bettychantz's Profile

成日都想再返黎食嘅素食餐廳，質賞佢除咗用impossible meat之外，所有食物都唔係用豆製品扮肉，係將日常會食到嘅植物融入餐點，做成好自然無加工嘅野食黑松露野菌意大利飯 $108 加餐湯第一眼望落以為上面嗰d係炸軟殼蟹！差d比佢欺騙！其實係炸秀珍菇，本菇，等嘅菇，份量好大！飯入面仲有火箭菜，其他菇。米係真正嘅意大利米，仲煮得剛剛好嘅口感👍🏻磨菇湯好濃，用大量菇打出黎嘅，濃郁得黎唔咸，仲可以做到好鮮味！素年經典不可能芝士漢堡 $138伴蕃薯條，塊芝士係純素！每次食呢個burger都覺得好”不可能”!!太似真漢堡，你唔講，我唔會覺得係素肉，除咗唔會食到成手肉汁。咬開個包，入面塊肉係有外面啡色/入面偏粉紅嗰種，好似肉嘅血紅蛋白效果！好好食。蕃薯條香港好少有餐廳做，通常都係台灣菜先會出現。…Read More

呢條後街好耐無黎食飯，以前喺附近返工，lunch全部都超多人，永遠都排唔到隊，好少食到呢條街嘅餐廳等朋友嘅時候梗係自己食住小食先啦一口炸芝士 $48/ 5粒即叫即炸，好香脆(咸蛋黃薯條)黃金炒薯條 $68專登為咗呢樣而黎！炸好嘅薯條再加入咸蛋黃炒，每條薯條都痴滿咗蛋黃~咸香又脆，勁正！期間限定2人餐$398/2人竹碳軟麵包配龍蝦湯湯好夠熱！濃d會好飲d。麵包香軟，除咗黑色，唔會有其他竹碳味道士多啤梨雪糕沙冰勁多士多啤梨肉！用新鮮果肉打出黎~唔係好甜，好夠凍見隔離枱都食pizza，望落餅底係好好食嗰種，料又多！櫻花海之幸pizza $188超多櫻花蝦，餅底薄得黎唔係乾硬口感，乾身得黎表面好多芝士，好正~滿滿鈣質…Read More

Weekend黎我最愛嘅茶記食我嘅brunch哈哈哈！今次揀咗常餐再加其他小食，手機落單後好快就有得食，好有效率沙嗲鮮牛公仔麵配炒蛋丹麥多士 跟熱檸水 $44新鮮嘅牛肉，好軟滑，完全唔韌，公仔麵煮得剛好熟同淋，湯夠熱唔咸，係香港人典型嘅comfort food炒蛋蕃茄治$26好厚嘅炒蛋！喺銅鑼灣，呢個份量同質素得住價錢👍🏻波士小食 粒粒花生醬西多 $28邪惡野黎啦，即炸，手機薄完單等咗陣先上枱。平時少食呢d又肥又唔健康嘅野，好間唔中比自己放縱一次啦，算係咁啦。西多係要落得夠甜先好食，花生醬嘅份量啱啱好！…Read More

星期日要休息，瞓到12點幾先出門嘆返個Late Brunch set6款前菜好似巨型tapas咁for sharing, 再每人一款主菜，同甜品拼盤share前菜: ✅日本宮城縣生蠔每人2隻, 好大隻好重海水，偏爽口呢個價✅西班牙八爪魚伴白豆薯肉沙律✅自家製炸蟹餅，好重料！入面全部都係蟹肉，仲有少少芝士，外層炸得好香脆，略嫌入面少少乾身✅鴛鴦紅酒燴豬臉肉伴黑松露薯蓉有truffle嘅薯蓉最正！少少黎調味✅海鲜刺身塔，芝麻味中東米，泡菜醬汁✅挪威三文魚薄片，粉紅胡椒及鮮果主菜:烤牛骨髓伴和牛肉眼粒最期待嘅主菜！骨髓口感好似脂肪咁，軟軟嫩嫩，配埋和牛肉眼粒，牛嘅脂香濃縮晒喺呢度。配薄toast, wonderful燒美國春雞伴雞髀菇醬汁春雞好入味，用咗rosemary做醃料調味。食完6款前菜，呢份主菜份量剛剛好。薯蓉好好食，有少少truffle調味，而薯仔唔係完全蓉晒，有少少顆粒感甜品拼盤: 檸檬撻，白酒煮梨(去咗芯), 香蕉拖肥批呢個set真心抵食。邊有set嘅拼盤係咁大份量？呢碟全部正常size, 出面係每樣dd得好細件。呢3樣出面高級餐廳散叫，呢個質素起碼$8/90一件梨好清新，無咩梨嘅味，微微酒香，成個利好原整好實淨，唔會煮完熔熔爛爛，好香肉桂味…Read More

