, 買咗豬潤粥 & 蘿蔔糕.....唔知係咪外賣o既關係, 當我一食落口...有d 失望..雖然粥o既甜味仍然存在, 但豬潤明顯過熟了 , 而蘿蔔糕又少咗蘿蔔絲, 整体感覺好似粉多於蘿蔔..雖一最好係..蘿蔔糕一d都唔油..否則真係唔想食埋佢...下次要再去堂食一次, 睇下係咪因為外賣關係令出名o既豬潤變樣...…Read More

昨晚想同朋友傾下計, 所以想搵靜d o既地方, 記起之前有人話mustard seed kitchen d嘢好食, 所以決定試下. 可能一放工返到去尚早, 唔係好多人, 所以唔駛等位. 一入去環境好靜, 暗暗的燈光, 每枱都有個小爉燭, 好有情調, 識合情侶或三五知已邊食邊傾計, 一坐底無耐就送咗個home made 麵包 配芥醬, 個包好趣口, 好香, 原來配黃芥醬都好好味. 之前都睇過下話呢度o既相擁牛 & 自選沙律好好味, 所以唸住一定要叫, 咁見佢地推介個北海道三色剌身凍湯就叫咗, 而我就想食田螺, 所以叫埋, 唸住2個人叫一個主菜, 一個沙律, 一個湯 & 一個前菜 share都差唔多la. 我就叫咗杯凍檸茶, 朋友叫咗杯唔記得咩茶. 首先嚟個湯, 好靚, 好有特色, d湯係做成啫哩咁, 上面配d 好creamy o既凍湯 (有d小薯粒, 咩蔥), 最頂層有蝦, 帶子 & 海膽剌身, 個湯其本上係食, 唔係飲 , 所有剌身都好新鮮, 尤係其個海膽, 個味好出, 帶子好鮮甜, 蝦就彈牙, 但甜味唔突出. 之後係田螺, 有4個好似tart 型o既薯蓉盛住, 每個tart 上都有3粒田螺, 好好味, 同出面食果d 唔冋, 出面果d 牛油味好重, 但呢度係香草味重土d, 而且牛油味唔出, 所以唔會覺得好膩 (一定要襯熱食), 跟住到沙律上...一上枱....嚇親了...超級巨大, 大到足夠4人食, 沙律用料係比我地自已揀o既 (基本上係任選, 可揀晒都得, 除咗內/海鮮, 只可選2種, 另外, 沙律醬都只可選2種) 我揀咗意大利醋, 另一種醬是朋友喜歡o既唔記得咩醬. 我地用咗好耐時間食完"盤" 沙律之後都已經好飽, 之後就到主菜相擁牛上了, 望住都唔知點算...又係好巨大的, 我冇留意, 原來個西冷扒足足有12oz, 配上一大pat 薯蓉, 有個烤蒜 配埋荷蘭蛋黃醬..同朋友一齊望咗好耐, 跟住切開嚟睇....嘩....好靚o既粉紅色呀, 我地叫5成熟, 真係啱啱好, 之後d 香味係咁飄出嚟...食咗第一啖, 好濃o既牛味呀!!!!!, d 筋都唔un..好爽的, 好好味..蒜頭好甜..個人覺得..唔點d 醬..淨食牛o既原味係最好味的...食到咁上下..淨返d 薯蓉, 本來唔想食, 但唸住係咁2食少少, 呀..都好味喎...有特別o既香草味, 薯蓉有一粒粒o既小薯粒, 肯定唔係開粉果d..如果唔係飽到上喉嚨..一定食晒佢...昨晚食到一間有水準o既西餐, 令到個人好開心.仲有..佢地服務態度真係一流, 有笑容, 親切, 有禮貌…Read More

今晚想啤啤佢. 但又唔想去咁嘈o既地方, 結果去返大埔呢間德國餐廳, 雖然餐廳細細, 但尚算舒服. 上次食過豬手, 真係好好味, 但今次怕食唔晒, 所以冇叫. 今晚想食魚, 所以叫咗個炸魚薯條 + 一份豬肋骨, 豬肋骨先上枱, 一望...嘩...好大份呀!  $148 一份, 真係前所未有...肋骨有咬口, 肋排不會太乾, 醬汁係傳統燒烤汁, 幾惹味, 但覺得醬汁不夠多, 如果再多D汁會更好味 . 之後再上炸魚薯條..薯條一睇就知係新鮮嘢, 因為見到有皮的, 而且係厚切薯條. 薯條炸到香口, 中間淋身, 真正皮脆內軟, 而且很乾身, 冇油, 不太咸呢, 但香草味不夠, 如果加重D 香草就仲好. 魚就炸到好脆口, 睇外皮光光滑滑, 以為有油, 但一咬之下, 一點油都沒有, 而且魚仍保持嫩滑呢, 好好味.  (大家可試下叫店員比D芥醬你, 覺得用嚟點薯條好好味). 另外, 今晚叫咗支Strawberry Cider飲都幾好味, 出面未見過. 傾下飲下食下又過咗一個開心o既晚上. 下次嚟都係要叫埋豬手先得, 見到其他人食, 自已又冇隻豬手响度, 好似有所欠缺咁. , 仲有要早d去, 咁就唔駛等位. …Read More