tammyee's Profile

每逢放假就會想揾個地方hea吓，之前無意中响openrice揾呢間小店，雖然地點唔係好就腳，但都決定去試試，可惜呢度唔做晚市，所以諗咗好耐都未來到。今日去開附近，見時間許可，決定過來走番轉，石門雖然有個地鐵站，但如果要响沙田過來，都要轉兩程地鐵，鋪頭其實離地鐵站好近，不過我唔係太熟路，所以兜咗個圈。小店响商塲二樓，一上電梯轉左就見到，鋪頭唔算起眼，但都幾多人幫襯，今次㨂咗近窗位置，落單要行返去門口，同埋要自己拎餐具同水，落完單就可以坐响度等野食送上來，咖啡送來之後就到班戟喇，好彩野飲放响紙杯，無凍哂，班戟好啱我口味，唔係空氣感，而係好實在嘅，甜度都啱啱好，絕對值得等。食食吓已經近收舖時間，人開始少了，正好俾我享受吓美好時光！…Read More

好耐無食喇，之前想來食時又撞啱無開，再唔係就落雨，今次終於配合到天時地利人和食到喇！仲以為無來咁耐，人流無以前咁多，估唔到呢條街嘅人流比以前更旺，差唔多每間食肆門口都有人龍，好彩朋友早過我到，排住隊等，不過都要等一陣先坐得低，其實已經有幾個姐姐幫大家落單、執野同收錢，但點都要等一等先有人理你。今次點咗蕃茄碎牛蛋通粉，牛油檸檬汁蜂蜜脆脆同凍咖啡，最快來嘅係通粉，由於係搭枱，所以上野食時都有d混亂，大家要隨時留意住姐姐送咩過來，碗麵食到一半諗住追一追個包，都未講完，姐姐就話要等，雖然唔想阻住張枱都惟有乖乖坐响度等......…Read More

之前曾經幫襯過「請坐」，知道結業一直覺得好可惜，一路追蹤住佢哋fb，終於聽到重開嘅消息，所以一直都好想來新鋪試吓。新鋪响中環中心地帶石板街盡頭大館附近，先要行一段斜路先上到來，但一上來就見到招牌，比舊鋪易揾好多。一心以為星期六下晝四點幾會少人d,點知撞正員工食飯時間，加上都有好多人幫襯，所以要搭枱，不過落單尚算順利。同舊鋪唔同嘅係呢度有個自助區，可以自己斟水、拎碗同牙籤，另外仲有個台式飲品部，所以發現餐單上嘅飲品選擇多咗好多，而食物選擇都有增無減。今次叫咗起司蛋餅、雞排乾伴麵同蜂蜜金桔檸檬茶，原本想試牛肉麵，可惜六點後先供應，惟有下次再試。上菜速度都好快，賣相靚之餘仲好好食，全部俾我食哂，我仲聽到其他人話墨魚香腸好好食，下次一於試吓。今日有幸見到兩位台灣媽媽，可惜我怕醜無邀請佢哋影相，你哋要繼續加油呀！我一定會再來㗎！！！提示：現時只收現金或八達通，記得帶夠錢呀！…Read More

估唔到新蒲崗都有cafe,一向少來呢區，不過佢開正响巴士站隔離，一落車就見到，難得來到當然要試一試啦！午飯時間來到，唔算多人，即刻可以入座，野食來得都算快，環境又舒服，不過可能樓底唔算高，所以多人時都有d嘈。午飯時間太忙，侍應落單時都無咩表情，同埋一定要講號碼落單，不過都無落錯單嘅情況出現嘅。午餐選擇都多，有麵、意粉、飯同扒餐，最平五十幾，最貴都係百一蚊左右，無加一，價錢已包括湯或沙律同飲品，另外可選擇半價嘅特飲。今次叫咗薯仔煙肉湯、米蘭豬扒意粉同朱古力咖啡，個人認為飲品比食物出色，不過相信都係呢區難得嘅休閒之選。…Read More

之前一直幫襯近千色點嗰邊嘅鋪頭,但嗰邊比較迫。今日行過西鐵站附近發覺開咗間分店，無多諗就走咗入去，呢度附近有好多食肆，星期六下晝來人流唔算多。見到有下午茶供應，但一心諗住食墨魚餅，加上太掛住蕃茄濃湯底，所以放棄咗下午茶。等咗十五分鐘野食終於出現，果然無拎我失望。蕃茄湯依舊濃郁，差唔多俾我飲哂，雖然要加六蚊，但絕對值得試，墨魚餅有兩大塊，好厚身，食完碗面，飽哂！…Read More

