心嵐's Profile

前一星期路過發現旺角開咗老虎堂。。。早已聽過老虎堂同幸福堂晌cwb鬥過你死我活但一直無机會試。。。眼見條隊排到轉彎再轉彎，湊住小朋友無辨法只能等下次再試。。。上星期又剛好路過發現人好少前面只有几個人拿淋排隊試試先。。。我揀咗有大小珍珠果款，上面有層cream。。。之前只試過一芳同sharetea。。。一芳嘅係黑糖珍珠奶茶，甜度無得揀，對我嚟講偏甜，奶茶唔夠奶。。。茶亦感覺唔夠佢哋推介嘅水果茶茶香。。。珍珠黑糖味好一般所以我亦無研究究竟個珠質感好唔好。。。sharetea黑糖珍珠鮮奶略嫌奶淡咗啲，但厚鮮奶即上面有cream果款，飲到尾又會覺有啲膩。。。可能因為唔係啤實杯蓋無得搖暈。。。所以感覺爭啲啲。。。但黑糖珍珠個味道好香而且珍珠質地好好煙煙unun。。。當然試過之後感覺最好係老虎堂，因為杯蓋啤實可以搖得均勻，甜度，奶味等恰到好處。。。我貪得意試大小珍珠。。。但其實大小一齊試就試唔太出細珍珠口感。。。性價比都係老虎堂優勝，同sharetea都係$30但老虎堂大杯啲仲要係啤實個杯。。。…Read More

都係每年中秋的奶黃月餅...老實說, 沒太大的感覺...可能依家市面上選擇太多...我唔會選擇半島~因為老板要送國內朋友, 嘉麟樓已經賣完啦~所以只能買半島餅店的奶黃...第一次要買六盒, 店員話每人限購5盒, 佢叫我帶多個人嚟先可以比買6盒, 無辨法我只能再走一轉.之後我又分別晌24/8同5/9再去買...5/9果日我係一早到等佢開門, 前面已經有三位國內客人排隊...店員問最前面果位國內客人要幾多盒奶黃月餅, 客人話要一箱...總之我計過...一箱係唔止5盒...到我果時, 我立即問店員, 有冇限買幾盒, 店員問我想要幾多話無限制...果吓真係火火哋...我同店員講上次買時話只限5盒...結果我要跑多轉...然後店員就解釋...佢哋要睇果日返幾多貨...貨量少就會有限制...貨量多就無限制...(我覺得係想打發我囉)...究竟係店員出問題, 定係半島制度問題?係咪驚香港人放出去炒, 所以有限制? 國內客人在內地炒就無問題嗎?琴日又去幫老細買了幾盒, 順道又再問了一下, 店員說沒有限制的...…Read More

之前聽到啲同學仔媽咪話哩度啲嘢好食, 仲話老板娘好好人, 琴日就特登同屋企人去試...因為爸爸身體唔好唔等得, 所以我提前打電話去問駛唔駛訂坐, 相信聽電話果位係老板娘, 好爽快咁幫我訂咗位.我哋準時到, 原來果度地方都唔算好大...老板娘留咗張六人枱比我哋...同其他客人一樣, 一坐底老板娘就攞咗碗老火湯比我哋...老火湯幾好...真係似係自己屋企煲咁...唔覺味精...隨即老板娘叫我哋睇吓點咩菜, 提議我哋叫條魚...比咗張時價魚既價錢表我哋...但一入門口果時見到坐咗一枱三個人...嘩~佢哋條魚有成呎咁長...我真係嚇咗一跳...我諗除非三個人都好鐘意食魚...否則...點食得哂呀...唔駛叫其他餸囉...所以老板娘一叫我哋叫條魚...我就已經有啲卻步...但老豆鐘意食魚...咁就由老豆睇咗先啦~其他好多都應該係新鮮魚...本來我想叫龍躉(因為晌屋企兩家食過兩食都係二百多)...但佢哩度啲龍躉寫明係2斤4...我哋得三個大人兩個小朋友...真係食唔哂...然後我老豆諗住就小朋友, 叫煎胶魚無咁多骨...點知老板娘好似有啲唔高興咁話"胶魚好多骨唔啱小朋友食, 你蒸條魚好過啦~"胶魚我屋企不時都會煮...係中間一條大骨唔係多骨果啲...果吓老板娘咁講...我感覺當然唔多好...咁最後...我哋只係叫咗菜膽雞, 咕嚕肉同埋煎胶魚...個個都話好食既炸豬手只能等下次同老公一齊先可以試~咕嚕肉一向係兩個囡既至愛, 去食親中菜必叫...哩度既咕嚕肉味道調較得唔錯, 用既亦係新鮮菠蘿, 肉唔會硬...但好可惜一食落去就知道係落咗嘢去拿...同埋食唔到肉味...哩個真係好失望...煎胶魚不過不失...有魚既鮮味...菜膽雞個汁叫ok, 但雞肉好鞋...同埋拌碟既菜芯有啲老...埋單係二百幾蚊...價格相宜...不過我諗都唔會再為咗個豬手去第二次.......晌黃金果邊有兩間中菜館質素都比較好...仲唔駛走咁遠................…Read More

