伙食兵's Profile

呢間「九十番地」，味道同氛圍都勁有日本feel～而且又好坐又唔貴，絕對係收工鬆一鬆嘅好地方！小酌時段仲話有$19嘅Asahi，大癲😂💂🏻‍♀️《深海池魚（2切）》$68新鮮爽口，淡雅中帶微微甜味，魚質實淨得嚟唔韌，蘸少少醬油已經好正。 評分：92/100💂🏻‍♀️《時令白身魚薄切10片》$128魚片切得透薄，口感清爽，配柚子汁同埋蔥花一齊食非常開胃，鮮味突出。 評分：92/100💂🏻‍♀️《右口魚壽司（一件）》$26魚邊炙燒過後油脂香超澎湃，入口即化，魚油甘香充滿成個口腔，聽講比起左口魚佢更加好食同埋貴嫁🤤一件真係唔夠喉！好好食評分：95/100💂🏻‍♀️《唐揚雞軟骨》$48酥香脆口，熱辣辣脆卜卜，仲要份量好多加埋沙律醬送酒一流評分：85/100💂🏻‍♀️《五花腩》$38💂🏻‍♀️《雞腎》$26💂🏻‍♀️《牛舌》$68串燒水準不錯！最平$16起有交易，五花肉肥瘦適中，雞腎爽脆，牛舌厚切有嚼勁，燒得香口唔乾。 評分：85/100💂🏻‍♀️《汁燒原隻魷魚筒》$118原隻上視覺感滿分！燒得香口，醬汁甜鹹適中，魷魚彈牙唔韌，非常好咬口。 評分：90/100💂🏻‍♀️《金磚豆腐》$38外脆內軟，豆香濃郁，外皮好薄夠酥脆，入面熱辣辣嘅豆腐軟綿綿，又一款經典必點之選評分：88/100💂🏻‍♀️《牛肉昆布湯烏冬》$128湯頭清甜，烏冬滑溜，用嘅係兵仔最愛嘅稻庭烏冬，牛肉片量好足，熱辣辣嘅湯底配埋澱粉質係一個舒服嘅收尾🥰🥰評分：99/100💂🏻‍♀️《熱情果SOUR/檸檬SOUR》$48飲品選擇多，SOUR類清爽開胃，想飲少少酒又唔想太濃烈，又有啲果味嘅話就可以揀SOUR，用來解膩一流。 評分：85/100總結：居酒屋氣氛濃厚，食物種類多而且有驚喜，適合同三五知己慢慢食、慢慢傾。服務態度良好，就算係酒店居酒屋都性價比好高，質素亦對得住價錢，環境又坐得好舒服，會再encore！ …Read More

估唔到港島區都有咁抵嘅酒精放題，99蚊就有3小時任飲紅白酒清酒放題，仲有懷舊港產片Poster背景、180度城市夜景，同三五知己微醺地嘆串燒，個Vibe都幾正，仲有啲勁懷舊嘅玩具揀左一個豐盛嘅套餐，每位225，有肉有海鮮有主食，串燒好香口好惹味，海鮮幾新鮮燒得岩岩好唔會老，尤其係魷魚🦑好啱送酒！平時食串燒最驚唔夠飽，呢個餐有熱辣辣嘅海鮮湯勁暖胃又醒酒，最後仲有個拉麵或者飯，澱粉質愛好者啱曬！勁滿足總結：環境係懷舊風味，成個氛圍感好啱一路慢慢食串燒一路飲酒傾吓偈～喺港島區仲有呢個價錢有得任飲真係好抵玩！串燒亦都有質素，值得上嚟試一試…Read More

