Estherfoodie's Profile

午餐想食西餐，所以再去一次這個餐廳，今次要試試他的漢堡包和沙律。安格斯漢堡包配薯條，配大啡菇啡菇非常鮮美，肉身厚而且多汁，同漢堡包真係好夾，包好大個，足夠一個大男人食飽飽，旁邊仲有好多薯條🍟😋😋吉列炸魚牛油果班戟、沙律配鮮果乳酪厚厚的一份，再加一杯鮮雜果乳酪，真係香脆又健康，如果鍾意食魚柳，一定要試一試Proton Snack Platter雖然炸脆咗，軟殼蟹仍然好有蟹味，一啲都唔油膩拼盤還有脆炸雞翼非常入味，食到停唔到生暗瘡都抵😅芒芝雪山我鍾意食芒果，當然要試試鮮芒果朱古力蛋糕加雪糕加格仔餅🧇聽落去都好豐富，口感當然更豐富。污糟提拉米蘇香到不得了，朱古力味濃郁再加朱古力醬加朱古力粉，完全陶醉喺朱古力當中。極為滿足的一餐。…Read More

暑假完咗仍然想去旅行，就去韓國料理食一餐當自己去咗韓國。入到去當然要試吓韓式大醬湯，粉絲，飯團同埋最緊要食烤肉大醬湯確實有韓國風味，橙紅色的外表已經夠晒吸引，而且非常足料飯團每一舊都圓轆轆，十分可愛，裏便充滿紫菜和芝麻水冷面韓式粉絲Q彈，上面仲有隻蛋，賣相一流，而且好有內涵烤牛排骨套餐肉汁滿滿直頭滴晒出嚟，肉質非常新鮮另外仲有滿枱小食。個人就最鍾意食芽菜，芽菜勁香，爽脆，泡菜當然是另一重點，食韓國嘢唔可以少得泡菜嘅存在滿滿的一餐確實有身處韓國仍在旅遊的感覺…Read More

去大圍圍方食飯，正值暑假，周圍人山人海，加上停車場下午六點後有泊車優惠，只需用電子消費滿$200可免費泊車4個鐘，應該吸引好多揸車人士😀😀點咗二人餐小食：馬來特色炸豆腐主菜：文華海南雞飯海南雞真係好滑滑，已經去骨，而且配上幾種醬料，本人最喜歡雞茸，同雞原味配搭主菜：星洲海鮮炒貴刁有大蝦同帶子，好大份蔬菜：蠔油小棠菜菜好新鮮，菜頭唔會苦，好食飲品：凍檸檬水另外加配甜品：雙球椰子雪糕裏面有粒粒椰絲和清甜的椰子味，非常推介😊😊另外加配沙嗲串燒拼盤雞肉和牛肉都好好味😊兩個人食真係飽，我哋盡力食，唔做大嘥鬼😊😊😊…Read More

中午時間在金鐘想食點心，同朋友傾吓偈，可以嚟力寶軒，呢度比較闊落，環境不算嘈吵。翡翠帶子餃（三件） $78 帶子好大隻，上面有香脆蟹籽，好清甜，下面隻餃都好好味煙鴨胸鹹水角（三件） $68鹹水角食得多，煙鴨胸餡第一次試，味道出奇地，而且鹹水角外脆內軟，炸得剛剛好，非常推介灌湯小籠包（三件）$48小籠包充滿湯汁，皮薄餡靚，值得一試炸奶皇包（三件） $48感覺似有流沙餡嘅炸饅頭，香脆海蜇手撕雞 $108海蜇份量多，脆卜卜好好食香煎蠔烙 $168跟大排檔食嘅蠔餅不一樣，呢款係蠔烙，唔係行脆卜卜路線，粉漿底比較多，軟腍腍的另加茶芥$26一位，小食$28一碟…Read More

