timchu0402's Profile

今次一家四口去食飯，整體感覺超滿意，每一道菜都各有特色。🐟 福建紅糟鰻魚：鰻魚炸得外脆內嫩，紅糟香氣濃郁但唔會蓋過魚肉鮮味，好下飯。🍜 廈門沙茶麵套餐：湯底沙茶味香濃，配料豐富，麵條掛湯力強，成碗充滿家鄉風味。🍲 蟲草花准山燉雞湯：湯頭清甜帶草本香，雞肉嫩滑，飲完成個人暖笠笠。🥩 白切羊肉：羊肉鮮嫩冇羶味，配上醬料更能帶出肉香。🥘 菌菇酸湯牛肉泗粉套餐：酸湯帶微辣，牛肉滑嫩，泗粉吸滿湯汁，酸爽開胃。🥗 山蘇拌球菌：口感爽脆，菌香突出，算係一道清新解膩嘅小菜。🍵 黑蒜粒竹笙燉雞湯：黑蒜甜香加竹笙清香，味道層次好豐富。🦪 黑松露蘆筍炒帶子：帶子煎得啱啱好，嫩滑鮮甜，配黑松露同蘆筍，香氣同口感一流。🍮 椰奶銀耳燉桃膠：甜品好驚喜，入口清潤，椰香同桃膠好夾，完美收尾。✨ 總結：四口之家試咗咁多款，無論係湯品、主食定小炒，都保持高水準，夠晒豐富，味道同健康感兼顧。真係一餐滿足到大人同小朋友！…Read More

去莆田食飯，真係覺得每樣都好有驚喜！✨🍴 黃金脆皮鰻魚尾：外皮炸到脆卜卜，裡面嘅鰻魚肉滑到不得了，香口又唔膩。🍲 山泉水煮活鰻魚：湯底清甜，鰻魚新鮮冇腥味，飲落好舒服。🥩 家常豬蹄凍：Q彈爽口，膠質感滿滿，加少少蒜醋味，超開胃！🥮 黃金荷葉包：包身軟綿綿，帶淡淡荷葉香，好特別。🥬 金湯時蔬：南瓜湯底甜甜地，配埋清爽蔬菜，感覺健康又解膩。🍜 興化炒米粉：招牌之選！炒得乾香分明，每條米粉都有蝦米同醬香，好有鑊氣。總結：每一道都好有水準，莆田真係會令人想再返去！❤️…Read More

傳統粵式火鍋的基礎上，陳儀興玫瑰餐廳以精緻選材及調味見稱。今次品嚐的數款菜式，整體水準相當穩定，部分更具驚喜。青花椒鮑魚雞煲此煲乃全場焦點。雞肉嫩滑，鮑魚爽彈，兩者於湯底中相互交融。青花椒的清香與微麻感令湯底層次更豐富，既提升了香氣，亦保持了清爽感，適合長時間作為火鍋基底。唐生菜簡單清燙後入口爽脆，葉底仍保留鮮甜，與湯底的麻香形成平衡。手切牛（細）肉質新鮮，油花分佈均勻。厚薄切割恰到好處，輕涮數秒後保持嫩滑口感，肉香突出。韭菜餃（菠菜餃）餡料份量充足，韭菜的辛香與菠菜的清香結合，平衡度佳，不會過於油膩。餃皮厚薄適中，口感彈牙。蘿蔔片選材新鮮，煮後依然保持爽甜，吸附湯汁後風味更濃郁。豆腐質地細嫩，吸湯力強，入口滑順，是火鍋中不可或缺的元素。總結陳儀興玫瑰餐廳在傳統與細節之間掌握得宜，無論是主打的青花椒鮑魚雞煲，還是配菜與飲品，都展現出均衡與用心。整體用餐體驗令人滿意，值得推薦。…Read More

