Linglingyiu's Profile

超滿足✌🏻 好睇又好味 魔術真係大人細路都啱👍👍早幾日阿姨發現咗個新場，佢話好啱帶埋卡卡去，有嘢食又有魔術表演睇，卡卡聽到當然很開心🥳，(原來阿姨係Miss honey fans😂😂)星期日阿姨就買咗三張套票連汽水同爆谷或者雪糕，我哋另外嗌多個脆炸芝麻雞翼，啖啖肉仲要好多汁正呀，一路嘆住汽水食住雞翼睇表演，香港真係好少呢啲地方，魔術師不斷同你互動，感覺三個鐘頭好快過，D小朋友仲可以面部彩繪，仲有扭波波姐姐🧍‍♀️，每人送一個波波，最正就係仲有服裝俾你扮小魔術師，上完呢個魔法學院堂，仲有一張小證書，適逢最近所有學校都搞緊畢業禮嘅時候，我哋可以喺魔法學院畢業呀😂😂😂😂，就嚟暑假周圍都熱辣辣，呢個室內嘅表演節目真係唔可以錯過，不過我諗真係要訂位，我哋嗰日去都全場爆滿…Read More

第一次🤣一次過食五個鍋好耐已經冇約人出街食飯，最近終於得閒啲，當然要見吓朋友啦，今次近近哋喺沙田食，知道近期好運中心開咗好多食肆，走去行個圈，揀咗間火鍋任食放題😋雖然係任食，性價比都算高👍酸菜魚🐟應該係用鱸魚，條魚好滑，冇乜骨，我哋叫咗小辣小酸，服務員話唔夠可以再加酸同辣，味道真係唔錯秘製火焰牛尾煲🐮呢個可以用嚟打卡😂店員上煲之後會加D酒之後點火🔥，賣相唔錯，牛尾好腍好入味仲有淡淡酒香👍惹味雞煲🐔反而呢個覺得冇乜特別😌雞都唔算太滑香濃黑椒豬手煲🐽呢個都有驚喜，豬手好腍，濃濃嘅黑椒味，食落去都唔覺得太肥👍👍👍滋補羊腩煲🐑裏邊嘅配菜都唔少，味道唔差，所有材料入晒味，可能我哋食中午，羊腩有少少唔係好夠腍…Read More

早排一家三口喺Wego mall買嘢，本來諗住走，點知個仔比一個雪糕counter吸引住🤣🤣跟住就入咗去食晚飯，我哋叫咗個二人餐都幾豐富👍有晒前菜，湯，主菜，pizza同埋甜品🍧前菜：凱撒沙律🥗蔬菜好新鮮，再配埋脆卜卜嘅麵包粒，清爽湯：干邑龍蝦湯個湯綿滑味濃，仲食到啖啖龍蝦肉🦞yummy😋主菜：燒黑毛豬鞍配自家製蘋果醬黑毛豬鞍燒得剛剛好自家製蘋果醬，酸酸甜甜好味😋薄餅🍕：夏威夷烤雞薄餅最最鍾意佢個薄皮，餡料豐盛阿仔自己都食咗三片🤣依間味道算唔錯👍價錢都公道可以再去…Read More

早兩日試咗呢間家庭式泰國小店，裝修唔算好靚，但係你食完一次你會再幫襯，因為人情味濃，食物質素👍👍👍，食泰國菜我一定會點生蝦，呢度嘅生蝦一嚟夠大隻，二來佢個秘制辣醬汁😋我真係一試難忘，你直程會覺得佢點乜嘢都咁好食🤩🤩🤩呢個係我必食推介，仲有佢嘅期間限定秘制螄蚶，如果鍾意食螄蚶真係唔好錯過，佢有少少鹹海水味加埋螄蚶嘅鮮甜味，我諗起都流口水，😍😍😍泰國菜又點少得泰式咖喱炒蟹，出邊一般都係會揀蒜蓉包薄餅或者配飯，呢度有啲特別可以配出前一丁啊😍😍估唔到咁樣用個醬汁嚟撈麵真係好食到黐咗線，仲要隻蟹係好新鮮唔細隻😍😍😍同老公食完之後佢都話會再返嚟😂😂果然香港嘅小店真係會有啲驚喜…Read More