喺旺角同班fd搵好野食，行過旺角呢間泰式小店，未入門口已經見到好多人排隊，即刻衝入去試吓！🙌🏻⚠️仲要而家有4月優惠！消費餐廳食物滿$100就送鮑魚一隻‼️無上限咁送，食得越多送得越多～💂🏻《珍寶蟹肉奄列》$98一上枱就嚇親！🤯足足有成寸厚嘅蛋皮包住滿滿嘅蟹肉，一刀切開啲蟹肉多到瀉出嚟！加埋佢哋秘製嘅甜辣醬，鮮味爆炸～評分：93/100💂🏻《醉邁牛腩》$168一上枱份量已經係超級大煲，非常推薦加個油飯送牛腩😍 牛腩煮到超淋，入口即化，連埋個湯係非常濃香嘅牛味，正到癲！評分：95/100💂🏻《冬陰功粉絲》$68可以揀河粉或者金邊粉都得，兵仔就揀左粉絲～🤤湯底超濃郁，酸辣度啱啱好！粉絲吸晒湯汁但仲保持彈牙，而且仲有好香嘅椰香味，仲有好多海鮮添🦐評分：90/100💂🏻《泰式奶茶沙冰》$35奶茶味超香濃，沙冰打得好幼細，甜到爆燈真係好有泰國風味😂😂又係大大杯份量超足～評分：85/100總結：呢度嘅食物味道正宗，價錢又親民，環境雖然簡單但都坐得幾舒服。嘢食全部份量好大份，超級足料！一班朋友嗌多啲嘢食share就更加爽！頒發軍階：上將🎖️🎖️🎖️🎖️…Read More

兵仔真係好鍾意食麻辣雞煲～今次有間隱世嘅麻辣雞煲仲可以食到夠晒火候嘅川菜添！💂🏻《重慶麻辣雞煲》$188 半隻超級經典嘅口味！夠麻夠辣夠濃味～一上煲已經聞到好香，雞肉朔晒雞煲汁，份量唔少，肉質亦都唔會柴，做得啱啱好😚食完雞煲加水打邊爐一流！兵仔加左萵筍，份量非常足夠！另外超級推薦加個米線落去😍麻辣雞煲湯底嘅米線冇得彈！！評分：92.5/100💂🏻《川香回鍋肉》$88鍾意食麻辣嘅我點會少得想試吓啲川菜～回鍋肉最緊要夠鑊氣，啲五花腩肥瘦相間厚薄均勻，加埋啲豆乾炒得火候啱啱好，川菜送雞煲真係非常惹味🤩評分：92.5/100💂🏻《炸三鮮餃》$55一份有六隻大大粒嘅餃，外皮非常之脆口，入面滿滿嘅肉貨真價實，作為一個小食大家share嚟食好唔錯👍🏻👍🏻評分：85/100💂🏻《黑糖糍粑》$32食川菜唔少得嘅甜品一定係糍粑！甜甜嘅黑糖加埋黃豆粉鋪滿大大嚿熱辣辣煙煙韌韌嘅糍粑，一上碟即刻要食！評分：90/100總結：係開附近呢一頭返工嘅朋友們或者經過荔枝角都可以一班人嚟試吓呢個雞煲～酸菜魚水煮牛嗰啲都有，又或者普通如果想食川菜一樣唔錯！平時下晝仲有酸辣粉嗰啲，全部都好惹味🤣🤣頒發軍階：上將🎖️🎖️🎖️🎖️…Read More

原來沙田新城市廣場開咗好多新餐廳，呢間係3期個邊，個位有啲隱蔽，要行入少少先揾到！見到佢餐牌都幾特別，有好多串燒、臭豆腐、黑松露焗飯等，價錢又唔貴，所以入去試下🥰💂🏻‍♀️串燒$9.6起《烤小牛肉串》$9.6《金正菇牛五花卷》$28《烤雞腎》＄14《烤雞軟骨》＄14《烤西班牙黑豚五花》$14《香蔥豚肉卷》$28《小野人燒雞翼》$14《小野人蒜蓉燒茄子》＄48《蒜蓉烤新鮮生蠔》$36《蒜蓉粉絲烤扇貝》$42啲串燒非常抵食，仲要調味都好好，啲小牛肉串好有牛味，🐮豚五花油脂分布平均，燒到好juicy! 另外香蔥豚肉卷非常惹味，每樣都好出色。無激素燒雞翼燒到外皮焦香內軟，入邊好有肉汁！🦪生蠔同扇貝都好新鮮，一啲都唔腥，扇貝上仲有粉絲，肉質鮮甜，而且勁爆蒜，超惹味。仲要有個烤爐可以keep住燒，唔怕啲串燒凍咗😆評分：90/100💂🏻‍♀️《小野人黑松露蘑菇焗飯》 $78呢個係店舖必食推薦，個飯好香黑松露味，烤到好焦香，再配沙律醬及芝士🧀上枱會附上紫菜比你包飯用，都幾特別，每啖食到啲蘑菇好有層次感。評分：86/100💂🏻‍♀️《重塵酸辣粉》 $56呢個酸辣粉好正宗，嗌咗少辣都夠辣了，粗薯粉非常彈牙q彈！食到停唔到口。評分：85/100💂🏻‍♀️《日式年糕燒》 $23燒得外脆內軟，好軟糯，點埋煉奶及砂糖！好滿足的甜品。💂🏻‍♀️《小野人手打檸檬茶》 $48唔會好甜好清新，好解膩超大杯，2個人飲都足夠。評分：85/100總結：呢間啲嘢食種類好多，價錢又好平，好適合一班朋友過嚟食！而且係商場入面，非常方便！頒發軍階：元帥🎖🎖🎖🎖🎖…Read More