2人晚餐 $518+10%2份餐湯，1款頭盤，2份主菜，1款甜品❤️西式蕃茄濃湯好蕃茄好夠熱，仲架加咗芝士~係配我最鐘意嘅香脆sour dough唔係普通餐包，暖暖地又脆頭盤 法國田螺4隻連殼還勒牛油田螺配sour dough~底下有好多蕃茄salsa點麵包！田螺好有咬口，無草青味。一大羹salsa放上麵包，一啖食埋舊田螺，yummy!!主菜 烤墨魚海鮮意粉賣相超靚！意粉上面有原隻烤墨魚配葱油！意粉係al dente, 汁好夠得黎唔會太濕，仲有蜆同蝦~好正！主菜 • 阿根廷安格斯肉眼牛排 +$48好香牛味，咸味同油份比例剛好，5成熟軟硬煎嘅程度都好準，完全唔un, 只係少少血水。味道同口感都超好！完全無點個兜汁伴碟嘅薯條炸得好好，唔係好幼嗰d m記薯條甜品❤️ ”蘋果派"可麗餅平時好少食甜，但呢個crêpe係甜得有道理！好多煮咗嘅苹果，仲有caramel醬同vanilla 雪糕，超級好食！！…Read More

太古城誠品入面嘅food court位置有間專食愛爾蘭生蠔嘅日本菜小店。有魚生丼飯，烏冬，咖哩飯等等日式咖喱和牛漢堡扒飯 $135 +$38轉套餐有沙律，磨菇湯餐湯再跟一隻生蠔($9嗰種)，飲品，甜品係日本透明質地煙韌口感嘅嘢入面包住紅豆蓉。咖哩完全唔辣，係正宗日式，撈飯最夾。生蠔好新鮮，有海水味，口感介乎creamy同爽口中間，偏creamy. Size唔大，一下就sur咗入口。三文魚油甘魚丼 $86 +$38轉套餐賣相好精緻，有晒裝飾嘅花，酸薑，同用塊葉墊住嘅wasabi。三文魚同油甘魚分別都有4塊，兩塊都好肥美，一d都唔腥。原本我揀咗+$68嘅加拿大海膽，但師傅話比我知臨時發現板海膽唔靚，唔可以serve比客，所以抽起咗，改返無海膽版本。👍🏻👍🏻值得一讚，唔好嘅就話比客知，都唔會求其賣比人，good!…Read More

全日手握壽司套餐有11件壽司，連沙律，蛋，甜品同湯，而家有優惠，全日每個set減$100!!!即係$388+10%自選11件壽司，其中一件可以係omakase~首先有田園沙律配油醋汁，好fresh咁開始今餐，佢地嘅燉蛋超爆滑嫩！第一舊手握壽司係北海道帆立貝，有輕微柚子味，司傅磨咗少少柚子皮落去。大分県深海池魚，好有魚味，餃碟魚燒香咗，上面係魚嘅群邊。魚身好爽脆，油好甘香~章紅魚，口感似墨魚但無咁韌，魚香好重好突出！然後係金目鯛，小池魚配博多葱，墨魚，仲有無乜脂肪嘅中拖羅，入口有少少乳酪味！梭子魚 又名竹青魚，有蒜蓉醬汁燒咗再火炙過所以好香！馬糞海膽, 最後係手卷 吞拿魚蓉益力多sorbet，比想像中無咁甜同冰凍，好在當日仲未係咁凍啫！…Read More

