ymin's Profile

凍OT小甜原本平常不過, 一般只別於茶味, 濃淡, 檸檬多少片. 所以飲到一杯啱口味的也很講運氣… 咁我運氣是否差到不得了??? 今日於屯門譚仔外賣一粉一凍OT, 盛惠30大元, 回到公司先發現凍OT:　無 檸 檬 架!!! 致電說明，幸而接聽的阿姐也明事理，說不好意思，提出留下資料下次送飲品．我沒有理會，因不常去．而她也說明不會有下次，還可怎樣呢?! …Read More

行完山, 幾攰, 嚟咗西頁, 當然食埋飯!這裡似乎做熟客為主, 好多客同d伙計熟, 我哋都係熟客介紹嘅; 朋友係西貢長大, 問佢食飯邊間正, 就即刻推薦呢到. 雖然咁遠嚟食小菜而不是海鮮好似有d可惜, 但原來沒有絕對的! 誤打誤撞, 呢餐食得很愉快! (手撕雞好味, 伙計nice, 價錢又相宜...)點了個很抵的套餐, 4人食咗:涼拌芝麻手撕雞... 真係好食, 叫呢個餐都係因為有佢, 見別人嗰碟好掂咁, 決定一定要點... 清蒸新鮮鮑魚... 有7隻! 細細隻, 但夠鮮甜.白灼蝦... ok, 份量幾多!炒蜆... ok.蒸鱸魚... 很滑, 不比大街的海鮮酒家遜色.還有炒菜等等.環境係舊式酒家樣,舊咗d.朋友說朝早有茶飲, 點心不錯!嚟西貢, 不一定響大街食海鮮呢!…Read More

我哋第一次幫襯, 加上係臨時唸起呢間, 所以唔識規矩, 其實力奇可以現場寫明茶水/壺響邊, 碗筷, 調味料係自助, 咁一開始我哋就可自己嚟,省時又唔駛麻煩d亞姐… 但叫飲品係避免唔到請佢哋出埸… 拿來時發現叫漏咗罐可樂, 叫亞姐再拎, 即刻黑面+怨言…食物質量ok啦, 沒有海鮮等貴嘢, 最貴也只點了一碟肥牛, 都平均$160/位, 佢哋唔係走抵食路綫.手打鮮魚滑，鮮蝦滑好新鮮.酸梅湯 = 糖水, 甜過可樂, 可以不點.傳統手寫單, 不列明價錢… 所以比錢時可以慳返不用對單.環境係室內大牌檔+多個flat tv, 睇奧運幾好氣氛!總結係唔會再去, 因為食得開心先係最重要!…Read More

今日係8月8日北京奧運大日子, 中國加油! 中午, 一家大細去飲茶, 之前亞爸亞媽幫襯過晚飯覺得幾好, 响附近比較舒適的酒樓不多, 海天有無敵飛機海景, 略貴,; 容龍要轉上山腳, 無去過; 喜喜中國廚房裝修靚, 但唔就腳所以少去.; 還有的是黃金商場那幾間食肆… 除了間泰國菜, 唔知點解好少去..廣東名門裝修好靚, 可以停車响門口, 因為係落地玻璃, 唔怕抄牌睇唔到… 點心水準ok, 同海天差不多, 都係即叫即蒸, 走較細緻路綫, 味道尚可. 但:1. 灼白菜: 一放低就附送黑長髮一條, 即刻無乜胃口, 細佬係咁大聲問我哋點解有條頭髮, 因為有個黑制服嘅waitress 响度, 上菜個亞姐尷尷尬尬咁笑笑口唔敢出聲行咗去, 但係個 waitress 竟然扮唔知, 叫佢換過碟, 佢竟然連到戲! 繼續扮唔知問咩事, 重問:「Oh, 條頭髮呢? 」 吓………?! 第一時間挑出嚟dum 咗啦, 重留住咩?! 其實員工培訓真係好重要, 扮朦博個客算數, 咁人哋下次咪唔嚟囉. 你做前綫嘅, 挨義氣, 同個客賠個笑, 說明係意外, 立即換過碟, 幾蚊成本嘢, 老細一定蝕得起; 否則走咗枱客, 壞埋口碑… 2. 點了炸春卷無嚟, 無點的叉燒包, 雞仔包嚟咗.3. 有蒼蠅, 唔係多, 係大隻, 綠色的… 服務方面, 整體而言是殷勤有禮.一定會再去, 大致上不錯!…Read More

