YukiL6003's Profile

WOFT一直都好多人去，因為店面比較細，所以最好先預約。前一日仲會有SMS同你confirm聽日係咪出席。今次志在同朋友傾計，所以只叫左個all day breakfast 同下酒嘅薯條。個薯條好脆，而且好重咸蛋黃味，一食就停唔到。野飲方面叫左兩杯唔同水果為主嘅cocktail。如圖所見係兩杯冰山，只係拎起手機影相咁短時候已經滴到成枱都係，所以要好快咁飲左佢。味道偏甜，就算冰山不斷融化都無點變淡，不經不覺就輕易飲完。…Read More

係赤柱閒逛，到晚飯時間，就聽搵一間可以慢慢同朋友傾計食飯飲野嘅餐廳。呢間餐廳嘅員工好熱情咁招攬我地，加上我地本身又無咩preference,就入左去試。店員帶左我地上餐廳嘅二樓，座近窗邊。疫情其間晚上比較少人，我地差不多包場。野食方面叫左Nachos, 意粉，烤雞同一個漢堡。Nachos個醬幾好食，除左用來點Nachos仲可以點埋Burger個薯條。 佢個薯條份量多而且飽滿。兩個snacks加埋都已經食到飽飽地。另外烤雞非常香，但需時較長，食到一半先上，所以無影到相，不過下次去都會再叫。…Read More

Urban Cafe觀塘分店比旺角分店大好多，座位比較舒適。觀塘分店係用barcode落單, 比較方便。今次叫左個4人套餐，餐湯係粟米湯，幾好飲。之後叫左肉醬意粉，挪威煙三文魚水煮蛋黃金卡邦尼意粉，豬腩肉同水牛芝士薄餅。兩個意粉水準不過不失，唔係特別驚艷。不過個豬腩肉真係好入味好好食，水牛芝士薄餅熱食拉絲，就咁睇都已經好滿足。雖然只有4個人，但店員比左張大圓枱我地，一路食會有貓係枱底路過，或者直接跳上枱面，非常自由奔放…Read More

心血來潮想去貓Cafe, 於是上網左做少少research。跟住就搵到呢間貓cafe, 佢地會定期捐錢去幫助流浪貓，IG上面時常有貼義工圖，每個月底都會打番所有基金餘額同d錢用左去邊，透明度都幾高。貓cafe的menu以蛋糕輕食等等為主，建議食完野再去傾下計，玩玩貓。價錢同市價比起尚算合理，第一個鐘連入場費包一杯野飲$68，之後每個鐘$38包一杯野飲。入面的貓貓睇得出同店員感情幾好，每隻貓都大概有自己地盤，上次黎佢係邊到訓教，今次黎有d都可以係差唔多位搵番。因為貓貓天性唔太親人，太多人果時佢地多數都搵個位訓覺。但人少嘅時候去，貓貓就變得主動好多，會主動討摸爬大腿❤️所以要去嘅話，強烈推薦少人嘅時候去。…Read More