Cheerful Hobbit's Profile

一間好耐歷史嘅鋪頭，住呢區一定知，佢重開，識食嘅人一定好開心，鋪頭兩兄弟熟客一定識，今次重開，只係希望能夠搵番舊日嘅味道，好開心俾我哋搵到涼拌西芹咖喱魷魚生煎包(原本4個，食咗一個先記得影相)豉椒炒蜆最開心係，咁多年，價錢都冇乜點變…Read More

上堂前想揾個地方食啲嘢，坐下，同埋傾下計，就近近地，黎呢度西柚梳打好飲，入面有啲爆爆珠，出面啲爆爆珠會好甜，但係呢度唔會，相反，重有小小酸味，我鍾意越南滴滴咖啡朋友叫嘅，底部有煉奶，朋友覺得唔搞，飲齋啡好飲啲泰式豬頸肉原先我哋想叫蝦多士，可惜冇，味道唔差，俾你點個汁有小小辣辣地，幾好味滑蛋鮮牛治烘底牛肉幾鮮味，不過可能我比較鍾意食啲多料嘅三文治，如果佢再多料啲我就重鍾意整體黎講無論環境服務同嘢食都好好，係個洗手間行得比較遠…Read More

最後衝刺整月餅，唔夠料再出去買，順便食埋飯先返屋企，終於坐到卡位黑椒牛仔骨煲好好味，牛仔骨夠淋，夠黑椒味，唔會好鹹松耳銀針浸翠苗呢個夠清，但係冇諗過會有銀芽，不過加埋啲翠苗食，好爽脆，好食素鵝呢個佢唔記得落單，我哋見好耐都未黎，我哋問佢，佢同我哋check完話冇落，跟住幫我哋落番，好快就黎咗，唔記得影相，食咗兩舊先記得，入面啲料唔會好鹹，都幾多料紅燒竹苼豆腐呢個啲竹苼勁小，成碟得6舊，好彩啲豆腐都好滑我哋再要咗兩個自助吧…Read More

媽咪舊曆生日，落到黎先知原來有特價宵夜，20:45開始，種類都幾多，魚、肉、菜、海鮮都有蜜豆肥牛肉($68)呢個幾好食，肥牛唔會過老，啲肥牛都有好多，蜜豆幾爽脆星洲炒米($45)呢家好小酒樓嘅宵夜時段有炒粉麵飯食，都幾大碟清蒸沙巴龍躉($78)條魚都幾大條，不過蒸過咗小小火，嚡咗小小上湯焗美國龍蝦($88)可以加$38加伊麵底，個上湯煮得杰咗小小龍蝦味道可以不過禮貌同態度就有待改善個知客帶我哋埋位，開咗卡，等咗好耐都冇人理，冇人開茶最後終於叫咗人開茶，拎埋碟花生黎，我哋同佢講，我哋對花生敏感可唔可以唔要，佢竟然同我哋講，唔要都要收錢咁我哋冇理佢，揾咗個著黑衫，我諗係部長，同佢講我哋對花生敏感可唔可以唔要，佢即刻話得...得...得...然後喺張卡寫冇俾花生，但係我見到佢黑面大佬，碟嘢$15我食唔緊要，最慘我唔食得，花生敏感好平常，如果你有其他嘢俾我揀，我俾$15你又有乜所謂，但係你冇，上次黎食飯，我哋4個人，佢俾咗兩碟，收咗$30我都算，朋友食，我唔同你計，但係個心覺得好過份，4條友俾兩碟，一圍12個，你係咪俾6碟，要俾成舊水芥錢，唔好去搶，晚飯呢邊同火鍋嗰邊啲職員眞係差好遠…Read More

之前食晚飯，見啲嘢食唔係差，今次就試下打邊爐，有放題同自選，放題價錢佢有四類，$168、$198、$238同$328，另外加一，限時2小時，唔同價錢有唔同嘢食，我哋揀咗$198，揀咗椰子鍋，初初唔知，點解有鍋但係冇紙俾我哋畫嘅，原來第一輪佢會自己送黎，每款肉類有2碟，其他嘢就喺自助吧度夾，自助吧都好整齊乾淨，開工食嘢特級美國牛肩肉講眞都好肥下，不過肉質唔差極上美國牛小排肥瘦平均，肉質唔錯豚肉講眞我打邊爐唔鍾意食豚肉，但呢度啲豚肉我又出奇地鍾意，或者就係因為佢爽口唔嚡自助吧有豆腐，丸，菜，魷魚，烏冬，炸魚皮，豆卜，響鈴，金菇，腸，公仔麵，喬麥麵，甜品，種類都算多飲品可以喺飲品櫃自取可惜雪糕機壞咗，冇得食，不過唔緊要，有啫喱…Read More

