米露古's Profile

觀塘一眾工業大廈一向都有好多隱世小店，而且好多都好高質素～ 今次搵左呢間牛霸王想佢個手打和牛漢堡🤍位置係近地鐵站嘅工廈，所以就算外區過嚟搵食都好方便～ 餐廳唔算大但其實都提供左唔少位，如果係午飯時間想過嚟食限量嘅手打和牛漢堡真係要早少少過嚟霸位！ 木式系裝潢，感覺好似喺日本嘅小店咁～Menu選擇其實都唔少，除左有漢堡之外仲有其他丼飯，仲有每日唔同款嘅小食，另外可以加叫飲品。價錢以同類餐廳比較都算經濟實惠，性值比唔錯！✅ 手打和牛漢堡扒丼飯 $128可以揀醬汁同配料！我第一次食，所以首選一定係揀秘制漢堡汁～ 配料方面因為個人口味唔食酸瓜所以順利成章揀佢個日式泡菜💁🏻‍♀️之前有睇過其他相都知佢係一層一層放好咁present個飯出嚟～ 實際睇都係好靚🤍 由上而下係蘭王蛋黃、蘿蔔蓉、自選配料（日式泡菜）、和牛漢堡、飯～ 所有野一次過放入口嘅味道好一睇化💖 就咁食個秘制汁撈飯可能會有少少濃，但係配上左蘿蔔蓉同日式泡菜就會中和左，而且就算成個飯嘅份量大都好，都會keep住refresh，夠晒飽得嚟又唔會覺得滯👍🏻手打和牛漢堡都比想像中大，嗌完餐之後會聽到廚房傳出打緊漢堡嘅聲，食嘅時候有咬口～✅ 一口芝士 追加+$18太鍾意食脆口野，所以加左份嚟食😆 外皮脆，芝士心軟，就算最後一件放耐左少少先食都唔會話出晒油，個芝士心依然係軟嘅～✅ 熱柚子蜜 追加+$5成日都覺得野食除左味道，餐廳用嘅餐具配搭同樣重要！個杯非常有質感～🤍 柚子蜜醬嘅份量亦都適中，唔會太淡又或者過甜👍🏻推薦大家要嚟食🤍！…Read More

Happy Friday Night🥰 同朋友收左工之後嚟左旺角嘅貓之茶房治癒一下😚 同朋友一向都鍾意貓貓，所以決定上貓之茶房一邊吹水一邊同貓貓玩～門口會有即棄拖鞋比大家換，而且入場前會比個大嘅膠索袋比我地裝住啲袋，同埋有酒精搓手保持乾淨～而旺角貓之茶房呢度係好企理光猛，職員時不時都會拎住碌碌碌毛去保持乾淨👍🏻 唔同嘅貓貓都會喺cafe入面自由走動，又或者瞓覺😝 中間仲有棵大嘅木樹傢私，貓貓會跳上去居高臨下望下我地班貓奴😂😂😂 另外cafe會有逗貓棒可以比我地同一眾貓貓玩，同佢地減肥（又或者可以同時幫自己減🤣） Cafe亦都提供少量飲品/食物比大家有需要時可以少少地醫醫肚～ 我同朋友分別買左杯朱古力/mocha，另外要左份三文治同朱古力蛋糕，味道都唔錯，一啲都唔失禮！另外cafe都已經有免費嘅茶水，茶包有4款供應，所以就算你食飽飽上嚟只係同貓玩都ok👌🏻 $58首小時+之後每小時$38其實超抵玩呀👍🏻已經同朋友講好之後要多啲嚟同貓貓玩同放鬆下自己！之後都會去其他分店探下其他貓貓💙…Read More