今次試咗佢哋嘅 Lv.2套餐，主打美國 Prime Grade 牛肩胛肉，再配合養生藥膳花膠雞湯底，感覺相當滋補。湯底藥膳花膠雞涮涮鍋入口清甜，藥材味唔會太濃，反而帶出雞肉鮮香，加埋花膠，湯頭更顯得厚實養生，飲落好舒服。肉類•Prime Grade 美國安格斯牛肩胛肉：油花分佈均勻，入口軟腍又帶牛味，稍涮幾秒就已經非常嫩滑。•西班牙無激素豬肉片：肉質乾淨爽口，冇腥味，食落清甜，對比牛肉係另一種層次嘅口感。配料•手工三寶丸：彈牙有咬口，每款丸子都有自己獨特味道，唔係一般速凍貨色。•濃芝豆腐燒：芝士香味突出，配火鍋食好惹味。•台灣腸：口感爽脆，帶少少鹹香味，幾特別嘅配搭。仲有好多樣食物任食架！真係寫都寫唔曬。整體嚟講，呢間餐廳食材質素唔錯，湯底健康養生，肉類新鮮，配料有特色，啱晒鍾意台式火鍋又想食得滋補嘅人。…Read More

📍咩記打邊爐｜打邊爐界嘅隱世高人🔥未落單已經聞到隔離枱蜆香～我哋一行人即刻點咗個【卜卜蜆濃湯鍋】，一打開蓋——蜆嘅鮮味好似打我塊面咁直接🫣🧄🥩【挑骨雪花牛】– 脂肪分佈靚到好似藝術品，涮5秒，入口即溶，肉汁直噴喉嚨！🐑【羔羊後腿肉】– 啲羊唔鬧人，又唔臊，完全係高質外表＋溫柔靈魂，港女都愛💘🦴【招牌高鈣肉】– 真心嫩！而且唔臊！食完想問老闆：你啲肉係唔係讀書讀得多所以咁斯文？📚🥹🥬 菜類方面：油麥菜鮮脆唔老，白藥蔔浸湯變成中藥界既豆腐，包仔豆腐真係「包到盡」，吸晒湯底精華～🫕🍑 飲品推介：【水果蜜桃茶】～啖啖果味+少少清甜，好啱平衡口腔，食肉唔會覺得膩😌⸻⚖️ 總結：如果你唔係為咩記而嚟，咁就真係錯過左火鍋界一位「溫文儒雅、內外兼備」嘅師兄👨🏻‍🍳💯下次再去我想打包個蜆湯返屋企做facial。…Read More

一入到大紅袍，感覺自己已經坐定等升天，因為——湯底香到好似仙女落凡塵！身份證上有以下呢4個號碼仲可以下凡比個優惠你1，5，7，9（重複同括號入面唔計）- 1個字9折- 2個字85折-3個字8折- 4個字75折五指毛桃椰子雞湯底第一啖湯入口，我差啲想唱《飄洋過海來看你》。五指毛桃同椰子完美拍拖，雞湯仲滑到好似化妝後嘅皮膚，完全無得輸。大紅袍牛肉五拼五款牛肉一齊排隊等涮，感覺就好似開演唱會嘅男團，每一片牛都嫩到好似想同我講：「快啲拎我落湯啦！」入口軟嫩得嚟又牛味十足，簡直係「涮界天花板」。九肚魚魚肉細嫩得嚟，滑到可以幫你做滑水表演，仲帶少少膠質，感覺自己食完連皮膚都upgrade咗半個色號。雙籽鮮蝦雲吞啖啖鮮蝦，彈牙程度可以用嚟打鼓，食完仲有一種想返台山拜下海鮮大神嘅感覺。油麥菜唔係普通青菜，涮完吸滿湯底，好似湯底嘅Wi-Fi signal，滿格接收晒所有精華。山水豆腐、蘿蔔片、土豆片豆腐嫩到我夾佢時手都震，蘿蔔片同土豆片就係湯底最忠實嘅「追星族」，一煮就吸晒湯底嘅fans光環。咸柑桔檸梳打水（杯）飲完一口即刻「醒神」，酸酸鹹鹹帶甜，洗晒火鍋油膩，好似火鍋界嘅解毒藥。總結：食完我心入面得一句——「世上無難事，只要有牛拼！」 大紅袍絕對係火鍋界嘅頂流，涮完返屋企都想再book下一場。…Read More

