ข้อมูลส่วนตัวร้าน 一隻為食貓

最近留意到呢間清湯腩餐廳，新開張無耐，見肚仔餓餓地，一於入嚟試吓😀呢度位置方便，又近民居，地鐵站亦唔遠，街坊小店，自然特別聚腳。入到嚟坐低都光猛舒服，而且都好似有唔少熟客，呢啲香港特色嘅舖頭真係唔多！簡簡單單，港式舖頭，好有街坊情懷！價錢都好合理！清湯牛腩河粉$50元，湯底清澈，入口唔涸，應該真材實料，牛腩份量亦唔少，都有十多件，肥瘦適中，咬落唔韌，真心可以😌服務亦正常，始終呢啲舖頭不能期望太高服務水準😅…ดูเพิ่มเติม

平時去呢間餐廳，多數堂食，最近少左出街食，多數外賣返屋企，最近發覺HeSheEat 都有外賣😍外賣自取滿100元仲有8折，當然即刻要試試，又可以慳DD😂要提下佢哋堂食嘅防疫設施都做得好好，其實都好舒服，言歸正傳，馬上Order外賣先，計過唔使十分鐘就已經拎到👍🏻返到屋企打開睇吓，保溫飯盒keep得溫度唔錯，又唔會焗到淋哂，真係唔錯👍🏻扒虎蝦🦐墨魚汁燴扁意粉🍝，特別欣賞佢個墨魚汁意粉，好香好滑好夠味，份量夠，虎煆爽口彈牙，加少許檸檬汁，層次感更佳👌🏻另一款白酒牛油汁蜆肉意粉，蜆肉夠肥美，牛油係大部份人至愛，呢款意粉係好多人都鍾意食架，而家外賣自取有八折，真係超級抵，不過唔知優惠到幾時呢？真係要食多幾次先😬…ดูเพิ่มเติม

真係唔知旺角開左間咁型嘅餐廳，有三層高，營造悠閒舒適的感覺，係外面望入去都已經被吸引🤗原來係一間來自台灣的餐廳，有部份店員亦操國語，有餐飲、小食、焗飯等等，選擇亦多，開放式的水吧和廚房，令客人一覽無遺！半自助型式，無時間限制，十分適合聚會、閱讀、打發時間，文青咖啡店的感覺強烈😍排隊落單之後，服務員會為你送上食物，唔使走來走去👍🏻呢個每日昔昔（雙人）加$58，係Season Smoothie ，另外飲品㨂左熱朱古力$48，桔梗奶昔$58，Smoothie 細細杯，裏面有啲花生🥜碎，唔會太甜，不錯，如果大杯啲就更好😬龍蝦🦞干貝羅勒堅果燉飯$228，最特別是綠色的醬汁，感覺好奇特，試了一口，味道出奇的好吃，還有香濃的蝦膏，十分惹味，當然主角龍蝦亦十分新鮮，爽口彈牙，不過呢個價錢個人覺得輕輕貴左啲，不過係好味的，再加埋咁嘅環境也可接受👌🏻干貝燻鮭翠瓜奶油燉飯$168，我就比較喜歡呢個，有成五大粒干貝，整體入口感覺好夾，難怪是第一名推薦👍🏻這裡不需什麼服裝，自由感很大，餐具🍴也是自助形式，Hea下、食下嘢，傾下計，感覺唔錯，值得推薦😍…ดูเพิ่มเติม

今晚嘆咗個半自助晚餐，環境舒適，食物質素高，感覺十分滿意，值得為大家推薦一下🤗呢間坐落喺觀塘鄰近APM嘅酒店，交通方便，鄰近地鐵站，步行過嚟只需5分鐘左右，環境裝修高雅，美輪美奐，而且完全沒有擠迫的感覺，坐得好舒服😌半自助晚餐，提供幾款主菜選擇，收費唔使五百元，以自助晚餐來講，性價比非常高👍🏻每人已包括半隻龍蝦🦞及燉湯，有圖有真相，龍蝦大大隻，而且非常多膏，真係睇見都開心🥳第一輪攻擊，梗係要嘆下啲海鮮先啦，即開生蠔，翡翠螺，長腳蟹，都係我嘅Target 😬尤其是推薦即開生蠔，唔使排隊，海水味夠，非常新鮮，今晚我仲唔食返夠本，大概20隻左右啦😂刺身壽司，應該有嘅全部都提供到，特別推薦三文魚和北海道帶子，鮮甜美味👍🏻👍🏻👍🏻其他熟食區，沙律吧，數不勝數，真心覺得佢每一樣食物都好有質素😍我order咗個肉眼扒配薯條，其實呢個肉眼扒嘅份量同埋質素，估計單叫都超過$300，一路食一路覺得好滿意，而且服務員嘅態度和效率十分高，全程換碟加水冇停過，值得一讚👍🏻👍🏻👍🏻加上各款甜品和名牌雪糕任食，識食嘅你，一睇就知道能夠提供呢款雪糕，真係不計成本，唔怪得呢度有咁多客人，真係好旺場😍😍😍…ดูเพิ่มเติม