以前晌加國時好鐘意食街邊熱狗, 實在係太有風味太好味, 好可惜晌香港一直搵唔到有加國風味o既熱狗.見到Yonge Piggies開咗都好一段時間(唔記得幾耐), 一直好想試但苦無機會.上星期終於的起心肝去試一試佢...主打熱狗有四款($68一款):1. Hickory Smoked2. Picante Pepper3. Honey Garlic4. Cheddar我自己試咗Honey Garlic, 有輕微甜甜o既蜜糖味, 好香o既蒜頭味...熱狗腸o既質地同我晌加國食o既好相近, 好香口好有加國風味...晌等待期間, 見到佢牆上o既海報物體有提及熱狗腸係加國入口...不過著實同我晌加國食過o既有少少分別...我覺得無咁大條...配料都唔能夠同加國o既相比...係有類同...但並非一模一樣...例如有個綠色好似青瓜粒醬咁...同晌加國食o既似係一樣...但粟米呢哩度就用一粒粒o既而非加國食熱狗用果種有一粒粒粟米o既粟米醬...哩度有德國咸豬手配果種酸菜絲(加國我記得係無)...仲有新鮮洋蔥粒, 蕃茄, 制過o既青辣椒, 同埋X欖等等...醬料都有幾種選擇, 我無去深究佢有咩醬料供應, 只選擇咗茄汁同芥末...熱辣辣一啖咬落去...真係好正...於晌香港好難食到哩啲熱狗, 兩日後放工我外賣買埋返屋企食...叫咗款辣o既熱狗比老公, 我自己則試吓佢啲墨西哥卷(好懷念加國o既Taco Bell)...老公試過都話好正...但我個墨西哥卷就有啲失望...我叫咗雞肉墨西哥卷, 雞肉係一舊舊上...仲配咗飯...有牛油果...另可自選配料...感覺同Taco Bell差好遠(係我意會錯咗以為會似Taco Bell)...個皮厚...裡面包咗飯個感覺好似唔知點...雞肉無乜味無乜特別...哩隻墨西哥卷都要成$70一隻...感覺好唔抵...又無熱狗咁好食咁香口咁惹味...個人覺得唔需要加$20轉餐, 啲薯條唔好食(炸得唔好又無乜薯仔味).…Read More

