loveapple's Profile

餐廳裝潢有特色，枱面設計像是去咗麻雀館。餐廳外面寫著午餐送例湯來吸引顧客。但如果個客唔問佢比，佢地唔會主動比你。對上一次問咗三次先有，仲要好細碗。今次可能早食飯，碗湯size正常咗。個例湯係微暖的，淡淡清清的，唔熱唔好飲。後來發現係侍應一早「畢」定出來，所以D湯凍晒。咖喱雞飯（$48）個賣相不錯，但食落普通，只是ok而已。沙薑雞飯（$50）D雞肉幾滑，但完全骨多過肉，D肉薄到一張硬卡紙咁薄，冇乜得食。肉冇乜味。D飯正常不錯。沙薑雞汁非常差，汁少而且食落好多沙，不喜歡。午餐不包飲品。雖然裝修特別，食物不夠好。…Read More

早餐時間，多人幫襯，未完全滿座，地方寬敞。侍應不太積極，要等下才找到人落單，要等下才找到人給刀（枱面放少咗刀）。侍應set 枱面刀叉匙餐具非常隨意，放到東倒西歪呢。煙肉湯通粉配蛋牛治餐，如圖，不吸引。沙律配柚子汁，好吃。腸和煙肉ok。蛋冇乜味。煮完水波蛋D水冇瀝乾就放係塊包度，令到塊包濕淋淋，變成一塊浸水包，非常不討好。餐廳杯子都印有餐廳名的字母：A或S或P。伯爵茶選用Dimah。伯爵茶雖然沖泡得非常濃，但可口。…Read More

本來去隔離間吃午餐，點知一入去勁大油煙味(仲係早餐時間，仲只係得一枱客)，所以拿拿聲走人，過咗嚟呢間食。一入去，發現比隔離間多好多食客，心想這間應該不錯吧～有室內座位和室外露天茶座。我雖然坐係室內，但覺得好熱，好像冇乜冷氣。沙律不錯。餐湯的菇有點草腥味。露荀菇扁意粉餐($54，另加一)味道ok。桃汁龍莉柳意粉餐(好似是$6X，忘記了價錢)。條魚好大塊！提子味啫喱，內有兩片雜果。熱檸水和熱台式奶茶。…Read More

每次經過都見有人幫襯。短短的人龍加上精緻的食品照片和模型，令我忍不住要買一個來試下。真的有好多口味選擇，最後決定薯仔沙律crepe $24。買完票，要坐下等一會，因為成間鋪得一位員工，她要收銀，又要整食物呢～細細的店內有bar枱可以立食，也有一張四人枱可以坐下來吃。等的時候總是感覺漫長的。雖然有位坐，但感覺不舒服，因為枱面上堆滿了客人留下的垃圾冇人清潔，地上又有少少垃圾，剛巧又有隻蒼蠅飛來飛去，令食欲大減。食物到手了！Oh! 和照片大不同呢！薯仔沙律沒有像照片那麼多到成座山咁。雖然心知現實往往和照片不同，但不禁有點失落。咬了幾口，終於見到薯仔沙律了！賣相一般，味道也非常一般。但有一點要讚的，就是生菜非常新鮮，這是香港食店很少有的。生菜乾淨，非常爽脆，令我回想起在日本吃的新鮮蔬菜。薯仔沙律夠凍，應該在雪櫃取出來。味道正常，普通的味道沒有錯，只是沒有驚喜，沒有問題是好的。最重要的蛋餅crepe 不夠薄，較濕，冇乜蛋香，也冇乜味。最大問題是個crepe 較濕，個crepe 皮好多地方粘住咗張紙。同埋張紙有點難聞的油墨味，一邊食一邊聞到D油墨味，食欲大減。感想：試一次就夠，不會再幫襯。未試過不用特登試。試下也沒大問題。…Read More