食肆要係尖沙咀突圍，真係唔容易，競爭大唔在講，客人食過唔滿意，又點會再來幫襯吖，呢間係金巴利道嘅「漁道樂」，每次慶祝或者聚會都係我首選之一👍🏻今晚咁喬仲有勁歌熱舞表演，客人都十分投入，氣氛好到飛起😍😍😍裝修夠特色，環境氣氛都令客人感受到東洋風，櫂櫂米的卡座，樓底夠高，空間感夠，店員都十分客氣有禮，詳細介紹各款新鮮空運到港海鮮食材😋首先點左三款刺身（每款$68）三文魚、北海道甜蝦、原隻帆立貝，新鮮好味，賣相精緻，全部食材新鮮空運到港，兩個人食啱啱好🤗海皇卷$98，咪以為普通嘢，呢度整得特別好味，就係食材新鮮，廚師手藝高超技術嘅關係，零舍不同，正😋浜燒蟹甲羅$68隻，大家都可能食得多，不過無論呢度賣相、顏色，同埋食材嘅新鮮程度，又係高下立見，店員熟練嘅技巧，為客人細心烹調，入口滋味又甘香，呢種品嚐食物嘅享受，先至係人生嘅最高境界🤗漁道樂活貝盛盒$388，一次過有齊五款海產，包括扇貝、活鮑魚、新鮮生蠔🦪、巨型花甲和原隻大魷魚🦑，目測已經好新鮮，尤其是鮑魚仲係郁下郁下😂巨型嘅花甲和活鮑魚，鮮甜美味，入口彷佛嚐到海水嘅真味，鮑魚燒嘅時間會長啲，食好嘢要有耐性架，大花甲就快少少，嘩！入口鮮、嫰、香，認真滋味😋活鮑魚果然零舍不同，尤其是鮑魚邊，好爽口，唔會韌，唔怪之得咁多人鍾意食👍🏻👍🏻👍🏻燒日本蠔就更加正，好考功夫，入口連裏面嗰啖精華在口腔內爆出，超級爽呀😍😍😍大大隻魷魚🦑筒，足夠四個人分，不過今次我哋兩個人可以食得更加滿足，加上特別醬汁，滋味無比😋和牛蒜片炒飯$128，到呢個時候梗係要食個飯暖下肚啦，均勻嘅和牛分佈平均，蒜片又香又惹味，加埋其他配料，好正👍🏻呢度啲飮品梳打，有唔同味道，$68元一杯，夠份量，配合浜燒，無得彈😋😍服務又到位，又有歌舞助興，今晚人均消費五百元左右，好高質，使乜飛去日本吖😍…ดูเพิ่มเติม

