為食欣欣杯's Profile

一直也有光顧大埔總店的Das Bier ，很喜歡放工後相約朋友去食，一邊豬手一邊啤酒，一大樂事。最近才知道原來元朗也開了分店，恰好又相約朋友到元朗逛逛，便順道嘗嘗元朗分店都豬手。元朗分店的位置比較僻，人流不多，避開元朗密密麻麻的人群，環境清幽，有屬於香港人的空間，不再跟水貨迫在一起。店員亦很熱情接待我們，可能我們在閒日較早的時段進餐，店內不算多人。環境佈置也很有心思。地方比大埔的寬闊，坐得比較舒服。餐牌上的食物與大埔的一樣。當然點了招牌的德國豬手（它的豬手分了炸豬手和白豬手，未嘗過白豬手，興趣不大，比較喜歡炸豬手，即叫即炸，切件上，又方便食），其實德國餐分量一向大份，其實一份豬手夠兩人食用了。炸豬手的水準仍保持著，豬手皮香脆可口，豬手的肉質亦剛剛好，皮與肉之間的膠質亦重（骨膠原啊～）口感一流。豬手的咸香，陪上薯仔沙律及酸菜，中和了它的咸度，開胃之餘亦剛剛好。腸亦很juicy，肉汁豐富。它的啤酒亦有很多選擇。如果想嘗嘗德國菜，又想跟朋友飲啤酒聊天，Das Bier是個好地方，環境舒服，價錢亦合理。…Read More

同朋友經過旺角，突然好想食韓燒，上openrice見到呢間熨烤達人，好似好特別，熨斗不是用來熨衫，竟然熨烤肉，個gimmick 實在太得意，出發！入到去鐵皮既裝修好型格，成件事好似入左個熨斗入面食野咁，環境同去韓國食好似差不多，好有格調。值得一讚係佢D 凳係可以擺袋入去，唔怕D 嬲同袋吸哂油煙味，唔洗香住入黎臭住出去，好貼心佢D 凳都好特別，好多marvel 既角色，令我同行既朋友好開心一坐底，前菜好快送上，都係泡菜啊、芝士啊、栗米個D啦。 其實我都真係幾鐘意食佢既 茄子、蓮藕呢兩款前菜waiter 好快都幫我地加蛋漿，鐘意加咩就加咩，加幾多就加幾多。今次我地點左五花肉（＄105）、大腸豬支支(＄88）、雜菌菇（＄65）同堆 辣薯湯韓式生面（＄58）首先上左碟大腸豬支支，簡稱豬大腸啦，份量十足，大腸都好足料，入面有D芽菜做配料，醬汁都好野味，成件事係好有口感同惹味（本人食野比較重口味），所以都覺得幾讚。五花肉個份量都算大份，不過好似未解哂雪咁。唔知有冇人好似我咁鐘意食肥少少既五花肉，貪佢燒完肉汁肥美，好好味，不過呢到既五花肉就瘦，我朋友就好鐘意，我就一般啦，各人口味唔同。擺落去燒要比時間佢溶雪，然後先真正燒，可能真係唔識燒，我控制唔到個時間，到底點先燒到美味juicy多汁好好味既五花肉 好彩D waiter服務唔錯，見到我地咁迷網，走過黎幫我地手燒，呢到特別多謝個位受左傷單手幫我地燒既哥哥，保重身體！我諗熨斗呢個都只不過係個gimmick，個熨斗主要係用黎壓住D肉，我諗住要係等肉平均受熱，加快煮熟，而我未真正掂過個熨斗，我仲以為可以自己拎住個熨斗熨件五花肉tim，証明我係諗多左好多。最後熨件五花肉好似over左，有D dry，感覺似食緊豬油渣咁，不過我朋友幾欣賞，覺得幾香口。呢個辣薯湯韓式生面係伏，我極到唔建議大家叫黎食，一送上，好大陣燶味，我已經分唔到係呢個係湯定汁黎，咁結既？ 係咪因為有薯仔呢？ D 面無咩口感，好淋，我食左幾啖就放棄了。最後佢地為我地送上胡椒湯（FREE），我幾欣賞呢個湯，幾好飲，好有胡椒味，飲完好暖身。但我地食到好熱，再飲。。。冬天呢個湯一流啊！整體黎講，服務同環境都唔錯，間餐廳都算有特色。…Read More

