YoyoShum7491的個人專頁

周末唔想去太遠，會喺屋企附近逛下就算，通常就會行到海邊，次次一見到呢間面包鋪，都忍唔住入去食返個蟹棒蟹膏多士。價錢應該係$26-28，一個厚多士既分量切成四舊，老老實實，肚餓個時我一次過食三個都唔嫌多因為真係好好食，雖然蟹棒都係啲人造仿蟹柳，但加埋底層既蟹膏醬，就好香口仲有啲鮮味，上面吱左層沙律醬就更加惹味。男朋友話買樽韓國蟹醬都整到，但我寧願間唔中舒舒服服坐喺呢間面包店享受下。另外兩杯係梳打特飲，粉紅色個杯應該係玫瑰荔板寒天梳打，黃色係男朋友叫既所以唔知係咩，我地都係第一次叫佢既飲品，因為本身唔鐘意飲甜野，但天氣又熱熱地，想飲杯凍野。味道無咩驚喜，都係大路飲品咁既味，我特登等佢啲冰溶左啲先飲，咁都唔算係太甜。同埋叫完野食，係一定要等一段時間，因為所有熱食都係即叫即焗，如果前面有一兩個客都係叫多士，就可能要等十幾分鐘，不過等十幾分鐘，換黎既係脆邊軟熟既熱辣辣多士，都值得既…查看更多

都係有啲姐姐派傳單先知，公司附近新開左間樓上飯堂，費時又要大排長龍等太興，就同同事上去試下好唔好食。環境算係企理，幾衛生，一定好過樓下馬路賣雙餸飯個檔，感覺比較污糟。當日有六款菜式，自選兩種，揀左馬蹄肉餅同炒菜心，分量唔少，女仔食叫少飯會合適啲，當日仲有個好似係大廚既人，猛咁叫盛餸啲姐姐夾多幾條菜，加左啲印象分。味道合理，正正常常，唔會過咸，有啲住家菜味道，肉餅幾好食，食得出有「揵」過，唔會太淋身有啲口感。湯都不過不失，味道偏淡，但起碼無味精，不過呢度得紙包飲品，如果有埋即沖咖啡奶茶仲好，夏天中午飲杯凍飲爽好多。最後都希望提一提餐廳可以轉用可清洗碗碟，堂食都用即棄膠盒，太浪費啦。…查看更多

開左兩個月左右，都食過兩三次，每次對佢既評價都唔錯，係上返openrice睇先知咁多人都話唔掂。星期六既lunch menu淨係無左幾個$58既set，其餘都大致一樣，價錢算係中上價，八十幾蚊至幾百蚊都有，但一般都係一百幾左右。今次叫左兩個飯，另加餃子，天婦羅，兩杯果汁，埋單$400幾蚊，以lunch價黎講唔算平，但以食物黎講，其實又好合理。呢個係吞拿魚飯，一上檯都嘩嘩聲，因為色澤好靚，分量都幾多，不過我個人鐘意食腩蓉多啲，魚油味重，加少少蔥花就好香，如果有淨腩蓉飯就仲正呢個係刺身定食，每款都係兩舊，魚生新鮮就唔洗講啦，但佢啲飯都係好食既醋飯，唔會過酸，飯係一粒粒，唔會痴埋一齊，軟硬適中。另外，餃子係最驚喜既一樣，好少食到皮咁薄又咁香既餃子，好似$50有十隻，價錢唔貴，我次次黎都會叫一份。海蝦天婦羅都做得好好，天婦羅皮係脆薄既，入面既蝦肉明顯係新鮮蝦，肉質爽脆亦有鮮味。建議lunch時段黎食，樣式一樣，但價錢平一截…查看更多