今日同阿媽嚟到屯門行街，而家屯門真係越嚟越熱鬧，食肆越來越多，行到攰攰地，俾我哋見到但馬屋，記得幾年前，喺葵芳食過，覺得幾好，今日就決定食呢間啦，但係釋放午飯時間，都要等位架，好彩我哋等左大約10分鐘，好快就安排左兩個位俾我哋啦。一坐低，就梗係要揀湯底先啦，湯底嘅種類都有成五種，真係覺得自己有選擇困難症，今次我就選擇左日本傳統湯底甜豉油。至於套餐，我就選擇左60分鐘黑毛和牛套餐， 60分鐘雖然唔算好多，但係勝在一落完單，好快職員就已經將美味嘅和牛同埋豚肉，已經送上，而且就算追加牛肉，都好快手，呢樣服務，真係要俾個讚佢啊。最重要嘅係一人一鍋，分外覺得衛生。黑毛和牛，一上枱，顏色鮮艷，而且點點雪花，真係一見到已經流晒口水，我唔客氣啦，嗱嗱臨放落個湯底，大約10秒，就已經食得啦，入口即溶，充滿濃濃嘅牛肉香味，真係令人一再回味啊。至於個豚肉，未到就唔夠和牛濃味，但係勝在入口都夠爽口，而且又唔會好肥，真係減肥都唔使擔心啦。食完牛肉之後，就梗係出去睇下有啲乜嘢自助嘅食物啦，排列整齊，又乾淨，而且補充食物都相當快手，牛丸墨丸，魚蛋，真係應有盡有，不得不提仲有我最鍾意食嘅羽衣甘藍，呢個菜真係唔係周圍都搵到啊，一於食返夠本啦。食飽之後，仲有Häagen-Dazs雪糕，味道有成四種俾我哋揀架，不過食雪糕之前記住練好手臂嘅力啊。…ดูเพิ่มเติม

今日和同事在鰂魚涌打完波，他介紹我到附近的鯛魚魚湯專門店吃魚湯晚飯。餐牌上有很多特色的湯飯和烏冬，價錢非常合理，只看圖片都很想樣樣都嘗試。他們的魚湯好出名，用十多小時淆製的鯛魚湯底，味道鮮甜，營養價值高，加上日本米泡製魚湯飯，非常吸引。我叫了日本帶子三文魚仔湯飯$128，追加鮑魚一隻$28，上桌的時候更有火爐保持溫度，非常貼心。帶子新鮮又大隻，還有木耳絲、昆布、蔬菜等，一邊吃魚湯飯一邊享受鮮甜美味的三文魚仔和帶子，感覺非常滿足。追加的鮑魚又淋又入味，彈牙又有質感，還有一碗魚湯菜伴吃，正!雞塊唐揚$42，新鮮熱辣炸好，份量很足夠，金黃脆卜卜、香噴噴、不油膩，更有沙律菜伴碟，一吃入口，非常好味，令我們讚口不絕。吉列豬扒定食$85，大大件的香脆金黃的豬扒用網架盛起，鬆軟脆口味道好，而且切成細件方便食用，加上沙律菜，鮮魚湯，真是不錯的選擇。鯛魚魚湯專門店的用料很足，鯛魚湯底正，連小吃都有水準，加上價錢抵，真是值得推薦!…ดูเพิ่มเติม

呢間牛陣有好多間分店，不過我地最鍾意尖沙咀呢間，係Isquare 入面，除左方便之外，仲可以係附近shopping，一舉兩得🤗我地六點幾已經到左，可以舒舒服服坐到個靚位，馬上Order呢個近期好多人試嘅冬蔭功湯底😋比哂啲材料你，自己炒自己D.I.Y.一番，扮下廚師先，好玩又過癮，最好加埋啲冬陰公上湯落去，香氣濃郁，聞到都流口水🤤個湯未滾之時，就出去拎啲啱自己口味嘅配料先，好多選擇，擺放整齊，飲品都好多選擇👍🏻返到埋位，已經送上咗頭輪靚牛，望落唔錯喎，厚薄適中，脂肪均勻，亦有豚肉和海鮮（魷魚🦑生蠔和帶子）😋仲有泰式疏菜籃🧺比你放入煱內味道更加滋味，頓時呢個冬陰公湯好似樣👍🏻泰國象啤🍺一樣無限任飲，啱哂打邊爐啦😍咦！呢D係咩辣椒🌶️？細問下原來叫「子彈椒」，可以隨個人喜好添加以增加辣度感，真係大鄉里😅食左幾輪牛肉都保持高質素，輕輕淖十秒左右已經熟，入口鬆化兼有肉味，沾上左冬蔭公湯更加另捨不同，正😍雖然係食90分鐘，但係店員嘅效率高，上菜快，覺得時間足夠唔會趕，埋單兩個人都係四百零蚊，性價比超高👍🏻👍🏻👍🏻…ดูเพิ่มเติม

