撲朔迷離's Profile

白咖喱香茅豬扒飯，幾好，必點啦！濃蝦湯：味道唔錯喔！都好濃下，$9.9/碗抵啦！蒜香牛油烤餅：$4/2件，好香好好食，不過配濃蝦湯就唔好食了～泰式酸辣嫩滑鮮魚片鍋配飯，唔好食，好奇怪，似酸辣雞爪d汁煮熟左果陣味，唔啱我和屋企人嘅口味～椒鹽魷魚筒：唔好食，外面果層粉好淋，唔脆，唔會再叫，上一次叫左蘿蔔糕，都幾好鮮芒椰汁沙冰：好飲呀，仲有脆波波可以咬下！食左250+，送左支辣椒醬，仲會再去食～濃蝦湯同烤餅一定要叫…Read More

呢間鋪喺頌富度開咗好耐，之前一直食開敏華冇去試呢間，突然之間有一日想食意粉就嚟食啦！兩點幾去到就黎無午餐，兩點半轉下午茶，即刻叫左3樣野，粟米墨西哥薄餅，卡邦尼意粉，忌廉蘑菇香蔥意粉，凍咖啡。忌廉蘑菇香蔥意粉，普普通通，無咩出色，味道好淡～卡邦尼意粉，一定要叫黎食，好好食！無得輸呀！粟米墨西哥薄餅，呢個薄餅都唔錯，勁多芝士，如果薄餅係脆嘅就真係唔得輸了！凍咖啡就係速溶咖啡啦～下次要試下佢地d沙律🥗，睇其他食好似唔錯。…Read More

近排想食卡邦尼意粉，就係呢個app睇到呢間評價唔錯嘅店，去到天一商場，見到兩間鋪名都有Bello嘅店，即刻打開個app睇真啲，好彩冇入錯鋪，地方幾大，餐牌都好厚，下午茶時間人流量都幾好！叫咗個是日午餐A同卡邦尼意粉，配菜揀咗沙拉和湯，一杯凍檸茶和榛子咖啡。是日午餐A真係唔掂！唔知食緊d咩，肉無肉味喔！卡邦尼意粉一上到睇顏色就知唔好食，個汁白色嘅？！同我係頌富&you食嘅卡邦尼意粉簡直天差地遠！隔離有個Bello鋪名，佢地無卡邦尼意粉，只寫左白汁煙肉蘑菇意粉，我無食過，亦都唔知呢兩間係咪同一個老闆，但睇兩間意粉叫法就知咩料了～兩個套餐好食嘅淨係前菜：沙拉同個湯。一句到尾，我唔會再幫襯呢間鋪了…Read More

我先生由細食到大嘅泰式串燒，每次都必叫豬頸肉串燒同雞肉串燒！其他野食我就無試過。每次朋友入元朗搵我必定會帶佢地黎食！佢地食過一次就返唔到轉頭！每日收工時間排長龍，外賣幾串串燒帶返屋企放雪櫃，宵夜放微波爐叮一叮佢再食都超級好食！間鋪都有十幾年了，依家物價越黎越貴，先生帶我食果陣係$12一串，慢慢升到$13，依家搬左新鋪變左$15，越食越貴，疫情都汁左好多舖，希望呢間串燒會一直做下去，只要味道還在，我同先生都會一直支持落去！…Read More

第一次食滔滔甜品啦，晏晝四點幾去食，見到好多學生都去幫襯，我同朋友兩個人去，每人叫咗一個甜品，價錢來講偏貴而且份量少，位置細，服務態度麻麻地，唔知係咪隔籬枱有人落咗單，而我地仲未落單，就過嚟催我地落單。有人食完走左，比我睇到服務員執枱好求其，好似好驚整污糟自己隻手咁樣。總結，芋圓好食，豆花底同整體都唔係好出色，由於今次兩個人都係叫左同一個底嘅甜品，唯有下次再試其他款嘅甜品，美中不足就係無做小食～想食水果撈去b仔或者其他糖水舖會好d啦～…Read More

牛/豬/香腸菜單：西施牛肉片/醬汁牛五花肉/牛柳片，呢三樣肉類系比較好食唔會中伏，其他就麻麻地啦！海鮮/雞/羊菜單：大蝦有泥味；生蠔同蒜蓉芝士生蠔完全唔好食，細隻冇肉得黎又唔新鮮；咖哩魷魚鬚麻麻地冇咩味；魚都ok嘅！當時叫左多春魚，但臨尾先醒起一直冇比。最中伏嘅一個菜：無骨辣雞爪配芽菜，d雞爪超級無敵難食！3個人一個爐，110分鐘不夠食，上菜有小小慢，得幾樣調料可以揀，服務態度ok，值得一去嘅一間自助燒肉！…Read More

下午茶時段最抵食14:30~16:00？白玉王鴿記得多點幾隻！環境都幾好，最得意個碗，有d印花小動物。今次踩雷煎辣小龍同肥牛叉燒，下次唔會再點，非常山竹都麻麻地。…Read More

之前去過屯門outback食過，覺得好吃！於是今日中午決定去形點呢間食牛扒，但是味道令我好失望！我地叫左兩份牛扒同一份炸雞比，炸雞比味道ok，但醬料好似係飲完酒之後嘅嘔吐物味，我自己就接受唔到，老公話還可以。兩份牛扒都係五成熟，我食第一啖牛扒係冷嘅，而且d牛肉係淋淋地嘅，味道超級唔好！牛扒嘅燈籠椒配菜好似壞左，食落口係酸酸嘅，好才冇吞入個肚！另一份牛扒就好食d啦，但配菜嘅花菜就壞心，紅蘿蔔睇得出放左好耐！…Read More

唔知食咩好？一定要食阿元來了！因為真係好好食，而且仲唔貴，非常適合女仔嘅雞仔肚！地址唔容易搵，行左好耐行到阿元嘅外賣店，好才阿元嘅員工講點行過去我地先冇迷路。我同fd一點幾到，都要等，不過好快，5分鐘就進的了。一進到去覺得好有feel！好鍾意個裝修同環境，店員應該有d係台灣人，因為有d講普通話。兩個女仔點左魯肉飯、蚵仔大腸麵線、鹽酥雞、鳳梨青茶、百香果綠茶。魯肉飯一定要點！量同屋企食飯嘅碗一樣小，女仔一個人食就飽了，魯肉我覺得唔會肥，送飯岩岩好。蚵仔大腸麵線，我同fd都覺得麻麻地，冇咩特別。鹽酥雞就一定要點啦！我覺得同其他地方嘅鹽酥雞味道好唔同，好好味！聽講酥炸魷魚都好好食，無奈兩個女仔食唔曬所以冇點到！下次一定要食飲品我覺得一般，應該冇點到好食嘅。…Read More

同朋友一起食晚飯，揀咗小時光，搵到之後覺得門口幾特別，仲以為冇開門，原來是要拉開，拉開之後發現係一片天地～點左魯肉飯、辣嘅紅燒牛肉麵、仲有一個炸物拼盤。環境幾好，因為張檯有種返到小學嘅感覺！最後食完準備走去左個廁所，廁所都好特別呀！…Read More