聯和墟屬位粉嶺既舊墟，位置比較偏，店鋪同樓都開始老化，閒日既聯和墟其實都好靜，但佢係你發掘粉嶺美食既好地方。平日好少行入去聯和墟食野，假期就會入聯和墟食野，通常我都會去食特餐，無論lunch 定tea，我都係會叫－招牌特餐。叫法：奶醬厚多士＋（沙律／奄列／炒蛋）＋一餸湯粉今次我就叫左奶醬多、沙律、鮑片蕃茄螺絲粉奶醬多一上就要即刻食，係脆架，凍左就唔好味（算吾算溫馨提示）其實我之前好鐘意食佢地既奄列架！芝士漢堡條奄列正啊！但我覺得最近佢地既奄列水準好唔穩定，有時個蛋好老，有時D 涵好少。。。所以我今次叫左沙律，佢地個沙律都好好味！我想講！個南！瓜！蕃！茄！湯！ 真係好正，可以當湯飲架！D 湯渣蕃茄同蘿白好食不在話，湯濃濃蕃茄味，好甜，飲唔到味精，好足料！因為成日放假去食，姐姐都認得我，知我鐘意飲呢到既蕃茄湯，佢都會不多D湯比我，我次次都清底！…Read More

以前在元朗附近工作，很喜歡到博愛醫院和yoho 附近的南山軒，南山軒的位置不算當眼，在黃屋村內，如果初初不是朋友介紹，未必會到這裡食飯。下午茶時段，點左炸大雞脾配沙律，配紅豆冰（＄45)，簡直一大享受。佢D雞脾肉質嫩滑，層皮好香脆，食得出係經過特別醃製，但略嫌有D咸。咸咸地食D沙律中和下，個沙律都唔錯....um....咪普通雜果沙律甘既味。個日去到本來想叫杯南山冰茶飲下。。。點知！賣哂！杯南山冰茶真係正！奶茶夠凍夠滑！佢既冰唔係普通冰，係奶茶冰，唔會沖淡杯奶茶，飲極都有奶茶香。我唯有點左杯紅豆杯，有少少失望，D奶有D淡，冰多，紅豆有點硬。。。其實overall 黎講，佢都算係高質下午菜，如果再經過附近，都會想食，好想飲返杯南山冰茶。如果lunch，我會推介梅菜扣肉飯（如果你唔怕佢多肥肉，佢真係好好味架！）…Read More

其本上我每一個月都會黎太和既德意時啤酒坊食佢地既豬手，配埋啤酒。佢地隻豬手其實幾大隻，通常我約朋友都係2個人一隻，share食就剛剛好！佢會將豬肉切成一小塊一小塊甘，食既時候勁方便，唔洗食得甘論盡。佢地既咸豬手其實唔係甘咸（如果咸D就perfect池～），但肉質嫩滑，D皮就成隻豬手既精華所在，勁香脆，卜卜脆，皮下又有勁多骨膠圓既！好正！豬手會配埋酸菜、薯仔沙律同埋黃芥末醬，好夾，夾埋食無heavy！最鐘意配酸菜食真係食極都唔厭。如果想飲下酒既女仔，但又唔係好飲得，一定要試下粉紅色既Horgaarden Rosée ，好少女啤！甜甜地，好有果香，一D都唔苦。 同幾個女仔朋友去，佢地都鐘意飲！9點前有happy hour!其實都幾多人去食下，建議要book 位，唔好摸門釘，如果好多人，通常係食1.5小時。…Read More