今日去開灣仔買電腦，路經軒尼詩道的「黃金燒味」，望到他的燒味樣子很吸引，便進內吃晚餐🤗這裏主打吃燒味，餐牌上面有多款套餐，單雙拼及涼拌小食可以選擇，價錢也很大眾化。朋友選了個黃金四寶飯改配瀨粉$98，包括有燒鵝、乳豬、肥腩叉燒和燻蹄，更有菜心及是日靚湯(西洋菜雞腳紅蘿蔔湯)。我叫了住家燉湯餐$108，雙拼選了乳豬拼燒鵝(加$12)。上菜速度快，一盤套餐，放得整齊，除主食外亦配有拍青瓜和不同的醬汁，方便客人食用。是日靚湯是西洋菜雞腳紅蘿蔔湯，料足夠老火，不錯。淮山杞子螺頭燉雞，燉湯材料也很足，絕對夠火候，正!乳豬色澤紅潤，皮脆新鮮，肥瘦均勻肉味佳。靚靚的黃金燒鵝，皮香肉滑，香氣四溢，又不會太油膩，份量也不少，非常正!肥腩叉燒，甜甜的、肥瘦比例很好，食落又香又軟，口感十足。燻蹄食落爽口、味道好，點上醬汁更好吃。菜心大大碟，翠綠鮮甜，讓我們感覺較健康。套餐還可以加八蚊轉特飲，我們叫了甘草菊花蜜和檸檬柚子蜜，夠消暑清涼👍🏻今晚雖然是簡簡單單的一餐，但符合他們的餐牌上說只做靚燒味，他們所有的燒味都特別好吃。😍…ดูเพิ่มเติม

放工同朋友去食飯,開頭唔知食咩好,咁岩有朋友話想黎銅鑼灣,因為方便大家放工🤗我地7點黎到,好多餐廳都好多人,最後都係決定黎一鳴燒,因為近車站👍🏻依度專門食串燒,今日黎到當然唔可以錯過啦！燒青瓜 好可愛，好大舊呀！一切開汁流出，好鮮甜，燒完後味道好濃郁，好夾！燒得好香脆，熟度剛好，調味適中！牛肉好大件，算嫩滑！好多汁。同青瓜味道很夾， 好味！真係好特別，好感好得意，值得一試。甲羅燒咁多蟹膏,都算幾大份,性價比好高,蟹肉好新鮮,配埋強漿好有味道😋芝士年糕,腸同雞翼都係必點,價錢唔貴,但每樣野都幾好食👍🏻食完再叫左支燒酒,大家咁就開心左一晚🥳…ดูเพิ่มเติม

約左朋友放工食飯,唔想去太遠,就去屋企附近既餐廳去左泰原味,係一間泰國餐,入面幾多人,都幾多野食下！去到好快有位,之後坐低,幾舒服😌依度好似開左唔係太耐,但晚市好快就有好多人,好在我地黎得早😬咖哩麵包蟹賣相好得意，好大舊麵包.入口味道小小酸中又帶甜 !! 口感煙煙韌韌咁,感覺唔錯 ~軟殼蟹係最好食,好明顯我太餓 ... 全部都覺得好正呀 !!又唔會 好濃味 ~~ I LIKE IT !!!!! 依度既食物平均都好大份,食完真係好飽,又唔會好有味精既感覺,價錢唔貴,值得一試！…ดูเพิ่มเติม

今天突然想找一間坐得舒服既餐廳食晚餐，發現真的不容易！ 和朋友偶然行過，看到有間門口很光鮮的餐廳-「Oyster Season」，於是同朋友入去試試！一入到去，我哋感覺地方很寬敞，環境很舒服！這兒很有浪漫氣氛,跟情人來不錯,下次會叫男友過來！五成熟既高級牛扒,令我們看到目定口呆，望下去雖然真的太邪惡了，但食落去超好吃，令簡單的菜充滿啖啖肉味，很滿足呢！法國燒雞：熱辣辣既燒雞汁沾滿雞肉，醬汁很creamy,而且雞肉又很彈牙，帶少少香草香，鋪上一排排的雞汁係面，分量好足料兼很有口感，味道濃香，每一口都是雞肉鮮味，食得很滿足！👍🏻最後也吃了一個蟶子,味道也是不錯價錢不貴,真的值得再來🤗…ดูเพิ่มเติม

