為食三表姐's Profile

成日都見到有人食呢間日本餐廳 一直都好想試 奈何價錢唔平 所以今次就趁朋友生日黎呢到慶祝~1️⃣海葡萄蕃茄沙拉 ($128)呢個沙拉夠晒fresh可以幫助解膩🤣 不得不讚啲蕃茄真係好新鮮好甜 真係忍唔到口不停食呀😆 不過美中不足係整體調味偏鹹🙁2️⃣冠雪蠔 ($156)我個人本身係好怕食生蠔🙈 因為市面上好多生蠔都係好腥☹️ 不過呢間嘅生蠔無乜腥味 而且好大舊🥰 食到好滿足3️⃣甲羅燒 ($98)一上菜真係wow左一聲😍 啲蟹膏多到😋😋 配埋烘底嘅多士簡直係一流!!!! 全晚最鍾意食呢道菜呀😆4️⃣上十貫目 ($238)呢十個壽司有玉子燒、三文魚、蟹柳、帶子、北寄貝等等😙 我個人覺得啲壽司幾好味同埋整體都好新鮮❤️ 食到好想encore再黎多一碟呀~5️⃣鹽燒三文魚腩 ($68)三文魚腩啲肉好肥美好軟嫩😍 對於鍾意食三文魚嘅我黎講真係好正~ 不過可能係鹽燒嘅關係 所以偏鹹 如果下次落少啲鹽就perfect~6️⃣清酒煮蜆 ($68)清酒煮蜆係一道無得輸嘅菜色😂 蜆肉新鮮 湯底都清甜🤩 反而比較驚喜係啲蘿蔔 有成4大舊而且索晒啲湯😍 超正呀!!!7️⃣火山卷 ($198)呢道菜一黎到又係驚艷左!! 賣相超級正呀✨ 無論係份量同質素都對得住個價錢呀🤩 首先有6舊壽司 同埋滿滿嘅海膽同埋三文魚籽😋😋 壽司入面仲有啲青瓜絲 我本身係唔鍾意食青瓜嘅人 但係配埋海膽同三文魚籽一齊食真係好夾好好味 仲有多份fresh嘅感覺🤣整體而言性價比算高~ 食物質素對得住價錢❤️…Read More

相信大家都唔會對呢間餐廳陌生 但其實我係第一次食🙈 成日見到好多食評都話mamaday嘅食物質素一啲都唔mamaday 所以一直都好想試😍 果然無令我失望😚因為係平日2pm先食 所以完全唔使排隊🤩 同朋友嗌左一個pizza係lunch set嚟的 另外單叫左一個意粉同沙冰😋1️⃣ 春武里府是拉差醬雞腿肉比薩個名夠晒長 ($118連飲品)呢個pizza好正🤤 除左有滿滿嘅芝士(同埋有拉芝!!)之外 個pizza醬好特別~ 我係第一次食是拉差醬 有啲似甜辣醬 同個pizza好夾😍 個辣味有增加到層次感 但又唔會太辣 好好味😚 另外雞腿肉份量都唔少👍 至於個餅底係薄身嘅 同時都好脆✨ 整體口感好豐富~2️⃣ 有蟹GO又有蟹肉的蟹蟹蟹意大利扁麵 ($128)呢個意粉真係真材實料 除左面頭有好多蟹肉之外✨ 個意粉都撈埋大量蟹籽同蟹膏 所以食落蟹味真係好出好重❤️ 完全無俾濃郁嘅忌廉醬搶左蟹嘅鮮味😍 同埋因為同朋友兩個share 所以唔會話好漏好膩~3️⃣ 你今日飲左益力多柚子沙冰未呀? ($48)好鍾意呢個沙冰~ 食完啲咁邪惡嘅主食之後飲呢杯沙冰真係一流 夠晒fresh😋 值得一讚嘅係益力多味同柚子味好平均 無話其中一個味蓋過另一隻味 同埋兩隻味真係好夾👍 美中不足嘅位係本身杯沙冰唔係好濃味 所以當啲冰融左之後味道就變得有少少啖整體嚟講真係唔錯 食物高質價錢正常💛 會encore再試其他嘢食😚…Read More

