羊蟹后's Profile

今日下午放假, 又遲左食lunch😅最後變左食tea~係大飯糖門外見到之前係星期一至五套餐送飲品椰汁涼粉冰🍧我就麻麻地鍾意涼粉, 今日居然見到轉左可以升級為黑糖珍珠鮮奶~就搞到我心思思想試下😁望落都幾似樣, 但啲珍珠食落就硬左啲~飲開其他台式飲品店都係煙煙韌韌~希望有待改善雞翼肉燥飯~份量啱女仔食, 雞翼有兩隻, 似係即炸, 幾脆口熱辣辣~唔錯唔錯其實加錢仲可以轉其他甜品, 日日都唔同, 唔駛只係揀飲品~呢樣係幾好嘅,始終糖水店, 多啲選擇~唔駛咁悶…Read More

成日經過呢度, 見好多人等~諗住買盒手撕雞(例)返去試下, 第一眼望好油, 個樣好似好多, 其實得啲骨放晒係底~食得嘅得好少老公仲話啲味怪怪地, 所以都唔諗住再幫襯但就唔明點解咁多人排隊, 完全唔明有咩因素會咁多人排隊, 唯一諗到係員工整一盒手撕雞腸粉要好耐, 係度制造人龍實質真係冇咁多人買, 有被騙的感覺…Read More

今日經過新都會廣場, lunch time試下呢間拉麵, 之前夜晚見過有好多人排隊入去食, 但openrice嘅😢都唔少, 驚會有少少伏~所以拖到今日諗唔到食咩先嚟試😆我叫左個鹽湯拉麵(人氣) + 玉子一送到埋嚟個湯頭都.....幾油下~諗住唔叫豬骨濃湯就係想清清地~望到都幾嚇親😵义燒得一塊但尚算幾厚, 麵質一般, 玉子合格但一定唔係蛋味濃郁那種~個湯唔係咁油嘅話其實都幾好飲, 我之後加左啲黑蒜醬 & 柚子胡椒~ 啲醬都幾好味, 可能我唔叫鹽湯拉麵, 叫其他口味嘅拉麵會令我對呢間拉麵店嘅印象會好一點😅總括而言加埋一要$75, 加多$10去第二啲拉麵店已經有好多唔錯嘅選擇P.S. 服務一般 😑可能剛開舖的關係😆…Read More

1點幾去到, 點完餐之後, 先嚟一碗例湯~兩個人點左2個套餐share食1) 蒿芛雞丁 ($58)2) 四川涼麵+紅油豬耳 ($48)最初諗住叫左四川涼麵, 就叫個唔辣嘅餸 [蒿芛雞丁]~我可能真係太天真, 嚟到食四川野會有唔辣嘅野食???點知呢個係兩個套餐之中最辣嘅, 開頭都未覺有咩辣, 點知食食下, 食埋啲剁青椒😧反而個四川涼麵好舒服, 少少辣有啲麻醬味~呢個套餐有麵有小食, 個豬耳份量唔少, 係灣仔嚟講算係好抵不過, 總括而言係油左啲~雖然四川菜要正宗就實係好油, 唯有要耐啲先再番嚟食啦其實我已經唔係第一次食~下次要試下水煮魚。…Read More

朋友住係東涌, 佢鄰居讚話金泰屋好食~我地同朋友三個人就揸車去食, 間食肆係醫院後面啲村屋, 當日係父親節~大時大節特別多人幫襯, 我地預先book位☺去到都差不多滿座~我地拿拿聲揀野食, 因為限時兩個鐘叫左杯芒果沙冰, 正正常常~之後上左泰式小食拼盤有春卷/蝦餅/魚餅/炸雞翼/酸辣鳳爪沙律蝦餅彈牙, 炸雞翼炸得啱啱好又唔油, 春卷正常~係魚餅略咸, 調味料重手左...酸辣鳳爪都ok另外叫左碟軟殻蟹芒果沙律 (唔記得影)), 味道酸酸甜甜帶少少辣, 適合普遍人嘅胃口👍呢個咖哩海鮮魚夫包好正😙海鮮唔會索得太老太耐先放落去~仲食得出啲魷魚好鮮嫩,有蝦有青口, 咖哩有好香椰汁味, 配埋脆脆農夫包, 食完都飽左一大半~唔叫咖哩炒蟹, 呢個都係唔錯選擇, 見周圍枱都好多人叫呢個😎明爐青檸烏頭, 同出面食開嘅都差不多~整體嚟講都係好好食, 價錢都好合理可能當日係父親節, 見周圍都有漏單~我地算好彩, 希望下次再嚟嘅時候都繼續保持水準啦~…Read More

lunch好想飲杯咖啡, 靜靜地食啲有質素嘅野, 謝斐道呢一間係唔over$100嚟講算唔錯~午餐有4-5款選擇, 我揀左佢嘅c.c. 招牌咖哩吉列豬扒飯($70)吉列豬扒好乾身, 心思位係啲豬扒識用啲飯晾起, 唔會俾啲汁整到淋晒, 值得一👍另外咖啡係唔駛加錢嘅情況下, 可轉flat white, 呢點完全要加分~ 題外話: 雖然小店門外有寫住午餐用膳時間只可30分鐘, 但外面冇人等通常都唔會趕你走, 雖明白灣仔食肆多數只做午餐生意維持生計, 但附近返工的食客都會食完就走, 沒必要在門外寫到咁mean, 以免好似想趕客咁~…Read More