荃灣行街經過，看見有數pair人等緊雞蛋仔，店舖貼著大字報說所有原材料來自日本，仲有好多口味的雞蛋仔（例如午餐肉、橙餅、菜脯等）、飲品（有包裝，即沖和自家製的）和小食（多是炸物，例如炸章魚燒等），睇見真係吸引。即刻叫咗個抹茶紅豆雞蛋仔（$28）加杯凍薏米水（+$18）試下。店內有三位店員，收銀的那位非常有禮。由於是即叫即整，要等6-8分鐘。雖然店舖細細，都有位企。有個bar枱，可以企係度食，不過冇乜人會，因為地方唔大。抹茶紅豆雞蛋仔（$28）雖然即整，但唔係太熱，即時吃都唔辣手。雞蛋仔質感非常軟林林，唔脆，紅豆冇乜味，抹茶有點苦味，冇抹茶香，又冇雞蛋香。完全唔好食，感覺像食緊一堆冇乜味的麵粉。人生中最難吃的雞蛋仔，無法吃完整件。凍薏米水（+$18）隻紙杯好硬淨，good quality 的紙杯。無糖，健康，好飲！Total 用咗$46，早知坐低食個下午茶好過。…Read More

一日之計在於晨。吃碗好粥讓人心滿意足~ 皮蛋瘦肉粥配炒米粉皮蛋瘦肉粥：非常多皮蛋，而且好吃，喜歡吃皮蛋的必定很開心。用料十足。瘦肉份量正常。粥煮得夠綿，好吃！炒米粉：米粉條條分明，唔會一舊舊，完全唔油膩，也不咸，味道十分清淡，感覺健康，但亦因此不會覺得好好味。餸菜份量不算多，也就是一般快餐那麼吧。沙爹牛肉米粉配豬扒煎蛋加薏米水沙爹牛肉米粉：ok豬扒：非常非常咸。只吃到調味料的咸味，吃不到豬扒味。完全不好吃。煎蛋：非常一般。薏米水：甜甜地，非常好飲。整體：感覺管理良好，地方衛生清潔。早餐時段也有許多人幫襯，接近滿座。…Read More

找店中，看見丹麥屋轉入橫街後，直行到最入最尾，便到了！好少會行到咁入咁找東西吃。好逼好逼，就算瘦人坐係度都唔郁得，一郁都會一係比人（出入的食客和不停走來走去的侍應）撞，一係撞到人，跌東西落地下真係好難執到。這是一間超細的食店，但有數部閉路電視監察住，午飯時段滿座，這樣屈在一個正方形盒吃飯（仲要俾身前的袋子頂住，身後又比走來走去的人撞著）超級不自在不舒服。估唔到有餐廳這樣像籠屋。價錢合理啊！但真係好逼。點了兩個午餐，包飲品。雞藕天成飯，配熱咸檸蜜 $51雞扒：雞肉的質素不錯，但調味一般。整體感覺是一塊煮得一般的好雞扒。蓮藕餅：炸得好，不會乾，好味！比一般水準高。配菜有特色，看似吸引，但味道冇特別，不覺好味。飯的質素：看得出米的質素不錯，但煮得太乾了，乾淨淨難以吃下。熱咸檸蜜：超級有驚喜！感覺非常新鮮的咸檸檬，好濃，好好味！雞扒肉燥飯，配熱奶茶 $51肉燥：一般。ok啦～總結，這間食店食物質素不錯，但不至於好好吃。地方太細太逼，不適宜細路。想了又想，最適宜曖昧中的情侶，入來親密地shoulder to shoulder 坐底食飯吧～ …Read More

我一直以為，早餐是很難會整很難食的。因為多數都係一塊包和雞蛋弄出來的，而雞蛋通常都係好味的。今天來到這個位置不方便，地方看似新淨的食堂吃個早餐，令我感受良多，我少有地食咗一啖就唔想食落去。早餐時候，有十個左右看似工人在食堂裡，心想有人幫襯應該ok 。食堂頗大 ，非常靜，好多位置選擇。叫了個$21早餐E，磨菇奄烈配蕃茄及多士，再加$2轉檸蜜。聽落是多麼美好的早晨啊～落單比錢，取張飛仔，坐底等叫number，多悠閒的。等呀又等…… 呀～ 終於有了，應該是慢工出細貨吧！早餐（E）磨菇奄烈配蕃茄及多士$22，再加$2轉檸蜜再嚟個close-up睇清楚D。蛋冇蛋味，內裡真的有幾片硬硬的磨菇，但是不似奄烈的味道。是一隻有磨菇片的煎蛋。蕃茄不好味。麵包冇乜牛油，乾淨淨咁食。總之就是一切都比白開水還更冇味。惟一一樣好的，就是杯熱檸蜜，真的落足蜜糖，好好飲！…Read More

