nata_tong's Profile

一直都覺得，旺角無咩好餐廳，因為地理同客戶群關係，多數都以平、快取勝，今次去新開無幾耐既Lab Eat Bistro，絕對有驚喜！餐廳主打Semi-buffet，㨂一個main course，之後海鮮salad bar、湯、芝士、甜品、雪糕任食（飲品要加錢），餐廳環境舒適，坐得舒服又傾到計，海鮮salad bar有龍蝦🦞 長腳蟹等，比想像中好都未食完salad bar既野，就上main course 😌 有啲快，不過都好既，否則未必食得晒main course，因為份量都幾大我哋5個人，所以叫咗5個不同的main course share，全部色香味都不俗最後，為呢餐飯畫上完美句號既係：Haagen-Dazs雪糕🍧 除咗Haagen-Dazs，仲有一個日本牌子嘅雪糕，但味道太淡好一般，所以都係食番Haagen-Dazs同朱古力慕絲好了～總結：最後埋單，OpenRice訂座有8折，每位$374，以呢個質素黎講，性價比幾高😊👍🏻 會再幫襯…Read More

潮流興懷舊，老馮裝修到舊香港咁款，咁既，我都鍾意懷舊嘅，不過又有少少潔癖，呢種舊同殘，真係一綫之差… 所以，個裝修我覺得唔加分亦唔扣分啦講番食物，個燉湯一流！燉得夠長時間，出晒味之餘，啲雞骨仲全部化晒，可以食晒落肚，好少食到咁足火喉既燉湯！:)之後個蝦餃都唔錯，個蝦餃皮係一般，唔算薄又唔薄煙靭，不過啲蝦肉幾彈牙個燒賣就… 一般啦… 啲豬肉有啲靭總結：OK呀，食物ok、環境ok、服務ok、價錢ok，如果住元朗，得閒食下ok的 特登去食就唔洗了…Read More

呢間餐廳係我屋企附近，深水埗無咩有質素西餐，所以試一試；餐廳裝修現代簡約，坐得舒服，要咗兩個Main Course主菜加$15可以跟湯或沙律，加咗兩個湯，是日餐湯@金邊魚翅湯，原來係忌廉湯加魚翅，味道還可以吧加拿大豬鞍豬鞍肉好厚，但煎得啱啱好，食既時候爽口彈牙，蜜糖芥末醬又清新香甜，喜出望外A5霜降牛肉眼$298想食A5和牛（英文係寫住澳洲和牛），果然又一次中伏... 唔單止無霜降入口即融感，塊扒仲有啲靭同少少牛蘇味...總結：雖然塊牛扒强差人意，不過係塊扒肉質問題，廚師係煎得唔錯既，而塊豬扒則非常好食，所以，我會encore再去呢間餐廳的，因為整體黎講唔錯…Read More

呢間coffee shop係二樓，行過未必會見到，樓梯口就得兩個易拉架寫住「咖啡體驗」入到去店舖不大，有室外露台位；坐低時店員會問客人係米第一次去，係既話會攞一set試管過黎，比客人聞下唔同咖啡豆既香味，同會介紹唔同既豆適合沖咩類型嘅咖啡同口味我要咗杯巴西豆沖既cappuccino，咖啡會連一個細杯咖啡粉、一杯double espresso 同一件朱古力餅一齊上；店員介紹，咖啡粉係比客人再聞下香味，double espresso 就更原汁原味地呈現咖啡香味比客人體驗，客人亦可因應口味，將double espresso 加入杯咖啡中增加咖啡濃度杯咖啡真係好濃好香，加上有心思嘅服務，絕對滿分💯至於食物... 等咗超過半個鐘先上枱，質素普通總結：裝修有心思但唔算靚仔，可能有室外露台位，有人吸煙，所以室內都有少少煙味；食物水準普通；但，絕對會為咗杯咖啡同服務再幫襯☕️😊…Read More

