Smart snoopy的個人專頁

成日行過都想試，次次都有人排隊，今次唔使等。叫了一碗低溫义燒拉麵，盛惠$118加一。好快就到了。嘩！我以為張圖係騙人的，果然真係义燒圍碗邊，滿滿的有11片，無犯商品說明條例。後悔了，咁多點食得晒慣常一樣，先飲湯，咸、咸到‘那’脷，成杯茶飲晒，仍然咸，好咸麵係微溫，原來低溫义燒係咁解！义燒好凍，浸吓湯才食吧，浸得太耐？你和普通日式义燒有乜嘢分別？低溫肉食，不是嫩滑的嗎？？呢鋪我真係义燒！！义燒無味加咸到一個點的湯底，是這樣中和嗎！？一次都嫌多，不懂欣賞，就當叫唔中吧！…查看更多

擺盤很美, 真的做到色香味.  星期日早上看著這麼色彩豐富的早餐, 心曠神怡.  一定會再來.Egg Benedict單蛋非常好, 很多餐廳是雙蛋, 食完好滯, 這個剛好.  麵包很脆, 並沒有被上面羽衣甘藍浸淋了.   這裏的羽衣甘藍不苦, 很好味道.Ham & Scramble Eggs Panini蛋炒得不過火, 剛好, panini 很脆, 各種食物加在一起, 味道剛好, 不鹹.咖啡有不同種類的豆可供選擇.  因為第一次來就沒有特別指定, 只選了 Cappuccino.  下次會試其他豆, 我比較喜歡 Columbia, 會試.…查看更多

為慶祝媽媽大壽, 因疫情關係, 無得去旅行, 唯有去 staycation.  包了$2,000 餐卷, 但所有餐廳已滿, 只有 Felix 尚可有位, 雖然媽媽比較喜歡中餐, 但經半島各員工的盡心幫忙, 也沒有辦法了.  不過 Felix 的景真的很美, 加上夏天日長晚短, 我地訂了6時, 還有陽光, 真的一掃近來的抑鬱心情.Felix 應該是 Zone C 餐廳吧! 在入口處接待員立即請我們掃安心出行, 但可惜她沒有熟讀條款, 65歲以上是可以豁免的, 擾攘了一陣才讓我們進入. 當她發現是我媽媽的生日飯, 她每次經過也和媽媽說生日快樂, 真是可愛.負責招呼我們的靚女待應 (可能高級些), 非常溫文爾雅, 詳盡的介紹餐單.  去過不少酒店餐廳, 以她的態度, 最是賞心.  連媽媽的奇怪要求, 她也非常耐心解釋.我們共點了兩個 tasting menu 及一個 Macallan Bespoke Series. 雖然係 tasting menu, 每一碟的份量都只是小小, 但有六道菜, 對女士來說還是有點多, 到最後的乳豬也只能吃了一件, 剩下兩件了.Macallan Bespoke SeriesMacallan Double Cask 12-Year-Old, 好香焦糖味, 但始終只係12年, 有點辣Beef Fillet 分量有點少, 男士可能唔多夠.Tasting menu點少得我的至愛麵包, 外脆內軟, 再加上 olive paste, 正Tapas, 有些肥膩, 炸咗的麵粉類, 吸了很多油Joselito Ham on the ForkBlue Cheese Croquette with Foie GrasChurros with Caviar這個魚很清爽, 正好去一去口中的油膩, 這是全晚我最喜歡的, 加上牛油果也不覺糊口.Australian Barramundi “Crudo”Yellow Aji, Sweet Potato, Caviar雖然是乳豬, 但做到好似 slow cook 一樣, 以乳豬而言, 這太林了Crispy Suckling PigMango Tatin, Rosemary SauceBreadMechouia SaladSpanish Carabinero Prawn, Liquid Olive, Quail EggBlue Lobster “Caldereta”Saffron Aioli, Cockles, Spanish Potato “Agria”Birthday dessert!! 朱古力甜品, 白色的是白朱古力, 上面灑上粉碎朱古力, 但因為是生日, 他們加上生日蠟燭, 吹蠟燭時問題就出現了..... 在玩掌門人遊戲嗎? 吹到一枱一身都係朱古力粉... Anyway, 都係好好味的, 好有心思的, 只是不太 practical.“Merienda”Olive Oil, Lemon, Chocolate and Bread …查看更多