同朋友去東薈城搵食，想搵間精緻啲嘅餐廳好好坐低咁食晚飯，所以揀左呢間羲和雅苑～入左去之後發覺原來餐廳都幾大幾闊落。一路都keep住播中樂歌曲，感覺舒適～餐牌可以散叫又或者有套餐，而套餐就會跟烤鴨。不過今次同朋友無食套餐，選擇左散叫以下幾款菜式～🥢 桂花蜜山藥 $58桂花味好清香，而且唔會太甜。算入口即溶，唔錯🥢叉燒皇 $148份量比想像中大！帶咬口得嚟唔會咬唔到～ 旁邊仲跟左啲菠蘿，清清甜甜，同叉燒一齊食幾夾🙆🏻‍♀️🥢 芥末沙律蝦 $148每舊有2大隻蝦，蝦夠晒爽口！下面嘅米通幾脆，我都幾鍾意食～ 個芥末沙律醬唔會太甜，唔錯。我同朋友都幾鍾意呢道菜～👍🏻🥢 張氏獅子頭 $48朋友因為睇左menu嘅介紹所以想食。佢會配一碗仔飯比你撈個獅子頭嚟食～朋友一見到就覺得好得意😆 我會形容個飯係神來之筆，因為真係可以完全撈埋獅子頭個汁嚟食，完全品嘗到佢整道餸嘅味道！推介！！🥢 籠仔櫻花蝦海味蒸飯 $118另外都叫左個籠仔飯，有啲米氣～ 真心好足料！而且唔會好鹹🙆🏻‍♀️ 啲飯嘅質地都幾清爽、唔錯👍🏻🥢 宮廷豌荳糕 $38最後仲叫左一個豌豆糕做甜品～ 清香嘅豆味，欣賞佢唔會太甜，清清地，又粉粉地，好食！係好好嘅一餐嘅總結！…Read More

繼續東薈城搵食😆 見呢度有間錦麗，又好耐無食過越南野，所以就入左去食！稍早嘅晚餐時間，但整體逗留期間都有8-9成入座，都幾多人。大部分座位都有一半係梳化位，都方便擺袋👍🏻👍🏻 坐得舒服～夜晚有set, 一人二人都有，有主食+小食+野飲，都幾多唔同嘅選擇同幾抵👍🏻 而落單係手機落單，方便👍🏻🥢 越式蔗蝦小食我揀左要蔗蝦！會跟一個甜酸醬～ 唔會太油，咬落都有啲質感🙆🏻‍♀️🥢 胡志明綜合粉本身有諗過食火車頭，但當刻唔太想食扎肉😂 所以最後直接揀左要胡志明綜合粉，有生熟牛肉同牛丸，粉就轉左自己較喜歡嘅金邊粉！點餐亦都可以有自己口味要求，我就走左洋蔥同芽菜🙆🏻‍♀️生牛肉有2大片，熟牛肉有3舊、好夠唸，牛丸有2粒、算幾有咬口同埋佢係有牛筋粒喺入面嘅牛丸，幾juicy🙆🏻‍♀️ 湯底夠熱夠清，粉都吸汁入味。成碗粉嘅份量好足夠👍🏻🥢 鹹檸檬青檸梳打清爽，同埋鍾意佢冰係碎冰。 加埋杯野飲完滿👍🏻…Read More

睇演唱會前需要餐肚，所以去左東薈城搵食：） 最方便就係上food court食野，最多選擇～ 兜左一個圈之後我比老祖食堂個米芝連吸引左😆同其他food court一樣，叫完餐之後有個提示器比你埋位等野食：無特別加野飲，但就附上左一碗湯，清清甜甜～🥢 極黑．黯然銷魂飯好足料！！有打孖上嘅煎荷包蛋，見佢係用日本蛋，蛋黃好黃，𠝹開係流嘅！👍🏻 肉呢就唔係一般嘅港式叉燒，望耐去我覺得似拉麵嘅叉燒～ 佢啲肥瘦好均勻，哎落去仲要好好咬口！！係我個人鍾意嘅口感～ 而且肉嘅數量亦都好夠送飯～ 另外想提嘅係佢個汁，開頭見佢寫極黑，諗緊係咪啲好濃嘅豉油，但原來食起上嚟係甜甜地嘅～🥢 XO醬．爆炒蘿蔔糕鑑於個人本身好鍾意食蘿蔔糕，所以都叫左份嚟食～ 首先夠晒熱辣辣。睇得出XO醬落得好足，有好多蝦米、榣柱碎！蘿蔔糕一粒粒亦都好方便可以逐口食！佢炒得都夠脆，就算食到最後放涼左，食入口其實都仲食到個面係脆的！之後再去開expo會係我嘅醫肚選擇😚…Read More