好多人因為幅花花牆去打卡，我就咁啱經過去食嘢啫😄Lunch set 有沙律、pasta、main course(有幾個菜式選擇）同普通飲品 （咖啡加$20），食物都唔錯，最好食係個pasta，意粉煮到al dente 彈牙，加埋今日做carbonara 口味，醬汁啱啱好炒到掛晒係每一條意粉上，黏黏的又夠味反而我㨂既main course，慢煮豬扒就一般，豬扒係煎得幾冧身又有肉汁，完全唔靭，不過就係冧咗啲，無靚豬扒果種少少脆口既滋味；再加一個甜甜地既醬汁，一般啦，都合格既另外餐廳service唔錯，所有員工都笑笑口，仲會有侍應過嚟問下客人啲食物o唔ok，平價餐廳少有呢啲服務總括嚟講都唔錯呀，至於咖啡，我要咗杯Fat white，咖啡味都幾香，不過我唔係咖啡專家，所以就唔寫咁多了，米獻醜🤣🤣…Read More

聽講餐廳原本係二手古董傢俬店，之後因為環境雅緻，改裝加開咖啡店；同朋友見到佢啲相咁靚，一心去食晏兼打卡；點知，真係除咗打卡，唔好諗住有好野食....一坐低已經話無咸野食，得甜既法式班㦸同蛋糕、飲品可選擇；食物選擇連十款都無.... 咁為咗影相，都叫咗兩件班㦸同兩杯飲品叫完後一直影相，影咗成個鐘都未有野食，真心唔知佢哋係等我哋影完相先煮定係整兩件班㦸要花咁長時間...班㦸賣相可以，味道一般啦，但最攪笑既係，用刀切班㦸果陣，張古董枱會強烈摇晃，杯飲品灑到一枱都係... 咁，你叫我點食呢？用手揸住食？最後係我朋友用手㩒住張枱，我用刀切好晒件班㦸黎食兩杯飲品都ok既，係細杯咗啲總結：如果係為打卡，去啦去啦，真心幾靚；如果係為食野，千祈唔好去了.... …Read More

間餐廳唔易揾，縮在美孚新村商場的一角，朋友介紹才知道有這小店是日午餐和朋友去吃飯，要了午市套餐的羊架和三文魚扒，朋友一直推介這餐廳的這兩款菜式，所以這次去也點了羊架要5成熟，煎的火喉剛剛好，肉質優秀無筋，無羊騷味三文魚扒煎到外皮有少少脆，中間剛剛熟，不用太多調味料也很鮮嫩好吃午餐加$20有甜品，是日甜品為焦糖法式燉蛋，除了面頭的焦糖，燉蛋中也有燶香的焦糖味，讚👍🏻總結：西餐用料很重要，好的食材不用太多刻意的調味及醬汁，最欣賞這間餐廳的火喉控制，羊架及三文魚都煎到外脆肉嫩，雖是小店但非常有heart …Read More

之前網上見到，呢間餐廳主廚在澳洲學藝，反黎香港開店，一直想試吓佢手勢餐廳在西營盤，地方不大但雅緻，星期四晚去都full house；餐廳menu選擇不算多，但都應有盡有，牛扒、羊架、意粉等都有佢個drinks menu幾特別，得幾款飲品選擇，但每一款飲品都可㨂熱、凍、加soda或轉cocktail ，飲品黎到都眼前一亮，佢啲冰粒入面有小花或者係淺藍色既，好唔好飲就一般啦Beef Carpaccio ：呢個頭盤麻麻地，牛肉唔新鮮，唔好比張相啲顏色呃咗，牛肉要細心啲睇，係底果幾塊淺啡色既牛肉，一睇個色就唔太新鮮，食落又無咩牛味同埋太薄無咬口，真心麻麻Scallop Tartar：個他他都係麻麻，今次啲帶子新鮮嘅，但個味太酸，完全唔好食... 反而伴碟果幾塊墨魚汁脆片，好脆口又惹味牛扒：要5成熟，火喉控制得唔錯羊架：都係煎得唔錯整體而言，還好呀，有心思嘅但前菜要加把勁改良，絕對支持小店，加油…Read More