🥓🔥【韓燒大叔——食肉獸的天堂 VS 渣男的地獄】一入門已經聞到炭火＋肥牛脂嘅香氣，成個人即刻進入「要燒要燒要燒」mode🔥坐低冇3分鐘，我個friend已經烤到成個爐似火山爆發🌋🥩 牛肉多到似開咗大屠殺 🐮，豬腩肉油脂分佈得靚過我嘅皮膚，雞髀肉滑到可以做眼膜👀旁邊啲雞肉、豬肉、泡菜…根本係肉類天團嘅最佳伴舞組，跳得又辣又夠味💃🍺 配埋支韓國燒酒，講真，你叫我唱《愛很簡單》我都可以唱畀牛聽🎤🐄⸻👨🏻‍🍳【韓燒大叔服務評語】阿叔人好好，會幫你夾肉、換網，熱情程度堪比你阿媽問你食唔食多碗飯🍚但佢唔係你阿媽——佢唔會問你幾時拍拖🙃⸻💡【總結】📍 環境：燒完出嚟成件人變煙肉，但係開心💰 價錢：比起分手痛苦，抵好多💥 飽足感：高過你前度畀你嘅安全感🥩 肉質：可以拍韓劇嘅水準，唔係普通街坊level⭐️⭐️⭐️⭐️⭐️ 5星認證：韓燒大叔 = 燒肉界的男神 + 胃部的英雄🔥…Read More

莆田由頭盤到湯品都展現出品牌對福建菜的堅持與巧思。幾道招牌菜更是令人印象深刻，味道與食材搭配均有層次。🥣 冬瓜哆頭蟶湯第一啖入口，我隻眼差啲飆淚，真心以為返咗媽咪屋企。冬瓜滑到好似有Filter，蟶子又大隻又甜，湯底清中帶濃，感覺自己五臟六腑都被安慰咗。呢碗湯 = 養生界嘅鵝肝。🦐 蝦苗頭水紫菜望落平平無奇，一食——Wow！紫菜鮮到以為係潛咗水返嚟，蝦苗鹹香開胃，一啖食晒覺得有啲唔夠分量，建議點兩碟（真心）。🥟 黃金荷葉包呢個一上枱我已經舉機影三次，外皮金黃酥脆，咬落去內餡甜中帶鹹，好似個細個阿嫲煮畀你食嘅感覺～眼泛淚光那種🥲🥬 金湯時蔬平時食菜我會偷懶，今次唔！金湯好香，連菜都升呢，食完覺得自己冇咁罪惡，可以多食幾件荷葉包。🍜 興化炒米粉真係有驚喜，炒得乾身唔痴牙，炒功有料。每條米粉都吸晒精華，覺得好似食緊福建版乾炒牛河。推爆！🍋 桂圓檸檬烏龍茶解膩救星！茶底香，桂圓甜，檸檬勁Fresh，飲落即刻想報瑜伽班，再計劃人生。飲完有種自己變靚咗嘅錯覺。🌶 辣媽辣椒醬最後買埋友醬，辣得過癮！唔係燥喉果種，係後勁湧上黎你會想拍枱叫Bravo果隻～撈米粉、點包、淨食都掂！…Read More