近排去完日本好掛住啲串燒，之前經過藍馬大廈已經好想試下呢間居酒屋🏮上到去員工話依家好多串燒及小食都低至半價起，個晚同娘娘就打算食到盡。💂🏻‍♀️《牛橫隔肌》 $18串呢個係員工推薦👍🏻有蒜香、菠菜汁、wasabi及蜜糖芥末口味選擇！重口味的我哋揀了蒜香及蜜糖芥末！師傅燒到好juicy!拎起仲滴哂肉汁，個橫膈肌好淋好濃牛味，食到停唔到！評分：92/100💂🏻‍♀️《提燈》 $68呢到嘅串燒款式好多選擇！連提燈都有，唔係周圍有得食😍提燈係由雞的輸卵管、卵巢及未成熟的雞蛋黃所組成！呢串仲要有好多粒燈，一咬爆哂蛋黃汁，配埋肉一齊食好正🍢評分：85/100💂🏻‍♀️《爖月比翼雙飛》 $128呢個一上枱好似個表演咁！店員會點火燒糯米紙，燒完後一對乳鴿呈現眼前😂非常打卡又有視覺效果，乳鴿都比我想像中又嫩又Juicy。評分：88/100💂🏻‍♀️《清酒煮蜆》 $108好多蜆，每隻又大又鮮！用清酒煮令啲蜆肉更鮮嫩，湯汁清甜又帶點酒香，做小食唔錯👍🏻評分：88/100💂🏻‍♀️《刺身》 $248刺身拼盤有4款刺身，包括三文魚、油甘魚、赤蝦和海膽🦐🐟價錢非常抵，最緊要係啲刺身好新鮮，仲有紫菜比你配海膽。評分：85/100💂🏻‍♀️《和牛蛋燒飯團+自家缺雞湯稻庭烏冬》 $88 each飯團🍙燒到外脆內軟，和牛軟腍，同飯團好夾！個蘭王蛋仲流緊蛋汁~ 另外自家製的雞湯好濃郁，配烏冬食好正。評分：86/100💂🏻‍♀️《鹽燒鯖花魚》 $78燒得好好食，個魚皮好香脆，鯖魚肉質嫩滑，擠啲檸檬汁更惹味。評分：80/100💂🏻‍♀️《鐵板和牛》 $178和牛切得好薄，牛味好出好嫩，面頭鋪滿晒脆蒜及香蔥🐮配埋炒雜菜無咁油膩。評分：84/100總結：呢間環境好有氣氛，老闆會到每張枱飲返杯，成間居酒屋嘅裝修都好日式，擺滿好多唔同嘅清酒樽，廁所仲有特別驚喜🙈依家好多小食串燒做緊特價~快啲去試下。頒發軍階：上將🎖️🎖️🎖️🎖️…Read More

