Chowsman的個人專頁

行完圓墩效遊徑 落山落到深井經深井人推介 嚟能記食燒鵝lunch 雖然自小已聽深井燒鵝 但都未食過 一行9人食 叫左燒鵝好大隻 加瀨粉 仲有小菜老闆親切好客 🤟🏼👍🏻👍🏻 推薦大家行山 加 燒鵝lunch既行程 雖然天氣凍 但心裡暖暖的…查看更多

冬風起 就會想食湯水野 呢日心血來潮 食餃子 🥟一路都聽過甜記 但未食過 等位10分鐘左右.叫左 香葉肉碎豬肉餃 同埋 醉雞 首先 一飲個🍅🥔湯 我真係忍唔住心裡面講：人嚟 頒個獎比個湯 唔該 快啲 😂😂入口清爽 而且唔膩 蕃茄既酸味亦有層次 個煮到溶溶爛爛既薯仔亦記一功 （加多個獎比個薯仔pls) 🥲🥺 100分.我亦明點解咁多人鍾意食佢嘅餃子俗語有云皮要薄 餡要靚我覺得仲有一個重點就係個餡要夠結實，唔會一咬就散開晒同埋太多水分 就好似包裝水餃咁 煮落好鬆散 令到餃子皮同肉好易分離 湯、皮同肉都分開哂而甜記餃子就好緊實 而且調味剛好 我食既香葉肉碎口味 雖然比較新式 但入口完全合理 另外醉雞就不過不失 肉質嫩滑 但骨相對碎散 容易與肉混和 如有去骨選項則更好 總括黎講 蕃茄薯仔湯世一 thanks …查看更多

夜晚又乾又凍 入左aeon想買d野食 掀一掀餐廳嘅餐單 發現晚市價錢都好親民 似lunch價可能仲平過自己買餸煮 就入左去試一試 叫左道他他醬炸雞定食 .一上菜發現份量好足 雖然餐單上面係一嚿嚿，但佢上嚟係一大塊切好咗嘅，然後他他醬都比得好多 感恩 🙏🏻 自己煮就煮唔到啦 食落佢個炸皮 應該係有特別嘅配方脆得黎又唔會超級熱 有時食炸野會成日熱辣辣 食多幾件就傷到上咢 🔥最體現到佢係日本黎既過江龍就係佢個cabbage 係簡嫩既部份 夾埋黎食 就岩岩好 中和下炸野既油膩呢餐就價錢、食物都唔錯 幾warm 推介🤜🏻唯一可能個裝修比較開放 堂食可能會同好多路人四目交投 👅👁️👁️…查看更多

秋風起 終會想小酌幾杯暖暖身子 朋友提起潮州人這小店的醉野唔錯 聽罷 轉一轉站 便到了小店門前 時間可能尚早 客人只有我一個 見到餐單選擇不算很多 但款款都想食 要賣醉之餘 還要補補身招牌是花膠米粉但我想有米氣 叫了湯飯 下次再嘗米粉 店員還貼心問我要不要分開上 回「是～要的」.飯份量很足 花膠一大片 像一塊collagen本來想不食光整碗 不可以食太多carbs 但那個湯 真的很好飲 食下食下就成碗都飲哂 飯又食哂 好有胃口之下 又試左幾款小食 蝦啦 蛋啦 鮑魚啦 好 我覺得鮑魚幾好食 而蛋都幾濃味 不過個湯真係最驚艷 而且呢間店 好似令人食極都想繼續食 唔知係味天氣凍凍地 胃口好 總之 係幾開心既 …查看更多

友人慶祝求婚成功 為姊妹團開飯局餐廳最大賣點係可以試唔同種類嘅清酒而且座位寬敞 有隔間 相信同三五知己都可以坐得舒服得黎 又傾到計居酒屋路線 中上價格食物質素還可 性價比唔係太高 酒配小食 有串燒 燒物 同埋各式湯類唯一覺得食落去有驚喜係 鰻魚燒汁串 口感彈牙 層次豐富 而且熱辣辣其他菜式就不過不失…查看更多