見到期間限定嘅字我就無抵抗力！牡蠣車海老天丼勁多料！有2隻炸蠔，2隻炸蝦，小柱魷魚天婦羅，炸荷蘭豆，連紫菜都係炸㗎，最正係炸溫泉蛋。上到枱隻蛋都係半熟，食到一半整穿佢再淋汁，同飯撈埋食~炸皮一望就知高質，真係唔係好多地方整到咁靚！唔點汁都已經好好食，炸皮好薄。塊皮唔會一咬就離開舊炸物，而係每啖都痴到好實，每啖都食到有皮包住白身魚上天丼有炸白身魚，炸蝦，小柱魷魚天婦羅，炸紫菜，炸溫泉蛋，炸荷蘭豆。跟餐有麵豉湯同漬物。湯好濃厚，無飲過濃厚有湯底感嘅麵豉湯。漬物有陣柚子香，食落唔重味精味，好清新解油膩。個碗好高，以為好深，原來入面空心嘅。好在咋！而家一碗已經超級飽，如果係全滿我嚇死！丼碗用咗源自江戶時代的陶瓷工藝，係佐賀有田燒，空心黎保存碗入面食物溫度，源自江戶前風味。揀咗分汁，唔想一上枱就淋咗醬，搞到炸皮淋晒。因為傳統做法嘅天丼係將新鮮炸起的食材放上飯面，然後再均勻淋上天丼醬汁，目的是要每件天婦羅都能沾上醬汁。所以天丼的天婦羅並不像一般天婦羅脆口，而追求的是每件天婦羅都能適量沾有醬汁。追加招牌穴子天婦羅勁厚身，好厚美！魚脂肪同肉嘅比例完美，完全唔覺油膩。長過我隻手掌，目測可能有30cm haha…Read More

銅鑼灣分店最好食！新舖聽講開咗幾個月，最鐘意佢地成日update menu, 每次都有驚喜！打開menu第一版就有新野，好似好勁！熟成牛肉平啲聽得多，食就未食過，唔知係咪同傳說中一樣牛味特濃，鎖住肉汁！蜜糖菊花茶 $56好有儀式感嘅茶壺同杯，茶入口好香，蜜糖同菊花好夾，飲落完全唔甜！個壺入面係真花茶，唔係茶包！跟餐嘅湯同沙律: 熱辣辣嘅蕃茄湯同日式麻醬沙律英國熟成28天西冷(七成熟)$2683左塊西冷，配烤蔬菜同沙律菜，2塊切半嘅南瓜天婦羅。個醬甜甜地，少少麻醬嘅感覺，點咩都咁好食咁夾！肉味濃，肉質完全唔似七成，掌握得好好，靚到好唔真實。橫切面睇到比五成熟多d但完全無血水！nice三文魚牛油果莎莎$88本身聽川名以為係辣嘅，食落一d辣都無，只係輕調味，食到兩樣主要食材嘅原味道~三文魚刺身比例好好，就咁食都好正，配炸薄餅有d油，如果有麵包就最正~小食黎講份量都唔少！似正常份量哈哈！有d鑊氣牛柳粒螺絲粉 $128一上枱比佢個外表嚇親，點解要喺菜上面加咁多醬呢？但撥走d菜之後下面嘅粉有料到！唔止有鑊，稍微甜嘅醬汁同牛柳好夾，螺絲粉係al dente!!!講真，自己都煮唔到螺絲粉係世界標準好食有咬口，再黎係醬汁包覆度，落鑊炒過係不一樣，有醬得黎係偏少少乾身！原隻墨魚墨魚汁扁麵一上枱，原隻墨魚喺上面，震懾了我！墨汁麵係我至愛，平時出面太多伏，一係汁唔夠，一係用咗墨汁麵無另加墨汁，食完個咀唔黑嗰種係無咁好食囉墨汁麵醬汁包覆得好完美，d麵拎咗上自己碟都唔會甩色，有拉絲，食落好多芝士，好香好好食！墨魚身好新鮮，爪嘅位置係炸起咗，好邪惡囉澳洲肥威$48好香濃！平時自己沖唔到嘅質素！個杯墊都寧舍靚，好有feel!…Read More

