Alicehiu's Profile

上網見到post寫住逢星期三$128 任食3款炸雞，加30任飲hite。比佢吸引左就即刻去試😋 炸雞放題有兩個選擇，分別係$120 3款炸雞任食， $140 9款炸雞任食。睇完menu之後，選擇左任食3款炸雞，即係招牌炸雞，大蔥炸雞同蒜味炸雞。而當中，招牌炸雞最好味😋 大蔥同蒜味的味道都幾相近，而個人唔太好蒜味雞個種甜甜地醬。大蔥雞就不過不失。叫完第一round試哂3種味之後，剩係encore招牌炸雞。d雞其實都上得快，上碟個時仲係好熱，表面好脆。而招牌的面仲加左黃色芥末醬，減低左油膩感。雞肉入口嫩同juicy，粉感又唔重。炸雞整體感覺唔錯。…Read More

呢個位只有呢一間日本餐廳賣壽司，見到個時真係幾開心。好似沙漠中見到水一樣。而且見係小店，所以支持下。但，我錯了，試完之後，真係好難食，其實睇相都知個質素係幾唔掂😑 食完之後係會發現，連鎖餐廳既壽司係人間美食。壽司的飯好乾身，好似放左好耐咁既感覺。面既三文魚刺身，好薄，好瘦，完全無三文魚味。雖然單件係4蚊，但....真係連鎖餐廳既好食好多。帶子壽司，好細件，無甜味，好薄。食完個口仲會有腥味😑 未試過食完壽司個口係會腥，已經點左wasabi。然後，海膽帶子壽司，係臭既😑 面個一少醬咁既海膽 完全唔值個價錢。其實呢餐係家人買的，因為喜歡食日本野。如果我係店入面見到呢個質素既壽司，係唔會買。…Read More

morton's of chicago 既牛扒好有名氣，所以就黎試下。首先，餐廳內的環境有情調同浪漫，因為燈光昏暗又面向維港，適合情侶享受一個浪漫dating。點完主菜無耐，就會送上一個蒜蓉餐包。剛上的時候，餐包微溫，蒜蓉味幾香，表皮脆，但包身略為乾，唔夠鬆軟。凍左既時候特別明顯，如果包可以做到軟身同濕d就更好。包係搭配忌廉，但味道不太夾。主菜選擇了西冷牛扒。牛扒肉味濃，而個面烤到好香，整體都幾好食。但驚喜不大，可能對呢間餐廳既期望值大，只能說質素係符合預期。另外還點了一碟忌廉菠菜，反而呢碟超出預期，忌廉芝士同菠菜比例岩岩好，忌廉無搶到菠菜既味，菠菜又嫩。唔錯。除左食物質素之外，另一樣是提既就係服務。其實book枱個時已經知道，餐廳係分開兩個時段，分別為1800-2000/2000-2200。咁我地揀左6點鐘既時段，開頭都正正常常，侍應會黎介紹牛扒同問返你d野食岩唔岩咁。但去到7點左右，侍應就過黎問你d野食完未，仲要問左2-3次，對於一間高級餐廳黎講，咁做係趕客，因為我仲未食完塊扒，菠菜同包都未食完，酒又未飲完。侍應幫我地斟酒個時，d酒係會滴係枱布上。成餐飯感覺其實一d都唔高級，只係得價錢高級同環境高級。因為以往食牛扒都會叫一支紅酒，其他地方既侍應係會好小心咁轉個酒樽一圈同用布抹個樽身，如果都係有一小滴溜落個樽到既話。雖然係好細微既野，但係顧客既體驗就會係另一個層次。總括而言，食物其實驚喜不大，唔會有一食入口就驚為天人感覺。但服務質素真係唔似高級餐廳，唔會再想黎食。…Read More

叫左兩個餸既酸辣小鍋米線唔辣，分別係豬頸肉同雞絲。豬頸肉係醃完再炸，好爽口同香。雞絲不過不失。清湯米線係豬骨湯底，都夠味但略嫌唔夠酸，若然可以調高酸味就吸引好多。米線口感彈牙，唔會硬身同淋。整體不過不失，酸度可以再強d。…Read More