午餐來到附近揾食,原本已經諗好咗食咩,點知行到去門口排哂長龍,唯有即刻轉場,今日只係想快食一餐,所以就揀咗响附近既味皇味皇既選擇好多 - 咖哩,常餐,肉燥飯,咩都有,今日叫咗香茅雞扒蛋包飯,加埋野飲都只係48蚊,都算抵食,因為呢區有時閒閒哋一個麵都要50蚊以上,除咗隨餐附送既沙律稍為遜色,其他既我都幾滿意呢度既侍應都幾有禮貌,食物上餐速度亦好快,啱哂趕時間既朋友雖然呢間係地道茶餐廳,但估唔到都有唔少外籍人士幫襯,可能佢哋唔係第一次來食,所以見佢哋叫野食同侍應落單都好順利…Read More

已經係第二次來呢間餐廳,第一次係食晚餐,今次係食早午餐呢間餐廳吸引我既地方係手造意粉,仲講明係即叫即製餐廳响大商場附近既細商場內,所以區外人可能會覺得有d難揾,不過呢個商場附近都有好多唔同類型既食肆,所以如果有心揾食既朋友相信一定揾到來既有別於一般小店,佢哋有佔咗兩個隔開既鋪位,所以就算晚飯時間來到都唔算坐得好迫,不過,由於人手有限,所以要有d耐性,但店員絕對係有禮貌既講番食物,今次同朋友叫咗一個前菜同兩個意粉 - 意式蛋派拼肉派, 拿破崙式雞扒伴通心粉同白汁芝士焗拐子麵,先送上來既係意式蛋派拼肉派同野飲,朋友投訴我叫既朱古力大杯過佢叫既咖啡主菜好快來到,兩個意粉都好好味,不過賣相方面就好似白汁芝士焗拐子麵比較吸引呢間係一間好有誠意既餐廳,一定會繼續幫襯!…Read More

我同同事去過呢間餐廳兩次,其實呢間餐廳坐得都幾舒服,不過似終都唔係好平既選擇,所以好少諗起佢今日行過又未諗到食咩,走咗上去,門口已經堆滿人,好彩仲未滿座,所以好快可以坐低午餐有兩款選擇,一款係有前菜既套餐,另一款係麵食套餐,基於價錢考慮,今日揀咗有前菜既套餐,其實份量都唔細,應該夠食,如果唔夠的話,仲可以加錢叫埋甜品註:除餐牌上指明的餐飲以外,可加9蚊轉32蚊以下既野飲…Read More

同朋友飯聚,原本諗住去另一間,但預計要等成50張枱,於是決定轉場,响我哋既食飯list度搵後備,最後決定來呢度朋友來到樓下話記得食過lunch一般,但最後都決定試一試佢既晚餐星期五晚八點來到唔駛等即刻入得,但限時個半鐘枱同枱之間距離都幾密,隔離枱會聽到哂你講咩食物方面叫咗限量20份既流心漢堡扒,好似枱枱都有叫咁,呢個漢堡扒同汁料以類似透明膠袋既野裝住放响鐵板上面,上枱後由侍應剪開,漢堡扒入面既芝士原本係流心既,但飲完個湯已經凝固咗朋友另外叫咗個辣味意粉,但意粉一d都唔辣,我同朋友一度以為叫錯咗,因為意粉好似餐牌上既卡邦尼,但睇番張單又無落錯喎除此之外,我哋仲叫咗兩款甜品-法式多士同焦糖班戟,班戟好軟身,只係中間有d濕,整得唔夠乾身,法式多士就一般,多士表面有d硬,唔知因為煮過頭定唔新鮮…Read More

呢間係Openrice facebook介紹過既食肆之一,一見到有蛋餅,仲要係台灣媽媽製作既口味,決定幾遠都要來試吓,雖然餐廳介紹話係近地鐵站,三分鐘就到,可能我少來呢區,結果兜咗一個圈先揾到…食肆响扶手電梯旁,門前有一片空地,門口貼住張紙叫食客順序排隊,齊人先可以入座,未來到已經估到小店經營坐位有限,結果原來都比想像中多坐位,只係繁忙時間就一定會坐得逼d星期日下午三點左右來到,都排咗一陣隊先入得,未坐低已經揀定咗肉鬆蛋餅同滷肉飯,最先來到既係肉鬆蛋餅,一條切開咗五舊,方便大家食用,如果肉鬆份量再多d就好喇,滷肉飯上台時仲好熱,肉碎唔似其他鋪頭咁切成粒粒,仲見到有一層層,加上有d汁,足夠撈哂成碗飯因為我同朋友各自叫咗碗飯,所以只係試到一個小食,下次會叫一個麵/飯,咁就可以試多幾樣小食食完大概四點,門口終於無人排隊…Read More