見有食評話好伏 不過見app有得自取 今日就試下 叫左炸魚薯條 連餐簡左熱 earl grey 野飲都幾多款簡 出餐用app叫 落完都好快就有得拎入到餐廳 望左一下 見有唔少客人 環境唔錯 野食方面 都有溫度 係剛炸的 大大舊有兩件 薯條咸左少少 不過都點茄汁中和都okay 份量都好夠 🤰🏻🤰🏻唯一少少遺憾係 個袋大左d 而杯野飲行行下 漏濕左個紙袋 有d lei hea 建議下次固定下個位或者用膠紙封實個蓋咀…查看更多

今日下午經app order 了 意粉 takeaway 🥡 <鮮蝦蜜糖芥末帶子意粉> 價錢有優惠亦相宜 餐帶綠茶 出餐速度都快 和App 顯示的一樣店舖在1樓 應該沒有做堂食 只做外賣性價比滿意 賣相不差 份量很足 見餐廳名應該主打醬汁 呢款汁酸酸甜甜 不會感覺很膩 見餐單亦可自由配搭意粉, 配料和醬汁有興趣既朋友可以一試 …查看更多

呢間係荔枝角新開既手卷/便當外賣店 我平時都中意食手卷 之前食開x氣 不過唔會再幫襯所以決定試新野.叫左一個A3(?)餐(有手卷同蛋)同一個海膽軟殻蟹手卷.先講兩個手卷 飯量太多 而料很少 只有一開首有 後面就係好多飯 中間有幾粒蟹籽 幾粒蟹籽咁 .軟殻蟹炸粉係有調味 不過用材好少 而且因為飯好多 所以更加意識到好少 然後就係個蛋 都幾創意料理 佢既結構大致係咁：.炸蝦芝士沙律醬五大匙飯厚蛋.咁我覺得佢炸蝦係炸得唔錯 okay當小食好合格 不過個飯太多 加埋芝士 醬 同蛋 唔係咁夾 整體太多碳水化合物同蛋白質 .我諗總結而言 可能都要改良下菜單 調整下價錢 尤其隔離行幾步都有幾間日本野 可以take away 價錢差唔多 而且其他食物既選擇亦好多 希望下次食比我既感覺係可以煥然一新…查看更多

午食火炙set 加饅魚手卷喜歡米飯 緊密但保有每粒形狀. 饅魚手卷分量適中 肉質柔軟 口感有醬汁 不會太乾 . 壽司嚐起來是溫柔的味道 就像散步的感覺.炙燒隨呼吸於腔間縈繞 呷嚐一口週末裡的休閒 🪐🪐～個人認為茶水方面可以考慮一下 濃香味多一點的茶葉…查看更多

一行三人難得一聚 需盡訴於疫情間的大小軼事 最後來到這間在太子的手工酒吧 .環境給人「英倫秘堡」風的感覺，彷彿置身圖書館，又猶如聚首Hogwarts 學院塔內交誼廳。音樂音量適中，而且雖然場內滿座，卻沒有感到嘈吵，適合三五知己小酌聊天。.手工啤方面有不少特色口味 有Tough Ladies (港女) 又有Gentlemen(港男) 或者簡單一杯be water 可能也是不錯的選擇.友人在試酒後選了Dutches 很喜歡其醇厚的後勁 我則選了仙人掌梨cider 口感清爽 小食方面點了紫薯片配牛油果醬 薯片即炸 卜卜脆 .中間有魔術表演，仨人金睛火眼近距離盯住所有魔術師的一舉一動，特別記得銅幣與玻璃杯的魔術，厲害厲害👍🏻.離開時友人囑咐必須留個好評！…查看更多

偶然經過這間餐廳，就被日式餐廳的主題曲吸引入內，餐廳裝潢配合雞蛋主題，到處都是雞蛋🥚和圓形造型的裝飾。點了生雞蛋飯配碎金鎗魚腩，造型很可愛。蛋白打厚後，置上魚生和生蛋黃，可配醬油和飯素，隨餐有沙律和蕃茄忌廉湯～入口飯和蛋是暖暖的但魚生比較凍 所以建議大家充分拌好才開動 味道令人想起趕功課的深宵飯食，如配一口熱茶 便更完美 另值得一提的是 全個套餐最令我驚喜 的是蕃茄忌廉湯 雖然比較稀身 但很好喝 好重蕃茄味 如有單獨湯包 一定會買…查看更多