媽咪生日想去食Buffet，就打去book食tea，呢間啲tea Buffet眞係好好食，今次主題係草莓蜜語•韓式黑椒牛仔骨呢個好好食，唔會煮過火，肉質好淋，好好味，食咗好多印度咖喱牛肉呢個咖喱，我鍾意，我鍾意佢冇嗰種印度味，我唔識講乜嘢叫印度味，希望大家明我講咩雜菌扒娃娃菜我淨係拎咗佢啲菜，有味得黎又幾清韓式菠蘿個菠蘿心好大好硬，見佢咁樣整，以為佢會好似燒菠蘿咁，點知一食，凍嘅，搞到個感覺好怪韓式雞翼見佢個樣以為佢冇咩味，點知又出奇地好好味喎蝦肉漢堡一路對佢嘅漢堡都好有信心，上次係和牛漢堡，今次係蝦肉漢堡，同樣即叫即整，同樣係好好味，所以係拎滿分剌身八爪魚ok爽口，鮮味可以，但係三文魚有啲切得太厚，感覺有啲位UN韓式豬肉卷口感幾得意，啲豬肉片有啲爽口咖喱薯餅呢個做得比較差，冇咩咖喱味，咬落去似食麵粉，完全冇食薯餅感覺，唔好食韓式炸雞好好食，雞肉好滑，食過KFC，雖然唔熱，但係個皮好脆韓式粉麵自由選餸，冇要粉麵類，要咗肥牛蝦同菜，有清湯同韓式湯底選擇，揀咗後者Haagen-Dazs雪糕值得一讚，有專人幫你整成一個個雪糕球，今次有綠茶、雲呢拿、朱古力、士多啤梨、焦糖同埋芒果雪葩士多啤梨拿破崙即叫即夾，由於唔太鍾意食士多啤梨味嘅嘢，所以冇食到，但媽咪食咗，評價唔差，後黎自己拎咗兩個雪糕球加配拿破崙，的確係好食，做得好鬆脆芒果布甸好明顯係雞蛋做，不過，放喺個黑色蛋殼度幾靚大菜糕一般只有蛋黃絲，佢比較特別，有埋蛋白絲，唔太甜芒果慕絲配班蘭蛋糕呢個好好食，慕絲好滑，班蘭蛋糕好鬆軟呢幾款甜品都有人拎俾你，幾好，唔會俾人整到咁肉酸海鮮忌廉湯呢個唔好飲，冇海鮮味，同時忌廉味亦好淡…Read More

剪完頭髮去食飯，呢次選擇食小菜細沙巴仔特價嘢，餐牌有三款特價嘢，三揀一，唔理你叫幾多條，只要有兩個人食，而又係第一輪叫，就可以$58有一條，好我哋就一次過叫兩條，不過呢兩條嘅大細比例好似差得遠咗，因為一齊蒸嘅關係，大嗰條滑細嗰條就變得有啲嚡，如果兩條分開蒸，或者兩條大細比例一致，咁就重Perfect竹笙扒上素食咗碟旁邊嘅青菜先記得影相，味道唔會好鹹，又唔會冇味，一般食店會煮得只有好濃蠔油味，佢唔會，呢個煮得幾好，有鹹味得黎又食到每種材料原有嘅味道潮式炸蠔餅一黎到，個心諗:點解個樣咁核突成堆散晒，唔係一塊塊，不過個樣唔靚，但係味道係唔錯嘅，唔會好鹹值得一讚嘅係，我哋食飯途中，因為冇茶，打開咗個茶壺蓋，點知唔小心將個茶壺蓋跌咗喺地下，咁啱有個主任經過，佢幫我哋執起咗，一隻手拎住個蓋，一隻手拎住個茶壺，然後仍然分開兩隻手咁交咗俾個侍應，同佢講:個蓋跌咗喺地下，拎入去洗下佢，個壺加水，XXX枱嘅，我見到個侍應眞係拎入茶水間，壺茶拎返黎嘅時候，我發現個茶壺蓋面係濕嘅，我諗個侍應眞係有拎去洗…Read More

朝早喺屋企食咗粥，到4點幾唔係好肚餓，不過本身自己個胃唔好，唔可以唔食嘢頂到今晚食飯先食，咁就落去食個茶餐香茅豬扒米綫冇加價，不過明顯細碗咗，已經發現咗一段日子，唔知係咪轉咗廚師，啲嘢係淡味咗，本身自己都唔係食得好鹹，但係佢眞係可以加多兩粒鹽餐蛋治味道同一般冇分別，不過有啲奇怪嘅係，唔知點解兩塊午餐肉都喺分開3節凍檸茶(+$2)一杯要走甜，一杯少甜，今日好奇怪走甜嗰杯連茶味都走埋，少甜嗰杯啲茶味就正常另外，想佢哋改善下嘅，佢哋個下午茶同個宵夜個餐牌內容係一模一樣嘅，呢個可以接受，但係啲餐牌裏面啲食物可唔可以定期換下，幾年都係呢啲嘢食，好悶…Read More

