好西大帝9898's Profile

想同朋友舒舒服服食餐飯傾吓計，於是就行行吓街發現依間荃灣嘅bar and restaurant，上open rice睇過好似唔錯，所以試下都無防。環境好舒服，燈光就唔係好光猛，但個環境氣氛就幾好。我地就叫左一個set dinner，有跟一個沙律餐湯同埋蒜蓉包。沙律好新鮮，配上芝士碎同黑醋，酸酸甜甜好開胃。今次既餐湯係忌廉粟米蘑菇湯，咸度適中，配料都幾多。蒜蓉包焗到好香脆，蒜蓉同牛油味都好香。安格斯肉眼扒配薯菜紅酒汁，我另外再加多左隻大蝦。肉眼扒好厚，啖啖肉。我叫左五成熟，煎得岩岩好。表面煎到微焦，但入面既肉仲係相當嫩，仲好juicy，一啲都唔韌，肉味好濃，紅酒汁就豐富左肉既味道。加錢個隻蝦真係好大隻，仲見到有啲蝦膏。食落好鮮甜，蝦肉好爽口😋Set dinner原來仲送個甜品，今次係好立克布丁，有好香濃既好立克味，甜度適中，配埋朱古力醬，不錯!…Read More

之前下班要上課，回到元朗家附近已是8時半了，肚子餓極了，想起這間餐廳還未關門，也心思思想吃意粉，來試試無妨。我坐在一個座的高身圓椅子，呆呆揭著餐牌，太累了，不知吃甚麼意粉，店員說海鮮意粉如何？也好海鮮意粉來了，有大蝦、蜆肉、青口，意粉的汁醬是茄汁，提出海鮮的鮮味，海鮮挺新鮮，嚐到本身的鮮味特別是大蝦，啖啖肉的，跟酸的意粉好Match。跟餐是南瓜湯，甜甜潤潤，唔錯，還點了凍的檸檬水，清心透涼的感覺，一個人望著牆上的抽象畫，又凝視寧靜少人的街道，吃著滿足的海鮮意粉餐廳因晚的關係，沒太多人，我的心思好像浮到了一個無人地方，好享受一個人獨處的時間。…Read More

我最喜歡同朋友出街食飯作聯誼，今次去到位於荃灣的肥姐麻辣館吃晚飯安排有超級多選擇，但是我們最喜愛吃的都是雞全雞宴，我哋都叫咗兩款雞一齊食！首先選了一個前菜小食是經過醃制的肉類肉質，變成透明，吃起來口感有彈性，但是味道很辣要喝水秘製麻辣雞有好多辣椒粒，看到已經覺得非常辣反之表面有一部份辣椒是比較淡的，另外有一個部分辣椒比較辣如果唔可以吃得辣的應該要浸一浸水，除了辣又之外雞油亦十分豐富十分嫩而且鮮嫩無比無論是雞髀附近或者雞胸位都唔會鞋口，辣味十足非常過癮口水雞都是辣雞但係用不同方式來整，這個口水雞不算很熱香辣無比雞件比起麻辣雞更加難更加刺激而且又芝麻好豐富這個令人連雞皮都想食埋一份…Read More

前幾日同同事放工去左長沙灣附近覓食，路過青山道附近見到呢間裝修都幾靚既燒味店，哈，好少見到有燒味鋪門面咁靚嫁喇，心血來潮，好！入去試一試先!入到去，坐定定，睇左一輪餐牌，店員見我地幾個都有選擇困難症就主動行過黎向我地推介拿手小菜。我自己就叫左個燒腩仔貴妃雞飯，再同同事叫左個五香牛腱同埋溏心豬手。7至8分鐘後首先上既係我個燒腩仔貴妃雞飯，份量充足絕對食得飽！燒腩仔都交足功課，吾會話係果啲擺左好耐，塊皮淋哂既貨。至於貴妃雞就無特別啦，正常。五香牛腱同溏心豬手亦都陸續上到。五香牛腱既水平超過我預期普通燒味店既質素，花椒八角既香味好重，擺係度都聞到，正👍🏻 至於溏心豬手都ok 既，作為成餐之中唯一一道甜餸係幾特別既，不過溏醋味啖左小小。食食下，啲店員(懷疑係店主😂)見我地食左咁耐又無野飲就極力推介左店鋪自家推出既健康飲品系列俾我地。好啦，咁就黎個柑桔酸梅湯啦。燒味黎講總算係高質👌🏻…Read More

有一天經過中環那邊，普普通通吃了個dinner，這間餐廳就在附近了，而且是在斜坡中間，非常有趣。蟹肉＋蟹汁飯味道也OK，份量適中，飯也比較軟熟一點，汁裡少了一點蟹應該有的香味，咸香方面稍有不足。不過蟹肉也香的，至少是真正的蟹肉，份量不多。整體感覺中規中舉，如果經過也可以一去，畢竟香港有真正蟹肉的餐廳也不多，要不就是貴到一個點。…Read More

隨手買飲品，選了個比較有特色CHOCOLATE PARADISE WITH CREAM@TALL SIZE 夏天比較適合，好像沙冰一樣的質感，每一口都有很碎很碎的冰,吃起來很清爽，而且甜甜的味道剛好,朱古力味也夠香，有一粒粒的朱古力。上面cream都很滑，好smooth而且有一些朱古力醬，so sweet！如果以一杯$3X的飲品來評價，我覺得還是幾值得的！…Read More

有時慳錢食飯都會去食一啲飯盒，只係十幾蚊超級平。燒腩、叉燒飯有兩個餸都只不過係＄17 ,係好多地方都食唔到。個燒腩整體偏瘦，不過好就好在唔係太鹹，個皮都有少少脆，叉燒都係比較瘦但係都夠香味，分量唔算太少，下面嘅飯起碼有一碗以上嘅份量一個人食一定夠，仲有一啲燒味豉油加落飯度加得好味，本身啲飯嘅質素一般但係呢個價錢唔應該要求啲咩，有得食已經好好。…Read More

今個禮拜六同屋企人專程去左太子拜訪傳說中殿堂級既扒房....金鳳！我地淨係去到門口已經感受到佢遠近馳名既程度，淨係等位到排哂隊。等左大約45分鐘，入到去坐底連餐牌都無俾我地。好彩我地一早係等位果陣已經睇好哂食咩啫，服務認真麻麻。點左個T 骨扒，上餐時間大約15分鐘啦，都算快嫁喇，要招呼咁多人。6成熟既扒，肉質一流，最正既點綴位係啲生蒜！加埋啲蒜蓉汁真係無得頂！價錢方面正常啦，吾算貴，百幾蚊個餐，值得一試既…Read More

同女朋友同埋佢屋企人禮拜日去左食既一間正正常常既西餐廳。一入到去比人既感覺都幾舒適。坐低叫左個海鮮拼盤，炸鱈魚柳拼薯條，卡邦尼意粉，火腿蘑菇risotto 等等既野食。其實野食就好一般，行貨。但係反而飲品方面幾特別，淨係啤酒既menu 都有六版。我就當然吾執輸啦！叫左個玫瑰花味啤酒，玫瑰花果種甜香好入味，加上價錢吾貴，一支都係$46 啫。如果你話吾去食野，淨係去飲野既話呢度都係一個吾錯既選擇。…Read More