假日與朋友約飲野 傾計順便慶祝生日 友人推介呢間餐廳 話可以坐得耐 唔怕傾唔到計 book左6:30 6:45到 個場都靜 唔少人傾近密計 諗住等埋朋友就落單彌敦道塞車 7:20先到 Waiter 話只可限2小時要8:30走 最後延到9點好 我見周圍都吉位多 應該都鬆動 而且坐左差唔多1個鐘 都唔好意思走 叫左2個course （有appetiser, soup 連dessert) 加1個主菜，圖如下，再細講：黑醋沙律 份量比較少，另有蘑菇湯面包。不過不失，調味比較簡單單一。兩個前菜都細份的，有蟹肉燒賣同埋八爪魚，蟹肉比較咸，皮上枱時軟左，似脆脆配上一大匙沾醬，比較咸，入口食到蟹肉。芝士Nacho，今晚點得最好既菜。兩個沾醬好味又開胃。因為本身食方便素，所以叫左個素既risotto, 番茄仔既加入好奇怪，飯底比較簡單奶cheese, 蔬菜份量只有一些菜粒，整體無乜記憶點。另一個軟殼蟹意粉，面既味道creamy 而且有一股椰子味，蟹炸得鬆脆，都有大半隻。 不過再食幾口就比較滯。另外都叫左羊架，忘了影相，份量有三隻，比較多。朋友話okay, 但就比較多。酒方面，叫左beer, 兩種特調：iron Buddha, vinceee（見下圖）. 口味還可，比較濃味好，成餐飯味道上不差，但叫不上好。不過限制時間上，我認為除左係落單個刻講，希望都可以係openrice, 訂位電話confirm個時講番聲，最後我地食完蛋糕，9:05就已經遞單比我地，酒仲淨一半，9:15已經起身走。賣單13xx。 不過留意到周圍枱都仲坐近，我入黎個陣個d人仲係度，即係唔係好明咁囉。唔明點解monitor 我個枱咁嚴。事先講清楚會好好多，同埋希望係唔係咁樣蒒選式。係就一次過強制式。如果係有自己程序，張單唔夠幾多幾多錢，或者要叫多一輪野飲，先可以坐得耐，咁味光明正大講清楚囉。 我地講講下野 就要睇住時間，快d食野咁，成件事本身係relax , 最後好stressful. 急住走。期間送錯order，送多左個risotto、送錯左黑啤，個waitress 個眼神好似blame 我地咁，大佬，我都已經食完左一個。如果一早知要限住，唔會食依度。唔！開！心！ 以上我不太愉快的用餐經驗，可能係我運氣唔好，撞中一日多booking, 請各位自己考慮。…查看更多

年尾與媽媽撐枱腳 訂了這間評分不錯的工廈西餐嚐嚐 叫了一個晚餐set menu 加一個意粉環境很舒適，有浪漫既氣氛～情侶可以來晚餐～餐廳貼心把set menu 的餐湯一分二 ；食物水準不俗 最深刻是甜品 opera house 朱古力味很濃 而且份量剛好 擺盤也很精緻 另外 餐廳可以讓客人自帶酒 免開瓶費呢 …查看更多

新年流流來個火鍋 暖暖身 年初二與知己聚頭 聊聊近況 餐廳格局闊落 桌與桌間有足夠空位 兩人打邊爐 桌面位置也夠寬 可放火鍋料和小食。擺放材料的桌面整潔 有丸類 菜類和 涼盤小食 另外也設醬汁區 和飲料區 好像也有甜品。較失策是我們茹方便素 不吃肉 整體上 對少吃肉者而言 在性價比上較為低 但餐廳環境舒適 不會太吵 也適合傾計。 魚生刺身方面也不過不失，也新鮮的。…查看更多

與友人行山過後 來到這間有格調的cafe 等了一會入座 由於肺炎情況 所以餐廳會替所有客人量度體溫而且亦會搓消毒洗手液 多一重保障 作為顧客 也多一份安心。 朋友叫了兩款蛋糕和熱飲，賣相很好，食落亦不過不失。很多食客都以蛋糕打卡，拍攝功夫非常精湛，而且用盡心力，在下深感佩服。KOL也不容易啊。另外叫了top item之一的fruit bowl, 很新鮮 份量很足 當然視覺也很奪目 不過冬天食比較凍，建議配熱飲 或 待夏天再嚐…查看更多