之前係炮台山個邊返工已經成日食九份飽🤤 知道佢係九龍灣開左分店即刻去試下🤣 餐廳內部有少少驚艷到我🤭 睇得出好有心思佈置到好似九份咁 真係好似去左台灣咁😍好靚~ 1️⃣ 紅燒牛腩麵 (刀削麵) $59呢個麵真係大推❤️ 首先湯底方面有濃郁嘅牛肉同藥材味 但唔會好油膩 會忍唔住飲多幾啖湯底🤤 牛腩都無得輸!! 份量十足有4大舊 同埋好淋好入味💯 另外刀削麵係超級推介 因為係粗身同較厚身 所以非常煙韌👍🏼 好有咬口 同時掛湯力都唔差🙈 真係必食🥰2️⃣ 懷舊魯肉飯/小 $32台灣嘅魯肉飯永遠唔會令人失望👍🏼 魯肉肥瘦適中 唔會話太多肥膏或瘦肉😚 醬汁鹹度都啱啱好 正!! 3️⃣ 海苔肉鬆起司蛋餅 $37平時食蛋餅都係肉鬆芝士 好少有加埋海苔呢個配搭 所以嗌左黎試下🤣 蛋餅皮係脆身 所以食落層次豐富✨ 肉鬆同芝士份量都好夠 爆晒餡好滿足❤️ 個辣醬令到成個口感昇華左 又鹹又辣😚 但係就略嫌海苔味無咁出 多啲就perfect~4️⃣ 蚵仔煎 $45蚵仔煎係我第一次食 所以對我黎講有啲特別😋 首先用料充足 有好多蚵仔另外都有生菜、雞蛋等等🥰 口感都好豐富 煙煙韌韌咁 應該係木薯粉 真係好特別✨ 會想再試!!總括而言 呢間台灣嘢性價比超高!! 嗌左咁多嘢勁飽勁滿足 除返開每人都唔使$100😍😍 好值得大家試試👍🏼…Read More

今日要去元朗做啲嘢 係openrice睇附近有咩食嘅時候發現呢間餐廳 咁啱我同朋友都想食港式嘅西餐😍 所以就毫不猶豫咁入左去!! menu選擇好多🤩 尤其是扒類 又有鐵板又有普通煎嘅扒 淨係叫嘢食都用左好耐🙈 同埋價錢一啲都唔貴!! 同朋友都係食量比較大🙈🙈 最後唔小心嗌太多 但除返開都係每人都係$163 (excluding 10% service charge) 超抵呀💕1️⃣ 日式炸雞籃 ($52)呢個炸雞有驚喜!!💕 首先係即叫即炸所以上菜嘅時候仲熱辣辣😚 另外佢份量多每舊雞都超大舊! 同時炸粉一啲都唔厚 同埋啖啖肉 唔會話有好多肥膏 絕對無偷工減料👍 而且肉質鮮嫩多汁 完全無雪藏雞味🤭 超級超級推介大家要試呢個炸雞!!2️⃣ 鐵板美國珍寶雞扒 拼扒大蝦 配魔鬼黑椒汁 ($118) [跟餐湯、丹麥烤多士、飲品]同炸雞籃一樣 呢個鐵板雞扒同個名一樣都係超大舊好厚🤤 肉質軟嫩同埋都係好多肉汁 配埋個黑椒汁簡直係絕配😍 黑椒汁好惹味 黑椒味調得啱啱好 唔會太淡但又唔會太辣👍👍 另外個大蝦都真係幾大隻 唔錯的😂 除左雞同蝦之外仲有啲蔬菜同薯條 所以$118黎講真係好抵食❤️3️⃣ 香檳忌廉汁焗海鮮飯 ($78)呢個飯超邪惡!!🙈 芝士超多 面頭啲芝士焗都"lung lung"地食落超正🤤 同埋係有拉芝的💕 海鮮份量都好多 無偷工減料again!! 有兩舊蝦、魷魚同帆立貝、一個青口同一條大蟹柳✨ 本身以為會焗到啲海鮮好乾 但係turns out一啲都唔乾 同埋都算新鮮👍 我最鍾意呢個飯係炒底!! 除左粒粒分明 仲有滿滿嘅蛋香😚 但美中不足嘅係忌廉汁對我呢啲重口味嘅人黎講有啲淡🤭 不過都係好好味❤️4️⃣ 520特製夏威夷pizza ($78)呢個pizza果然係特製😂 同出面嘅夏威夷pizza有少少唔同 佢係用香腸同菠蘿的~ 個pizza又係超邪惡🤤 有滿滿嘅芝士 又係有拉芝的!! 芝士控會好鍾意!! pizza個餅底係薄身的 薄得黎又好脆 口感一流👍👍 最後個pizza醬係用左番茄醬 酸酸地夠fresh可以幫助解膩❤️ 但係重口味嘅我都係覺得番茄醬有啲淡🙈 如果重啲番茄醬味會再好味啲🤤總括而言係一定會再黎食的!! 性價比超級高✨ 抵食之外質素唔錯兼份量超大👍 強力推薦住係元朗嘅街坊一定要去試🤣 會好滿足的~ (我食到勁飽都唔使$200一個 好癲🤭)…Read More