周末沙田市中心人來人往，大大小小旅行箱車來車去，入去酒店靜靜地食buffet, 真係wonderful~ Buffet 裡面有大人，有老人家，有外國人，又有小朋友幫襯。不滿座，又不太嘈，真好。當然，不嘈不代表靜，正常餐廳罷。只是枱與枱之間真的比較近，尚可接受。來吃飯好，但如果目的是邊食邊傾計聚腳就非首選的地方了。食物總類不錯，讓我重點說罷~（1）有咖啡，有熱水，冇新鮮檸檬片，有濃縮檸檬汁供沖水開稀。（2）沙律中，看似最普通的吞拿魚沙律是最好味的！不要錯過。（3）有數款包，牛油和三款芝士。一般。（4）咖哩只有一款，是咖哩雞，完全唔辣，味道ok的。（5）有兩款湯，賣相不吸引的，看似冇味清清的，但飲落好好味啊！（6）有海南雞飯，飯美味，雞不滑。（7）有沙田雞粥，味道ok， 沒驚喜，雞是滑的。（8）有豬腳薑，味道不錯，但唔知係咪比人攞晒D薑，一片薑都見唔到，只有汁和豬腳，冇蛋。（9）有即場燒烤，和湯麵。一般。（10）有白飯供應。（11）燒火腿和燒牛肉。燒牛肉超大片又厚但超級好味，必要吃！（12）其他熟食中以豬仔骨和羊肉片最突出。（13）日式方面：有納豆，有牛蒡。牛蒡超好味！三文魚魚生好吃，但吞拿魚魚生好多「根」意外地 不好吃。（14）生果有好甜的西瓜，一般的蜜瓜和酸酸地的菠蘿。（15）甜品方面：蛋糕賣相靚但味道好一般。有豆腐花，有杏仁茶。杏仁茶好飲。有麵包布丁。有六款 Haagen Dazs 雪糕，有waffle， 有好味泡芙。世事冇完美，waitor 收碟的速度很很很慢。吃完數碟很久，都冇人收碟，碟子層層疊咁係枱面上堆積如山都冇人理。:(希望改變。…Read More

情人節在平日，lunch buffet 一下。Booked 咗枱，好多人準時到，最後場地幾full。Reception 的位置好奇怪，應該是遷就場地罷。場地一眼睇晒，不大，但勝在所有放食物的位置集中，非常方便。枱與枱之間的距離比較近，隔離枱兩小無猜的對話清晰聽見。每次拿著隻碟回來都要小心翼翼，轉個側身，否則會踫到隔離枱。有生蠔，有四款 Movenpick 雪糕 （士多啤梨味，咖啡味，朱古力味，vanilla 味），足以令人開心！沙律款式多，而且好味，配搭非常有心思 要讚賞chef 啊！例如有一款好似是有蟹柳的，又有一款是有生的八爪魚啊～一般款式的熱食有齊，印度菜也有，又有不同款式的包和芝士（雖然量不多但也有數款，可見其心思，要讚~）車仔麵檔的魚蛋（不像平時的，介乎魚蛋和魚腐罷）超級好味！令我至今念念不忘~ 不過要放麵吃否則好咸。個人覺得塊 blue cheese 唔夠 strong。蛋糕做得非常soft, 有日式cake 的感覺。有朱古力噴泉，有三四款生果，有豆腐花，有泡芙。最失望的是個綠色冷麵，麵的質感非常粉和散，像是吃了一堆由生麵粉搓成長條的東西，難吃。總括來說，以少少的地方來說包羅了各種基本自助餐常見食物，不錯了！:)雖然是情人節吃，整個環境和食物如常，不要期望有奇怪的情人節氣氛啊~…Read More