出去烘焙店買嘢，見買完都夜啦，食埋飯先返屋企上湯波士頓龍蝦伊麵特價品啲伊麵好好食，吸收晒啲汁，啲麵都幾多，龍蝦都算幾大隻，成碟最好味嘅係啲上湯蓮葉湖極品鮑魚蒸雞呢個叫咗好耐先有得食啲雞唔會嚡口，鮑魚唔un，但係鮑魚味就冇乜雲勝炒火箭魷碟嘢黎到嚇咗我一跳，諗住勝瓜係成碟最平嘅嘢，應該係最多，黎到點解個面淨係見到啲火箭魷食食下發現原來啲勝瓜喺啲火箭魷入面，碟嘢有味得黎都唔會好油，啱晒我哋，好配合我哋之前嗰兩碟濃味嘢我哋重叫咗自助吧，呢間稻香個自助吧比其他稻香貴幾蚊，原因係呢間嗰啲罐裝飲品唔只係有一般嘅汽水咁簡單，重有啲韓國飲品所以抵佢貴幾蚊…Read More

今次第2次食，叫咗兩個餐，四川擔擔麵餐同酸辣麵餐，每個餐分別都有一碗麵，四隻小籠包同埋一杯嘢飲[豆漿/熱飲(凍飲+$2)]，每個餐$46四川擔擔麵有小小肉碎炸菜花生醬湯底，一黎到已經聞好香嘅花生醬味，炸菜爽口唔鹹，麵質唔會唔糊口酸辣麵有筍豆腐蛋木耳，湯底唔會好辣，麵質都唔會過淋小籠包呢個比上次食嘅口感差咗，入面啲肉入口比較散唔係要佢好實但係舊肉令到覺得唔似食小籠包，好彩個皮唔厚同唔硬，入面都可以保持juicy凍豆漿唔會太甜，豆味喺街黎講可以接受(因為屋企有整豆漿嘅習慣，所以本人對豆漿嘅要求比較高)凍檸茶(+$2)唔會太甜，茶味可以…Read More

一間由細見到大嘅鋪頭，每次都會好親切問一句「阿妹要咩」今次要腸粉魚蛋粉果碗仔翅腸粉呢到啲腸粉好好食㗎，好多地方都會喺張紙度搽好多油，呢到好得意，次次都唔見佢搽油，但係佢啲腸粉又唔會痴喺張紙，好容易用竹簽拮上黎食，又唔需要叫佢多醬，因為佢哋永遠俾好多醬，講眞食呢啲腸粉就係要食醬魚蛋我叫嘅係辣魚蛋，唔好見佢顏色冇料到，以為佢唔辣，一食落去眞係有辣味㗎粉果佢入面好多料，個皮又唔硬碗仔翅呢個眞係足料碗仔翅，有粉絲木耳蛋絲火腿肉絲，最鍾意佢啲肉唔會太多，因為我好唔鍾意太多肉嘅碗仔翅，又整得唔太稀或者唔太杰身…Read More

呢間車仔麵勁多好餸食，有啲餸一般車仔麵鋪未必有，今次食豬頸肉豬軟骨魷魚韮菜餃瀨粉豬頸肉今次啲豬頸肉條邊炸得有啲硬有啲乾，不過好彩唔係邊位嗰啲就唔硬唔乾豬軟骨呢次得一舊，不過勁大舊，軟骨勁多唔會太淋又唔會太硬魷魚做得好好唔會有梘水味韮菜餃勁多韮菜唔知有冇食錯，好似冇肉瀨粉份量唔多又唔少，唔會好似其他鋪頭咁，粉麵勁多，啲餸勁少…Read More

今次第一次寫食評，食呢餐飯係因為有個同事唔做轉工，所以食呢餐farewell飯，今次係我第一次食海鮮塔，我哋食7層塔。第一層係蟶子皇，好大隻，肉嫩肥美，顏色白，味道鮮，最好味嘅竟然係每隻蟶子上嘅車厘茄，每一粒都清甜多汁。第二層係花膠串，雖然每串都只係一塊薄薄嘅花膠，但係每串口感同黏度都好強。第三層係大元貝，每隻都非常肥大﹐肉質細嫩鮮美﹐除鮮味都係鮮味。第四層係海蝦同百葉豆腐，海蝦大隻肉厚，肉質爽口鮮甜，百葉豆腐係我第一次，口感有啲似炸魚片頭，但係好彩味精唔重。第五層係醬鰻魚同廣島蠔，鰻魚起初見佢冇汁，覺得唔好食，原來鰻魚同菜之間有好多鰻魚汁，夾住一齊食，好好味，廣島蠔冇咩味，但係口感唔差。第六層係花甲同爆濃芝士丸，花甲鮮味，去到呢層要讚一讚，有一隻花甲開唔到，職員見到，話換俾我哋，點知，我哋只係一隻開唔到，竟然換黎4隻開到，爆濃芝士丸非常好食，有朋友本身唔食芝士丸，佢竟然都覺得好好食唔膩。第七層係蔬菜層，因為本身唔食南瓜，所以冇食，但係朋友話好好食，起初見以為係白蘿蔔，點知原來係沙葛，清甜爽口。到最尾，我哋揀咗豬手湯底，個粥好多海鮮味，啲豬手好多根，又夠淋，雖然好飽，但都好努力咁食晒啲粥，因為啲粥眞係好好味。最後要讚一讚啲職員，禮貌好，收嘢快。…Read More