呢間餐廳一直係openrice熱門所以想試好耐😚 咁啱尋日要去荃灣做嘢就決定去試試🙈 1️⃣ 初見香草吉列牛 ($128)見到呢個吉列牛好特別同埋係餐廳嘅招牌菜就嗌左😍 首先份量好多有14舊牛肉!! 但係比想像中細舊🥺 味道方面相當唔錯! 肉質軟嫩 唔會話有好多肥膏同筋😋 食落外脆內軟好正!! 蘸埋燒汁一齊食更加惹味👍🏼 溏心蛋半熟 同埋有少少流心 無得輸✨ 值得一讚餐廳係會提供一舊油脂俾我地 咁燒嘅時候就唔會咁癡底🤤2️⃣ 季節鮮鍋配龍蝦湯 ($88) (+$8轉烏冬)呢個一人邊爐超級抵食😍😍 價錢唔貴但份量超多!! 鍋入面本身有大量娃娃菜、豆腐、金菇、冬菇、芋絲、獅子狗等等 海鮮類就有大量蜆肉魷魚、三文魚、青口、蝦等等✨ 呢個價錢有咁多配料真係好抵!! 湯底方面龍蝦味好出🤤 加埋海鮮落去令成個湯底更鮮甜🤍 至於個烏冬係粟米湯烏冬 粟米味好重 烏冬都好彈牙😚 鍾意嘅話可以放啲烏冬落去嘅火鍋湯底食都得 索晒啲龍蝦湯都好好味🥰 (溫馨提示: 最好快啲落晒啲海鮮落去個鍋煮熟 因為個火燒完係會自己熄咗🙈 唔快手啲落晒啲海鮮會有機會唔熟!!) 總括黎講 呢間餐廳真係好抵食 平民價錢但質素唔差 經過荃灣嘅話可以試下🤍…Read More

之前經過大圍見到呢間餐廳好似好吸引就bookmark左 終於有時間去試~ 同朋友嗌左兩個半份炸雞同一個飯1️⃣ 韓式甜辣年糕炸雞 (半份) ($98)炸雞份量幾多 有2舊雞髀 1舊大雞胸肉 同1舊雞翼😍 係即叫即炸的 所以係熱辣辣超正😚 肉質鮮嫩多汁 咬第一啖真係有少少汁bit出嚟😂 好有滿足感🤩 然後啲年糕係比較幼同長身 但係超煙韌仲索晒個醬 好有咬口👍🏼 個甜辣醬好好味 惹味得黎又唔會太甜太重口味😍 雖然餐牌係有3個辣椒 但其實唔太辣 平時唔係好食得辣都會食到2️⃣ 芝味炸雞 (半份) ($98)食韓國炸雞又點少得食芝士味🥰 呢個炸雞都唔錯~ 炸粉唔會太厚 除左芝士醬之外 面頭仲沈左啲芝士粉 甜甜地的🤤 又咸又甜咁好正 唔會太漏💛 3️⃣ 辣炒豬腩肉拌飯 ($68)[跟餐飲]呢個飯性價比超高 $68包餐飲 份量又多👍🏼 豬腩肉真係幾多 值得一讚係半肥瘦咁 唔會話成塊肉都係肥膏😚 另外翠玉瓜可以解膩 個飯配埋紫菜簡直係super match!! 好鍾意個飯有韓式辣醬同埋燒汁 估唔到兩個醬咁夾 可以豐富口感 好滿足😆下次去食會想試埋個熔岩芝士炸雞麵包🤤…Read More