Olive 的 set lunch 分了 8 Days, 每 Day 有幾款 set 任揀, 都幾好,唔使個個星期一都係嗰幾款, 咁樣就有返啲 surprise! 我哋去食當天係佢哋 Day 2 的餐牌. Set 可揀 salad 或 soup, 當天係「蒜蓉忌廉湯」; 我哋都係揀 salad, 但啲菜又苦又澀, 個dressing 係蕃茄色, 靚就幾靚, 但太甜.主菜方面, 朋友揀三文魚… 嘻嘻~ 很少餐廳做熟三文魚做得好吃, 依朋友反映, Olive 也不例外. 我好穩陣, 點了牛排, 好吃呢! 雖不太厚.. 約一厘米, 但是蠻大件的加上配菜, 份量足夠! 而最最重要係塊排好味, 表面煎香了, 裏面 juicy 又鬆軟, 切它一點也不費力.另外, Olive 中午1:00-2:00 的確係會滿座! 好彩朋友有訂位, 重有一邊 sofa 位! 所以佢做優惠, 1:00前埋單, 2:00後幫襯有折咁上下.Service 是ok的, 適當. 食得好自在.好想試吓食 dinner, 感覺佢夜晚會幾浪漫… …Read More

我叫了咖哩吉列虾豬扒飯, 係set lunch 之一. d飯好硬, 係啱啱煲起無焗一焗? 水落少咗...? 總之d飯一定肥佬.吉列虾同吉列豬扒都係咁上下,普通嘢, 唔值得講.杯水蜜桃綠茶ok啦, 夠甜又夠凍... 炎炎夏日係正嘅.小吃抵食... $7 有炸茄子粒.但服務麻麻地... waiters/waitresses 木無表情, ok 啦... 個高級d樣的 waiter, 反而招積樣, 問佢有無泊車優惠, 佢邊行邊講... 做咩啫...?! 一個字: 怪!…Read More

一d都唔美式, 100% 港式排餐.個 dinner set 我點了澳洲和牛, 真係搵笨到呀... 食個普通肉眼排是否會穩陣d? 個排份量細, 只三條不夠3"長, 不及台灣麻雀粗的肉條. 又韌, 食具把刀好鈍, 專門做排就不能慳把刀, 這點扒王之王好過 Mr. Steak 好多, 人家那木柄鋸齒餐刀有質感又實用! 所以食得特別辛苦, 因為切也費力極了! 又有筋... 味道不值一提, 好淡, 比較乾身, 不juicy. 主菜配個不甜不咸只有蛋味的"餅?糕?飽?", 都唔知係咩... 勁騎尼! 估計係明知份量少, 充撐門面?.... 我大概一年去一次美國, 每次都會食排, 但不曾有個飽放主菜中... 一般的伴菜焗薯或薯蓉卻欠奉, 其實又不值錢... 點解咁?前菜我要了青口, 明顯嘅雪藏貨, 無咩味, 個汁ok ga, 用來點麵飽幾香, 不過d waiter 趕住上主菜, 急急就收了我吃了一半的麵飽和青口汁... 沒有問我可否收走.千萬別對餐前麵飽有期望, 普通貨色加之又乾又硬.甜品是最 ok的! 我的酒心朱古力 cake雖然酒味很弱, 但朱古力味香濃, 滑.對! 這裏的waiters/waitresses欠水準, 明顯是其匆匆忙忙的態度, 不太理會客人所需, 但求你拿拿淋坐好別諸多要求的安排... 各表現與 ‘椰林閣”, “維苑”, “珊瑚堡”沒分別... 但價錢貴好多!一年前去過朗豪坊那間, 那時候那間的水準不錯! 坐店外欄杆邊聽着下一層的live 唱歌表演, 好浪漫.…Read More

因阿妹試過d烏冬掂! 所以今日同亞媽,細佬嚟食 lunch. 叫各式烏冬$30幾, 配普通飲品+6蚊.d烏冬煙韌又滑, 值得一試啊! 可惜是份量太細, 女仔ok夠食, 男仔一定要加其他...服務ok wor! 遷就後到的bb車, 要求從卡位調到其他位, d姐姐都好快手腳, 沒有怠慢, 該讚一讚呢!5個人 total $22X.... 似乎貴咗 d, 因為响屯門係平慣... 上星期响新墟食焗飯/pasta lunch, 平均每人不到 $30... 夠食又好好味! 忘了名字... 在呂明才中學旁, 遲d有空一定寫佢讚佢!…Read More