只有check in taipei可以打贏check in taipei一排無黎，又高質同高級咗。未入門口已經feel到佢又正咗，裝修好靚。入到去仲wow!!大家都要黎食！又靚又好食，掂淨係睇menu已經每類都想要一份！樣樣都好正好吸引。比之前更有創意，更出奇，係香港精緻品味台灣菜天花板明太子甜不辣 $78好熱，即炸但完全唔油，咬落好煙韌，唔係平時食到街買嗰種。加上明太子醬點綴咗成個小食，完整咗佢嘅味道魯肉伴台灣A菜 $88好多魯肉！好夠熱，菜食落爽脆唔會太淋黑蒜牛肉麵 $128超級正！黑蒜湯底加上鮮蒜，湯底有些微藥材味，湯濃到爆，有點黑蒜嘅甜。麵可以揀台灣麵或寛粉，揀咗寛粉，似薯粉，殊一下就吸咗入口！5塊牛肉係厚切牛𦟌，入味到傻咗，肉嘅位置淋度剛剛好，少少牙力咬開，筋位比較高膠質，雙重口感！平時食到一係成個好淋或都唔夠淋，呢個麵我連湯都飲到最後一滴先放手招牌魯肉飯$68餐牌上有幾款唔同味道配搭嘅魯肉飯，都係揀返古早味嘅，其他味都唔知夾唔夾。份量都唔少，魯肉肥瘦比例適中，肥比較夠係好食d。加上半隻滷水糖心蛋嘅經典配搭，食得好開心芋泥三Q拿破崙 $108全晚我最期待嘅野，好好食，遠超我預期 超級開心。頂層係咸蛋黃碎，下面有d cream cheese(?), 3層拿破崙酥皮，中間係肉鬆，芋泥同麻薯！所有野夾埋一齊由咸到甜再到酥脆，口感同味道香味都好豐富。食完唔會成口好甜或好油，所有野剛剛好！…Read More

天氣一轉涼就要打邊爐！呢間係我同朋友我無限再返黎食嘅邊爐！勝在性價比好，位置方便大家，食先多野揀，上菜快，熟食多之餘每次去都有野唔同！澳洲和牛套餐，今次無加海鮮都有蝦食！因為熟食區有凍熟蝦~除咗蝦同麵，熟食區有響鈴，炸魚皮，老乾媽午餐肉炒飯，麻辣鴨血，咖喱豬皮魚蛋，泡椒雞腳，南乳豬手等等好多唔同嘢食~杏汁豬肺湯底，一上枱個煲已經有好多配料~~自己電子落單，上菜好快！未滾已經黎咗一轉，成枱都係。和牛肩，安格斯牛，封門柳，花雕浸安格斯牛肉，濃汁爽彈牛丸，醬爆瀨尿牛丸，全部牛都都同我黎一份先！再出去拎新鮮蔬菜，調混醬同拎野飲~準備好晒就開始滾埋一齊啦！等滾嘅時候就出去拎埋其他凍熟食，邊食邊等啦！呢度嘅胡椒麵幾出色，係胡椒喺麵入面，造麵嘅時候加咗入去，自己邊爐就可以控制麵嘅硬度，出面唔知有無得買，每次黎都要食！而家有香港製造嘅gelato, 紅豆同朱古力味都幾出色~仲可以自己出去唧frozen yogurt! 梗有樣甜品啱你！…Read More

好方便嘅位置，啱晒shopping完同fd gathering!!呢排週圍都減價，勁好買！原本都無為意呢度有餐廳，仲要係日本居酒屋~餐廳喺商業大廈升降機嗰層，樓底超高好開揚，好舒服！九平次 $50/2杯食野前飲杯野先，大大個牌寫住$50有2杯sake, 梗要試試佢。原來有任飲sake, 只係$298, 見隔離係咁行去雪櫃拎sake出黎自助斟，勁正！但我地都係唔飲得多，一杯試下好了！飲咗呢兩款，好香，米味同果味都好平均燒鱈魚乾 $38專登叫d香口野黎送酒，點下蛋黃醬，咬兩下再飲下，傾計，真係好爽！炸雞 $58都係送酒小食黎~~但我地飲得快，未食完炸雞已經飲完了！即炸，上枱出晒煙辣口！層皮炸得好靚！似p出黎嗰種，唔係快餐炸雞，而係好細緻嗰種！都係點蛋黃醬。小食黎講好大份，有幾舊大大舊嘅雞雞皮餃子 $58呢個好邪惡！喺menu見到嗰陣已經一眼就話要叫！見openrice其他人影出黎超靚。上枱入口同我想像嘅一樣，都係即炸熱辣辣啦，雞皮唔油好脆，入面嘅餡係真係餃子餡，唔係咩奇怪野。松葉蟹蟹膏軍艦 $48簡單嘅蟹蟹壽司，食完前菜小食清下個口同味蕾免治雞肉棒$42 (左)西班牙豬腩 $36(右)有隻日本醬油蛋黃做醬黎點串燒，個醬幾精彩，提升咗燒物嘅味道！雞肉玉子丼飯 $158暖笠笠嘅飯啊！又係有嗰個醬油蛋黃！搞匀佢倒落去，有少少似窩蛋牛肉飯倒個豉油落去咁~好大舊免治雞肉，同雞肉棒有d似，但無咁油，因為唔係煎嘅。厚玉子好正啊，似平時食玉子壽司咁，我最鐘意嘅壽司之一…Read More