我係超鐘意食酸辣米線, 一路過見有哩類舖頭就會忍唔住走入去試吓...之前成日聽人講巴蜀軒啲米線好正好好味, 已經想試好耐, 但次次去開灣仔都搵唔到...今日晌灣仔做完嘢, 個心已經諗住睇吓搵唔搵到(其實已經六點準備返屋企食飯), 一路行過銅鑼灣, 點知就比我昅到喎...唔駛講我梗係諗都唔諗即刻走入去試吓啦~~~枱面無餐牌, 我旁邊只有大大張貼晌牆上果個米線menu, 想睇吓有咩小食都睇唔到...算啦~都係拿淋試完返屋企...就叫咗碗招牌酸辣豬扒米線(要小辣)...佢豬扒應該係即炸, 所以都等咗陣...嚟到睇到碗嘢個樣都幾吸引...豬扒雖然厚, 但一啲都唔un...事實上啲豬扒真係幾好食...又炸得好香...就算放晌湯裡面個依然好香口...米線份量唔多...我一個女人成碗米線連豬扒都唔飽(不過我仲要返屋企食飯當然OK啦~)...男人一定唔得囉...分分鐘兩碗都啪得哂~講返啲米線先...米線質地偏淋咗...唔夠煙un...唔夠葵涌果度雲南小鍋米線好食...再講湯底...酸辣o既係麻辣...個麻辣好香...不過完全一啲酸味都食唔到...唔知係咪比錯麻辣我而非酸辣...佢啲酸菜無乜酸味(其實我完全唔覺有酸味)...得少少咸o既咸菜咁...成碗米線裡面有少量芽菜...好似有唔覺有韮菜(就算有都係得好少)...之前聽人講得咁鬼好食...食完真係覺得好失望...三十幾蚊碗份量得咁少...反而我想試個單骨雞翼...但一份要60蚊...又唔係好大碟...要試只好下次先試...…Read More

都好一段時間無去jamjam食lunch, 剛好同事生日, 就決定再去jamjam度嘆恴粉同咖啡啦~第一次嚟哩度食飯, 已經愛上咗哩度o既咖啡, 意粉都係出乎意料的好...今日我食o既係香濃蕃茄鮮蝦意粉, 意粉質地煙煙unun好有咬口, 蕃茄依家咁香濃, 只係蝦略嫌咸咗少少...同事o既長通粉都係軟硬恰到好處, 好香滑o既忌簾汁配上奇異果係出奇哋夾, 好新鮮o既感覺...咖啡呢...淺淺咁呷一口...忍唔住微起雙眼去享受果陣咖啡味晌口腔內轉嚟轉去...哩度o既咖啡係絕對唔可以咕嚕咕嚕咁吞落肚...好浪費...只不過對於我哋一般打工仔嚟講, $150一個lunch著實係貴咗少少...當然...佢o既品質亦係值回票價...我唔介意間中比多啲錢食一啲有質素o既嘢...但咁o既服務態度...真係希望哩度o既負責人可以睇到哩度o既食評(同服務評價)...其實員工o既服務態度都係好好的, 我真係唔希望下次嚟食嘢o既時候仲要面對好似哩個肥仔員工咁o既態度!!!…Read More