可能舖租真的很貴, 他要好好利用每一寸方位; 座位好窄, 好密, 傢俬好重, 推唔開, 要側身坐下再轉正身, 面向枱, 可能我太肥吧!我和朋友倆叫了兩個套餐:黑豚肉粒飯 - 鮮粟米汁套餐咪就係粟米肉粒飯囉~~~ 粟米都唔多粒.... 真如其他評語一樣,  canned food脆脆豬扒飯套餐豬扒太厚, 你怕炸得耐會 "鞋", 於是做出一個 "紅肉" 豬扒; 如果豬扒係新鮮的, 我唔介意食生少少, 但係佢係無味的.  唔出咁大件豬扒, 怕應該不能收這價錢.  雖然百多元的一個套餐在尖沙咀真的不算甚麼. 不要嘩眾取寵了, 做好出品先啦!飯太多水, 太淋; 還要加上大量汁醬, 就變成爛飯了... BB 都快要食到.  可能係想做舊日茶記或學校門口的外賣餐車飯盒的感覺, 但係我覺得餐車的比這還要有心及好味.  肉是沒味的, 唯有靠汁多多; 但汁也沒有特別, 就是一 pat 醬.  好難相信這個人出自酒店 fine dining, 但他也確實是.兩日兩夜羅宋湯係唔係都溝咗兩桶水....即磨咖啡 只有苦味沒有香味, 好才沒有燶.如果單看食物本身, 完全 overprice.  也可能看見是這樣出身的人主理, 存在了過份的期望, 但我實在覺得某大連鎖快餐店的豬扒飯更出色.…查看更多

是晚滂沱大雨，就近去一間餐廳好了。每次都要坐門口近升降機，因為大部分都是訂座了。兩人要了前後５杯啤酒，佔了整張單的一半價錢。大家都很肚餓，於是點了兩個 starter，一個 main dish.  Starter 係 Roasted Lamb Rib，原本以為 starter 應該不會太大碟，但也有6件。這個是用 Australian Lamb，烤得不太乾，又有肥肉，入口很是鬆軟，最最重要係有羶味，但食得多還是有點膩。另一個starter 係 Crab Tian，這個也不錯，混合了很多菜，還有我最喜歡的牛油果，入口清爽，有蟹味，但如果可以多些蟹肉更好。最後 main dish 係 steak and frites，medium rare 都不大會錯了，肉質一般，無筋，很有牛肉味，但伴碟的薯條有點＂林＂了，放得耐咗一點。實在有點多，終於食不完，浪費了。…查看更多

完全中伏!!! 唔知點寫!!星期六一行四人, 臨時約飯局.  盲中中揀咗呢間, 裝修漆黑一片的店.  素來食店的裝修對我一直不是排在前頭的因素, 但這間蠻特別, 將麻雀燈多盞高高掛在天花, 相信係方便調校照明角度. 但當晚只開了兩至三盞, 我們的位置剛巧照不到, 我們是要打燈寫點餐單, 張單也是黑色的, 原子筆也是黑色的, 真係考起我地呢D 老人家.我們四個都係第一次來, 只係點了我們一般在其他店點的食物, 牛舌, 牛柳粒, 羊扒, 茄子, 河豚乾, 雞翼, 雞拼盤(包括皮, 腎, 肝, 軟骨?).  非常一般的串燒食物, 並沒有點怎樣獨特的.  因為我地諗住食完再點.先來雞拼盤, 完全無味 !! 呀, 對, 餐單上寫明調味全在枱上, 貴客可因應個人口味加多加少.  心想這小店真貼心 但不是一般廚師應稍加鹽作吊味嗎 ?! 算吧, 無味總好過太鹹.跟著其他的也來了, 有一個好多粒好大粒, 仲大粒過荔枝, 漲漲地好似個波咁, 唔知係乜, 也因為太黑亦看不清, 於是請待應介紹一下. 哦! 原來係牛舌...... 好新奇喎, 當然又是無味的, 但朋友說味道不像牛舌, 怪怪的, 天呀! 這不是梳打嗎   .  不單牛舌, 牛柳粒和羊扒都是  梳打便宜嗎 ? 你係咪成樽倒咗落D 肉度 ?????? 你要用梳打, 就請你加調味啦 .  藝高人膽大 ???? 抑或眼高手低呀 ???正因為咁, 我終於明白點解我星期六下午四時打去仲可以訂到位, 而當晚只有四枱客 (包括我).  大家係食到半肚之下, 雞咁腳就走了.…查看更多

