or#Tm65575657的個人專頁

最近想食大排檔嘅小炒，見到網上有人推介呢間餐廳，所以就係OpenRice book枱約埋三五知己出嚟試吓！本身都知道OpenRice 嘅正評可信性唔高，所以都抱住試吓嘅心態去呢間餐廳。一去到，餐廳環境比我想像中更差，而且我哋被安排到一張天花板滴水嘅枱度坐，仲話因為其他枱都已經有booking所以無得轉枱。咁一場嚟到，唯有將就住坐，希望食物可以加番分。我哋點咗：“麻香爽魚皮”除咗爽口取勝，成碟魚皮無乜味，佢有另外配wasabi 豉油，但我覺得一啲都唔夾“糖醋咕嚕肉”呢味餸不過不失，但價錢唔算平，有其他地方煮得比佢優勝“豉汁蒸白鱔”口感正常，但豉汁唔算入味，而且唔知係咪蒸得唔夠熟？d肉同骨痴得好實，浪費咗好多魚肉“豉椒炒鮮鵝腸”本身對呢碟餸抱好高期望，點知一食真係極度失望！好明顯鵝腸預先用滾水煮好，然後就咁炒個豉汁就淋上面，d鵝腸完全唔入味，而且一d都唔彈牙，超級失敗嘅一道菜！“椒絲腐乳通菜”除咗溫度唔夠熱，呢碟算係最正常除咗食物一般之外，一位疑似係老闆娘嘅中年女士令到餐飯印象深刻😀我本來book咗夜晚7:00嘅，點完菜等上菜都無咗半個鐘，然後有位男侍應係我哋食緊飯嘅中途話宜家比較繁忙，想我哋埋咗單先，咁我哋都無為意，咪照埋單囉！埋完單我哋繼續食，無耐呢位中年女士行嚟同我哋講8點要交枱！WHAT??我7點坐底，淨係等你哋上菜都等咗半個鐘，你叫我8點交枱？然後我哋唯有加快速度繼續食啦，過咗5分鐘佢又走過嚟催我哋交枱😀講真，我book枱個陣你又無講有限時間(仲要只可以食一小時連埋廚房煮同上菜嘅時間)，我到咗餐廳坐低你哋又無人同我講只可以食一小時，你咁樣10分鐘內催我交枱2次會唔會有啲問題呢？我唔係坐係度唔食嘢吹緊水，我哋係一路都好努力食緊枱面嘅餸，而且中年女士淨係催我哋交枱，我後面枱嘅客人已經食完飯，坐係度傾緊計都未俾人趕走😀係咪我哋人少就要讓張枱出嚟俾你做下個客嘅生意？最後我哋俾呢位女士嚴重影響食慾，未食完已經走人！總結就係，如果你有信心一小時内 (包括落單，廚房煮及等上菜完成你嘅晚餐)，大家可以嚟挑戰吓😀😀…查看更多

早幾日突然好想食鵝片，就諗起一直想試嘅阿鴻小吃，所以就特登去觀塘買外賣番屋企食，見好多人對佢個素鵝咁高評價就緊係要試吓佢啦，然後又叫咗一份淨鵝片同一份麻辣鴨舌，呢度已經要$4xx埋單，價錢較貴！番到屋企打開個鴨舌真係呆咗，$8x得10件左右，會唔會太少？而且味道一般，絕味嘅鴨舌好食過佢好多倍，唔值得試。另外就係素鵝，味道又係一般，無其他人講得咁好食，可能係外賣關係呱？最後到鵝片喇，呢樣明明係佢招牌菜？但d肉勁靭，而且無滷水香味亦無鵝香，失敗，呢間餐廳試過一次就夠…查看更多

1月15號同成班朋友去左淥鼎記食飯，本來見到OpenRice 咁多正評諗住應該唔差，7:00去到唔太多人，一黎就叫左雞煲先，個雞煲完全唔正宗，又無香味，又唔麻又唔辣，d雞就好大浸雪藏味，而且刀功極差，件件都好似豬骨咁大舊，我地見人話酸菜魚好好食，又點黎試下啦！竟然又係令人失望嘅，d魚片一夾就散開，薯粉又少，到打邊爐，佢個湯底一黎到我地真係嚇親，竟然係奶白色入面乜配料都無，到底係咩湯底黎？呢間野係一個價錢任食嘅，但每一樣食物都係垃圾黎！無諗過午餐肉、餃子、丸類、南瓜、豚肉等等都會有怪味！娃娃菜直頭有酸”叔”味，係度奉勸各位真係唔好浪費你地嘅時間、金錢同胃口係呢間餐廳度！我之前已經打過一篇食評但無登出黎，唔知係咪被河🦀，希望大家有機會見到呢篇食評！可以減少/避免食到一肚氣！…查看更多