每次細佬返嚟, 都總會出街食一次飯...因為爸爸偏好中菜, 廣東菜略嫌沉悶, 所以機乎每次都會食上海菜的...今次特地試一下想試好耐食評唔錯o既滬江飯店!!!我一早已經上網睇定食評有咩心水推介...先預訂咗片皮鴨同豆腐餃子...七點到即時被安排入座, 話個半鐘交枱, 我諗應該都OK, 畢竟爸爸都要早休息, 另外我有兩個小朋友, 安排晌房間內靠邊的枱, 位置不錯.細佬一到, 即刻叫佢同爸爸夾吓再叫啲咩食? 諗唔到先再由我發板(晨早晌openrice睇定有咩好嘢!).最終叫咗:1) 海蜇 - 好爽口, 但咸咗啲2) 熏魚 - 肉不會太孩口, 味道適中不過甜, 好香口(曾經食過好硬好甜的所以覺得哩度特別唔錯)3) 鍋貼 - 可能因為我食果時已經凍咗...所以感覺無咩特別4) 蘿蔔絲酥餅 - 其實睇咗食評話一般, 但細佬想試所以無阻止佢, 真係一般, 食唔到白蘿蔔o既鮮甜味, 酥皮做得唔錯, 又夠熱5) 豆腐餃子(預訂) - 真係唔錯, 雖然係素菜, 但味道清雅得嚟唔會覺得好寡, 好味6) 南瓜汁竹笙露笋 - 哩個又係好好, 露笋好新鮮, 南瓜汁好清甜, 老少咸宜, 連一向喜歡食濃味嘢同熱氣o既老公都話好7) 薺菜桂魚羮 - 個人感覺ok, 不過不失, 下次應該要試下大家都讚好o既醃篤鮮8) 蔥爆牛肉 - 我唔食牛的, 不過啲蔥好香, 味道唔會過濃...我細佬好鐘意食哩個餸(每次必點), 今次佢特別讚好食9) 片皮鴨(預訂) - 好失望! 第一>一坐低已經同我哋講要等30-45分鐘, 中途待應問過上咗鴨未幫我哋追過兩次, 到八點半所有嘢上哂仲未見隻鴨上場, 我哋再多點一個炒年糕(怕爸爸無飯之類到肚唔飽), 經理走嚟同我哋講再等多10-20分鐘因為今日比較多人一次燒幾隻所以需時比較耐(心諗漏單就漏單啦~諗住人哋講得咁好食唔試埋好笨咁)...點知炒年糕到咗我哋一人食咗啖個鴨都未到...到最後到啦~但啲皮唔脆的, 有部份鴨皮夾住好厚o既肉, 又唔夠香, 包片皮鴨塊皮又厚, 完全食唔出果種風味!!! 超失望!!! 唔好食到我哋食淨半碟片皮鴨, 仲要唔拎走添~10) 炒年糕 - 味道ok的, 但啲年糕太厚, 如果簿返少少會好啲囉...原本好想食拔絲香蕉的, 但真係好飽...同埋食完個片皮鴨都唔想再食拔絲香蕉啦~其實哩度整體啲嘢係好食啲, 爸爸都鐘意食, 覺得比上次去megabox小南國好, 我都有同感, 不過講環境就始終係megabox小南國好, 人無咁多又靜比較舒適.  一定會再嚟, 不過誓屎唔會再叫片皮鴨!!!…Read More

一早約好同阿E慶祝生日...佢o地一家四口一向鐘情日本o嘢...而大喜屋佢o地己經食過好多次但又好鐘意去...今次都唔例外...同樣去返大喜屋...因為佢o地有經驗...book六點...所以唔駛等位...我o地湊住兩個細路...一個兩歲半一個幾個月大...坐位雖然有少少迫...但有個U型sofa位己經算好好...我o地一到果時...己經有個短頭髮瘦瘦o地o既女人(唔知係咪經理)走埋o黎話小朋友要計錢...其實我E食過好多次...亦都帶過我大囡一齊食過一次...所以己經有哂心理準備要計埋佢果份...一問之下...原來夠80cm高就要比小童費用,係成人o既2/3左右,其實好唔抵,一個兩歲半o既小朋友食熟食食得幾多吖!!!我覺得哩個小童收費標準應該個高度要調高返啲囉...我去五星級酒店食自助餐...都係三歲先計小童費咋...雖然出入比較麻煩...但我o地都好合作即刻走返出去度高...好明顯...係高過80cm啲啦...好啦~到人齊...果個短髮女人又走埋o黎問我o地要唔要擺位比我個囡...之前我o地問收費果時...己經覺得佢啲態度唔係太好...我明白每間公司有自己o既規距...只不過...你態度好啲...人o地比錢比得開心啲之嘛...如果唔係我E生日又晌食店度...我真係好想講"咁你收我錢仲問我擺唔擺位?"我E己經忍唔住話...咁你話就算食一啖都要比錢...咁梗係要擺位啦吓嘛...希望如果哩間店o既高層睇到...就要train吓員工...唔好搞到啲客食都食得唔開心...入正題...我o地真係叫o左好多嘢食...我本身唔食魚生o既...但其他人食...我見到魚生上枱全部都好新鮮...又擺得好靚...(如果唔係我E一家都唔會成日o黎食)...我一向鐘意食蟹籽沙律,不過哩度就好一般...無乜特別...但個海折沙律好正...海折配上日式醋同菜o既沙律...好開胃...另外仲有好似白雲鳳爪...都好佷...夠入味...牛柳粒大家都話好食...好香...好淋唔會un...仲有羊架...一啲都唔so...好野味...連我一向唔多食羊o既都食咗兩舊...蟹粥...我初初諗住應該唔係無乜味就係好淡...完全無期望...點知有驚喜喎...佢放o左啲粟米落去...啖粥帶點粟米同清清o既蟹o既鮮甜味...而且好綿...唔錯呀...凍稻庭鳥冬又係好正...最主要係烏冬真係好味道...煙煙unun...唔係度度食到哩種烏冬...而且...除o左凍烏冬湯夠清甜之外...有紫菜絲同埋天婦蘿果啲炸粉o既碎脆脆地咁...食落有唔同口感...好好味...我個囡最鐘意食雞翼...佢啲燒雞亦係將兩舊骨開o左佢變成一塊雞翼...食得好方便...味道剛好...唔會過咸...肥牛鍋...我無食...只試咗一條粉絲...可能我未良過正宗...我覺得湯底好甜...好甜鼓油feel...但我表姐話佢哩度唔似得出面食果啲得陣甜味...似佢晌日本食過o既咁...日本芝士年糕不得不試...外脆內軟熱辣辣...好正...仲有個炸墨魚餅...絶對唔係行貨...似係自己手打o既墨魚胶...好味~仲有炒雜菜啦...牛油粟米...天婦蘿...生日有奉送甜品...同其他客人講o既一樣...有支好似煙花咁o既嘢...都幾特別...不過成個甜品都真係幾甜吓...對於我哩啲唔太好甜品o既...其實生日果個有discount會實際啲...總體o黎講...哩度啲嘢真係幾好食...選擇又多...不過真係坐得迫火少...好似我哩啲湊住小朋友o既...就食得唔係好舒服...剛好近排我老公同朋友都喜歡去食哩類日式放題(同樣TST區)...我老公同朋友食開果間晌寶X巷果邊...比哩度平三/四十左右...但清酒任飲...食物種類無哩度咁多...亦無咁好食...講真...差三/四十我真係寧可食間好食o既...但我老公就話哩度係衰服務態度囉...查實除咗個短髮女人之外...其他待應o既服務都係唔錯...換碟放食物都會睇住我兩個小朋友避免整親佢o地...而且亦好有禮貎...…Read More