呢間甜品店終於喺屯門開分店，裝修跟銅鑼灣店風格一樣，離遠見到就認得黃豆粉刨冰刨冰好大杯，有兩隻手掌咁大杯，刨冰軟綿綿，上面灑滿金黃色的黃豆粉，黃豆粉多到差不多見唔到刨冰嘅真身，真係好正，每一啖刨冰都會食到黃豆粉，刨冰同黃豆嘅味道完美地結合😋😋😋抹茶檸檬蕨餅食日本甜品一定要試抹茶味，個人覺得這是日本的特色味道，甘甘地嘅抹茶配上檸檬味，融入QQ的蕨餅，令人見到已經好想食，就算怕肥都食完先算啦😛😛…Read More

去灣仔總會經過這間海鮮店，交通好方便，搭港鐵喺銅鑼灣站落車，行去C出口，向鵝頸橋方向行，大約6分鐘左右就到，門口有好大隻蟹蟹公仔，辨識度很高👍🏻😄😄油鹽水浸蜆份量唔算太細，淡淡的鹽水配上香蔥，仲有粉絲招牌避風塘炒辣蟹隻蟹好大隻，都好新鮮，見到佢生生猛猛，郁嚟郁去椒鹽九肚魚香脆嘅椒鹽九肚魚，係出街食飯一定要嗌嘅美食之一椒鹽特大瀨尿蝦 瀨尿蝦真係好大隻，有四隻手指咁粗脆皮BB乳鴿乳鴿炸到紅卜卜，令立立令人垂涎欲滴…Read More

餐廳係一人一鍋，衛生之餘又可以自己淥自己食，食牛肉有啲人鍾意食生啲，有啲人鍾意熟啲，自己有個鍋想食三成熟又得，五成熟又得，全熟又得，悉隨尊便，非常方便🥰🥰🥰火鍋店強調用騸牯牛，即係出生後至一歲左右會進行閹割，公牛閹割後激素減少，精力保存，脂肪比肉長得多，牛身比較肥美，脂肪會更均勻地分布在身體不同部位，有如雪花般細緻的紋理，難怪咁受歡迎😋😋每碟牛肉都會提供建議最佳煮嘅時間，好細心🫶🏼🫶🏼😋😋除咗牛肉，仲有鮮甜嘅加拿大象拔蚌😋😋擺盤好似幅畫咁靚，有花有樹有草，切得厚薄均勻，每塊大小都差不多，刀工很好，見到每塊都充滿光澤，證明新鮮，新鮮就會爽脆，爽脆就會彈牙，彈牙就會好食，真係一個字，爽！😋😋😋…Read More

夏天熱辣辣，天時暑熱，食完飯當然好想再食凍冰冰甜品，呢間西貢甜品屋裝修別緻，冷氣開放，當然好值得試吓啦🥰🥰🥰有相為證，芒果河粉有好多芒果蓉，亦都有好多芒果果肉，鍾意食芒果嘅朋友仔一定會好鍾意，而且芒果色澤深黃，一睇到都覺得好甜好好味，加埋「河粉」真係一絕，冰涼消暑嘅好選擇朱古力沙冰上面有又厚又香濃的朱古力醬，仲有好多粒軟綿綿又五彩繽紛嘅棉花糖，見到已經垂涎欲滴，食一啖即刻冰涼晒，由口腔一直落到個胃，真係好爽😋😋…Read More

同朋友食飯，食到一肚氣😤😤😤😤😤朋友用會員優惠，送燒鵝一隻，去到點菜，我哋都有嗌其他餸，本來食得好開心，點知好戲在後頭……收錢嘅時候先至同我哋講，原來隻燒鵝係要照收加一服務費，總共$59.8$59.8唔係貴，但奇怪嘅係，半隻燒鵝原價$248 ，呢隻送嘅燒鵝點解會抬高個價，標價$598 ？更激氣嘅係，我地本身禮貌地問經理點解燒鵝講明係送嘅，但原來要俾$59.8 ？陳經理用好惡劣嘅態度問返我哋「咁我有冇講過唔收你服務費啊？冇講過唔收，就即係收啦！ ！ ！我哋不嬲都有收嘅！ ！ ！你唔俾嗰$60我就報警！ ！ ！」我哋好聲好氣問個經理，可唔可以攞個條款出嚟俾我哋睇清楚？如果真係有寫我哋可以比，但佢話：「我唔會俾你哋睇！我哋不嬲都有收，所以今次都一定要收！！！」今時今日咁嘅服務態度，再加暗黑條款，真係好離譜！個經理仲恐嚇我哋，話要報警，又話我地唔滿意就去消費者委員會投訴，但點都要俾錢先走！本人已中伏，警惕各位街坊……🥲🥲🥲…Read More

