0429hilsonwu's Profile

$48 魷魚鬚本身滿心歡喜，見佢係雪櫃拎魷魚出嚟即炸等左五分鐘，炸好有膠盒，膠袋，筷子點知！一打開袋望望合實咗蓋？What？🤯🤯🤯有冇常識呀大佬！我唔係做飲食業都知即炸食品，放盒要開窿啦！已經即刻開通氣唉😔已經淋哂🤬🤬大拿拿50蚊，無一條係脆！其實呢，你無sense又炸得冇味得雪藏味，就唔好衝出嚟呃錢啦大家搵錢都係血汗錢…Read More

係平嘅，28蚊米線底，7蚊一個餸最低消費35蚊嗌咗中辣，湯底平心而論，唔好有要求，湯係冇味得個辣字，粉係多嘅，食極仲有發脹哂都冇心機食夠飽嘅，唔好有期望就好了。…Read More

一入到去坐低，坐收銀阿姐（唔知係咪老闆，係的話實好快執）拎住個qr code落單牌仔，飛落黎張台，一句都無講講行左去！諗住咁熱行到好攰就算，求其食完走，點知qr code落單，話lunch送飲品，但都無得揀，又係要搵返收銀阿姐落，超悔氣問「食咩」，問侸有乜飲，就好似欠左佢咁答人！食物到就大大力放落枱，大佬呀，你真係唔好怨點解啲人返大陸消費！你咁樣服務態度死得啦，仲要啲嘢唔係平，唔係好食，又咸！新開就咁，真係睇你幾時執，仲要好窄好迫坐得唔舒服🤢…Read More

平日12點一開門就去，無人，想坐窗口位，但話只招呼會員，唔知有最低消費定點，唔緊要，反正係試食物，唔係為個景叫左兩個午餐口水雞配飯，蒜泥白肉。自問平時都係食平民野，佢個雞好實，無辣味又無雞味，咬到牙軟，都真係食唔到，放棄左一半。白飯好行，米好差。蒜泥白肉有三片肥肉，半碟涼皮，以為辣但又係唔辣。另一個餐蔥爆牛肉配拉麵，蔥係多嘅，牛肉有五六片，但好多都係筋，好韌。所謂拉麵係大陸白麵，不過不失。整體來說，失望嘅，一心以為「名厨」開，又講到自己中意食辣所以開舖，點之差過一般小店。平心而論，二百幾蚊食咁質素係唔值，就算想一試都不建議，同層有更好選擇。…Read More

星期日下午去，有兩張吉枱，已經覺得出奇，原來係有原因！叫人落單，阿姐明知，但無理行左去。叫半份炸雲呑，但黎左一份，操大陸口音阿姐話：你講一份喎，我下？佢話：炸左出左單啦喎即係點？焗我食埋去？依家係你錯，有乜理由迫我要埋去？最後佢改返半份。叫左咸牛蛋治，個蛋仲老過我，真係全熟，收30蚊，但比老蛋我？>>>未轉手前，真係半熟蛋，有心去炒，好正再叫左蛋治外賣，但堂食都完哂，落左單十幾分鐘都未有，叫阿姐睇下。嘩？佢個態度黑我面，因為雲呑單野得罪左佢？好失望，星期日都無乜生意係有原因以後都不幫襯！…Read More

諗住好耐無食栥飯就試下，買埋酸辣湯，排骨上海面首先，收錢阿叔見我係門口望食乜，都唔打個招呼/介紹下都算入到去落單，態度其差，仲話「你叫三樣野下話，企出面等」點呀？似住開左咁多年，都係做附近生意，可以咁講野？收錢講句多謝都冇栥飯糯米九成，硬到生米咁，又乾酸辣湯稀當當，兩條木耳個面一餅野貼錢買難受！都唔明點做咁多年，呢個價錢附近大把選擇，駛鬼揀你？好快被淘汰，期望開過新…Read More

下午茶時間買兩個炒粉，操大陸口音阿姐已經好唔老皮，畀完錢見張單收外賣費6蚊，問佢話：一個「核」咪三蚊囉！吓？係我落單前冇問清楚，一定係客人唔啱！原來一個盒已經要收3蚊！超市送貨一個袋都係2蚊返到去開嚟食，點知得一對筷子？另一盒叫我用手食咩？收我3蚊外賣仲要冇餐具？？？真係迫我問候緊你外賣已經唔使你服務我，又冇禮貌，多謝都冇聲永不幫襯呢間連鎖垃圾店！何況唔好食，油多到一個點！熱飲打開得七成滿，係咪咁做生意？唔想蝕就唔好有下午茶啦…Read More