週末要嚟元朗所以嚟之前上openrice搵定有咩可以食，見到呢間cafe評價唔錯，地點都喺大街入面嘅小巷，幾方便所以就揀左佢😁～ 🍴 露荀雞肉忌廉汁扁意粉忌廉汁唔會太過濃味（加分！）
雞肉好煎得好嫩（加分！）😋扁意粉咬口剛好！🍴 大盤子全日早餐同menu張相一樣咁豐富～有2款腸仔、煙肉、西班牙火腿、三文魚、烤菇（烤得好香，同屋企人都覺得好味，好鍾意食）、烤番茄、番茄豆、薯寶、沙律菜（有羽衣甘藍！）、炒蛋（很滑）同埋牛角包waffle（脆脆的）～真係好多！！ 另外亦都可以選擇轉酸種法包～餐飲方面，Lunch本身有包黑咖啡，見到堂食仲可以免費添飲！啱晒鍾意飲黑咖啡，唔飲得牛奶嘅人👍🏻而我同屋企人分別飲返我地嘅例牌：Flat White同埋Latte☕️ 2杯咖啡都有拉花架😍 靚🥰 🍴 Flat White要讚下杯Flat White好夠熱！食主菜食到一半再繼續飲落去都仲夠熱～ 咖啡味都好香🥰🍴 Latte個拉花係隻貓貓🐱！so cute！！咖啡味夠濃😊整體feel到小店嘅用心，鋪頭小小，每樣食物、飲品都係精心整出嚟～ 食物嘅溫度、味道、presentation都滿意！推薦比大家🙌🏻…Read More

平時荃灣搵食少去寶石呢邊，今次搵到間唔錯嘅港式西餐廳，性價比唔錯，推介一下比大家～👏🏻呢日係下晝5點左右到，因為當晚有野做，所以要提早食晚飯，所以要食得豐富啲～呢個鐘數餐廳有午餐同下午茶餐menu選擇，選擇好豐富！ 👍🏻 鑑於係early dinner，所以都係揀返午餐menu食，有埋餐湯、餐包（已經搽好牛油）、餐飲～🍴 香煎澳洲肉眼牛扒配薯菜醬汁可以揀黑椒汁或者蒜蓉汁，我哋揀左蒜蓉汁～份量好大！薯條好多，個人嚟講好鍾意呢款港式西餐嘅薯條！肉眼牛扒夠唸，食落口好易咬。味道唔錯，唔會太過濃味👌🏻🍴 BBQ醬菠蘿煙鴨胸薄餅係薄皮底嘅pizza，係脆嘅！👍🏻 味道都係唔會好濃味，BBQ醬唔會蓋過菠蘿同煙鴨胸味。🍴 特式焗蠔加左2隻焗蠔食，無焗得過熟，加芝士火腿一齊焗味道唔錯，$12一隻抵玩～🍴 香煎雞翼想食所以又加左😚 雞翼煎得唔錯，仲有啲肉汁😆野飲分別要左檸樂同檸檬橘蜜，都係餐+$10～…Read More