📍【燒烤堂 Tsuen Wan ｜燒肉界嘅撩人高手】🍢 一坐低就被食物迷暈——枱面啲串燒靚到以為入咗串燒選美決賽👑每條串都油光閃閃，好似對住條六舊腹肌嘅韓國男團主唱咁，唔食對唔住自己。🥩 和牛棒（配松露一口飯）＝戀愛陷阱：一咬爆汁，啲牛脂滑過我條舌，好似初戀男神對我講「今晚你最靚」。入口即溶，再睇唔到前度個樣了，因為我眼中只得和牛。🍳 豚肉節瓜波板糖：重口味界代表！香得嚟有層次，黏得嚟又唔膩，我差啲叫侍應整個碗飯嚟撈！🥬 配菜唔係陪跑：西蘭花苗、翠玉瓜完全唔輸陣，唔係嚟陪跑，係嚟加分。食到一半突然有種錯覺——自己食緊健康嘢🤡更多不能盡錄焦糖鰻魚芝士玉子燒浜燒日本活北寄貝厚切鹽燒牛舌拖羅鹽燒A4宮崎和牛鹽燒鮮三黃雞腿肉⸻😎【食後總結】✅ 肉香 → 濃✅ 氣氛 → 有啲似開心肥仔聚會✅ 飲品 → 芒果梳打解膩 top 1✅ 價錢 → 肚滿心滿無破產✅ 服務 → 阿叔笑得比我老闆真誠📢 提提你：記得唔好著香水去，因為出嚟會自帶燒肉香，成個人變行走嘅炭火套餐🔥…Read More

北角一間宮廷裝修風格嘅任食火鍋店，除咗店內風格有獨色外，性價比亦係非常高。揀咗$298任食自助鍋湯底選擇咗花膠雞湯，另有麻辣、番茄同大骨湯可選擇。肉類同火鍋料可用QR code落單，肉類推薦日本和牛、美國安格斯肩胛肥牛同美國安格斯頂級肥牛三款，火鍋料千層豆皮亦係點必。熟食區有小龍蝦同炒飯等。海鮮區有蟹、鮑魚、蜆同蝦等，生生猛猛任你撈。蔬菜區種類亦都非常豐富。飲料同甜品區選擇好多，仲有豆腐花🤤。大西洋海鮮火鍋 (北角)北角英皇道395號僑冠大廈地下28-31號舖…Read More

莆田嘅福建菜真係最次嚟食都會有驚喜，成日都會有新派菜式推出，蟶子節更加係每年都必定要嚟試😋。豉椒炒哆頭蟶肥美蟶子吸引曬豉椒嘅精華，熟度炒得啱啱好，一D都唔韌，非常之爽口，辣辣哋咁越食越過癮。福建土筍凍口感同賣相都似啫喱，口味酸酸辣辣咁係非常之特別嘅菜式。莆田荔枝肉嚟親莆田幾乎都必食嘅菜食，似咕嚕肉但無咁酸，取而代之係荔枝肉嘅香甜。金湯時蔬用南瓜同胡蘿蔔等蔬菜熬製嘅高湯配搭時令蔬菜，湯汁濃郁，風味獨特。燕皮扁肉湯福建傳統嘅一道湯，燕皮肉香味十足，加上清甜湯頭，兩者配搭非常之夾😋。莆田 (荃灣)荃灣大壩街4-30號荃灣廣場L4樓416號舖…Read More

朋友介紹嚟食係佐敦嘅一間泰國餐廳，佐敦地鐵站c2出口行幾分鐘就到。酸辣椰汁雞湯揀咗BB辣辣度啱啱好，同檸檬汁嘅酸味好夾，配合埋椰汁嘅甜味口味夠豐富，口感亦夠順滑，越飲越開胃。鐵板蠔餅同平時食開嘅蠔餅唔同，唔係用煎嘅係用鐵板炒嘅，嫩滑嘅炒蛋配埋入口順滑嘅蠔估唔到都幾夾，蠔嘅鮮甜味有好好保留。麵包咖哩軟殼蟹名不虛傳嘅麵包咖哩軟殼蟹，香甜濃郁嘅咖哩完全浸入晒係麵包入面，軟殼蟹外脆內軟口感超滿足，每口層次都非常豐富😋珍多冰每次食東南亞美食如果餐牌有都必點一杯，珍多粉夠晒多，正🤤。泰灜 (佐敦)佐敦吳松街141號地舖…Read More