呢間燒肉有好多分店！依家天氣涼涼地就更加想食韓燒🤭油麻地呢間分店環境都幾大！好啱一大班frd一齊去👯‍♂️一坐低店員就拎咗成盆配菜，包括蒜頭、泡菜、薯泥、蘿蔔、生菜及包飯醬等🤣全部食完都可以免費添加~💂🏻‍♀️《烤牛排骨+五花肉》 $580/ $178呢兩個都係必點嘅肉！食完娘娘仲想encore🥩oppa已經將啲肉係廚房燒到八成熟先上枱，而且已經切好一口size，方便客人包菜食，Oppa介紹完啲肉後就會嚟個火焰表演🔥啲牛肉燒到表面焦香，內面又好juicy！個肉質好軟腍，勁重牛味🐮厚切五花肉，食落好有口感，而且脂肪同肉好有層次，咬落去啲油脂同肉汁爆哂出嚟🐷點個包飯醬，再加蒜頭泡菜包生菜一齊食真係好好食😭評分：88/100💂🏻‍♀️《海鮮辛辣麵》 $88呢個辛辣麵個麵底好有咬口，比平時的辛辣麵更粗更彈牙😍好鐘意個麵個質地，索哂啲湯食超正👍🏻 海鮮都非常多，有蝦、蟹、魷魚及蜆等等，令到個湯底好鮮甜🦐🦀。評分：85/100總結：呢間環境好大，愈夜就愈多人，好多一大班人嚟食，可以試到唔同款的肉🥩大家一定要試呢間燒肉。頒發軍階：元帥🎖🎖🎖🎖🎖…Read More

環境簡約闊落，可以同主子們親密互動喂零食等等，仲要隻隻都又嗲又活潑🤤💂🏻‍♀️《明太子蟹籽蟹肉意粉》$118嘢食嘅水準完全冇失望！超多蟹籽蟹肉，濃郁嘅明太子掛晒汁喺意粉度，意粉軟硬度適中，係有水準嘅意粉😝貓貓都行過嚟打卡㖭評分：92/100💂🏻‍♀️《蜜糖椒鹽花枝丸》$28抵食小食！彈牙又大粒嘅花枝丸炸過一定冇得輸，加埋好香嘅椒鹽味同埋甜甜地嘅蜜糖，甜鹹組合贏晒🤟🏻評分：90/100💂🏻‍♀️《炸魚手指》$45火辣辣咁上碟，外脆內軟，炸粉薄身，入面嘅魚肉非常嫩滑，配埋自製嘅檸檬刁草醬，非常之開胃～評分：88/100💂🏻‍♀️《牛角包雪糕》又係冇得輸嘅甜品，牛角包層層鬆花，加埋三球朱古力雪糕，比得非常豪爽😍淡淡都可以襯到雪糕食呢樣好緊要😂評分：90/100💂🏻‍♀️《Oreo沙冰/香濃焙茶鮮奶》Oreo沙冰大大杯，非常邪惡🤤而杯焙茶鮮奶嘅畫花非常之靚，焙茶味亦都好香濃，同鮮奶嘅配搭好夾，隔離仲有隻貓貓杯緣子趴喺度好可愛～～評分：90/100…Read More

非常高質嘅$598二人餐☺️飽到條褲要解鈕添😂💂🏻‍♀️《特上定食二人前：厚牛頸脊肉の手切＋極上海鮮》$5981️⃣手切安格斯牛頸脊450g超大盤而且係即切，第一樣就係打卡一流先😂牛肉係好重牛味，已經唔需要過多調味，食原本鮮味2️⃣極上海鮮定食|盛盒6点（鮑魚x2、原隻蠔x2、海蝦x2、白鱔片1份、鱿魚1份、花枝蝦滑1份）海鮮好新鮮，而且有成六款！鮑魚好彈牙，蠔係超大隻超鮮甜🦪隻蝦長過手掌，都係肉質彈牙鮮嫩🍤3️⃣鴛鴦湯底兵仔揀左壽喜燒同埋黑蒜油雞白湯底，寺壽喜燒越煮越濃郁，牛肉同埋菜類朔晒甜湯汁👍🏻黑蒜油雞白湯底係我愛嘅拉麵湯😂唔係度度有！雞湯底配蒜香，清而不膩🙆🏻‍♀️4️⃣放題：鍋物配料、前菜、飲料、甜品可以揀嘅配料非常之多，而且好乾淨整齊，豆苗同繡球菌都值得一試👍🏻和牛炒飯同咖哩都好好食！亦有章魚小丸子同埋豆腐花～甜品有哈密瓜雪糕同乳酪雪糕，泡芙都好出色！除咗每日有一杯果茶之外，仲有免費飲品櫃，清酒啤酒都係任飲😍評分：90/100…Read More