咁啱嚟開附近，發現長沙灣廣場3樓多左啲新食肆，鍾意食日本野嘅我見到呢間餐廳d set幾多選擇同幾抵食，所以就揀左呢間食～坐低左之後可以用QR code落單，我同屋企人分別揀左B同C餐！每份餐都會配埋前菜、小食同埋甜品：🥢 前菜 - 柚子漬蘿蔔柚子漬好香，酸酸甜甜好開胃☺️🥢 小食 - 胡麻四季豆胡麻味好香！係比我expect嘅更香，聽職員講係用左日本產嘅胡麻嚟整嘅～🥢 B - 明太子意粉份量好多，意粉同埋紫菜都係！明太子分佈得好均勻，食每一啖意粉都食得到，調味都唔會太鹹🙆🏻‍♀️🥢 C - 日式大蔥雞肉串燒配白小町米飯有得揀配拉麵或者飯，屋企人比較鍾意食飯所以揀左後者～ 個大蔥雞肉串燒有兩大條，燒得唔錯唔會話過火！雞肉好滑，大蔥吸左雞味同埋燒烤香味、而且仲無草青味&juicy!滿意⭐️⭐️⭐️⭐️⭐️🥢 甜品 - 花生酥呢個十分之有驚喜！未食嘅時候有少少擔心會唔會係好實的的、好硬嗰啲酥；咬左一啖就完全知道自己多慮左。嗰花生酥非常鬆化，花生味好濃郁，食嘅時候亦都食到有少少花生碎！真係比到我同屋企人suprise✨😋發現原來嗰花生酥係可以一盒咁樣買，一盒有8塊，好啱送禮，甚至可以做散水餅。另外仲有芝麻味，相信應該都會好香濃，有機會會再買嚟試！…Read More

東廣場新開韓食外賣店，個人鍾意食紫菜卷，所以揀左2款食🤤 揀食咩嘅時候，店員好好咁會問想食咩類型，食唔食辣咁👍🏻 除左紫菜卷，仲有其他選擇，拌飯、便當小食都有～🥢 芝士牛肉紫菜卷 $58份量十足！芝士、牛肉、蛋絲、紅蘿蔔絲、醃蘿蔔、青瓜，樣樣有，成條紫菜卷超飽滿☺️✨ 牛肉味幾香，咬入口都juicy！👍🏻🥢 五花腩紫菜卷 $58同樣份量十足，燒汁幾好味，有五花腩同時其實有好多蔬菜，唔駛怕會油膩～🙆🏻‍♀️🥢 魚餅湯 $20天氣涼所以都加多個魚餅湯，暖粒粒！有成4樣魚餅，所以$20都幾抵～ 🥢 香蕉奶 $13另外私心加多左包香蕉奶嚟飲😁 另外都仲有啲韓國罐裝果汁可以揀！覺得整體都唔錯，性價比都算高，觀塘返工嘅去買個紫菜卷食應該都好足夠👍🏻 多個外賣選擇👍🏻…Read More

探貓貓前去附近地方食野，因為想飲咖啡所以嚟左呢間Sole Coffee😊 小店不大，只有幾張檯同bar檯，不過我就鍾意搵呢啲小店食下💗餐牌有各款all day breskfast、仲有意粉類可以揀～ 同屋企人share食，再加每人一杯咖啡提神提神☕️✨ DELUXE ALL DAY BREAKFAST $118故名思義，叫得deluxe真係超級豐富！烤大啡菇juicy，黑松露炒蛋都幾香滑；鍾意呢度有車厘串茄，上面有落左少少鹽吊個甜味出嚟🍅 多穀麵包多士有2片！無論係多士表面定入面都佈滿左穀物粒，超香，而且呢個多士很脆👍🏻 成份all day breakfast份量非常充足👍🏻✨ 日式蟹膏醬松葉蟹肉忌廉意大利麵 $118好多蟹肉！！🤩 仲有啲三文魚子、露荀同木魚，而意大利麵嘅份量都唔少～ 鮮甜得嚟清清地，唔會好膩🙆🏻‍♀️✨ FLAT WHITE +$25我加左杯flat white，咖啡味道屬於nutty，好香，口感都濃厚🥰 拉花都靚靚💕✨ DIRTY +$30唔係間間cafe都會有dirty，所以屋企人見menu有就決定要飲返杯～ 佢話嗰質地濃厚，nutty咖啡味，底嘅牛奶都夠凍，好飲😋整體都好滿意，下次去元朗探貓貓可以再食！🥰…Read More