隱身喺西營盤入面嘅小巷內有間小漢堡包店，有幾張枱堂食。舖仔細細，入面有好多其他foodie嘅好食好味相 hahaha全部都即叫即整，一d都唔急，可以飲住野慢慢傾計。高枱設計有bar嘅感覺。Cheese burger $110加combo有薯條同1/2 pint Stella啤酒+$42同single嘅分別係多層芝士~個burger有牛油紙包住，外面再放半邊紙盒，一路食完全唔會漏汁！食過太多次漢堡包係會邊食邊漏汁。。。成手都係！呢個包淨係用牛油紙都好好。肉唔會偏咸，個包又柔軟好香唔油幼身薯條，每條都炸到，唔似m記好多都係淋嘅/有時硬脆食唔到。Single burger $100最怕食burger連combo set食完勁口渴又太飽食濟加咗combo都唔會好heavy, 份量啱啱好！…Read More

菜遠牛肉炒河 $61茶餐廳嘅炒野最睇到廚師嘅功力同間餐廳喺我心入面嘅排名，即係值唔值得黎食同性價比係濕炒河，河粉唔會碎晒，好有彈性，汁嘅分佈都好平均，始終濕炒都唔會炒到好燶，炒得幾好！牛肉片同菜芯都幾多 炸小饅頭$38好少地方有得食，茶餐廳更少見有呢樣甜品！細細粒唔會太飽，仲可以點到好多煉奶！招牌酸菜魚餐 跟湯同餐飲 $101紅湯羅宋湯，偏酸無辣味，唔咸，好多蔬菜喺入面。稍微嫌佢唔夠熱，平時自己飲開偏熱嘅湯~好飲招牌酸菜魚好大兜啊~專登叫佢最少最少辣，食落都唔會好咸，因為好多時走辣就平衡唔到味道，呢個完全唔會。本身以為跟餐會得好少，呢度一個人食晒會太飽！入面好多塊魚，肉質滑到傻咗，仲有寬粉喺底！應有嘅配料都有齊，撈飯食超級正！西蘭花腰果蝦仁 $90呢個抵喎，蝦仁好多又好大隻又彈牙~腰果好食，煮過都唔會淋晒，好有咬口好香！…Read More

而家約人食飯成日都係約TST, 夠方便又可以順便行下街唔怕人地遲到～琴日同朋友食生日飯，TST呢邊呢幾條街多樓上舖，呢度都幾好坐又好食menu入面所有野食嘅名都唔正經haha, 要閱讀一陣先睇清楚係咩野黎～雞翼 － honey mustard $697隻單骨雞翼，炸得好靚，上枱勁熱辣口，雞肉好juicy。下次可以叫佢多醬，食呢個係食醬~蟹羔蟹肉意大利扁麵 $145唔係重芝士嗰種意粉，雖然係蟹肉同白汁，但食完唔覺得漏，份量偏多！好多蟹肉，原條蟹腳肉，蟹籽~~咸蛋黃牛油果蟹肉pizza $145咸蛋黃嘅部份唔係好食得出，應該係芝士嘅味蓋過咗~係原個連殼蟹夾喺pizza上面~拗開咗有好多蟹肉喺入面~Strawberry milkshake $56好正！真水果打出黎嘅士多啤梨味唔heavy,有水果乳酸味，無雪糕咁heavy~微甜好啱我！Sorbet $90芒果 熱情果雪芭，超夾！唔係好冰嗰d, 食落好似雪糕嘅口感，芒果味唔係特別出，反而似少刃薑餅cinnamon caramel ~lotus餅乾嗰種焦糖味。75% 朱古力 $48朋友嘅凍朱，自己平時鐘意熱多d，但而家咁熱都係飲返凍啱d~中等濃厚度，唔杰易吸易飲，都唔係好甜。…Read More