食物質素唔錯，仲好抵食，叫咗二人餐幾乎食唔曬！🌟精選二人套餐$498💂🏻‍♀️前菜《煙三文魚凱撒沙律/ 日式天婦羅魷魚/ 酸忌廉煙肉薯條+是日餐湯》 兵仔揀咗薯條，因為真係好鍾意食酸忌廉，薯條熱辣辣配埋酸忌廉，作為一個前菜幾開胃，好難唔好食🤣餐湯就係忌廉湯評分：90/100💂🏻‍♀️《北海道帶子松露野菌意大利粉/龍蝦汁波士頓龍蝦意大利飯》鍾意龍蝦，一定揀意大利飯🥰非常之濃郁嘅Risotto，一入口龍蝦汁嘅香味已經爆晒出嚟，飯粒吸曬精華，煮得恰到好處，仲有大大隻彈牙嘅龍蝦正呀🤩評分：92/100💂🏻‍♀️主菜《西班牙黑毛豬鞍/炭燒澳洲肉眼牛扒/法國燒春雞》同娘娘食飯，當然揀佢最愛嘅牛扒，大大塊肉眼扒好Juicy，揀5成熟啱啱好，入面嘅肉非常粉嫩牛味好重，仲有粒焗薯配埋，大滿足😌評分：90/100💂🏻‍♀️甜品+飲品《是日精選甜品兩份/升級朱古力心太軟配雪糕/升級竹成麻糬下層酥盒子配雪糕》甜品收尾好基本啦～揀咗一個芝士蛋糕一個movenpick雪糕，甜品都唔馬虎，仲可以升級添😙好完滿～評分：88/100總結：臨走見到仲有個海報係開心Tiramisu好吸引😂不過真係食到行唔到咁滯，環境舒適質素唔錯，呢個價錢值得！下次要再嚟試吓其他嘢食🥰…Read More

有時同屋企人或者拍吓拖去食個自助餐都好開心，今次想推介百樂酒店「尋找歐洲」主題嘅自助晚餐俾大家，好多款式選擇，而且食物質素唔錯，價錢CP值好高！💂🏻‍♀️《自助晚餐》星期一至四$568 星期五至日$598 另收加一🥗沙律區好多新鮮蔬菜及配料選擇，醬料亦都好多，全部好新鮮。🫕前菜區好多開胃前菜及芝士，另外仲有日式嘅前菜，例如中華沙律、螺肉等。🦐凍盤海鮮區蟹腳同麵包蟹都好新鮮，肉質鮮甜，另外仲有翡翠海螺及蝦蜆。🍣刺身壽司區呢間有好多壽司選擇，刺身就有三文魚、貝柱、鯛魚、蟹柳、八爪魚及天使紅蝦！啲紅蝦超新鮮又大隻，encore咗幾次🦐🍲熟食區呢間自助餐選擇包羅萬有，中式有燒肉斬料、北京填鴨、蒸籠點心！西式有芝士焗蠔、酥皮湯、鮑魚酥等！仲有印度咖喱薄餅，日式吉列牛等🥩款式比出面自助餐多好多。👨🏻‍🍳燒烤及麵食區有現場即燒雞翼、羊架及德國腸！麵食區就吸引啦，湯底竟然係鮮茄湯魚湯/喇沙湯，仲有多款配料選擇🍜🍰甜品區甜品有好多選擇，除咗基本蛋糕，水果、雪糕外，仲有自製pancake/窩夫！雪糕牌子仲有幾款選擇🍦，自己DIY整都唔錯㗎。評分：90/100總結：食物款式選擇比起出面其他自助餐都幾多，而且味道都好好👍🏻有啲驚喜，而家仲要每人送一隻大閘蟹/芝士焗龍蝦！兩款都唔錯，但大閘蟹就有啲細隻，不過就好爆膏😍快啲約埋屋企人同三五知己一齊嚟食啦。頒發軍階：上將🎖️🎖️🎖️🎖️…Read More