下午放假, 諗緊晌深水埗食咩好...今日好掛住車仔面...係文記車仔面...可能因為過o左lunch time...唔太多人...唔駛排隊...依家好多地方有酸辣粉食...但好多都唔正宗...我食慣咗深圳街邊果啲酸辣粉...難得晌車仔面檔食到正宗o既~但上星期食過...阿姐好重手...勁重酸辣粉味...有啲接受唔到...所以今日特地叫佢輕手啲...西洋菜, 豬皮, 豬紅, 玻璃尤, 同豬大腸...西洋菜係我喜愛o既其中一款菜...好鮮嫩...無渣...豬皮, 豬紅同玻璃尤...係因為晌傷心酸辣粉度食過水煮o既哩三樣嘢...所以諗住配酸辣粉襯返...ok喎...豬皮索哂個湯...豬紅就爭少少...因為浸時間唔耐...都係普通豬紅味啫...玻璃尤呢~ok啦~不過玻璃尤如果份量多啲就好啦~引起我寫哩個食評o既...就係...豬腸...我一向都喜歡食豬腸...但最怕係腸內勁多肥膏果啲...最鐘意係裡面肥膏被清走哂果種...感覺乾淨又無咁油膩...哩度啲阿姐好好...我唔係第一次晌度食豬腸...但次次食親叫佢o地比瘦啲...佢o地都好好咁特地幫我揀啲瘦o既...服務真係好好...令人食得開心洗錢又洗得開心...試過晌第二度...都係你有你講佢有比...好無癮...一個女仔...食個lunch無叫o野飲...咁就$50...哈哈...成碗比我食哂~哩度車仔面真係好好食...隔離果間開咗咁多年...我一直唔會好大意慾心思思去食...但哩度開o左之後....我間中就會想去食啦~~~By the way...佢杯奶茶都幾ok架...仲有佢秘制醬...試過幾款都好味...仲有個唔辣o既沙爹汁添~唔食得辣都可以一試~~~…Read More

