pinky.lau.963's Profile

適逢今日係520+本人生日就打左黎book位食晚上自助餐，係網上見到join做會員仲有75折優惠👍🏻👍🏻👍🏻緊係join埋啦，book位既時候仲同左侍應講係黎慶祝生日的，之後佢就話會有小蛋糕送番啦，真令人期待我同老公大確6點幾揸車黎到，係到食自助餐原來會有3小時免費泊車！太好了 唔洗周圍搵停車場🅿️！！準時入到去首先去消毒左雙手先，之後有侍應會企左係到派碟俾客人，所有熟食都有用蓋蓋住，衞生防護意識都做得唔錯，同埋呢到所有侍應都好好招呼，十分有禮貌，值得一讚食物方面最受歡迎莫過於就係龍蝦啦，食落去肉質真係好彈牙，因為真係好食，所以我地都來回排左好幾次其他熱食都有每款試左d ,不過不失啦！但最大敗筆係無生蠔食，同埋刺身款式種類比較少，如果可以有多點選擇就好啦:)酒店送的生日蛋糕🎂美觀又好味😋侍應仲好熱情❤️幫我地影相📸️…Read More

同老公放工過左黎撐枱腳醫肚，呢間日式火鍋店我地已經黎食過好幾次了😬😬依然回味無窮，今次黎見到仲有新既鍋底推出左，緊係要點黎試下佢啦😝😝等鍋底黎既時候，我地出去自助區拎左各類火鍋配料先，拎完番黎湯鍋已經到了👍🏻👍🏻個湯鍋入面見到有隻毛蟹，目測雖然size唔算太大，但都總算及格🤔😝😆食落去肉質都幾鮮甜美味👍🏻至於個湯底就冬陰公味唔算好濃烈，有少少辣對於唔太識得辣既人士味道剛好😆😆食完火鍋仲可以出去自己炸下野食，每次黎都係必會玩既事情😊感覺自己炸既特別好食haha食完炸物仲有雪糕🍦，非常滿足👍🏻👍🏻自助形式多款鍋物供選擇😊😊套餐包左幾款肉類，有殼祠牛、手切牛、雞肉.......都係任點任食😊…Read More

今日老公係美孚收工，我放假過左去接佢，行到去美孚新村搵食，之前係大陸食過蒸氣鍋一路都想搵返泥食，今日係呢面見到，試試佢，日日涮呢間名平時都有聽過。上到樓梯，一望就見到，個場好大，而且闊落坐得舒服。中間位有個自助吧，有啲火鍋配料，丸，菜，腸仔，栗米之類既，另一面就有沙律吧好快就上我地既海鮮鍋嗱，嘩，勁多呀，就咁望已經感覺新鮮靚仔！分開兩層咁蒸。有龍蝦🦞，蕃薯硯，聖子王，鮮蝦，粉絲扇貝，青口同鮑魚！海鮮配上炸蒜蓉已經好多吊起味道！樣樣都係新鮮的，仲識郁！而且鮮味非常！龍蝦有膏添。食左咁多海鮮其實都已經6.7成飽，再叫埋豚肉同牛片，肉片嫩滑夠哂淋，一啲都不鞋口，肉味亦好夠！係自助吧到仲有好多配料都係任食，乾淨企理，會不時有人添加。最尾食埋個精華鮮味粥，夠哂綿又鮮味，加返小小豉油調味更正斗。最最最後泥多個名牌子雪精糕，大滿足！不得不說價錢合理，海鮮新鮮又美味。坐得舒適環境又乾淨。一班朋友係到聚會都係非常適合既，生日泥緊準備再泥食過先！…Read More