中午想食brunch, 12點去到人未算好多，只有兩台客，但後來越來越多人，一點左右已經全場滿座，落單先知道lunch免加一服務費，唔怪得咁多人幫襯啦😊😊Lunch餐牌食物選擇貴精不貴多，得3版紙，啱晒我呢啲選擇困難症患者✌🏻♥️蒜烤澳洲西冷扒，有機生菜，薯餅，煎蛋$148😍😍😍😍😍強烈推介，我揀咗五成熟，西冷扒冇用鬆肉粉，但係軟腍腍，充滿牛肉味，亦都有肉汁，廚師明顯用心處理過，令牛肉的纖維軟化，非常好食😋真係好好食😋薯餅好好食，絕對不是快餐店質素煎雞蛋外邊好香脆，蛋黃流心有蛋香👍🏻♥️巴哈馬火腿，煙三文魚蟹柳，羅馬酸種手拉pizza $88Pizza底鬆軟，芝士份量算多，切成6件，每一件都有Parma Ham，好滿足♥️綠茶提拉米蘇$80 忌廉軟滑甜度適中，提拉米蘇上灑上香脆粟米片，有咬口，食落更有層次♥️濃情朱古力$80 下面兩舊Brownie裏面仲係暖暖的，上面有一球冰凍朱古力雪糕，兩樣加埋一齊食真係好正，加上棉花糖同粟米片，好睇又好食😋♥️Pineapple espresso tonic $50味道特別，可以一試♥️Iced Earl grey chocolate $50個人覺得熱飲應該更好味，下次有機會試試…Read More

屋企長輩結婚周年，佢哋鍾意食中餐，所以帶佢哋嚟呢間充滿懷舊氣氛的酒樓食飯，雖然外面裝修懷舊，但裏面其實好新淨，洗手間重新裝修，乾淨企理。食物方面好有驚喜😋😋姬松茸螺頭燉竹絲雞 師傅話已經燉咗四個鐘，非常出味，沒有味精，湯水一啲都唔肥膩，充滿螺頭同姬松茸嘅鮮甜味，回味無窮😋😋原隻焗上湯越南虎蝦伊麵底啲蝦超大隻，又爽又多膏五柳沙巴仔條魚炸得好，外皮脆，魚肉嫩，撈埋酸酸甜甜嘅汁一齊食，超級開胃粟米新鮮斑塊真係一塊塊都厚切斑塊，唔係茶餐廳嘅魚柳，特別在粟米汁係另上，自己點，讓脆卜卜斑塊保持香脆，非常細心，對食物好有誠意鮮雜果蝦多士香脆多士，上面鋪滿厚厚的蝦滑，仲有一隻蝦，真係哈哈哈多士鮮雜果沙律裏面有椰果，我鍾意😋😋蜜汁叉燒叉燒好鬆軟，肥瘦適中，好食🤤🤤我哋6:00去到，有得揀位，但之後不斷有食客入場，開始座無虛席👍🏻…Read More