今日打八號風...難得閒日唔駛返工...同o左媽媽湊埋阿囡出o左又一城...朝早只係食o左碗米粉通粉...去到剛好TEA TIme...就索性同媽媽去T一T...平日通常都食中式...諗起以前同同事o黎食過意大利o野...不如睇吓有冇T食同媽媽試吓先~行到門口...有Afternoon Specials喎...$52一份...ok喎...媽媽都覺得ok...就試一試啦~裡面都唔係坐o左好多人...都係十個人左右左...可能落場關係定係o岩o岩開工...好多侍應晌度做緊準備...商量好食咩就點餐...媽媽叫o左Pizza...我就要湯+沙律...另外因為上次食過個焗釀磨菇覺得好正...就叫一份比媽媽試吓...但係同我o地落order個女侍應超級心不在心焉...一路幫我o地落單一路成日望住隔離張枱...基本上...佢對眼落單咁耐就望住果張枱咁耐...我o地叫Pizza...佢完全無介紹今日係咩Pizza...亦無講個湯係咩湯~我問佢今日係咩Pizza...第一次佢係聽唔到...要我問多一次...然後問多次...佢只係同我講今日係雞...但原來...今日個Pizza係辣雞Pizza...我媽係食唔到辣的... 好彩我多叫o左一個焗釀磨菇($98)...如果唔係我媽係無o野o岩食...好o勒...點完餐...先送o黎一啲面包同埋薄餅...啲包同薄餅熱熱地散發出微微o既面包香味...點檻欖油同黑醋...真係唔錯...餐飲都好快上...我o地都點o左咖啡...不過咖啡麻麻地...好啖...只有好啖好啖o既咖啡味...隔一陣...我o地湯同沙律都o黎o左啦...餐湯係洋蔥湯...我唔係好識欣賞哩款湯...只可以話ok...至於沙律...份量真係好少...菜新鮮...不過唔係好夠醋...油偏多...感覺$52無食Pizza咁抵...早知叫Tiramisu啦~我記得哩度o既Tiramisu幾好食的...焗釀磨菇都上埋...熱辣辣...好香蒜蓉味...真係好香好香...不過...真係好漏...哈哈...好似一共有八粒...媽媽食o左三粒己經話要投降...叫我搞點掂食剩果d...Pizza到啦~估唔到咁大份...一碟上分o左四件...但係...辣o既...我媽食唔囉...其實個Pizza好香味道都好好...雖然係辣...但好香口...哩度o既o野食真係唔錯...只係...果個女侍應...真係太過心不在焉...我覺得雖然話係Afternoon Specials啫...我覺得都有必要話比人知當日o既係咩Pizza或者餐湯...如果唔係有個焗釀磨菇...咁我媽係等於無食o野咁...…Read More

因為阿E比o左張gift card, 所以好早就訂枱同媽咪食生日飯...好早book枱時因為未知有西貢海鮮推出, 價格係$485+10%...好在臨近打去問一問...原來今個月係做西貢海鮮...所以價格係$560+10%一位...HSBC Platium 85折...一路聽到好多人話Marriott Cafe自助餐好出名...好好食...所以諗住再貴都想同屋企人去試一次...一入到餐廳個感覺幾好...睇到各樣食物都覺得好吸引...但係...款式其實真係好少...感覺同Cafe Marco差唔多(但價格都相差幾遠)...沙律款式唔多...冷盤o既海鮮有青口,蝦,東風螺好鮮甜,翡翠螺,長腳蟹(咸咸地帶鮮甜),面包蟹(唔知同加菲蟹係咪同一樣o野),琵琶蝦...魚生有三文魚,墨魚,象拔蚌,北寄貝...全部都好新鮮...冷面有手打蹈亭烏冬,綠茶冷面同蕎麥面...個冷面汁都幾好味...有一中式湯一西式湯...我主打西式湯係意大利雜菜湯...好多料...味道唔錯...熟食有椒鹽瀨尿蝦(唔夠香又唔夠椒鹽味仲有d油),避風塘炒蟹(味道唔錯好惹味,蟹肉好鮮甜),薑蔥蠔好大隻,鮑魚仔個汁好清但好好味好鮮甜我食o左好多隻,花膠都整得好好食唔會覺得膩仲有魚,當日無炒蜆有d失望...有义燒,雞(拼海南雞飯),仲有即整擔擔面(好想試但唔好long住個胃食唔到其他o野)...另外有燒薄牛配露芛,茄子,薯仔,蕃茄等等...咖喱牛同白汁意粉(白汁意粉味道好好但d意粉己經發哂淋哂好唔得)...仲有一個粉面檔有魚蛋牛丸水餃面河粉同埋幾款時菜...甜品特式d有紅酒雪梨/橙,芝士蛋糕tiramisu等等等等一般自助餐o既甜品...雪糕係Haagen-Dazs有Vanilla/Chocolate/Stawberry/Cookie限Cream生果當日有橙,西瓜,波蘿(好甜)同哈蜜瓜...雖然服務好好...我屋企人又喜歡食海鮮...我諗除非好鐘意食蟹而且食到好多...如果唔係$560+10%真係好唔抵...…Read More