我諗大家食宵夜或者串燒都會去旺角㗎啦～今次呢一間真係超級抵食，而且好惹味😆除咗串燒之外仲有好多驚喜嘢食平時係見唔到嘅😍值得我一再encore💂🏻‍♀️串燒$12起《鹽燒牛舌串》$26《安格斯牛肋串》$26《雞中翼(2隻)》$18《雞胸軟骨(2串)》$32《雞腎串》$16《黑毛豬肋串》$26《燒白膳》$48《金菇肥牛卷》$22《蒜蓉燒原條茄子》$38《蒜蓉燒蠔》$32《蒜蓉燒扇貝》時價啲串燒真係勁抵食！呢個價錢仲要每串大大大串，雞腎牛舌都係有相當厚度😍雞胸軟骨都正！燒茄子重蒜爆香好抵食🤟🏻蠔同扇貝都係重蒜香又新鮮大隻🤣所有野可以自選辣度，惹味👍🏻配埋$18嘅菠蘿啤好夾😏同朋友啤住食無得彈評分：92/100💂🏻‍♀️《龍蝦汁大蝦意粉》$88龍蝦汁意粉呢個價錢相當抵食，隻大蝦都好彈牙，扁意粉係兵仔最中意嘅，而且佢龍蝦汁比起一般嘅更加鮮甜，而且重口味評分：92/100💂🏻 ‍《芝士雞肉薄餅》有4塊類似taco size嘅，薄脆皮配上香濃醬汁+無限拉絲芝士+爆滿肉汁嘅雞塊，不敗組合評分：93.5/100💂🏻‍♀️《黑松露炒雜菌》$42鐘意食菇菌類可以一戰！黑松露份量比得純不手軟，焗係錫紙入面好香🥹評分：88/100💂🏻‍♀️《香煎鵝肝多士》$99兩塊手掌咁厚嘅鵝肝多士😍咬開係滴曬汁，撲鼻而來嘅油脂香加埋多士中和下係完美配搭🔥評分：90/100💂🏻‍♀️《生菜包豚肉》$44平時成日食泰國菜都好鐘意生菜包，所以今次又試下呢個新野，佢唔係肉碎而係燒得好香好嫩好似Kabab咁，包生菜食好香🤟🏻評分：88/100頒發軍階：元帥🎖️🎖️🎖️🎖️🎖️…Read More

💂🏻‍♀️《雙皮奶雞蛋仔》 試食價$38雞蛋仔食得多，雙皮奶雞蛋仔真係第一次試！撳落去粒雞蛋仔啲雙皮奶爆出嚟💦淡淡嘅奶香味飄出嚟🥛越食越濃郁，而且唔會好膩，令人想一啖接住一啖咁食！評分：92/100💂🏻‍♀️《船長炸魚4oz配白汁意粉》$20大過手掌嘅炸魚，一見到已經好誇張😂炸粉好薄，外皮好香脆，但係入面嘅魚肉好嫩滑亦都好多汁🐟炸嘅火候啱啱好👍🏻而且配埋份量超級足嘅白汁意粉，兩個女仔都夠食，抵！評分：92/100💂🏻‍♀️《燒賣系列（蒸/炸）》$25+1️⃣魚蓉燒賣 經典之選2️⃣干蒸燒賣 牛肉球愛好者可選3️⃣香菇豬肉燒賣 口感彈牙有油脂香4️⃣蟲草花雞肉燒賣 健康之選又少有 推薦👍🏻5️⃣花椒麻辣木耳豬肉燒賣 辣辣地好過癮 又有木耳絲同豬肉油香 推薦👍🏻另外兵仔食蒸燒賣揀咗佢地啲XO醬，仲要係無添加冇味精！XO醬配燒賣係一個永遠唔會輸嘅組合😂評分：90/100💂🏻‍♀️《金橘熱情果原個檸檬果汁/士多啤梨原個檸檬果汁》$2828蚊大大杯原個檸檬嘅果汁，就算行過口渴頸渴都值得買一杯試吓，果汁味幾甜，好解渴🙆🏻‍♀️評分：90/100總結：啟德Airside好多嘢行，但係都好多美食🔥尤其是天氣涼涼哋喺露天廣場食嘢放狗好舒服，今次試咗呢間fish&chip bar！都幾有驚喜，見到啲人飲住啤酒食呢間傾下計幾開心，都唔錯👍🏻😉頒發軍階：上將🎖️🎖️🎖️🎖️…Read More