大埔墟街市這個熟食中心食過幾次, 都係被 鴻發牛什魚蛋專家 及 新樂園魚蛋麵餐廳 吸引住, 佢哋d下午茶好抵又好味(每碗粉都送塊炸魚皮, 正! 過到口隱又不用叫一碟, 太多...), 今次不如試吓第2間, 見到有某某個嘜頭, 咁就試一試, 學利個招牌菜係魚蛋, 但食落無咩特別, 無咩魚味, 好淡, 口感不特別爽, 所以食咗都無咩感覺, 湯底... 乏善可陳, 無味. 朋友試的牛丸唔爽又唔鬆, 有d粉, 無性格.... 最後講吓service, 原本ok嫁, d亞姐都客氣醒目, 唔醒目嘅係小弟, 亞姐5點要收工, 我就磨爛蓆揸住杯1/4滿檸茶係咁同個friend吹水, 亞姐走嚟問: "我比個外賣杯你, 我哋收工啦!" 返正也不會再幫襯, 無謂阻住人, 閃!…Read More

Good~1. 泡飯: 很好吃, 它有一個漂亮的名字, 忘了. 個湯底又濃又甜, 飯粒軟滑, 在你面前加入湯裏會的乾飯粒(會冒煙的,好看!)很香脆可口, 美味!2. 蒸魚: 滑! 好似係叫’金英斑’? 一向不吃魚, 但今次連魚皮也不放過. 3. 甜品: 炖鮮百合雪蓮花旗蔘紅棗, 不知個原名, 但有齊呢d料. 好清潤, 雪蓮好特別, 透明黏黏的, 值得試! Not Good Enough~主要係服務上的小問題, 因為收這個價錢, 所以應該做得更好.1. 待應們有點匆忙在旁準備, 令我也緊張起來.2. 不適時換碟, 好一陣子沒人換碟, 我的碟累積了一些骨頭餸汁, 個待應一言不發就拿走我隻碟… 但我還有餸在上面未吃完 (個待應… 可能新來港, 不知有些人好似我咁不一定用碗盛餸.) 跟她取回後她竟死心不息, 拿着隻吉碟要我把餸夾起換碟, 我說不用了, 等一陣先換, 更攪鬼的竟是她去拿了筷子來, 不出聲自己夾起舊鷄, 換左隻碟… 她有必要堅持嗎? 是按本子辦事? 不過好annoying.3. 炖湯唔抵, 7個人, 待應話來了1.5盅的份量, 盛惠$5XX, 不過是白菜豬肺湯…4. 待應會請纓建議由他幫你設計菜單, 好處是可試到特別菜式; 不好之處是價錢較高.…Read More

原應美好的一餐飯給這家不理人的食店浪費了.今晚一家4大1細第一次試興記, 點了7個餸, 伙計後來說無炒蜆, 算. 但食了4味餸就停.... 等了很久, 叫伙計幫忙跟吓, 只敷衍我地話厨房很忙, d餸做唔切... 根本懶得幫我地睇吓張單; 再等, 再追, 理也不理我地...佢地當時full house 嫁, 我地都想快趣食完唔好阻住佢張枱... 點知我地呆坐咁耐, 都無人覺得有野... (欠左個有sense 既部長協調...)我地梗係投降要走, 比錢時發現係7個餸既錢, 原來佢地唔會主動幫你更正... 好離譜, 係佢地cancel 咗我d餸... 我地睇唔明手字, 叫佢地說明, 又比面色我地睇. ‘西蘭花班片’有食, 但’清炒西蘭花’無黎, 個收銀亞姐好技巧咁問: ‘西蘭花’有無? ‘班片’ 有無?... 嘩! 我就上左當, 都係亞媽勁, 我響門口向佢報告有5樣餸錢, 佢記得只黎咗4味... 於是折回睇多次亞姐面色, 攞返$35.唉! 大家都唔飽, 還要找面檔食埋下半場! >_<至於味道環境都係咁上下, 一分錢一分貨.…Read More

第一次在這兒寫東西,是因為d牛丸真係好正! 前面位仁兄講得啱,"比勝利牛丸更好味!",係好味好多.成記d牛丸與別不同,是因為自家出品吧?!在別的地方吃不到這味道.佢d牛丸爽得嚟好鬆,有咬口,又有肉汁.我點了牛丸幼麵,但上枱時太燙了,麵有點太硬,牛丸好熱,熱到品嚐不到佢嘅鮮甜,所以由它泡一會,先吃加菜.加菜d腐乳太多太咸…牛腩都很受歡迎,好多靚仔點"肥腩"…我家住得遠,難得來新蒲崗,一定買返斤牛丸回家!其實這種小本經營,明買明賣,一碗咁好食嘅牛丸麵也不過十多元,其他服務/環境欠奉也能理解.個亞姐不太醒目比較倔,會得罪客,老闆都算好脾氣,對住個爐之餘仲要幫佢兜,打圓場…生意難做.…Read More