次次gel甲出開尖沙咀都會搵啲唔同餐廳試下，今次就碌碌下搵到呢間酒吧餐廳！因為喺酒吧餐廳，所以如果想嚟記得做定快測～餐廳感覺新淨，環境舒服，音樂聲量適中，所以都好啱三五知己、屋企人、情侶去一路食下野一路傾偈💬 仲有森系裝飾打卡📸而且野食選擇其實都唔少，可以滿足唔同口味嘅朋友～🙆🏻‍♀️✨ 明太子沙律本身自己都鍾意食明太子，所以就要左個明太子沙律食！佢嘅明太子係切成一粒粒，再加上海草撈埋沙律醬做左呢個沙律。海草好爽口，加上明太子嘅個隻鹹香味，成件事好開胃🙆🏻‍♀️✨ 香烤牛仔骨烤得好香，調味、生熟程度亦都適中👍🏻 平時好驚啲餐廳會落好多調味、搞到好鹹，但呢碟完全無問題👍🏻✨ 烤冬陰功雞翼雞翼烤得剛好，咬落去好juicy，唔會煮到乾晒👍🏻 而冬陰公嘅味亦都適中，會食得出冬陰功，但又唔會重手到食唔到👍🏻✨ 千島醬海鮮薄餅之前上網碌到薄餅見到個底同平時唔同，係好似春卷/蛋卷/crepe皮咁已經覺得好特別！自己食過就覺得呢個做法好聰明，又脆、又唔會好多麵粉搞到好飽👍🏻 另外要讚千島醬調味，夠味得嚟唔會好膩、唔會dominate左成個薄餅嘅味。而且海鮮配料都好足，每咬一啖都有呢🙆🏻‍♀️✨ 香煎北海道帶子配牛肝菌忌廉意大利麵好香！帶子超大粒、而且煎得好靚😚 個pasta好實在、好好咬口！細心食仲食到佢pasta個蛋黃味好香😋 而且牛肝菌忌廉醬其實包滿住每一條pasta，鍾意食菌類嘅朋友唔好錯過😎…Read More

之前上網搵到呢間餐廳，望落去係新開就決定去試一試😁 同埋見大家有提過係酒吧，所以都有自己預先做左快測先去，不過我見餐廳其實都有提供，真係到左要做都ok的👌🏻餐廳唔大，應該因為夜晚喺酒吧，所以基本上都係高檯高櫈嚟！感覺係舒適，個人好鍾意雲石紋牆身☺️✨ 泰式冬陰蟹肉意粉本身意粉上面係蝦的的，但咁啱無蝦就轉左做小龍蝦肉～ 冬陰公食落唔太辣，食得到冬陰公個隻酸酸地嘅味，好香👍🏻 蟹肉拆肉放喺意粉入面嘅份量都唔少～ 另外就係非常喜歡佢個意粉係有咬口，煙煙韌韌嘅👍🏻✨ 什錦沙爹串燒有6條，係沙爹醬已經搽上去整嘅～ 感覺好啱送酒用！🍻✨ 粗薯條配松露醬上檯熱辣辣！🫶🏻 松露醬份量亦都唔吝嗇，可以大大方方咁點一大啖食😁 要讚薯條夠脆，就算食到最後涼左都仲係脆的☺️☺️…Read More

之前去左旺角嘅726食左呢間Sky726! 餐廳位於726嘅頂層，視野好廣闊，加上天氣很好，成餐都食得舒服😌先嚟set嘅湯、沙律同麵包🍴麵包暖暖地，好鬆軟👍🏻 沙律清新。而是日餐湯係大蒜薯仔湯，blend埋一齊大蒜味唔會好強，完全唔駛擔心食完會有陣蒜味，blend得smooth，食落口係舒服嘅。主菜share左一份野菌意大利飯同埋賓尼迪蛋🍴野菌意大利飯先上檯，好香濃野菌味！望到好足料，超多野菌！仲有啲芝士有啲洋蔥，夾埋意大利飯，一啖入面有好多口感，意大利飯嘅煙靭，野菌同洋蔥爽爽地，加埋個香濃嘅汁，自己嚟講好鍾意😋賓尼迪蛋有我至愛三文魚😊 蛋黃微微留神出嚟比包吸收😋野飲要左熱咖啡☕️ 奶係打左泡、熱上的👍🏻 咖啡有陣香嘅甘味，屬於sour d嘅咖啡～…Read More