朋友想食餐好嘅，所以提議去和牛蕃，睇裝修同價錢，諗住會有好野食，點知又伏了... 一黎見到啲醬汁同舊大「牛油」，覺得餐廳好pro，滿心期待，我哋要咗最貴果個A5和牛set，再加$48任飲汽水除咗呢盤海鮮之外，其餘肉類都可以任添，但真心，啲肉醃到太咸又切到太薄，講真如果係A5和牛，可以唔洗調味同厚切，食到個肉味同入口即化既質感，但呢間野標榜自己係A5和牛又收得貴，啲肉就唔見得人...除咗燒烤食品外，任食套餐仲包小食，要咗個和牛他他壽司、和牛漢堡同炸蠔，個他他壽司堅把鬼，究竟佢知唔知咩叫他他？他他係新鮮生肉碎切，睇見呢舊嘢個色已經唔開胃啦⋯⋯ 完全唔係他他炸蠔正常嘅，個和牛漢堡塊免治肉肉質唔錯，但又係調味出事，太甜了，唉，都話咗靚肉唔洗咁多調味料囉...整體感覺非常差，埋單$8百幾蚊一位，但只可以坐1.5小時，超時真係會比服務員趕走身，咁既食物質素加咁嘅服務，絕對劣評…Read More

間舖仔細細，但都裝修雅緻舒服，主打家的感覺既住家食物：:(日式住家飯團飯團最緊要方便食，但佢落咗味汁落啲飯度，攪到啲米好散，店主已經叫我用手揸住黎食，但我都食到成衫都係，因為飯太散；另外，飯團既料係炸菜同肉碎，只食到炸菜味，好唔日式囉。。。:(麻辣雞翼（4隻）食咗一隻先記得影相，係有4隻既，味道方面，一啲都唔麻辣，係雞翼加辣醬。。。係好辣既，不過唔係麻辣味，扣分芫茜豬肉餃（湯餃）要贊一贊佢個餃子皮，做得好煙靱又夠薄，食落會黏牙；但個餃子醎呢。。。一大陣芫茜味，豬肉得好少，所以無豬肉味，仲有少少酸；餃子我無食晒即磨咖啡我聽到廚房有咖啡機聲，所以真係即磨咖啡，飲落好有咖啡豆烘焙香味，呢個咖啡唔錯，不過無比糖客人，同埋用呢種不銹鋼杯飲咖啡，始終要扣分日本手作芝士蛋糕一上枱，好細件。。。得包紙巾咁細啊。。。心碎。。。食落ok的，蛋糕中間唔會焗到實晒，有少少流心感（無流心，係形容質地唔太實啫），芝士味唔重，食落有啲清新，蛋糕唔錯總結：蛋糕和咖啡唔錯，不過主食就差啲，坐就坐得唔係好舒服，因為係木櫈，所以坐耐pat pat會痛，唔係比人客打躉之地，但睇得出店主用心做既，所以比ok …Read More

有幾年無去牧羊少年，今日經過，店面完全唔同晒，入去裏面都裝修過晒，走起高檔路線來尤記得當年牧羊少年以旅遊為主題，有時會請啲嘉賓去講下旅遊心得，由一間好細，無咩裝修既小鋪，變到而家有五間分店了，店舖亦面目全非，只係象徵式咁有個書架，放咗幾本旅遊指南⋯⋯咖啡店黎講，呢度都坐得幾舒服既，至於食物，我要咗個All Day Brunch、芝士西蘭花、熱薑檸茶食物都ok，唔會煎到啲腸仔、煙肉好油膩，味道偏清淡，不過不失；杯熱薑檸茶係茶包黎嘅，無咩味道總結：一間坐得舒服既咖啡店☕️…Read More

馬家莊係傳統老店，不過我係第一次去食，絕對有驚喜風味羊架：首推呢個羊架😍😍 $49一件，好厚肉，比起平時係西餐廳食到果啲羊架多肉一倍！清真食物一定煮到全熟，而這羊架就煮到啱啱熟，咬落仲有啲肉汁，再加少少孜然調味，高水準👍🏻牛肉餡餅：呢個係招牌食物，個皮煎到脆一脆，一咬落口裏面有湯汁，熱辣辣，唔錯啊～～～ 不過我年紀大了，消化唔太好，湯汁對我來說太油膩了一點😊:)大餅羊肉卷：大餅又係煎到好脆，包住羊肉、京蔥，醬料係南乳醬，幾好食的，只略嫌唔夠惹味，如果再加多少少調味就一流了😃咖哩蝦球：個咖哩調味一般，唔太有咖哩香味，蝦球都唔入味，所以一般啦總結：絕對會為咗個羊架去安歌，超好食的😋😋…Read More