晚飯時間，座無虛席但流轉快，因此有位不用等。不少坐下來吃飯的都是外國人，也不斷有人叫外賣。於銅鑼灣吃晚飯只需五十大元算是平了，加上網上很多好的食評，想必是人流多的原因。點了生煎包和菜飯，無論是賣相和味道都令人十分失望。餐牌（晚飯時間）上海生煎包（兩個）$18吃過不少上海生煎包，這次是最失望的一次！由於個包細細個，比起一般細，加上皮太厚，肉少，不夠熱，湯汁少，底部個皮太厚又硬，實在不好吃。 我見到連隔離枱的外國家庭都只食裡面舊肉，放棄吃個包。京汁茄子菜飯$41茄子好油好乾，不入味。菜飯只見一點點的乾了茶葉大小的菜在面，沒有菜飯味。米的質素不高，很碎。茄子D皮好硬，吃不下。上海厚切炸排骨菜飯$46「炸排骨」沒有炸的香脆，成舊肉都是軟淋淋的。所有「排骨」也冇骨。味道像不咸又不甜沒有叉燒味的叉燒。肉的顏色較深，整體感覺不太新鮮。菜飯的賣相令人意外。飯裡超級少菜，也沒有菜味，反而有種莫名其妙的似舊茶葉味，我不禁看看餐牌多一次，是寫著「菜飯」的啊～總結，食物質素、賣相、味道是怎樣，幫襯過的顧客會知道，口碑亦會因此形成。雖然店員有禮，但要有質素的食物才能挽留回頭客。…Read More

新年去邊度食飯好？咁多飯局真係諗到頭都大埋~ 唔通真係晚晚都去酒店自助餐，日日都去茶樓飲茶？人多人少都係去打邊爐？今晚決定去試下吃新派中菜，有新春氣氛之餘又有D新意。雖然加多少少錢去已經可以去吃平價自助餐，但是一齊坐定定吃飯傾計是不同的呢～ 很喜歡唐宮小聚的英文名，“Social Place”，真係一個可以social 的地方~餐廳裝潢精緻，佈置還有新春氣氛呢～仲估唔到有counter枱添！即係好似bar枱咁望住個廚房食飯。食具設計有新意，可以嚇下長輩啊～小聚併盤 social combo任選三款 （any 3 below）$69選了：棗已心軟 jujube with glutinos rice：（圖的右下方）味道有點失望，粒棗沒有棗的甜味。中間的糯米糕雖然滑但也冇味。總之，成粒都冇味。貢菜海蜇 ivy mosses with jellyfish：（圖的上方）貢菜非常好味，海蜇也好。但真係好細碟，一啖冇晒。上海燻魚 Shanghaiese smoked fish：（圖的左下方）不硬，好吃！貢菜海蜇上的伴碟也很美。白玉王鴿 signature roasted white king pigeon： $29 一隻每人衹限堂食一隻。每隻已切開兩半，頭也切開上。附上濕紙巾和膠手套，仲有個桶用來放骨。好好吃！皮不是好脆但好入味，有肉地，又不會過咸。酸菜魚片seabass fillet with pickled cabbage and chili：$89酸酸少少辣，魚塊不腥，味道不錯。圖中紅色的不是蕃茄，而是好酸的椒，不要嘗試吃啊！否則「中椒」！酸菜魚片裡有粉皮，吸咗D汁好吃！紅色個粒就是看似蕃茄非蕃茄的極酸椒了！龍鬚芥蘭（薑汁）dragon beard kale (ginger)：$69芥蘭比人切成咁真係賞心悅目！不過我覺得切開兩半的芥蘭冇成條上的咁好味。得個好睇字。猛虎咬豬 pork belly slider：$33 一件這個好味，亦是唯一一個可以填肚子的餸。其他餸細碟食唔飽，呢個包啱晒了！個包入面有酸菜，少少辣（很少很少），仲有一大塊吸引人的五花腩肉（亦是嚇怕女士的大肥糕）！好味，那個少少辣張成個包味道提升，否則會覺得個包飽。D酸菜令個肥膩感減少，整個包都好吃啊～總結：食物賣相精緻，細細碟，要叫多些先夠分。一碟餸可能只有幾湯匙，但是好味的。男士去食應該唔夠飽，女士聚腳比較好。金色的茶壺美美的，茶有麥香，侍應也常幫忙倒茶。題外話：餐單好似酒樓的點心紙咁，有鉛筆比客人tick要點的食物。中英對照，仲有彩色圖片，十分吸引，也方便點餸。但係日日用咁多大大張彩色order紙真係有點唔環保。希望餐廳考慮下用菜單啦～ 支持的不妨宣揚一下這個概念啊～…Read More