又喺荃灣搵到好野😚😚 無意中搵到呢間西餐，同屋企人去咗食好東西～ 首先環境已經係ichiban✨ 我覺得個空間感好夠，好舒適～ 臨近聖誕仲有裝飾，靚靚💖野食方面，選擇都幾多架，樣樣都有興趣，有set dinner 又或者a la carte都得！最後揀咗食set dinner😊🔹 每日餐湯 配麵包牛油呢晚係蘑菇湯😋 本身同屋企人都鍾意蘑菇湯！個湯好香，上檯時我哋未除口罩都已經聞到陣香味！食落口是creamy的✨ 麵包，啲seed味都突出，牛油香但食落唔膩☺️🔹 烤美國和牛骨髓配合桃阿根廷醬、蒜蓉包見到呢個starter真係嘩咗聲🙊 份量完全唔覺得只係一個set dinner入面嘅starter😂😂 蒜蓉包脆口、蒜蓉味香得嚟唔會過火而太濃。再加上牛骨髓，會將成個香味再upgrade咗😍 另外旁邊都有少少沙律伴碟，refresh一下～🔹 德國鹹豬手配印尼燒烤醬其中一個主菜我哋揀咗豬手～ 份量再一次令我嘩咗聲🤣 個皮係脆架！！（很重要呀）豬手嘅肉質很嫩滑，食嘅時候亦都感受到骨膠原😀✨ 個醬有好微嘅辣味，會幫手再吊咗啲香味出嚟～🔹 烤12安士安格斯西冷牛扒另一個揀咗我至愛 - 牛扒🤗 medium-rare的🤗 肉汁一切就流出嚟喇😍 切都feel到好軟淋淋！醬配咗2款，surprisingly我鍾意個青醬！好清新，而唔會好大陣草青味～ 另外想講旁邊嘅蕃茄！！好飽滿，一咬好似有10隻個蕃茄嘅味一野衝入口腔入面😝 正😎🔹 每日甜品呢日係brownie!! 好濃郁嘅朱古力味💖 成個set食晒真係好充實，好飽！！單望價錢係唔平嘅，但質素值回票價！✨ 值得推介～💁🏻‍♀️…Read More

之前行完donkx經過見到新開咗呢間餐廳，仲幾多人派隊買緊，呢日晏晝做野前就去咗食😙 去到嘅時候啱啱開🤪 提供坐低食嘅位置都充份👍🏻有好多唔同嘅豆乳飲品，仲有豆腐、豆花，同埋小食可以食～ 🔹 鮮芋泥豆乳 $32芋泥愛好者，所以望到就揀咗佢了😆 芋泥同豆乳都唔會太甜，淨係得佢哋本身原來嘅甜味👍🏻👍🏻 豆乳味都好香，豆乳唔係嗰啲稀流流好水嗰啲，佢係好實在的！所以都幾飽😂🔹 7°6豆乳焙茶 $36屋企人揀的～ 呢啲飲品平時通常都係透明膠杯上面插枝管，冇諗過原來好似罐汽水咁，仲要真係要拉開鋁環，好得意😂😂 雖然知道佢出名豆乳，但見到個牌話係日本焙茶，所以揀咗佢！屋企人表示：口感質地好厚，杰杰地，豆味超濃，有啲真係喺日本飲嘅豆乳感覺，然後就係好香嘅焙茶味，配合得好好，又唔會太甜，好好飲～ 屋企人話下次要試埋抹茶😂🔹 和風七味脆皮絹豆腐 $34熱辣辣！好香嘅豆腐香味～ 外皮真係脆卜卜！ 而入面嘅豆腐又好滑！ 七味嘅調味亦會無搶走豆腐嘅味👍🏻 好鍾意😋🔹 吉烈豬扒粢蛋飯 $45我本身基本上唔食粢飯🙈 但見呢個新穎啲嘅配搭又好想試🙂 食完就好慶幸自己有食呀😋 粢飯入面油炸鬼好脆！ 有啲沙律醬青瓜絲、肉鬆，令個粢飯好香！好味☺️☺️☺️ 唯一蠢咗係唔記得叫切半😂 如果share食記得叫呀～…Read More