趁放假同老公黎到荃灣撐下枱腳，因為要工作已經有一段時間無黎了，今次要食番夠本先得！！我地坐低左之後立即睇餐牌點野食，全部點晒煎炸食物haha🤪🤪🤘🏻過左陣食物陸續送到，效率同之前一樣咁高👍🏻👍🏻益力多沙冰$32越式牛油果沙冰$32夏天咁熱最岩飲番杯沙冰，飲完十分透心涼👍🏻越式椒鹽炸軟殼蟹$72軟殻蟹炸得香脆可口，份量十足，一個字正👍🏻👍🏻越味皇牛油蒜蓉雞翼$45雞翼蒜香味濃郁，雞肉嫩滑無比蜆港香蒜牛油焗青口$68同上好香蒜香味，焗到好淋，口感唔錯😆蟹頭膏炒高麗菜$52大大碟份量十足，味道一流，同老公兩個食到唔停口🤪🤪🤪燒蝦燒雞肉串各3串$60 $48串燒惹味可口，肉質嫩滑，燒到岩岩好，唔會太韌十分滿意的一頓晚餐😝😝…Read More

趁復活節長假期間,同屋企人黎到尖沙咀享用晚餐😊😊😊呢到環境清靜，地方寬敞舒適，我地一行7個人坐埋一齊都唔覺窄迫，氣氛仲相當好。一家人圍埋一齊講下笑食下野，真係好難得！！呢到有別於出面，每一張枱上都有一部I pad放係到供客人點餐，方便又環保♻️、這個方法確實不錯👍🏻不用浪費紙張！！我地第一輪就點左不少食品，但全都好快就送到我們枱上去了，超有效率的👍🏻👍🏻👍🏻I pad上有多款食品供選擇，不只有燒肉、還有刺身、海鮮、壽司、炸物......包羅萬有剩係肉類都有好多款、仲要已經調好晒味道，多款口味，有辣有唔辣，任君選擇👍🏻👍🏻👍🏻刺身方便亦好新鮮，食落好有鮮味，最愛帶子刺身，鮮甜美味！！仲有各式各樣既炸物，全部都炸到熱辣辣、脆卜卜、尤其係呢兩款本人特別喜愛。蕃薯仔細細個一口一粒鮮甜得很炸鮮奶出面放題較為少見，食完一輪又再點過，明知熱氣都係抵受唔到個誘惑😂😂😂😂食完又食，都唔知食左幾多件了！！食到個個飽晒，最後臨走仲有雪糕送，十分滿足價錢公道，食物質素高，下次一定會再黎食過…Read More

今日同埋屋企人黎到尖沙咀享用晚餐，我地一行7人點左十多樣菜式開心share👍🏻👍🏻👍🏻點左好多招牌菜，全都色香味俱全！！尤其是碟蟹，真係整得超好食，令人一食回味無窮，無不讚不絕口🤭🤭菜香鐵板豆腐$162豆腐食落真係超滑溜，我家bb食左超多🤣🤣荔枝咕嚕肉$143酸酸甜甜特別開胃，大人小孩都岩食，咕嚕肉又炸得香脆可口👍🏻金牌脆皮燒雞（半）$178燒雞食落香脆，肉質嫩滑無比，好快已經俾我地秒清晒！！黃金焗蟹$368呢道就係本人至愛既一道菜😻😻😻黃金焗蟹，大大一隻蟹份量十足，蟹鉗超多肉，咸蛋味超濃，簡直好食到停唔到👍🏻👍🏻黑胡椒蟹$368同黃金蟹一樣超惹味，呢道有少少辣，小朋友食要注意番！！漁香茄子煲$117茄子整得鑊氣十足，拎黎送飯一流！！酸甜鱸魚片$162鱸魚同咕嚕肉一樣都炸得好可口，鱸魚片肉質鮮甜香滑。食左咁多煎炸野，係時候要食番d蔬菜🥬中和番油膩感😆😆😆金銀蛋浸波菜$132滑子菇素炒麵線$88三色桂花班蘭糕$45呢到既桂花糕同出面既有d唔同，有三層唔同口味，食落又唔太甜，岩晒我呢d唔鐘意食咁甜野既人，不錯不錯👍🏻👍🏻👍🏻最後食埋甜品就完結我地今頓晚餐了😄😄…Read More