同事今日放lunch帶左我黎呢間台灣小店 原本以為係巷仔無咩人識 但原來條巷有好多餐廳都大排長龍!! 我同同事就好好彩等左5-10分鐘就有枱我就嗌左A3餐 肉燥咸香雞脾噹+炸腐皮魚角 另外加$16要杯伯爵珍珠奶茶呢個飯份量真係好大!! 非常足料 有好多肉燥同一隻大雞脾! 一個女仔係食唔晒~ 首先肉燥唔似普遍嘅肉燥飯有汁 所以係比較乾身 食落無咁肥膩 同埋肉燥偏甜 味道幾特別~ 另外雞脾肉質好軟嫩 不過略嫌偏鹹 扣左少少分🥺至於炸腐皮魚角炸得好脆好香!! 不過真係油左少少🤭 最後珍珠奶茶我嗌左半糖但係都係偏甜 珍珠係細粒珍珠但係都係煙韌👍🏼 $16嚟講唔錯…Read More

一兩年前已經聽過呢間日式小店! 有段時間好多人係ig打卡已經想試 今日終於有機會😍 我大約12:45pm到左餐廳 勁多人等位同嗌外賣 我最後等左35-45分鐘先入到去 餐廳入面本身都唔係有好多枱 疫情期間有啲4人枱淨係可以坐2個人 唔怪之得要等咁耐🤭嚟到當然要食佢嘅招牌 豬軟骨啦😆 我本身叫左豬軟骨咖喱烏冬 點知佢落錯單 最後嚟咗溏心蛋豬軟骨烏冬 由於本身上菜時間頗耐(~15-20mins) 所以都費事叫佢換返咖喱烏冬呢個溏心蛋豬軟骨烏冬嘅湯底係鰹魚湯 好清甜但略嫌唔夠濃郁 有啲淡 配料有椰菜絲蘿蔔絲木魚等等 分量幾多 有增加到口感👍🏼 豬軟骨果然名不虛傳 超級軟腍 有種入口即溶嘅感覺 好正👍🏼👍🏼整體嚟講 呢個烏冬我一般般 但係會想再嚟食返個咖喱湯底嘅豬軟骨烏冬!!…Read More

之前每次經過呢家餐廳都大排長龍 前幾日lunch hour大約12:30pm經過 竟然無人排隊 本身唔係plan食呢間餐廳 但見到唔使排隊 即刻改變主意食台灣嘢😋 餐廳入面真係唔係好大 入到去都係得返bar枱有位🤭 呢到落單係自己scan qr code揀嘢食 好方便~黎到當然要試佢地嘅招牌啦 我最後叫左紅燒牛肉麵啦💛💛 一上菜已經聞到好香✨✨ 我首先飲左啖湯先! 真係好鮮甜 牛味都好濃郁 隱隱約約飲到啲藥材味 整體黎講湯底唔錯 忍唔住一啖接一啖飲🤭🤭 牛展份量算多 有5大塊 而且好入味同好腍👍🏼 美中不足嘅係麵條唔係好掛湯😭總括而言真係唔錯 唔怪得知一直都有咁多人排隊啦😂…Read More

前幾日係隔離台灣餐廳食飯經過見到門口餐牌好似幾正😋 咁岩今日好想食日本嘢就決定黎呢間黃店食啦💛💛 好好彩lunch hour黎食都唔使等位~tbh佢嘅lunch set唔算話好抵 平均都要60幾70元🤭 所以我期望值幾高😂 本身想食烏冬同吉列豬扒 好可惜無呢個combination🥺 問左可唔可以飯轉烏冬 但要加$10 所以最後叫左炸雞烏冬✨上到菜賣相坦白講唔算吸引🙁 份量望落都偏少 烏冬係扁身嘅 湯底味道唔差 但有啲似donki個啲即食豬骨湯烏冬🤭 另外炸雞令我非常失望 厚粉同時好多肥膏 真係雞肉嘅部分好少 唯一就係份量唔少 有6舊 最後食晒都係飽肚嘅~ 整體黎講非常唔推薦lunch set嘅炸雞烏冬…Read More

朋友之前係ig見過呢間cafe覺得好吸引 bookmark左好耐 上個禮拜放假終於有機會~ 間cafe好細 入面得4-5張枱左右 平日大約2pm到都要排隊 最後等左30分鐘左右入到去嘅時候已經得返2款包 就係抹茶奶酥松子bagel同埋糖漬桂花麻糬軟包 最後嗌多左杯flat white2個包賣相都好靚💕1️⃣抹茶奶酥松子bagel個人對呢個bagel少失望🙁 抹茶味過於苦澀 最大嘅敗筆位係個包真係好硬 完全唔係bagel煙韌嘅口感 除左好難切之外 咬都咬得好辛苦🤔 唯一比較好嘅係松子有增加到成個bagel嘅口感2️⃣糖漬桂花麻糬軟包呢個包我幾鍾意 甜度對我嚟講啱啱好 桂花味都好香 同成個包好夾 麻糬煙韌程度我都覺得唔錯 不過朋友就覺得味道偏淡 甜少少會好啲呢杯flat white奶味較重 因為我個人比較鍾意咖啡味濃厚啲 所以覺得呢杯flat white一般般 而且拉花維持得唔耐 飲左一啖就散左🤔 有啲扣分整體黎講性價比偏低 應該唔會再黎食😢…Read More

