MrKingLeung's Profile

今日係同愛人的特別紀念日子, 就特別食豪少少, 係OpenRice Search到呢間OTTO人氣唔錯, 就特別去試試 預早Book左位, 去到時餐廳經理超好禮貌地招呼, 幫我地安排左個Dinner Set 前菜: 煙三文魚凱撒沙律煙三文魚厚厚的, 配上新鮮的凱撒沙律, 份外清新 湯: 活龍蝦石鍋濃湯呢到鎮店之寶, 啖啖龍蝦肉, 湯內更放上半隻龍蝦, 香甜新鮮彈牙 開胃菜: 火灸三文魚、三文魚籽三文魚表皮輕輕燒過, 但又唔會蓋掉新鮮之感, 加上三文魚籽半熔在三文魚上, 咬落爽口又流感十足, 一絕 開胃菜: 青檸雪芭因為飲過濃湯之故, 所以先黎一下青檸雪芭, 過一過冷河預備主菜 主菜: 海龍王紙包深海鱸魚一個好特別的食法, 用上紙包四大名魚之一的鱸魚! 今晚的鱸魚肉質白嫩清香, 沒半點腥, 湯上的做法配一點薯仔磨菇, 簡單而清新, 絕秒 甜品: 草莓流心奶凍最後甜品的一環仍能給予我驚喜, 奶凍甜甜酸酸的配合將之前的美味罪惡感完全抹去 …Read More

係附近探完朋友仔的小BB, 就兩個人一齊去食個甜品, 記得附近有間聰嫂, 緊係唔可以放過我最愛的啦一到舖頭門外, 巳見幾十人在門外等位, 心諗閒日姐, 唔駛咁多人呀!? 不過食甜品都好快, 所以等左15分鐘左右就有位啦我諗都無諗就揀左龍眼冰, 記得來了數十次都係叫呢個龍眼冰, 因為第一次食完之後深深愛上愛上它那白雪的外表, 很是溫柔;愛上它那甜美的味道, 很是心甜;愛上它那果肉的質感, 很有層次;愛上它那點綴的椰果, 很有咬口我在想, 聰嫂跟我一生的交流, 就應該只有龍眼冰了…Read More

今次真係火山都無咁火, 因為本人用渣打卡upgrade買杯Green Tea Latte, 點知最後沖杯野出黎少左一大杯如圖所示, 我未飲過, 已經少左成大杯...如果唔想free杯upgrade俾我, 又點解要傾呢個offer呢? 真係百思不得其解另外已經叫左小甜, 但出黎係超級甜, 想點呀 …Read More

遲左收工, 好想食米線, 就食大姆指米線, 因為佢開左好耐都無咩特別幫襯過:)點知唔試都無事, 一試就大件事...我叫左重慶4度辣米線, 要左豬腸同雞扒...先講個辣, 已經係第二級辣, 但係一味得個酸字, 真係譚記小辣都堅過佢再到豬腸, 咬極都咬唔開, 好似象膠咁款, 咩事呀...相對上個雞扒已經最好, 但加我行我$9我俾個一小舊我, 會唔會孤寒左少少呢:(三個字... 無下次…Read More

放工去搵舊同事食飯，荃灣好多地方都食過哂。舊同事話帶我食新野，當然奉陪啦奶奶雞，韓國食得多，係香港真係第一次。個個都叫既招牌，梗係要食。個人覺得味道鹹左小小，除左雞仲有D瓜、蘿白、薯粉食下，幾豐富喎。見到人地叫芝士個款，都好似好吸引，下次再試！牛肉生菜包，再夾D泡菜一齊食，yummy!!舊同事口仔細細，都要一大啖塞入口，好搞笑再整罐韓國水果碳酸鳳梨味&韓國鮮奶果汁蜜桃味飲下，一人一罐，不過覺得細罐左D，飲几啖就無哂lu, 有D唔夠喉tim!…Read More

見完個客, 又未夠鐘到下個客, 是但搵間茶記坐低食少少野叫左個西多豬扒, 半份西多唔夠熱, 擺明係一早整好一大堆, 咁西多唔熱就已經唔好食:(到份豬扒, 一樣唔熱, 又要勁硬, 睇黎我真係唔應該係呢D地區對食有要求 …Read More

經常聽朋友講去He-She-Eat食甜品, 今日同朋友係附近睇完戲食完飯終於可以黎一試等左15分鐘左右入得, 叫左兩個share將香蕉開半淋上糖醬, 試問甜甜的又有那個不喜愛? 窩夫的熱配上雪糕的冷, 冰火口感引人入勝薄薄的班戟, 配上微酸的檸檬忌廉, 對剛吃飽的我們實在開胃…Read More

又做獨行俠, 今朝食咩好? 其實無咩所謂, 一個人只要快就好! 記得附近的南龍開左咁耐都未朝聖過, 不如就趁機訪一下衝著金磚而來, 但款式也挺多, 有豬, 牛, 雞, 海鮮, 我最後要了個金磚焗豬扒飯大大的一份, 正好給午餐也沒吃好的我, 豬扒略嫌硬了點, 但非常足料, 性價比還可接受…Read More

其實都唔係好知黃金海岸有咩食，所以來住一日遊就諗都唔諗就決定食自助餐啦，仲要一早READY好做左少少功課，所以有DISCOURT！預期既食物都有，不過早知就早少少來啦。錯過了帶子呀～唔通係做鬼佬生意多？佢戶外果部份係以BBQ為主，我一坐底就想食少少熱野，香香既羊架啊，可惜咬落有點硬，始終明火一大堆咁燒，不會太好吧。推薦既係虎蝦！因為真係好大隻！沙律BAR都係我一定食既野，因為可以食返少少菜健康少少，E到既菜都算新鮮，我食左兩次TIM！另外佢好得意咁有好帶藥水樽FEEL既威士忌，送蝦都唔錯呀！脆豬既皮整得好脆呀，酒店食既脆豬好似永遠都有一定既水準最後一定要留少少肚食甜品，件件既SIZE都算細，但又好多款都想食，所以都真係幾HEAVY。其實成程食食食，都咖係影左好多相，希望下次我自己會醒少少影多兩張，同大家SHARE下啦！…Read More