一直好鐘意食米線...去開太子都係去黃色招牌果間...譚仔都OK...不過都係喜歡黃色招牌果間o既風味多d...點知有日路過發現開o左貴香園...好多人食...望到人o地碗粉個樣幾吸引...於是乎走入去試吓~己經食過三/四次...依家先o黎寫食評...試過米線...亦試過薯粉...兩樣我都覺得好食...米線煮得剛剛好...唔會發賬哂淋吱吱...而佢哩度隻薯粉煙un得o黎好有咬口...粗幼適中...正!而且佢個湯底都好好味...我通常會叫雲耳,蘿蔔...都有食過豬大腸...雲耳切到一絲絲...成個碗都係...好足料...好好味...食過佢之後...我都好少走去另外兩間食啦~仲成日心思思走去食...好味!…Read More

老公一直話好想試街坊食神介紹o既葵涌"炸帝"!終於果日去葵芳行街順便搵埋"炸帝"~去到"正門"(去到以為街果個係門口見無人等位以為唔駛等,點知原來商場裡面果個先係門口)己經有好多人坐晌度等緊位...拿淋行埋去攞返個籌先~佢話大約要等40分鐘...一場o黎到...一個鐘都等啦真係~不過都講得o岩...哩個等位都真係有少少亂o黎...初初都好似見佢有叫號碼...後來見太子女走出o黎叫"四位...四位...三位...三位"咁...於是乎我走埋去問叫到咩號碼...跟住太子女問返我咩號碼...然後話下張到我...入返正題先~我o地兩公婆叫o左...1) 涼伴魚皮 OK唔錯! 不過我屋企果頭都食到差唔多的...而且平d...2) 胡椒大蜆煲 哩個都好味, 中度胡椒味, 但可能個湯係本身胡椒豬肚湯底, 比較濃, 食唔到個湯有大蜆o既鮮甜味, 但本身d蜆係鮮甜o既...所以都可以啦~3) 黃金蝦 黃金蝦真係好正~味道恰到好處...有好足夠o既咸蛋黃掛晌隻蝦上面, 雖然會漏, 但真係好好味~4) 菠蘿咕嚕肉 哩個都好食, 又係酸甜適中, 咕嚕肉個脆皮雖然比d汁包住, 但依然脆口, 又夠份量, 好食!本來見到好多人食炸豬手搞到我好想試, 但只有兩個人食唔到咁多o野無辨法~價格相宜...抵食! 順帶一提, 細支裝汽水只係$4/支...又係好抵!…Read More