係附近返工 lunch hour附近餐廳都好多人排隊 唯獨呢間仲有位 加上係良心小店 幫過好多同路人 就決定試試! 結果有驚喜!! 入到去有部自助點餐機 係自己點餐 所以好方便~我最後叫左蝦肉雞絲麵 然後要辣味蝦湯底🦐 麵底就要摻摻😋 (之前無聽過摻摻🤭 見佢好似好特別所以就叫左嚟試🤣 係米粉溝油麵) 雖然餐牌上有兩個辣椒同埋湯底睇落好紅🙈 但食落唔算好辣 個湯底好有驚喜! 除左好重蝦味之外仲好鮮甜 微微嘅辣味亦增加左成個湯嘅層次 睇得出真係用真材實料去熬湯😍😍 至於麵 雞絲 蝦肉都正正常常 不過不失 整體黎講係幾推介👍🏼 雖然價錢唔係特別平 但質素唔錯~ 希望可以有多啲人支持🙈…Read More

之前食過一次覺得唔錯 所以今日經過中環 作為burger控嘅我決定要再食多次💛💛 不過今次令我有啲失望😢🙁咁我今次就嗌左隊長漢堡 ($72) 成個set係包薯條同飲品👍🏼 呢個burger係有牛肉漢堡扒、煙肉、番茄、蛋、生菜同芝士 其實算幾足料 成個burger好厚👍🏼🤣 不過我個包得好少醬汁 食落真係好乾🙁 另外個beef patty係well done🤔 唔係好juicy 所以整體真係乾到有啲難入口🥺🥺 煙肉方面都普普通通 如果脆卜卜應該會更好食😋 overall黎講 呢個漢堡偏普通😔 唔太推薦…Read More

朋友好鍾意食burger 所以一直好想試呢間米芝蓮嘅burger餐廳~ 今日同佢係尖沙嘴shopping完 終於有機會黎試😍朋友叫左double happiness ($180) 而我就叫The Classic ($120) 加左個Butchers Fries (+$10) 啲食物一黎到 個對比真係令到我個burger好細😂😂咁我講下我個burger啦 呢個包係有乾式熟成牛肉漢堡、楓糖煙肉、番茄、酸瓜同用左秘制醬汁✨✨ 個人覺得個beef patty有啲令我失望🤭 首先偏乾唔juicy 然後又係well done🙁 真係麻麻地 不過煙肉唔錯🥰 燒到脆卜卜味道同成個包都好夾 令個口感同層次都豐富左👍🏼 秘制醬汁都唔錯 份量都好多 一切個包啲醬會湧出黎😂 令個漢堡整體無咁乾~總括而言 我覺得性價比偏低 呢個價錢可以有更好嘅選擇😢…Read More

係旺角做完運動去食dinner 朋友話想食韓國炸雞 就決定去試nene chicken! 因為係星期日所以就算我地18:45左右到都要排隊 不過都係等左15分鐘左右就入得~我地就叫左半半嘅炸雞($188) 分別係蒜香醬油炸雞同初雪炸雞 整體黎講份量算多 炸粉都唔係好厚 味道唔似雪藏雞 不過略嫌唔太juicy肉質都唔算話嫩滑蒜香醬油炸雞其實幾好味相對上亦無咁漏 但係好大嘅敗筆係蒜味真係無乜 同埋醬汁可以多啲 初雪炸雞就係沈左一堆芝士粉上啲雞 好重芝士味👍🏼 不過感覺較普通 我個人好鍾意個幾塊薯片😂 好脆同芝士粉都好夾另外嗌左卡邦尼炒年糕麵($110) 呢個意粉真係好邪惡 超濃郁同超creamy 忌廉味好重 不過真係超級超級油膩 好快就會覺得好漏好濟 個人唔太推介🙈🙈整體而言都不錯 可以再黎試其他口味~…Read More