與 Teenager 親戚同行, 我聽她提了很多次 School Food, 我地又係沙田探完病, 就去又一城晚餐了.  如我個人習慣, 要排隊等90分鐘就一切免問, 不過親戚好像很想食, 那唯有等下去了.  同時其他食肆也大排長龍, 別無他法.兩個人叫得有點多:卡邦尼式年糕, 因為同行者不能食辣, 唯有這個了.泡菜石頭飯, 全晚最好! 無佢, 我都唔知點過 ~~~ 咖喱豬扒麵, 唔知係咖喱味太重, 還是豬扒無味, 我只食到咖喱味 !!!!!全晚至特別的要數那個特飲, 藍色的菠蘿飲料. 我最初以為係份子料理, 因為菠蘿跟藍色好像沒有直接關係, 點知原來係無菠蘿味無氣的藍色糖水  …查看更多

首先要向餐飲部訂枱小姐致敬, 敬業樂業的她給我們煩死了, 但仍然非常樂意給我們協助.  我這無良顧客係短短半小時內做即日訂枱, 由47樓3位改6位, 半小時後改1樓6位, 不到5分鐘改回47樓3位. 佢一邊改一邊同我說我靜了並唔係唔理你, 我只不過要盡快改, 因為之前改咗就等於放咗張枱, 可能比人訂咗, 所以我要快, 一直同我說不好意思, 要你等. 天呀! 我才不好意思呢 , 一定要比十個讚!一入去左手邊有一個 outdoor 地方, 風和日麗係47 樓, 望出去好似好舒服; 不過地點係將軍澳, 唔知會唔會有異味呢?? 不過走的時候已經有好多客係出面, 我諗應該無問題的.不竟是星期六 high tea, 人有些多, 玻璃窗又多, 樓底又不是特別高, 所以有點兒嘈雜.High Tea 由三時至五時, 四時四十五分問 last order. 四時仍然有客入座. $198 兩位起, 如果好似我地三位咁, 可以加 $99 一位.每位有一份食物和飲品(可添加).  一經選定了飲品就不能改, 由頭到尾都係一款. 可選咖啡, 茶, 和一款特飲. 特飲不能添加, 一杯止, 當天是 cranberry juice. 咖啡可選 Brewed Coffee, Latte, Cappuccino, 茶好像是 Earl Grey.  至於 Brewed Coffee , 聞是不太香, 入口也不太甘, 但還好他們係會將Cream 加熱的一如指定, 下層鹹點, 上層甜點. 無特色, 無法令人留下印象.不過服務真的需要改進了, 出餐慢, 員工只顧收回食物架 (可能數量有限), 其他杯碟並沒有清理, 一枱都係…查看更多

臨時被甩底, 唔知食乜好, 已經見過此餐廳多時, 有時仲見到有人排隊等.  佢又有一人套餐, 於是就試試去了.一人晚餐包括一個粉麵, 一個小食, 再加一杯飲品, 一般一人套餐吧.我點了生牛肉粉, 香茅雞翼, 加咗十蚊改咸檸七生牛肉粉 - 只有極少量洋葱及芽菜, 金不換, 辣椒及青檸失蹤了....... 所以佢係一碗牛肉粉, 並不是越南生牛河.  這碗粉真係千啾呼萬喚始出來, 雖然佢寫了是要等二十分鐘, 但係此等貨色值得嗎?! 需要嗎?!香茅雞翼 - 一共三只, 其中一只奉送大大條雞毛兩條咸檸七 - 要加十蚊的  , 一共有三角咸青檸, 加起來不比半個大. 我已經好有心機篤, 篤咗好耐, 都只係有七喜味, 於是放到一旁浸吓可能會比較出味.  食完粉同雞翼後才飲就好一點了, 但係仍然不行, 咸青檸始終輸比七喜.…查看更多