有時放早，好累又好想搵個地方自已靜下，食下野，大圍的屋子cafe就係我既選擇。大圍有特色既cafe唔算好多，屋子cafe 係大圍都算出名。好彩我每次去都唔係peak hour，唔算好多人，唔洗點等位就可以入去。屋子cafe 唔算近大圍火車話，都要行10-15分鐘，附近環境都算寧靜，門外已經比人有日式屋子既感覺。入到cafe，店入主要係木既裝修同擺設，餐牌都充滿心思，以小學既簿仔為設計，有點懷舊既感覺。總之入到去就會有總好親切同舒適既感覺因為每次去都係放完工，好肚餓，我多數都係叫七味雞唐揚定食配抹茶奶綠(＄69)D漬物都好好食，今次係冷芝麻木耳，但我最鐘意係食佢既薯仔漬物沙律唔算好特別，可能我唔係特別好沙律佢D千島沙律醬配D七味雞好夾，D雞香得黎又唔會好油，配埋佢D珍珠米就一流。我唔係甘鐘意食飯既人，但佢既珍珠米上面撒左D脆脆芝麻紫菜粉，就令到個飯變得吸引同香口，每次都好想叫佢落多D 粉配埋杯熱抹茶奶綠就好wonderful，杯奶唔會好甜，不過其實都會飲到D沖粉味。個份量唔算好多，女仔食就可能剛剛好，但男仔就未必啦。D waiter 服務態度唔錯，有禮貌，唔會趕你走，坐得幾舒服。…Read More

有一日，有個朋友突然話『我想食星林居啊！』，憑住佢淨係講間餐廳名又唔講係食乜野，我就知呢間野應該係西利既，而且係suppose我一定識既！我就斷估佢應該係一間食中菜或者星加坡野好出名既鋪頭。點知去到間鋪，原來係食米線。我驚訝既表情比我既朋友發現左。『下！你唔係無聽過啊嘛？鐘意食米線既人一定食過架WOW!』OK! Fine!我會好好重新評估過自己鐘意食米線既程度。入到去，其實環境都幾昏暗，感覺唔太好，D職員個個都木口木面甘，少左份譚仔親切感，不過算數啦，通常D穩世小鋪都帶有幾份神秘感同神化感。（但重點係佢既地理位置係好易搵到）一定係食佢既明火小鍋米線次次食米線都一定會叫埋蘿白今次我就叫左小鍋蘿白豬肚米線、小辣普通酸雖然位就唔洗等，order都好快，但上面既時間都真係幾耐，10幾分鐘。餸既份量真係唔多，我以為要尋下寶，D餸一定係米線入面。結果，係無！張相睇哂，2舊蘿白，3塊豬肚。不過個湯底真係正，濃郁，酸辣分明，唔會得個辣字又唔酸，得個酸字又唔辣，好香。反而D 配菜既料就足料多，好多韮菜、芽菜同埋酸菜，好惹味同好有口感。如果你覺得都仲唔夠，可以tick 多韮，多芽。但唔好諗多左，無得多米米線覺得有少少淋。其實最失望係D 蘿白，我比較鐘意食淋身多汁既蘿白，但佢D蘿白唔靚，有少少硬，索唔哂佢D湯汁。＄41 2個餸既米線加可樂，可以叫合理，但唔算好抵食。…Read More

如果你同我一樣都係鰻魚迷，位於紅磡既三河屋就唔會令你失望了。我同朋友好早6點幾去到，已經出現一條小人龍了，不過我地都只係排左10分鐘左右就入得去。入到去，其實都唔洗睇menu，『兩碗鰻魚飯啊，唔該！』哇！當兩碗鰻魚飯送上，簡直係衝擊緊我既視覺、味蕾同嗅覺！條鰻魚有手掌甘大條啊，真係喊出黎啊！齋望已經覺得好肥美，鰻魚同蒲汁既香味未食已經聞到，流哂口水忍唔住啦我地，開動！每一口，都係粒粒分明而且配上蒲汁既珍珠飯同埋啖啖肉既鰻魚，好滿足。鰻魚肉淋香口，如果可以多少少脂肪，就更加perfect池啦！不過＄88 蚊，有甘大條既鰻魚，性價比就真係十分高啦！ 係香港食到好味同平既鰻魚飯真係唔易架！三河屋雖然地方小小，裝修簡單，但老闆同員工都有禮貌同勤快，入到去就好似去左日本既懷舊小店咁。打打下食評，好想今晚再encall! …Read More