旺角黑布布呢邊越嚟越多好嘢食，要數個人第一位一定係申子居酒屋，每次嚟食都保持到高水準同質素。極上鹽燒牛舌芯口感軟腍之餘帶少少彈牙，入口鮮嫩又多汁，肉味同鹽香配埋一齊超夾。重量芝士玉子外層係燒過嘅超重量級芝士，入面係蛋香濃郁嘅玉子燒，咬落仲有勁多蛋汁。關東煮居酒屋必食了小食，魚湯夠濃，食材有蒟蒻、蘿蔔、紅板魚蛋、魚餅等，每種都用晒味。日式雞鎚花蝦炸到外層脆卜卜嘅雞鎚混埋花蝦，內裡啖啖肉，雞肉同蝦肉兩層口感又夠豐富，食落香口惹味。日式醬油炒飯實而不華嘅醬油炒飯，每粒飯都浸入晒醬油，粒粒咬落都帶有醬油香味。柚子乳酪梳打青蘋果乳酪梳打居酒屋食嘢唔一定要配酒，配返杯乳酪梳打都夠晒爽。申子居酒屋 (旺角)旺角黑布街74-76號藝興大廈地下1號舖…Read More

大角咀一間日式復古風格裝修嘅日式餐廳，打卡一流之餘食物質素亦超有水準。招牌鍋料理二人餐+小食兩款關東煮燒和牛牛舌牛舌賣相燒得好靚，食落口感彈牙，肉準超豐富。洋食雞翼外層燒到焦脆，仲鋪滿晒醬汁，雞肉夠嫩味道又夠晒惹味。岩手縣和牛西冷+澳洲和牛肩胛食完小食後，店員就會開始幫手煮壽喜燒，仲有埋蛋汁俾你配搭一齊食，岩手縣和牛脂肪比較豐富，有溶化口感，澳洲和牛就較有口感，肉味較濃郁。壽喜燒黑松露燉飯最後仲有黑松露燉飯，壽喜燒汁浸入埋之前煮和牛同蔬菜嘅香甜味，入口夠creamy又惹味，食晒一大碗，超正。菠蘿百香果乳酪烏龍柚子乳酪烏龍乳酪配烏龍茶原來都幾夾，果味夠，配合埋烏龍茶令甜度啱啱好。洋食商店 (大角咀)大角咀利得街11號利奧坊·曉岸地下G504號舖…Read More

又俾我係觀塘搵到間三嘢，放題任食性價比高之餘仲有勁多特式泰國嘢食，絕對會再嚟食。有三種套餐，我哋揀咗set B 澳洲產下肩胛肉眼餐。套餐包嘅食物可以Qr code任點，肉類推介澳洲產下肩胛肉同澳洲產草飼羊肩肉。+$45就有親身捉嘅飽魚同海蝦放題，仲有冰鎮筒俾你放，食落夠晒新鮮。另外仲包咗5選1菜式，分別係特色泰金烤魚煲 /風生水起秘撈雞/ 藤椒烤魚煲/農家回味雞煲/濃湯花膠雞煲，個人就揀咗農家回味雞煲，雞肉好感嫩滑，配合埋醬汁食落超惹味。自助區有多種配料同泰式前菜同泰式海南雞，款式仲要日日都換，保證每次嚟到都有新嘢食。飲品除咗超多種罐裝飲品外仲有多種泰式飲品，甜品同種超多款式，有各式水果、糕點同雪糕雪條。泰金鍋 (觀塘)觀塘觀塘道414號1亞太中心10樓…Read More