wso9999's Profile

第一次同老公行到元朗, 佢話要帶我去一間好耐歷史嘅餐廳食意大利菜! 由於坐位只得53個, 間餐廳好快就坐滿人, 問一問待應有咩好介紹之後, 頭盤, 我地就點咗芒果大蝦鮮菓沙律, D蝦好彈牙, 好FLASH嘅感覺, 而且比預期大碟! 再嚟一個意大利雜肉拼盤, 乜肉都有, 生吃羊片都唔係好蘇. 跟住就嚟個拿波里式PIZZA, 以吞拿魚為主的薄批真係好薄 , 當然無必勝客果D有肉有腸咁香口啦, 但不失為試! 飽飽地喇.....仲有一碟黑松露菌帶子意粉, 仲諗住食唔哂添, 第一次食黑松露, 唔知點解咁好味, 又啱我地為口, 三聲就食哂喇! 如果想變套餐(餐湯+餐茶)的話只需 +$20-老公摸摸個肚皮就叫埋單, 連埋TIPS都係$300-, 抵過必勝客啦!我地有機會會再去試架....^O^…Read More

星期六晚去咗Megabox呢間專食泰國菜嘅泰、蘭花開餐! 有卡位坐, 都總算坐得舒服!辣椰醬咖喱雞肉 $ 72- 配香軟薄餅 $ 22- 好貴!BUT 好好味嘅咖喱醬, 我都食咗半碗飯! 冬陰公大蝦湯 $ 56- 個湯太濃太酸, 無想像中咁好食! 青芒果絲香脆魚柳沙律 $ 68- 真係一堆炸粉, 見到好少魚碎, 感覺好新鮮好脆口, 但勁熱氣!先用生菜包住青芒果絲腰果沙律, 再放d炸到鬆脆嘅魚柳喺面..一啖咬落去,食落凍凍地, 感覺好似無咁熱氣! 賣單$ 256- 用信用咭找數仲有85折, 最後連貼士只係比$220-最衰唔包送甜品!…Read More

果晚係農曆六月十五, 如常約了2位好友一齊出佐敦"大中華"食齋! 知道多人己預早訂位, 去到果然好多人!友人向帶位請示但遭受白眼, 無回應之餘還招呼沒有預早訂位推門而入的客人, 可能真的人手唔夠, 一句 "請等等" 也說不到吧! 但這已弄至友人為之不滿, 卒之入坐時間比訂坐時間遲了15分鐘! 由於有限定結賬時間為1小時15分鐘, 所以亦要延時了! 講吓我地點咗d咩餸啦..餐牌上嘅二人餐$138- 包括薏米南瓜湯(唔記得影相), 唔係咁好食, 有薏米同磨菇, 有d怪怪地!鎮江脆膳, 味道太濃...咸魚炒芥蘭, 好好味, 咸魚味好似...黑椒猴頭菇炒秀珍菇(唔知咩名), 味道都算唔錯!加餸嘅有好味但差少少唔夠脆嘅吉列豬扒, 個樣好似, 但唔好忘記呢度係一間齋舖喎! 反而個肥佬老細好有禮貌&識做! 投訴完之後送張會員折扣咭,同場加影隔離枱嘅荷葉雞飯, 最後係好好味嘅紅豆莎-完場! 3個人食咗$250-, 價錢合理, 但總括都係一般! 希望下次好 D 啦! …Read More

同老公慶祝升職加薪喎, 更係食餐貴價嘢D嘅啦! 荃灣就最就腳喇!除咗一杯連waiter都唔知係咩味嘅 "RITA" drink 之外, 食物都好好食!黑糖麵包: 好香麥味, 好鬆軟, 唔係好甜, 好好味!燒烤醬豬肋骨: d醬好惹味, 不過茄汁味濃得滯, 有d漏! 但肉質好嫩, 燒得好脆而且仲好有肉汁, 唔錯!洋蔥花球: 炸得好有型, 厚厚地身好有口感 ! 加埋千島醬簡真一流! 熱氣非常!澳坊羊架: 非常好食, 燒得好香! 七成熟...啱啱好! 不過貴咗dd..…Read More

14.06.2008 星期六見人多, d人提早慶祝父親節, 2丁友去攞飛排隊嗰陣已經同我講要等耐少少, 但都係10分鐘度! 見有位就走咗入去食! 點咗雞絲粉皮, 金牌南翔小籠包, 紅燒豬肉, 醉乳鴿!招呼唔係好好, 簽咭付款時壞機又唔早响?? 無帶現金點算吖??雞絲粉皮- 冷盤點解只係暖, 唔凍嘅! 雞絲唔多, 麻醬好稀似水. 無味! 只係油淋淋....!!醉乳鴿 - 得d花鵰味, d肉又"鞋"兼無鴿味!!金牌南翔小籠包(5隻)$22 - 一般啦!!另外一個用沙煲上嘅紅燒豬肉茶樹菇, 醬油帶甜, 傑撻撻, 成口油!! …Read More