揾到兩間响九龍區既西餐想試,叫朋友二揀一,佢話覺得呢間吸引d,所以今次來咗呢度星期日晏晝先訂枱居然仲book到當日晚飯既位,我哋六點半來到,只有我哋一枱客,坐响卡位,非常舒適响我同朋友開始研究餐牌期間,侍應話有15位來緊,提醒我哋快d落單,非常貼心我哋叫咗個田園沙律,焗薯皮,大蝦牛油螺絲粉同香蕉朱古力窩夫,原本想叫多個湯,估唔到餐牌上居然無湯沙律個醬汁好特別,薯皮有好多餡料,朋友仲話意粉d大蝦好新鮮,不過可能因為牛油煮既關係,食到底偏油,但個人認為味道絕對無問題既沙律,焗薯皮同大蝦牛油螺絲粉既份量唔算好大,正好留番d位食甜品,等咗一陣甜品送到,估唔到最有份量既係個甜品,窩夫比較厚身,有d似班戟,仲有兩球雪糕,食完非常滿足呢度有d大枱,非常適合一大班人食飯,不過只收現金,大家記得帶夠錢!…Read More

又同同事走咗去銅鑼灣登龍街搵食,諗起之前想試呢間餐廳,連餐牌都無睇就走咗入去午市主食其實只係得薄餅同意粉兩樣選擇,但可以揀叫兩個cources定三個courses見到鋪頭近門口位置有個半圓形既焗爐,當然要試一試佢既pizza啦…所以我哋叫咗三個lunch set(兩個courses),一個野菌意式香草醬天使麵,一個pesto chicken pizza同一個quattro formaggi pizza,意粉粉量比較少,好彩叫咗兩個薄餅,pizza真係好好味,不過,同事嫌呢度d野食味道偏淡午市套餐包括前菜同野飲,前菜無咩驚喜,野飲方面,同事叫咗杯咖啡聞落好香,仲好夠熱,不過飲品製作需時,趕時間的話建議落單時叫埋野飲鋪頭入面貼住張紙話可以買套票,買十張午餐套票,變相七折,埋單時發現原來有逢第二個set半價既優惠,所以計埋加一每人約一百蚊我見到呢度有甜既pizza,下次一於來試吓…Read More

星期五晚揾地方食野有時都幾頭痕,想坐得耐,又要好食,似乎好難,原本朋友介紹咗間感覺良好既韓國餐廳,但一打去訂枱,限時個半鐘,惟有諗過第二間,好彩諗起之前有同事帶過我去一間樓上既日本餐廳,所以決定帶朋友去試試,順利訂咗7:30枱上到去已經有兩枱食客响度,之後仲陸續有客人來到,平日食晏好靜既地方,一下子坐滿哂人,食客有日本人亦有香港人,店員都係日本人,但英語溝通絕對無問題侍應招呼我坐低時已隨即送上一小碟蒜蓉意粉,啱哂一路食一路等朋友來由於係第一次來食晚餐,唔知分量大細,所以我哋只係叫咗一個串燒拼盤,一個釜飯,兩件芝士年糕同一個麵鼓豆腐,餐廳另外都有西式意粉供應,不過我同朋友今次想試咗日式食品先叫串燒拼盤係因為我上次試過大阪風味豬肉丸好好食,所以想推介俾朋友,好彩朋友都好鍾意,芝士年糕不過不失,侍應好細心咁分開兩小碟上菜,方便我哋食之餘,又可以慳d位,麵鼓豆腐來到時有d失望,因為原本以為係需要好多工序既菜式,點知睇落只係一舊豆腐上面加咗d肉碎咁,但估唔到襯埋個釜飯食都唔錯喎…我同朋友食完野一路傾偈直至收鋪時間十一點,好彩當時仲有另一枱食客,如果唔係都唔好意思坐咁耐………Read More

今次揾食到荃灣,朋友話想食拉麵,見到呢間似乎唔錯,所以去試試星期六下午四點來到,唔駛等位之餘仲可以自己揀位坐因為晏d仲要食晚飯,唔可以食太飽,所以我同朋友只係各自叫咗一碗拉麵湯底有三款選擇-豬骨,雞湯同海老湯,我同朋友都揀咗雞湯揀完湯底之後再揀餸,基本有一款餸,另可選擇加唔加溏心蛋,除此之外仲有大盛然後再選擇麵質,湯底味道等…我今次只係叫咗最基本既雞叉燒雞白湯拉麵,今次係我第二次食雞叉燒,呢度d雞叉燒既形狀同我上次食既有d唔同,湯底較杰身,幾啱我口味見到隔離枱既小食都幾吸引,下次要試吓…Read More

朋友話佢之前來食過晚飯,感覺良好,所以今次帶我來食午餐一來到第一感覺係,餐廳名改得好貼切,因為呢間餐廳的確係响商場既角落位置,呢個商場有好多食肆,唔係得朋友介紹真係好易走漏眼餐廳唔係好大,所以午餐時間來到難免要搭枱,呢度既午餐選擇都好多-有焗飯,咖哩,連鐵板都有我揀咗白湯+豬扒意粉+橙汁,朋友既係白湯+黑椒雞扒炒意粉+熱檸茶呢個豬扒唔係普通既煎豬扒,吉列豬扒而係叫做煎焗寶雲酥芥末豬扒,連平時唔太鍾意芥末既我都覺得唔錯另外,朋友既檸茶都好香,下次可以試吓…Read More