返屋企途中, 胃空空, 想食少少嘢, 茶餐廳又太飽; 終於去咗食甜品.  知道這甜品店存在已久, 但因為唔太順路, 所以一直都無去過.好細的一間舖, 零裝修, 這樣更好, 唔洗夾錢比裝修!! 座位大約有二十個, 不竟這處是住宅區, 可能外賣居多, 在店內二十分鐘左右, 外賣堂食參半.毫無心水食乜嘢, 見到隔離枱食緊南瓜西米露, 就要了一碗.  等得有少少耐, 可能中途加插了外賣.  入正題  好有南瓜味, 有兩粒好硬的小粒, 可能係籽,  証明佢係磨的, 不大是開粉.  這是糊類物體, 無粉就不太可能了.  但係南瓜磨得很綿, 綿得來, 仍有南瓜一絲絲的特質.  不太甜, 但就我個人認為可以再減少一點糖. 可惜那些西米就不合格了, 有些是一舊舊, 沒有分開的, 這有些失望. 不過我仍然會再去試.  下一個目標係合桃露.…查看更多

一去到就遇著個趕客的知客, 唔知做乜要咁 , 黑口黑面.  根據佢的指示上咗二樓.  三位小姐點了六個點心, 當然包括推介的鮑魚酥 (50大元一隻).  香片茶很靚又夠濃, 沖了兩次水, 還有味 :) .   點心都上得頗快, 因為無乜人.  點解無人 ?  點解黑面 ? 依家謎底已經全部打開啦 !!!!!1.  馳名鮑魚酥 : 點解隻鮑魚上面放咗D 差些就煮到變啫喱的一 "pat pat" 黑色的汁, 嚴重影晌賣相, 鮑魚無味, 酥皮底死死實實   (應該去試試別家字號的鮑魚酥, 取吓經先啦)2.  流沙包還可以, 只有流沒有沙....... 比奶皇包好一點而已3.  脆皮燻魚, 是燻嗎 ? 還是炸 ? 可能是詐燻囉 !4.  四喜烤麩, 我的至愛, 濃油赤醬去咗邊, 已被地道化 ????5.  可能係賽螃蟹餃, 實在唔記得, 食完唔知係乜, 再睇返張相都唔知係乜.  呀! 裏面有隻蝦, 但完全無味 !!!!!!!!6.  馬拉糕吧...... 評語欠奉, 已食到一肚火無一樣特出, 但樣樣都令人難忘.... 以此價格可以有更多更好的嘗試, 為何要來呢 ?  文鼎老闆, 你們要想想了.由入門口的知客到埋單的黑衣人, 個個都黑口黑面. 我們可能阻咗佢地收工, 星期六可能係佢地 hea 的日子吧 ! 做乜仲要炒茶市. 是炒嗎 ? 可能不是呢, 十枱客都無...... 睇完以上的評語都可知一二.2時20分問 last order, 唔緊要, 人人都要休息, 下班, 翻場, 但還跟著說 "我地3點清場", 不多不少, 就是這六個字. 這句是否要修飾一下呢.  你沒有錯, 不過是否太簡潔了, 不懂如何表達得技巧些, 就到人家食肆學習學習.出品, 服務無樣得, 你真係諗住靠杯茶呀 ? 抑或星期六午市, 所有高級放假去, 無皇管 !!!!…查看更多