叫左個tea set + 一串活鰻串燒1. 牛肉肉味濃同嫩，但略嫌燒汁味道不夠濃。成碟飯無乜味。2. 活鰻串燒個皮燒到好香好脆，但咬落去帶點腥味，已經唧左檸檬汁，魚肉未夠彈牙。結論：整體感覺一般般，味道可以重多少少。…Read More

呢間餐廳已經開左好耐，但一直無意慾試。但之前係某間飲食雜誌見到介紹呢間餐廳，賣相唔錯，就的起心肝試一試佢。我叫左一個燒春雞的set dinner外賣，盛惠110。係呢個屋邨地方黎講，呢個價錢係貴。返到屋企，打開個外賣盒見到隻雞既賣相真係好吸引，香味都好濃。以為好好味。但....食第一口，已經講緊係雞脾位的肉，係完全無味。已經唔理肉質鞋唔鞋，係連味都無。望落好似好脆身，但係淋既。可能我叫外賣關係。🤷🏻‍♀️然後，諗住d肉無味，咁就點下汁一齊食。係連d汁都無味。完全係無味。。我連咸味都食唔到。110蚊得半件雞，係完全唔抵食。亦都唔值得試。…Read More

係附近搵野食，上openrice見到呢間餐廳有唔少人like，貌似唔錯，就諗住試下，支持小店。叫了一碟明太子意粉，一碟慢煮西冷牛加薯條。1. 明太子意粉好咸，咸到完全食唔到。要換過第二碟先食到。佢地解釋話係明太子本身咸，所以意粉就偏咸。但其實成碟意粉明太子的份量只係佔好少。值得讚既係，同店主反映完好咸食唔到，可唔可以換過碟既時候，佢都願意換過碟。服務唔錯2.牛扒好硬好韌，基本上係無咬過就吞。成餐飯最好味就係薯條。總括黎講，係唔會有下次再幫襯。因為個人口味唔岩，所以性價比好低，唔抵食。…Read More

環境裝修好靚，好適合情侶食浪漫晚餐。但食物質素一般般。餐前麵包好油，麵包的底部全是油。紙碟裡的油是好明顯有一滴滴溶化了的牛油。牛扒方面叫了7成熟，但牛扒面太熟，有點結焦。建議下單時比平時食既熟度再生一點。價錢合理，基本上因為價錢平，再加環境一流。會再回顧。…Read More

瑪加列是澳門最出名的葡達售賣店，專程到這間分店飽嘗。但此店的員工態度極之惡劣，令我大感失望之餘亦不再願意花費任何金錢及推介予親朋。葡達的味道亦很一般，完全不值。…Read More

芋頭酥是最喜愛的台灣小食。看見網上推介此店有芋頭酥售買，便專程來一試。芋頭酥一件盛惠HKD15，這價錢標得貴。但基於喜愛亦購買一試。但無奈口感不夠酥，失望，完全不值這價錢。(台灣一盒8件盛惠港紙30多元) …Read More

想享受saturday brunch又唔想過海。網上眼見此cafe備受好評，兼食物多元化。單是all day breakfast已有好幾樣選擇。抱著試試無妨心態到訪。甫進內，店舖裝修別緻，藍色絲絨梳化搭配白色雲石餐桌。未開動，先享受極佳的舒適環境。環境舒適，座位闊落，與友人享受一個懶洋洋的下午。況且價錢親民，食物質素不遜酒店式下午茶。以後多一個好去處。焦糖waffle waffle充滿驚喜。十個贊!!!!!賣相已極為討好，口感脆中帶軟。不會太硬亦不會太軟身如鬆糕般。雪糕亦相當滑，充滿牛奶味。此配搭剛剛好。卡邦尼意粉意粉彈牙，汁調配適中。整合感覺不俗。Lattle很香很濃郁咖啡味。總括而言，cafe charm's 是值得一再去的餐廳。服務好，食物質素佳，環境舒適，價錢親民。充滿驚喜。…Read More