今日同老公黎到青衣城行街醫肚，唔黎都唔知地下嗰層開左咁多新野食鋪頭👍🏻👍🏻👍🏻我地行左個圈見到霸王山莊個fd 霸王川莊開左係到😂😂幾有新鮮感決定入去試試佢！！一入到去見到個十分像真既火爐擺放左係到，就咁睇都幾特別，仲聽到唔少小朋友係到問係咪真架d火🤣🤣🤣呢杯茶飲落都好清甜，入面包含左杞子、紅棗.....好飲之餘又夠晒健康！！麻辣木耳都真係幾辣下，唔識得辣既就叫另一款唔辣既好d!!黃金翡翠呢碟真係超值得推薦大家，本人同本人老公都覺得好好味，咸蛋黃味道超濃厚，秋葵入口脆卜卜，四季豆又夠淋甜，一個字正👍🏻👍🏻👍🏻我地好快就將成碟清晒🤭🤭我地點左咁多野食埋單大確$300幾蚊到，都唔算太貴，食物質素同埋店員服務態度我地都好滿意，下次一定會再黎食過😄😄…Read More

適逢元宵佳節同老公黎到長發廣場食番餐好既慶祝下，我地揀選左呢到新開無耐既泰國菜黎到品嚐品嚐😆😆呢到地方寬敞環境舒適燈火明亮，望一望餐牌菜色價錢亦十分合理相宜！！我地兩個人點左幾個菜色黎到品嚐一下，食物質素及菜色份量都好高質👍🏻👍🏻👍🏻👍🏻泰式生蝦$72生蝦入口鮮甜美味，再加上餐廳附上既辣汁，別有一番風味！！冬陰公湯（細）$68湯內有4隻大蝦，材料豐富，飲落去味道唔算太辣，就算唔食得辣既都可接受🤭🤭泰式甜酸魚柳$68魚柳炸得好香脆，入口酸酸甜甜感覺開胃，拎黎送飯一流！！馬來盞炒通菜$68通菜炒得好有穫氣，食落亦唔覺得韌！！泰式肉蟹粉絲煲$288蟹肉鮮甜美味，粉絲亦十分入味，我地食完一碗又一碗，完全好味都停唔到口😆😆😆食左咁多野埋單五百幾蚊確實抵食，我地下次定必再度光臨😬😬😬…Read More

話咁快又就黎到新年啦，係時候出動去買新衣服新鞋過新年了😆😆😆同朋友行足成日都有唔少收穫滿滿戰利品拎係手🤭🤭放晒d電真係要去坐低醫下個肚仔先，所以我地就入左黎食野啦！呢到明明就係食辣野既，但裝修設計好特別，睇落又中又西咁，中西合璧！！食物種類都幾多元化，價錢仲十分實惠，仲有唔同既辣度供客人選擇！口水雞$32雞肉非常滑溜，成碟俾我一個人清晒咁仔青瓜拼木耳（雙拼）$28味道調教得好入味，木耳同青瓜都好爽口，辣度適中！！重慶小鍋紅薯粉+雞翼尖+豬大腸（麻辣）呢碗紅薯粉係友人的，佢係比我更加食得辣的，佢同本人講係辣得好過癮既一碗粉，食完會出一身汗豬耳拼牛柏葉$39紅油韭菜餃$38可以話係皮薄餡靚，食落啖啖韭菜，再加上辣椒🌶️芝麻同食口感味道都唔錯！熱伴紅薯粉$26本人發現食碟碟菜式都係有青瓜係入面的，心諗d人真係每日剩係切青瓜都切到手軟呀真係辛苦晒！！呢個熱伴薯粉都唔例外，上面都係鋪滿左青瓜同芽菜的，本身已調好味，食落幾好食，唔辣有唔辣既正！！兩個人食左咁多野埋單先至$232，真係抵到不得了！！…Read More