實在太耐，冇食放題喇，早兩日趁住有時間，近近地就係沙田大喜屋食返個日式放題先😋，我哋就有book枱，但係未夠12點門口已經有人排隊，相信呢一餐都唔會令我哋失望，坐低咗就用QR code點餐選擇都好多㗎，但係今期榴槤大熱，當然唔會錯過，點幾款榴槤產品試吓啦😌我第一次食烤榴槤，估唔到咁好食，仲甜過平時就咁食，唔怪得知有人用榴槤嚟煲湯🤣🤣，另外試埋榴槤椰皇奶凍，榴槤蓉入口即化，配埋奶凍食，簡直係絕配😋😋😋，見未夠喉，個胃仲有位就試埋佢嘅蝦球伊麵，隻𧎚超級彈牙，一啲都唔輸蝕比大酒樓，真係值得推介👍👍…Read More

前牌聽朋友講😌沙田麗豪酒店有間酒樓啲點心唔錯，難得老公放假，就帶埋個仔試吓先，果然係冇失望嘅，環境唔錯，完全冇壓迫感，安排坐近窗邊位，望住城門河感覺好開陽🤭我哋叫咗個午膳自選套餐，每位$188，另外再叫多個川燒羊肚菌海參煲⭐️川燒羊肚菌海參煲正常嘅海參煲就食得多，今次試個川味，辣辣地又幾入味喎，羊肚菌索晒啲汁，yummy😋😋⭐️蒜片燒汁牛脷粒牛脷粒好淋，配上香濃嘅燒汁會，加埋蒜片一齊食😋正👍⭐️瑤柱蒸燒賣燒賣大大粒，食到啖啖豬肉同蝦嘅味道，面頭仲有瑤柱絲，好食😋⭐️潮州蒸粉果呢個同出邊嘅，冇乜分別⭐️XO醬安蝦鹹水角脆卜卜嘅鹹水角，外脆內軟，食到淡淡XO醬嘅味道唔錯👍⭐️蜜餞叉燒包呢個簡直係我個仔嘅至愛，無可奉告😂😂我一啖都食唔到⭐️西湖黃耳燴素羹雖然係一個素羹，但係口感都好豐富，味道香濃，唔止飲緊素羹⭐️蒜香海皇炒飯個飯炒得好靚，粒粒分明味道啱啱好，又唔會太鹹，兩公婆食到舔晒咀，連我最偏食嘅仔都食咗兩碗呢度環境同食物都唔錯，最重要係唔係咁嘈，下次可以約埋朋友一齊嚟食過#沙田 #沙田麗豪酒店 #富豪坊 #中菜 #飲茶 #香港美食 #相機食先 #美食推介 #比卡仔與比卡媽 #hkfoodies #foodies #hongkong #hkinfluencer #igblogger #hkkol…Read More

早兩日同幾個friend去食咗間高質私房菜，真心覺得性價比高👍👍👍每樣餸都好好食，估唔到而家商廈真係多咗咁多好嘢食，間鋪唔算好大，但係坐得好舒服，侍應有禮貌，招呼都好好，話明私房菜，菜牌一早就揀好👍榮哥自家甜酸齋 👍本地水耕沙律菜伴芝麻醬 蔬菜新鮮伴芝麻醬冇得輸啦👍雙色墨魚仔 爽口，尤其是辣嗰隻回味無窮👍茶燻流心蛋伴黑魚子醬配厚切茄子 流心蛋伴黑魚子醬真係好夾👍原盅燉哈密瓜螺頭黑毛豚肉湯(位上)x2/原盅燉川貝陳皮海底椰鱷魚肉 原盅燉湯，湯味香濃，尤其是哈密瓜螺頭，真係飲到種清甜味😋👍油浸時令鮮魚 今次我哋食馬友，趣卜卜啖啖肉😋👍蝦球水芙蓉 埋枱嘅時候，見到佢黃色冇諗過原來係蛋白🤩蝦球爽脆😋👍士多啤梨黑豹肉排骨 呢個賣相靚之餘，仲要配埋米樋一齊食口感豐富👍招牌茶王燻雞 呢個唔講得笑，茶煄味香濃，隻雞勁滑😋😋👍米王有機時令鮮蔬 👍農坊獨頭糖心黑蒜炒飯 呢個飯炒到粒粒分明，糖心黑蒜都唔少，都食到咁飽都仲覺得好好食，呢個飯一定值得推介👍時令甜品 （芝麻湯圓）…Read More

