有晚同朋友路經此鋪，見門口掛住啲牛腩好似好靚，所以走入去叫咗碗（$36牛腩牛膀河、$30墨丸河及$8油菜）合共$74！兩碗河粉嚟到後，發覺呢碗牛腩牛膀河啲牛腩真係切得好幼身兼一條條又好細舊，所以就叫番落單個侍應阿姐嚟問下，而個侍應阿姐睇完碗河粉後，態度好差好大聲話：雙拼係咁㗎，師傅幫你切咗啲肥未好似細啲囉！（我落單時都冇講話要走肥）而望一望我張單後又話：加咗$6比多咗你喇！之後就轉身走開咗.......。當時真係好想叫番個侍應阿姐嚟鬧鬼佢，不過又費時比人感覺想嘈完後換個碗嘅關係，所以就谷住氣地快快食完就走了。總結：侍應阿姐態度極之差兼惡劣，從頭到尾，我地都冇睇過餐牌又冇話過價錢平與貴，只係覺得碗嘢比喺出面好多粉麵檔嘅料比較小兼細先問下，而粉麵檔不是要求好服務本人是知道的，但咁嘅份量出品真係請都唔會再去！
…Read More
…Read More