同同事講起食泰國o野, 搞到真係好鬼想食泰國o野...拿淋晌openrice度search吓上環有冇泰國菜...見泰之味d食評唔錯...所以就索性擇日不如撞日, 即日個lunch去試吓~不過可能因為好o既食評大多係食晚飯...所以食完個結論係無驚喜...亦未必會再去食...我o地四個女仔...一人叫o左一個set lunch...1) 炒貴刁 - 味道OK, 但好油, 同埋d所謂貴刁好厚(根本就係河粉), d河粉痴埋一齊...2) 泰式炒金邊粉 - 哩個酸甜度剛好, 少少濕, 無貴刁咁油膩, 而且d金邊粉唔會痴埋一執執咁...3) 黃咖哩豬扒飯 - 一般, 同事話好香椰汁味, 飯有d硬, 還可以吧4) 黃咖喱豬頸肉米線 - 係撈米線而唔係湯上, 好似好多豬頸肉, 我見到好多薯仔同汁我諗都唔會再去食lunch...但依然好想搵晚去試吓食晚飯...…Read More

一心同老豆,阿媽,老公同個囡去Pokka Cafe食晚飯...點知阿媽話Pokka貴o左好多...所以就臨晌附近搵飯食...上到六樓都有幾個選擇...最後揀o左碌冧試越南o野...四個大人一個BB...佢比o左張L型o既卡位枱我o地...可以放到張BB凳...個位坐得好舒服...環境感覺都唔錯...有信用咭優惠o既套餐...但信用咭套餐裡面d野唔太o岩食...而普通套餐四位都要4xx...又唔係食咩特別o野...所以最後都係單點...我o地點o左...1) 雞肉青木瓜沙律2) 沙嗲串燒一份(共四串/兩串雞拼兩串牛)3) 小食四拼(四件越式米紙炸春卷/兩隻炸雞翼/兩件米紙卷/兩件牛肉蝦餅)4) 咖哩雞5) 酥餅配一小杯咖哩汁 $256) 蒜蓉飽7) 生牛肉河紅糙米粉8) 波蘿蝦醬炒飯1) 雞肉青木瓜沙律> 無乜特別, 青木瓜絲還青木瓜絲, 雞內還雞肉...不過雞肉保持原有鮮味又嫩...o岩我比BB食...最初完全唔見有汁...就問waitress係咪本身係咁定要自己落個越式凍朦粉果個魚露酸汁...佢淨係可以就咁食...或者落果個魚露酸汁都可以...咁我就落果個汁啦~點知食到尾先發現原來個底本身己經有果個汁晌度...2) 沙嗲串燒> 牛無牛味, 又un, 雞無特別...但哩個係沙嗲串燒...竟然個沙嗲汁係無沙嗲味...勁淡...真係淡到無咩沙嗲味...超唔得~3) 小食四拼> 越式米紙炸春卷細細條...熱熱地...用生菜包o黎食好味.../炸雞翼夠脆(唔知係咪牛油雞翼但唔覺有牛油味)/米紙卷我無食唔知好唔好食/牛肉蝦餅一般4) 咖哩雞> 咖哩味唔濃, 有種好勁唔知咩葉o既味道, 老實講我食咁多次越南o野未食過越式咖哩有咁勁o既哩種味...接受唔到...而且蒜蓉飽先到...個咖哩後上個蒜蓉飽己經凍哂...5) 酥餅配一小杯咖哩汁> 其實我都幾欣賞佢配一小杯咖哩汁, 可以滿足人o地想食酥餅點咖哩o既食慾...唔駛一定要叫一個咖哩乜一大兜咁食唔哂...但係因為佢哩度個咖哩真係唔掂...所以都係o徒哂...6) 蒜蓉飽> 其實佢個蒜蓉飽o既味道係唔錯...好香蒜蓉味...但好可惜係一d都唔細心地一早送o黎而個咖哩遲遲先上...凍哂~7) 生牛肉河紅糙米粉> 我戒o左牛肉無食, 但老豆阿媽同老公都話個牛肉ok...但個湯底好唔得...偏咸...而可能因為偏咸o既關係...覺得似味精湯...米粉淋o左少少...8) 波蘿蝦醬炒飯> 有輕微蝦醬味, 可能會適合唔係太接受到蝦醬味o既人試下...但無波蘿味...我亦食唔到波蘿...飯就淋o左d...所以唔係好得...整體o黎講樣樣都唔係太好食...$506埋單...話貴唔算貴...但唔係平...而且咁o既質素...感覺唔值!!!…Read More