由於幾星期前於香港大學的美心飯堂吃過的兩餸飯非常好吃，令我對同樣是由美心主理的理工大學文兩餸飯有好大期望。但世事總是不似預期，有期望必有失望。兩餸飯（雜菜和南瓜雞）連中湯$23額外加$6配凍橙汁雜菜：冇乜調味的健康雜菜，夠熟但不會過淋。南瓜：切得好大件，有三大快塊。中心偏硬，如果可以炆淋D就好了！雞：重點來了！有三大塊南瓜係咪好開心先？南瓜雞只有大南瓜，D雞唔多見到嘅？因為只有碎碎一兩件埋藏係D汁度……食唔到雞。白飯：ok ，正常啊～中湯：正常快餐店湯，不要有特別期望啊～凍橙汁：ok啦～整體感覺：一切味道正常，日日吃也可以，不過不會叫做好味啦～ 雖然比係港大平兩忟，食完令我掛住港大canteen 的兩餸飯呢～By the way, 中午時分，係呢個理大canteen 裡面，大部份人都係幫襯兩餸飯呀～ 總有長長的人龍在排隊呢！我諗因為這個是最抵吃的了！…Read More

地方不大，是一間長長的店，都是卡位呢～有趣的裝飾，真的米貼在揮春上。豬肉撈檬$52（另加一，包炸春卷兩條和冷或熱飲品一杯）* 豬肉：好好吃，味道就像韓國燒烤的豬肉片一樣，甜甜的。* 檬粉汁：香濃好味炸春卷：不好味。炭燒豬扒飯$52（另加一，包炸春卷兩條和冷或熱飲品一杯）*炭燒豬扒：吃得出真的是炭燒，香口好味不過真的很濃味，可以減少D調味料呢～整體感覺：* 非常safe的好味。* 地方感覺不太乾淨。* 員工友善…Read More

隱藏在排檔中的街道上，發現有著形形式式的食店，各國菜色都有。見這間店有許多食客，便進去一試了。中文名是冰室，英文名卻是Garden。店內的裝潢西化，水泥牆上貼上有古典味道的poster和掛上古舊電話，枱面和牆壁上都貼上彩色花紋tiles，加上暗暗的烏絲燈光，氣氛不錯。可惜四人卡位實在太逼，即是細細粒的女士坐下也左右前後動彈不得，桌面也是細細的，不能放太多食物。和陌生人拼桌時，因為實在太近，對面的談話內容清晰可聽見，加上環境嘈雜，沒法好好和坐在身邊的人談話。雖然坐在身邊，好幾次也聽不清楚太家在說什麼。餐牌附有圖片，值得一讚！食物圖片吸引，和真實食物大致相同，擺盤美麗！午餐不用加一，包餐湯、蒜蓉包和一般熱飲。也可加錢特色飲品，例如黑牛、紅牛、黃牛、白牛等等。羅宋湯：足料好味蒜蓉包：香脆好吃豬柳菇汁珍珠米飯午餐$42：* 擺盤：精美如照片一樣* 兩片豬：一片白肉，有豬味，淋，好好吃；另一片薄些，是紅肉。白肉那片好吃些。* 配菜：生車厘茄，洗得乾淨。瓜煮熟，但完全沒有調味，較遜色。* 珍珠米飯：好多飯，一定夠飽！質感非常差，並不像珍珠米，感覺好削，好淋，好濕，一堆碎米的感覺。真的是整個食物的敗筆。* 菇汁：ok正常好味，但太太太少汁。好多飯，可惜D米唔好食，好「削」好濕但又好「巷」。熱特濃谷古：加$5沒有加糖，good~ 真的非常濃，足料，扺讚！如相片中可見，有好大堆谷古粉完全冇溶到啊～焗豬石斑飯$50* 比較少餸* D 飯比較濕，如果焗耐些就好了~整體感覺：* 不要坐卡位，就算是女仔都覺得太逼。* 不妨一試，再試也無防。* 感覺是有誠意的店，但真的要煮好些D飯。見D薯塊好似炸得太硬。…Read More