朋友歐洲返嚟，專誠帶佢地嚟一間坐得舒服嘅餐廳，聚舊傾吓偈。食一個啤酒雞四人餐，除咗雞仲有好多嘢食，滋味無窮，食到手指都想舔埋😋惹味桂花釀啤酒雞雞皮充滿香草同桂花啤酒味，味道好特別，甜甜鹹鹹的，燒得好滑，連雞胸都滑捋捋👍🏻👍🏻仲有手套同鉸剪俾我哋將隻雞撕開，好貼心🥰剪開隻雞，勁多雞汁流出嚟，滴落下面嘅蔬菜度，之後可以食返，一啲都唔浪費😋😋😋法式鮮打龍蝦湯濃厚的蝦膏味，裏面仲有粒粒龍蝦肉，配上香脆蒜蓉多士，難以抗拒的美味😋😋泰式柚子墨魚仔沙律少少辣，蔬菜好新鮮，墨魚仔爽口😋😋煙三文魚凱撒沙律煙三文魚好大塊，沙律醬調味剛好😋😋波士頓龍蝦占米多黑松露闊麵龍蝦肉拆出嚟，每一啖闊面都有龍蝦肉嘅鮮味😋😋香煎澳洲安格斯肉眼扒10安士配薯菜牛扒揀咗五成熟，肉質鮮嫩，一大堆薯蓉上面擺滿蔬菜，薯蓉充滿牛油味，正👍🏻蒜香辣椒炒大蜆粒粒都好大，沒有沙，辣辣地充滿酒香，非常惹味，非常推介🤤🤤…Read More

因為非常之喜愛食生蠔，所以專程入黎oyster season食海鮮拼盤二人Dinner Set，每碟精品，滋味無窮！必食海鮮拼盤作為蠔嘅專門店，拼盤提供了五款蠔。店員還會細心介紹每款蠔和進食嘅次序，非常專業。店員提我們從細隻開始順時針方向吃（ Tia Masse, Josephine, Speciales de Claire, Regal, Gillardeau) 細隻比較爽同清甜，然後越食越重海水味同蠔肉越來越肥美。食完蠔之後，再食帶子同大蝦刺身都非常新鮮甜美，為拼盤加分！清酒蒜蓉煮蜆蜆大大隻，肉肥鮮甜冇沙，清酒蒜蓉味香煮成湯，鮮甜令人忍唔住飲埋。招牌鵝肝粒焗雜菌飯不愧係招牌！勁多鵝肝，跟飯混合後，淡淡都是鵝肝的香油，既矜貴又惹味，令人回味無窮！黑毛豬扒配松露忌廉汁黑毛豬扒肥瘦適中，燒得非常香口，肉味濃厚。松露忌廉汁為菜式錦上添花！甜品及飲品叫了兩杯House Wine 白酒， 一杯果味較重，一杯微酸，兩款都跟海鮮很夾！最後兩款雪糕作結，一款豆腐味一款士多啤梨味，奶味香濃！…Read More

突然天氣轉冷，打邊爐係最好嘅選擇滾爺火鍋交通方便，油麻地地鐵站 A1出口行至4分鐘就到聽講椰子雞煲好有特色，於是點咗一個試吓😀店員好有心機介紹，先放迷你馬蹄同椰子肉落煲，再放兩個椰子嘅水，然後兩個椰皇嘅水，最後放半隻文昌雞，冚蓋大火煮滾後熄火，焗5分鐘就可以食雞飲湯，店員強調啲雞係慢慢焗熟，所以特別滑！重點係燉湯，鮮甜椰青水加鮮香雞肉味，寒冷嘅冬天添上一點幸福。特別想講，豉油一般比較鹹，原來這店的豉油特別調製，味道比較淡，更容易帶出食材鮮味😋😋…Read More

一向富臨皇宮都有信心保證，今晚就去試一試，天氣凍凍地梗係要嗌羊腩煲，羊腩淋到不得了，非常入味，而且啖啖肉，唔會只係得啲骨。仲有好多腐竹托底，入晒味👍🏻👍🏻👍🏻另外仲嗌咗水鴨湯，滋補養生，有成半隻鴨做湯底，湯味濃郁，千祈唔好以為煲完湯隻鴨好嚡，其實非常嫩滑，點豉油食一絕，差不多比我哋食晒😀😀😀最後仲嗌咗個化皮乳豬例牌，超脆。旁邊配了一些海蜇，脆上加脆😋😋😋兩個人喺酒樓食飯，六百零蚊落樓，呢個份量其實3-4個人食都夠，價錢合理，好抵食，真係大滿足🤗🤗🤗商場仲有泊車優惠，免費泊車3小時，食完飯去埋超市入貨都夠時間，超方便😀…Read More