_____bbbbbo's Profile

好離譜 一坐底比杯所謂既抹茶 啖到似水 仲要收你$5 完全無通知下收左錢 仲要加埋一 無服務! 個面又硬 叉燒又廋 唔明點解仲可以做咁耐 我都好小會比差評 條氣好唔順囉…. 仲可以咁多人排隊食我仲專登帶朋友去食 個個都話唔值呢個價 我都幾失望 一碗野都$155 加茶錢再加一 最緊要係味道一般 我朋友叫左碗拉麵 $99 佢話完全唔飽 唔知食咗啲咩 …Read More

$80一碗，質素差到爆 啊，叫咗碗黑蒜油湯 成碗嘢都係冇黑蒜味 就好似豬骨湯加咗水 淡而無味 都未試過食一碗拉麵食淨咁多 （我加咗好多七味粉，所以個湯底好似好濃）塊紫菜係可以溶於湯中 …湯底無味突顯到塊叉燒好鹹最尾嬲嬲地去買咗個包食..…Read More

今日下午已經訂定座 今晚同男朋友食呢間味食過既雞煲店 7:00去到一枱都無 心諗「包場」🤪點知過多陣就好多人 原來係我地早😂一坐底 叫左個288既plan 因爲有海鮮😍 (海鮮不是任食）（牛不是任食)首先一人一隻凍蟹 幾鮮甜雞煲方面 佢有分麻辣雞煲或者藥膳雞煲 老細推薦我哋食藥膳雞煲 (不含味精）上菜會一part一part 咁上 我覺得咁樣幾好 唔會浪費咗煲湯底最原始嘅味道 我哋差唔多連煲湯都想飲晒 因為好好飲 好保 加上今晚天氣又有啲涼涼地 飲完好舒服 之後到食雞 啲雞好嫩 認真好食 之後到海鮮 海鮮今晚分別有 (鮑魚 花甲 帶子 龍躉片 粗大嘅蟹柳 仲識郁既蝦) 之後就開始自己畫紙叫野食 佢啲野食都好高質 例如章魚墨魚丸 真係有章魚係入面 香菇貢丸真係有好多香菇 啲貨色完全唔似出面任食果啲咁 之後就要講 出乎意料之外好食既！ 就係佢地既炸物😋 真係好正 ！真係好正 ！真係好正 ！真心既說話要講三次！好食到叫老細去開間炸物鋪🤣尤其是係個南瓜薯餅 從老細把口得知 佢啲炸物有限定 間唔時會轉下款 希望老世睇到我呢篇文會保留番南瓜薯餅🤩總結黎講 好高質 對得住個價錢 唔講咁多 去圖👇🏻👅…Read More

之前有一直有留意開平昌 睇好評 個個都讚有次打去訂枱 佢話full哂 要十點打後 前日終於同男朋友去食左本身訂8點 佢又話full左 要9點先有位可想而知 人氣唔錯本身都唔抱好大期望 睇一睇餐牌又有蝦 生蠔 扇貝 當場心諗呢餐一定唔平（當時一直無睇到價錢）主點 佢啲肉類唔似某啲放題咁霉霉爛爛 落單紙係膠片 可重複再用 值得讚 環保👍🏻👍🏻到左賣單既環節 心諗呢餐兩個人無六百蚊走唔甩點知一睇 係414先207一個人 好抵食 我同我男朋友食足2個鐘野飲唔多冷面唔好食爐邊蛋唔好食其他都唔錯…Read More

琴晚係我第二次食炑八同朋友叫左個二人餐 有牛 有豬 有蝦 有八爪魚 有雞 佢個擺設好有心思所有配菜無限添加 添左三轉芝士 兩轉旦 生菜 芽菜配菜有個雞脾菇 幾好食我覺得成餐飯最好食既就係佢套餐有個安東雞 一開始仲以為係豬手😂佢安東雞既汁好正 裡面既粉同蘿白吸哂啲汁 好好食 啲肉幾嫩 堅好食服務唔錯 有個靚仔哥哥成日會提醒我地換板 唔好既地方就係 塊板有啲細 同埋食完個身 好大油煙味 依家韓燒都好流行衣服清新劑比人噴下但琴日眼見就唔覺有二人套餐588 加埋一 Total 都六百四十幾蚊 …Read More