呢間係位於大埔的日式小店，因為娘娘同兵仔都住大埔！經過廣福道見過呢間小店，今次就去試一試🥰💂🏻‍♀️《日本仙鳳趾生蠔兩隻》$95呢個生蠔超級新鮮，啲肉質鮮嫩，有淡淡嘅海水味，再加咗啲檸檬汁，更加提升了蠔的鮮味。後面仲有啲蔥，食落有回甘，好惹味🦪評分: 90/100💂🏻‍♀️《鹿兒島雞翼2串 》$56呢個鹿兒島燒雞翼燒到外脆內嫩，肉質好juicy，調味都好好！配埋檸檬片，就冇咁油膩！絕對係佐酒好小食👍🏻🍗評分: 85/100💂🏻‍♀️《極上海鮮魚湯鍋-極壽司盛》$588另外而家有呢個套餐，一個海鮮魚湯鍋再配搭一個壽司盛🍣兩個人食啱啱好，非常抵食！個壽司盛係廚師發辦。有六件壽司加個小卷，當日有三件拖羅、生蝦、海膽，吞拿魚蓉軍艦，另外仲有吞拿魚小卷🍣拖羅及海鮮非常新鮮，大拖羅仲入口即溶，另外海膽好新鮮，一啲都唔腥。師傅會問定你平時鍾意食啲咩，佢會盡量安排非常細心。🥰個海鮮魚湯鍋上枱熱辣辣滾起🍲材料好豐富，有鮑魚、鮮魚片、魷魚等！個魚湯湯底好鮮甜🐟秋天最適合就食個熱鍋~仲有個烏冬索哂啲湯的精華！非常滿足😌評分: 87/100💂🏻‍♀️《鯛魚燒 白桃味雪糕》$20食完咁多野緊係要食返個甜品啦，呢到的鯛魚燒個雪糕竟然係白桃味🍑，味道好清新！非常解膩，好適合做飯後甜品。評分: 90/100總結：食物嘅質素好好，海鮮都好新鮮👍🏻價錢都唔貴，而且店員個個都好親切，會送啲小食同一齊傾偈😆一班朋友一齊去食氣氛會好好！頒發軍階：上將🎖🎖🎖🎖———————————————…Read More

💂🏻‍♀️《招牌三杯雞煲》$88雞肉大大件，而且成個煲非常之香。三杯雞嘅醬汁淋喺雞肉面頭送飯一流！😉雞肉唔會柴，而且有肉汁，必嗌！‍💂🏻‍♀️《川香辣子田雞》$98鍾意食田雞嘅一定要試呢個！平時已經好鍾意食辣子雞，今次呢個辣子田雞有升級版嘅感覺🤩田雞肉好香口，炸得啱啱好，連埋啲椒鹽味係配啤酒一流😂‍💂🏻‍♀️《風雲特色香辣炒飯》$88大大碟炒飯仲要有好多彈牙蝦肉喺入邊，唔好睇小佢係炒飯，用啲辣油炒都真係有啲辣🔥不過粒粒分明，已經辣辣地更加令人有胃口‍💂🏻‍♀️《風雲特色香辣炒飯》$58平平哋有一隻幫你斬好晒嘅乳鴿～一隻兩個人分啱啱好！個皮幾香口，不過今次如果再熱啲更加好🫡總結：各樣小炒都好有鑊氣，而且價錢真係平靚正，又坐得舒服😌仲有大大杯凍檸茶都只係$38，非常之送飯！位置又就腳，真係好適合成班朋友嚟嗌好多碟一齊share…Read More