呢間野不嬲出名，食客好多，今日同朋友黎打冷，叫咗最愛既兩樣潮州菜：潮州凍烏頭呢條烏頭好新鮮，魚肉上仲有最緊要既黃油😍 食落鮮味，肉質又嫩，唔會雪到硬晒軚，好食黃油卤水鵝肶卤水鵝不嬲鍾意食，呢度仲可以揀要鵝片定鵝肶； 啲卤水汁夠入味，連墊係鵝件底既蜂巢豆腐都入晒卤水汁味，讚仲叫咗個蠔仔粥，蠔仔幾新鮮，不過唔算特別，所以無影相，都算好食既總結：食物質素好唔錯，價錢又合理，難怪客似雲來；裝修係比較舊式，服務員亦多上了年紀，但都算係一種風味…Read More

我呢篇食評會寫得比較harsh，因為攞得米芝蓮推介，就應該有番咁上下水準，我食既時候都會有番咁上下期望。。。可惜，再一次印證，米芝蓮評審係唔識品評中菜🤷‍♀️叫咗4樣野食，上枱時間比較慢，第一個菜上枱要20分鐘左右，最後一個菜由落單到上桌，差不多要1個鐘椒鹽鮑魚：面頭全部係炸蒜，避風塘式，賣相一般；鮑魚算大隻，但食落口唔入味，裙邊仲靱靱地，炸蒜雖然一大堆，但唔夠紅椒同調味，炒得又唔夠香，炸蒜都淋淋地，$88一隻，麻麻地:(蝦乾韮菜花豬頸肉小炒王全晚最垃圾一道菜，唔好以為炒個韮菜花就係小炒王！一個好既小炒王第一必須夠鑊氣，第二要惹味，因為係要用黎送啤酒既；呢兩樣都唔合格，無鑊氣之餘仲無咩味，蝦醬佢一定唔知要落黎吊味再者，講下小炒王既配料，蝦乾佢用好細粒既蝦米代替；又唔正宗咁加咗啲唔夾味既豬頸肉落去炒埋一碟，我完全唔覺得佢係小炒王，絕對係一碟XO醬炒韮菜花大雜燴。。。麻辣水煮雞（半隻）辣就辣啦，但唔麻囉，花椒八角味都欠奉。。。啲雞唔入味，要碟菜上檯後15分鐘之後，我再夾果幾件雞先開始入味，開始覺得好食啲。。。啲雞件斬到好細件，都係唔入味，斬到咁細件，仲成日唔知自己食緊雞頸定雞背脊（我平時唔食雞頸的）:(菠蘿生炒骨我覺得係全晚最好食既一個菜了，但都係唔算出色，生炒骨啲漿汁加咗少少麥牙糖，所以夾起果陣會有少少拔絲既視覺；不過就係個醬汁唔夠酸、個脆皮唔夠脆、洋蔥青椒爆香時間唔夠耐、豬肉無豬味。。。最後講下服務，間房成十張枱，得一個服務員，做埋傳菜，都幾難揾人下，食物價錢唔算平，所以都會希望有更好service整體表現得60分左右，其實食物質素係好過一般酒樓的，但米芝蓮推介？？？呃鬼佬評審唔識食中菜囉🤷‍♀️…Read More

小菜王太出名，開到有5間鋪，晚晚都旺場，有店內冷氣位及門口吸煙位選擇；我唔吸煙，梗係坐冷氣房啦大排檔一定無裝修架啦，去得大排檔，就係幾個麻甩朋友加大量啤酒第一個小菜係「香露豬手」：完全唔掂！豬手唔入味之餘仲有少少苦味，普普通通整個南乳豬手算啦，整個咩鬼凍冰冰，一舊膠咁既香露豬手做咩呀⋯⋯跟住上「小炒王」：一上枱熱辣辣，好夠鑊氣，食落都好惹味又好大碟，但食食下好快涼咗，就越食越唔好食，又將小炒王必備，比較貴價既韮菜轉咗做西芹... 整體一般啦...:)豉椒蒸鱔：呢個好正常又好食，鱔肉好彈牙，唔算太油膩，不過呢個餸，都好難出事的，因為就係用加豉椒去蒸鱔囉總結：中規中矩，食物質素還可以，去大排檔都志在一班人去啤啤佢，所以還可以啦... 不過回家後現在幾頸渴，應該落咗唔少味精…Read More