銅鑼灣登龍街出左名成條街都係野食，入到去想食咩種類既菜式都應有盡有，今次就同埋好姊妹黎到永光中心7樓一間新開既居酒屋🏮一同共進晚餐。上到黎地方唔算好大，但環境整潔美觀，又坐得夠晒舒服😌打開個menu望望，兩個你眼望我眼都唔知食咩好，最終決定叫廚師👨‍🍳發辦好了，大家唔洗諗唔洗煩！！和風八爪魚沙律🥗首先黎個前菜，八爪魚食落好爽口，整碟都係日本🇯🇵昆布......好健康！！目仁奈刺身呢款魚剌身好少聽過同比較少食到，唔講唔知原來係日本時令魚黎，師傅切到好薄身魚身晶瑩剔透，再加上幾滴檸檬🍋汁食用，口感清新美味！豬肉露筍卷燒得剛剛好，露筍鮮嫩爽口，咬落去好有口感日本長芋梅肉天婦羅炸得好脆卜卜，食落去完全食唔出係我地食開既芋頭黎，日本長芋既口感真係好唔同，真係寧捨爽甜d🤭🤭🤭小長井蠔一人一隻份量都唔細，放入口立即散發出好濃厚既海水味，食落去好juicy👍🏻👍🏻👍🏻原隻魷魚🦑燒魷魚份量十足，我地兩個人都食唔晒，煙煙韌韌口感一流，加埋佢配備既魷魚膽汁點黎食特別惹味！！特上鰭和海鮮丼用料豐富有海膽、飛魚子、三文魚腩、鮮帶子......款款刺身食落去都好新鮮、鮮甜、用海膽撈飯食更是一流！！最後仲有紅豆雪糕作終結，紅豆雪糕唔算好甜岩晒我😂😂😂😂😂…Read More

聽朋友講尖沙咀開左間日本浜燒係太興廣場趁今日得閒就同老公過黎品嚐一下😋😋呢到環境優美裝修雅致，勁有日本🇯🇵風味！！我地坐低左之後望一望menu都幾多野食下，d刺身同海鮮睇落都好新鮮下，一定要點黎試試！！左：青蘋果乳酸$68右：orion $55首先送到既係軟殻蟹沙律🥗$78軟殻蟹炸得十分香脆可口，沙律🥗食落好清新，剛好可一解油膩感，入面既蕃茄特別鮮甜美味！！東瀛五點盛$368入面有五款不同既刺身，望落去亦好晶瑩剔透，食落仲好新鮮確實有入口即溶既感覺 正到爆👍🏻👍🏻南灜卷$258用料非常豐富，當中有大大件海膽、拖羅......配搭埋壽司同吃變得有另一番風味。唔只食物好食，賣相仲要一流！！活貝盛合$388嘩 真係見到都已經流晒口水呀😋😋😋海鮮新鮮到爆，仲要款款都份量十足，呢到有樣好處就係你鐘意自己燒又得，叫店員幫你燒亦得 得左xddd可以食下殘廢餐等人服侍下、飲住啤酒享受下等食🤣🤣🤭🤭蚧味噌甲羅燒$136店員唔只全部燒好晒仲要切埋粒分俾我地享用，佢地既服務態度真係一流，值得一讚👍🏻👍🏻👍🏻👍🏻👍🏻我同老公下次一定會再黎食過，飲住啤酒🍻食下野傾下計完全無壓力坐幾耐都得，無人會趕你走十分寫意！！…Read More

又再黎享用晚餐了今次帶同媽媽一齊黎，隨便點左幾個小菜食，上菜速度都幾快，好快已經上齊晒所有食物。蠔仔粥必點之一，蠔仔依然夠晒大隻，粥入味得很腌獅蚶$68獅蚶雖然唔算太大隻，但份量十足，一啖一口，十分美味椒鹽九肚魚$88九肚魚香滑，入口脆卜卜椒鹽味濃厚，炸完連骨食落肚都可以！！韭菜蜆肉$50媽媽特別點黎放落粥食，炒過既蜆肉特別惹味！！綠豆爽$25食完正餐再點個糖水食下，去下油膩感同時又可以清下熱一舉兩得😆😆😆…Read More