套餐的份量其實太大了, 我和朋友只點了 a la carte點了兩個是日餐湯 - 洋葱湯 - 好味, yummy, 夠熱 Appetizer 原本我們是點了Crab Meat stuffed in Mushroom, 但係來了Crab Cake, 不過也好好味, 全是蟹肉. 另一份 Appetizer 係 Scallops, 雖然體積不太大, 但美味可口, 入口嫩滑, 不會韌. Main course 要了一個 Ribeye, 不記得是 8 oz 或 12 oz 了, 我和朋友一同分享, 每人一半剛好. 上次我來的時侯, 可能因為當時的朋友跟餐廳比較相熟, 所以可以一半係 medium, 另一半係 medium rare, 但今次那朋友沒有一起來, 就沒有此優待了. 不過這裏的 steak 依然係最好, 最有肉味, 軟得來仍有咬口, 又有肉汁. $880 一塊雖然貴一點, 但仍然物有所值.食物品質是沒有可以批評的地方了, 但服務則是一大倒退...... 我們入座時間大約是晚上8時, 當天是平日, 沒有太多客人. 一位長相頗 senior 的部長給我們點菜, 可惜落錯單. 這對我們看來不重要了, 因來錯的 crab cake 非常好味, 足以蓋過此失誤.最精彩的部份是我完成了 appetizer, 但我的朋友還有一點點. 說時遲那時快, 一名外籍女待應已給我們送湯來了....... 在還沒有收起我的碟的情況下, 把湯放在我的碟旁, 我好肯定我的刀叉已放在五時位上, 示意完成. 但我的朋友還在進食呢, 你為何那麼急趕呢, 還不是你該下班的時候喎 !!!!!! 雖然我地無飲酒, 但都唔係快到咁.  一位客人未食完, 一位客人的碟未收, 為何上第二道菜呀  茶餐廳乎 !!!!!! 可能部長已見我用非常凌厲的目光望向女待應, 他立即前來收碟, 我亦聽到他在一旁訓示她 (其實亦不應當面這樣做). 跟著更火的事情來了; 湯非常好, 因為夠熱, 但因為熱, 所以要更慢慢品嚐.  做乜呀, 湯還沒有完成, 牛扒就到了; 你還要說小心, 碟是非常熱, 不要碰.  我要的是 medium rare 呀, 你隻碟又咁熱, 咁即係點呀 ???? 湯又未飲完  三扒兩勃快快飲完, 真係茶餐廳一樣. 雖然他們好似預了要放在碟上一會兒, 到我吃的時候亦不太韌, 大約 medium, 這我是可以接受, 但為何上得那麼急, 真令人費解. 結賬時, 也不到十時, 相信餐廳不會這麼早關門吧. 這是晚餐, 不是午餐, 不用趕上班呢.  趕的話, 我會告訴你. 雖然服務令我目定口呆, 但出品真是一流, 我會去試尖沙咀那間, 希望可以好些.…查看更多

趕緊在開學前再聚一聚, 同學仔中有是老師的, 開學後就會唔多得閒理我們了.其實去過鯉魚門不少次, 每次都係去海鮮檔先買海鮮, 然後帶去酒樓加工.  今次比較特別, 係套餐形式.金利來係一間坐落於鯉魚門海鮮群的入口處, 非常近牌坊, 一間沒有豪華裝修的酒家, 分兩層.  我們一行七人, 預早訂座, 獲分配樓上雅座   同學預先點了$350 的套餐, 我們其中5位是臨場才知曉菜單內容, 實在嚇一跳, 竟然 ...........海鮮湯 - 好足料, 有好多湯渣同荽茜, 好奇怪, 無乜荽茜味喎, 正合我意.蒜蓉粉絲蒸貴妃蚌 - 粉絲夠乾, 唔係一氹水, 貴妃蚌大隻又新鮮爽口.清蒸鮑魚仔 - 話雖鮑魚仔, 但都好大隻, 如果可以落多些果皮仲正.蒜蓉粉絲蒸扇貝 - 水準同貴妃蚌差不多, 但肉質及蚌本身的味道, 當然係貴妃蚌比較吸引油鹽焗奄仔蟹 - 正!!! 同早兩星期前到鯉魚門另一海鮮酒家食的, 有得比; 但那次的兩隻蟹是$360, 另加油料錢.  大家都認為可以從此放棄大閘蟹了.豉油皇美極蝦 - 其實我好怕食豉油皇煎蝦, 因為每次都係鹹到嘴唇好痛; 但今次完全唔同, 見到同學仔食到手指都想食埋, 我終於鼓起最大勇氣, 試吓咬落個蝦殼度. 嘩!  天呀! 嘴唇唔痛呀! 蝦殼味道適中, 帶有甜味, 蝦肉結實, 絕對新鮮.椒鹽瀨尿蝦 - 每人有一隻, 好大隻........... 唔太辣, 但好香, 肉質鮮甜; 上佳之選! 和以前食過嗰D $800三隻無乜分別囉 !!!!!!!!!!!上湯龍蝦 (伊麵底) - 好多龍蝦, 好多肉, 當然肉質結實彈牙, 一定新鮮!  但係實在太多海鮮了, 大家都食到上頭殼頂....... 終於要打包.清蒸海斑 - 成條食晒! 蒸得剛好, 嫩滑離骨, 又唔太多油太多豉油, 師傅功力真一流 !生炒糯米飯 - 雖然係單尾, 大家都飽到唔想食. 但最後每人都食了兩個半碗. 注意 : 大家開頭只取一小匙, 但最後係魅力沒法擋, 要 encore 再來, 所以係兩個半碗..... 它的顏色係原色, 並沒有如一般酒樓勁加老抽. 好味, 再來一個吧 最後是郊外油菜及鮮生果拼盤, 就一般般啦! 油菜就係灼生菜加蠔油, 如果可以改成炒菜會更加好. 果盤分量都好足, 內有西瓜, 芒果, 木瓜, 火龍果, 每種也很甜, 唔係出晒水嗰D.呢間係一間絶對會再去的酒家, 有心的酒家, 看得出你付出的每分亳都給用在出品上 (除屋租或房貸外), 不用夾錢食裝潢.  但亦因為這樣, 便不太適合作商業請客, 除非你同個客係老死.…查看更多