話時話😂釣蝦場都興咗一排，我都好似冇乜去過，今次趁着個仔返咗學，兩公婆去一次試吓水溫先，下次可以帶埋個仔嚟，重點係要試吓易唔易釣先🤣🤣🤣環境都算闊落，我哋2:00嘅鐘數就冇乜人，跟住到開始多人，負責人好細心教你點樣釣🦐點樣放🦐入籃，最正係好容易釣，爸爸釣咗一陣間就已經有三隻🤩🤩原來佢哋一個鐘頭會放一次蝦落去，咁你就一定會釣到啦😂😂最終兩公婆釣到十幾隻🤩🤩之後即刻拎去燒，大約20分鐘到就食得，即釣即燒，果然係唔同啲，特別鮮甜，仲要多膏，調味都唔使落啖啖肉好食下次可以帶埋個仔嚟玩吓👍👍…Read More

同個仔去完馬鞍山中心學畫畫，跟住就諗住喺附近搵嘢食，行出去就見到呢一間打邊爐好似好正，咁就行入去試吓地方唔算好大，但係都坐得幾舒服，掃QR code點菜，今次啱晒老公勁多牛肉，勁多款，牛魔皇真係啱晒，海鮮就冇乜款揀囉，店員招呼都唔錯，一坐低就已經介紹有乜嘢優惠叫咗個鴛鴦牛骨麻辣燙，牛骨湯味道都濃，麻辣嗰邊都夠辣⭐️（信州和牛）澳洲牛腹肉望落去肥美，入口即化罕有部位三送一⭐️澳洲五花趾肉質較為實⭐️澳洲和牛牛頸脊肉質有口感，牛味都濃⭐️牛上肋顏色粉紅油脂比例分布剛剛好👍好淋好味⭐️安格斯橫隔肌呢個就冇乜特別⭐️鮮制手打烏冬推介烏冬彈牙有口感，我個仔食咗兩碗我哋仲叫咗 竹笙，鴨血，皇帝菜，水蓮整體食物質素都唔錯，夠新鮮👍👍…Read More

其實又有得玩，又有得食呢個概念真係唔錯，最近去咗觀塘呢間親子餐廳食物唔差之餘，可以比小朋友放電😂地方都唔錯，大人又可以舒舒服服食韓燒，小朋友又可以自得其樂繼續玩，最緊要係餐廳食物味道都唔錯👍小朋友肯食，肯玩，大人就最開心🥳我哋叫得都多嘢食和牛牛柳❤️❤️呢個好好食，又夠滑又夠淋蒜蓉蜜糖雞腿肉呢個都好食呀，醃嘅味道唔會太鹹，剛剛好啊仔都食咗好幾舊甜蜜士多啤梨🍓香蕉奶昔呢個好新鮮，仲要唔係好甜，好啱小朋友飲整體來講真係算唔錯，大家去記得着多件衫，因為小朋友玩嘅地方冷氣有啲大…Read More

同班閨蜜去蒲，去之前梗係要醫下肚，咁啱喺附近就見到呢間 ⭐️川味辣蟹🦀️見到門口擺出嚟都好多嘢食，又有燒烤又有雞煲😋，就揀呢間燒韭菜，燒雞腎，燒四季豆，燒原條茄子，燒雞俾菇，燒雞泡魚乾 呢幾款燒烤都好野味😋因為食得出懷念的味道，（好耐冇返大陸喇）🤣🤣⭐️椒鹽粟米 🌽呢個要推介👍👍👍粟米好甜，椒鹽好好味⭐️辣煮鉗魚 配菜都有好多👍辣味亦都夠，最重要條魚好新鮮，仲要唔多骨味道唔錯⭐️辣子田雞呢個好嘢味，送酒一流🍺最緊要就係夠乾身,同埋夠辣🌶️⭐️川味雞煲呢個抵食呀，人均消費滿$150就可以用一蚊揀一個雞煲 雖然份量唔算太多，但係一蚊真係抵到爛🤣🤣⭐️香辣魚皮都要推介👍👍👍新鮮魚皮，唔係到到食到，仲要配埋青瓜，飯前小食一流當然叫返幾支大啤飲下就唔少得啦🍺🍺🍺…Read More