今日又來將軍澳中心商場吃東西，之前見這間「老媽拌麵」次次都排長龍，今次終於早啲到來到，可以試一試。幸好我們早到，坐下不久，又見人龍出現。黑糖珍珠鮮奶茶$33，鮮奶夠香滑，配上黑糖、珍珠粒，味道更特別。荔枝綠茶$26，清新的荔枝味配上綠茶，既消暑又解渴。澎湖花枝丸$32，粒粒煙韌彈牙，口感特別豐富，加上甜醬汁更加特別好吃。韭菜豬肉水餃$42，外皮綠綠的很特別，韭菜味和豬肉非常搭配， 鮮嫩翠綠， 味道很好，點上醋汁更加美味。川味紅燒半筋半肉牛肉麵$78，好大的一碗，有紅蘿蔔片、生菜、牛展和牛筋， 樣樣都入味又好吃，湯底惹味但又不會太油，這個真是想再來一碗，值得推薦！蔥油嫩雞拌麵$62，麵質非常幼滑好吃， 加上 甜甜的醬油 ，再配上 蔥油雞塊一起吃，口感特別不同，正！「老媽拌麵」位於將軍澳中心商場，非常就腳，食物味道好，又不會太濃味， 好啱喜歡吃得健康的朋友。…ดูเพิ่มเติม

今次和朋友到將軍澳踏單車，因為知道最近popwalk開了好多新食肆，午膳時分便決定在popwalk 新開的日本餐廳「札幌拉麵」填飽肚子。我自己愛吃牛，便叫了牛肉拉麵，一上來給我的感覺就是很足料，牛肉、蛋、海藻、粟米滿滿的一碗。而牛肉咬落有質感之餘，還散發一種牛丼香味，而湯底使用的是味噌湯，清清的，感覺到沒有落什麼味精，夠健康，整體來說味道還真不錯。鰻魚蓋飯由一個小巧精緻的日式飯盒承載著，裏面的鰻魚夠厚身，色澤漂亮，配上日本醬油，美生味還保留著鮮美的肉汁，真不錯。蓋飯餐還附送味噌湯和 薯蓉，夠滋味。北海道南瓜炸薯餅又是值得推介的一味小吃，外皮炸得又薄又香脆，而裏面的南瓜餡料細滑香軟，味道夠香甜之餘又不會太油膩，建議大家選小菜時也可以試一試選它。我們也叫了燒魷魚筒，魷魚好大隻，肉質美味，彈牙又好吃，是一款令人喜愛的小吃。這裡室內裝修簡潔明亮、座位舒服，招呼又好，食物價錢非常大眾化，又有多款選擇，真不錯!…ดูเพิ่มเติม

因為朋友特別介紹太子有一間環境和食物都很好的cafe，今日去花墟買擺設之後，便順道來到Hami Harmony這裡吃晚餐。門口已經給人清新的感覺，打開門後更令人眼前一亮，好有田園風格，它用精緻的木製餐桌和椅子，裝修別緻，令客人好像置身於田園中，遠離煩囂。我們叫了煙三文魚飛魚子意大利飯$128，賣相不錯，魚子的數量很多，煙三文魚也有大大的兩大塊，好好味，意大利飯好creamy，每吃一口感覺又香又滑，但又不會太膩，我朋友特別喜歡這個意大利飯。北海道軟殼蟹配黑松露意大利粉$128，有兩隻中型軟殼蟹在上面，香脆軟軟的軟殼蟹簡直惹味好吃。意粉軟硬剛好，加上沾滿黑松露醬汁，特別香濃可口，非常滋味。黑松露醬薯條$78，薯條炸得色澤金黃香脆熱騰騰，薯條軟硬適中，再配上又香又濃的黑松露醬，是一款不能錯過的小食。最後來多一個特濃朱古力蛋糕配紅桑子汁$58，朱古力蛋糕放在中間有碎果仁伴碟，非常精緻，吃了一口感覺朱古力味濃度非常足夠，配上紅桑子汁一起吃，既有朱古力的香濃苦澀味和紅桑子的酸甜味，簡直絕配，吃得非常滿足，這甜品為今晚完美的晚餐畫上句號。今晚真是偷得浮生半日閒的一晚。…ดูเพิ่มเติม