為了趕及晚上八時半的船及避開晚飯潮, 5時多便乘巴士去. 非常舒服, 巴士上有位坐, 餐廳亦不多人. 環境真舒服, 可能無乜客人; 可以安安靜靜, 優哉遊哉食一頓飯, 美極.點菜後, 即來了三大個麵包, 可惜唔係熱的, 不過後來點汁食, 真係可以成個食晒.燒大蝦 : 肉質有 D 散, 可能天氣熱, 可能唔太新鮮.  但調味不錯炒蜆 :  調味一流, 用來點包一流, 雖然有D 油膩, 但值得一試. 蜆肉肥美飽滿, 但間中一兩粒蜆有沙.燒乳豬 : 味道適中, 不太鹹, 肉質鮮嫩, 果然係推介. 但個人認為可以再燒耐一點, 皮可以再脆一點.  伴碟薯條吸晒D 油, 又 '林' 又油, 見到個樣都唔係好想食; 如果可以改為 side dish 上就好了.燒豬骨 : 完全過火, 鞋過鞋底, 無調味.... 敗筆 :(  這碟薯條比燒乳豬的好一點, 因為鞋底豬骨無油滴下去.蛋布甸 : 質感似 Custard, 係朋友叫的, 我無試, 因對西方甜到漏的蛋漿物體無太大興趣.…查看更多

經過一日的辛勞, 今日的第一餐係飲茶. 好祈望的懷舊飲茶.  在香港也試過幾間懷舊飲茶, 但都係只有意識形態上做到; 給我的印象是 - 他們有食譜, 但做不到以前的味道; 可能係食材質量變了, 醬油變了, 水質變了, 種種原因.今次點了杏汁豬肺湯 : 可能是午餐, 完全未夠火喉, 一係早些煲, 一係午餐唔好賣例湯.  馬拉糕 : 夠鬆軟帶子餃 : 有一絲絲帶子和蝦粒, 好味蝦餃 : 攪乜呀 !!!!!!!!!  蝦餃係有佢自己的形態的, 不能改動, 將佢攪到好似日本煎餃咁樣, 做乜啫! 見到都唔想食! 此外, 也有著一般時下酒樓的通病, 蝦餃唔係只有蝦, 唔係大大隻就得. 筍和肥豬肉去咗邊呀 ???豬膶燒賣 : 豬膶互相黐住晒牛肉球 :  唔係山竹, 而係芥菜, 但都幾夾, 可惜少了陳皮味綿花鷄扎 : 食材配搭是舊式, 有豬肉, 有鷄肉, 有冬菰, 但唔明點解件魚肚係上面, 乜唔係捲係入面的嗎 ?芝麻軟餅 : 太遲吃, 凍了, 皮變硬了, 內裏是麻蓉.  我諗如果係襯熱應該蠻不錯. 可惜 ! 但這是我的問題, 與酒樓無關鹹魚肉餅飯 : 因本人唔食鹹魚的, 不能評論, 但飯是十分香, 好吸引.可喜的是, 全部點心都唔會太鹹.…查看更多