等埋老公放工同佢出左尖沙咀，黎到呢間酒吧放鬆放鬆下，呢間酒吧新開無耐又位於天文台道較為偏僻位置，唔係朋友告知本人都真的很難會知道！！呢間酒吧寬敞舒適，入面設有多款遊樂設施供客人遊玩，最受歡迎莫過於就係全港獨家既遊戲枱、同埋標機！！呢到仲有露台，可同朋友外出飲酒🍻吹吹風！！大大盤Nuts ，有開心果同埋薯片Jap jap$108呢杯係用左綠茶🍵、日本🇯🇵清酒🍶、荔枝制作而成，清酒容易入口、酒味唔算太濃烈。Strawberry 🍓 surprise$88呢杯唔係普通既士多啤梨奶，入口超濃厚菠蘿🍍味，加上士多啤梨&奶味道甜甜的，口感香滑好飲😋😋😋因為我地仲有下場要去食飯，所以小食只點了兩款：1款係炸蝦🍤球$78另一款就係咖哩薯餅$78兩款小食都炸得好香脆可口、尤其是當店員端上咖哩薯餅上枱時，已聞到陣陣咖哩香味，真令人食指大動👍🏻👍🏻👍🏻…Read More

又有新店開張啦，又係時候試下新野🤭🤭呢間仲要開係本人屋企附近點可以唔黎食下呢！！呢間十二味功夫本身大陸已經有多間分店，今次開到黎香港🇭🇰我地有口福了😋😋坐近窗邊位置可觀望街景，十分寫意！！店內裝潢大多數都有著我地既國寶熊貓🐼既蹤影。川式口水雞$68唔只食物本身賣相精美，用既碟都富有藝術氣息！口水雞味道又唔算話太辣，但食落去好入味，而且雞件大大隻啖啖肉好味！酸辣木耳$28木耳食落去好爽口，酸酸辣辣咁幾開胃！！水煮魚$198雖然本人唔太食得辣，但比起酸菜魚本人更愛吃水煮魚，貪佢辣得夠過癮😋😋😋水煮魚入口肉質鮮嫩惹味份量亦不少，裏面仲有薯粉同芽菜唔洗驚唔夠飽😆😆柚子茶$28美味的一頓川菜晚餐👍🏻👍🏻👍🏻…Read More

呢間韓式料理主打食吉列牛同埋忌廉咖哩烏冬，聽就聽得多啦但就真係無試過。今次就專登同埋老公走黎試試，睇下味道如何🤭🤭等埋老公放工8點幾出到黎旺角，上到去見到已經全場坐滿晒客人，係出面等左一陣終於有人食完出來了，之後我地就入去坐低左，再睇下menu有咩好食！！吉列牛係我地必點之一，再外加點了幾款小食。吉列牛定食$148定食入面已包括有前菜、飯、熱湯🍲......格左陣店員再為我地送上一個石板，然後幫我地點著佢用黎哄番熱d吉列牛肉！！吉列牛本身已經炸好左，只要用石板烤一烤就食得了，要幾生幾熟自己話事，吉列牛因炸過既關係咬落去已經好脆，食落都唔怕會韌，確實美味！！味噌蟹蓋配紫菜飯團🍙$58呢個一定要熱食，如果凍左就唔好食了，蟹膏十分充足，包住飯或送飯食都不錯👍🏻👍🏻牛舌雞肉串$38呢款小食都幾特別，雞肉入面包含左牛舌粒，食落口感豐富又夠創新！！南瓜🎃薯餅$38南瓜薯餅炸完之後內軟外脆，十分美味可口！！本人自己一個人清晒成碟🤭🤭🤭Citrus oceen$38食完埋單兩個人連加1三百幾蚊可以接受，食物質素都唔錯，下次必定再黎食過！！…Read More