趁着老公生日🎂搵咗間隱世西餐廳同佢嘆返吓🍽，我哋去到大美督，順便仲可以打埋卡影吓相🤣🤣餐廳環境唔算好特別但係勝在食物真係好出色👍👍⭐️非一般嘅沙律我好少喺出邊食沙律會加埋南瓜，呢個沙律賣相靚仲要好好食有南瓜🎃紅菜頭車厘茄🍅雜菜🥬薯仔🥔仲有啲雜豆🥗新鮮爽脆好味再加埋細細個嘅蒜蓉包😍意大利薄趣😋😋好味⭐️🧄椰菜花薯仔湯加黑松露油個湯綿滑好香濃嘅薯仔味👍👍⭐️扒美國頂級肉眼配紅酒汁我叫咗個六成熟嘅入口唔會靭，咬落有口感，食到有海鹽味，肉汁都豐富👍👍👍⭐️慢燴橙香鴨髀伴香煎鵝肝及焦糖無花果呢個都幾有驚喜😍焦糖無花果甜甜蜜蜜好sweet，鵝肝煎得剛剛好唔會油淋淋，鴨髀入口即化😋襯托少少甜橙味真係好夾👍👍…Read More

上星期老公特登同我出尖沙咀慶祝生日🎂呢一間係之前同佢出嚟食過，我話好好味嘅 我今次食都一樣好味😋😋💫Dinner set ⭐️魚蝦蟹🐟🦐🦀多士厚厚嘅魚蝦蟹肉Mix 埋醬料，鋪滿整塊多士，口感層次豐富⭐️廚師精選沙律🥗沙律菜新鮮爽口👍加埋多士粒配搭一流⭐️蒜香炒蝦球意粉呢個有驚喜😍雖然份量唔多，我但係有六隻蝦爽口彈牙，最估唔到佢就係辣嘅啱晒我口味🌶🌶⭐️柚子醋鮑魚仔碎上鮑魚仔，配埋甜甜酸酸嘅有子醋，特別醒胃⭐️黑松露雜菌田園意大利飯濃厚嘅黑松露醬汁😍配埋剛剛好嘅意大利飯入口棉滑，連唔係咁鍾意食意大利飯既老公都讚好味👍👍👍👍青蘋果🍏醬厚切豬鞍賣相靚之餘仲好好味豬鞍咬落淡淡有肉汁，絕對唔係食乾柴🤭值得推介⭐️墨西哥粟米片呢個真係好玩又好味🤣🤣佢俾埋個錘仔你自己卜碎再配埋兩款醬料俾你慢慢點⭐️特色脆皮燒賣千祈唔好俾佢個名呃咗🤣🤣佢絕對唔係你食開嘅燒賣，外皮係用春卷皮所以好趣，裏便應該就係用咗蟹肉蝦肉加埋醬料，成件事配搭起上嚟好夾絕對令你不期然再食多嚿🤣🤣🤣…Read More

早排一家三口去踩單車🚴‍♀️，踩到去科學園估唔到夜晚嘅科學園咁靚，當然要喺嗰度打卡順便食埋晚飯啦，喺金蛋打卡完咗之後見到有間親子餐廳，比卡喺門口已經見到裏面好多嘢玩🤩，好明顯走唔甩我哋就揀呢間🤣裏面環境好大好靚👍仲有大大副蘋果棋相當吸引⭐️白酒香草煮青口配蒜蓉包青口肉質鮮甜，相當新鮮👍👍蒜蓉包趣卜卜😋小朋友至愛⭐️意式燒走地雞半隻配有機時令蔬菜及串茄估唔到燒雞都肉質嫩滑，配上時令蔬菜，已經夠晒飽⭐️意大利煙肉配忌廉蛋汁意大利麵呢個勁好味😋意大利麵做得剛剛好唔會太淋，醬汁亦都好濃厚，個仔差唔多成碟食晒⭐️特色芝士餅呢個不單止賣相靚😍而且個cheese cake真係好好食cheese cake芝士味極度香濃口感豐富配上雪糕簡直幾層享受😎價錢亦都唔算貴😉下次可以同其他朋友一齊再嚟…Read More

唔使成日都大魚大肉，有陣時我都鍾意食下酸辣粉麵，今日我哋就去咗石門呢一間，串串川總之食辣我就鍾意😂😂⭐️麻辣燙（冒菜）至抵自選套餐我就揀咗蓮藕、萵筍、牛肉、枝竹、魷魚、年糕（中辣）薯粉蓮藕，萵筍都好趣口👍牛肉都算淋嘅，魷魚都彈牙估唔到同埋年糕煙煙韌韌有幾好食，薯粉個煙靭度都好夠湯底果汁都好濃，味道真係唔錯⭐️客家酸辣豬面肉麵線老公叫呢一個仲加埋腸仔魚蛋諗住可以比個仔食🤣 以為唔辣點知都係有少少佢自己食埋，佢仲一路食一路流汗，估唔到豬面肉都可以咁滑，酸辣到啱啱好🤣勁香脆鮮肉漢堡真係估唔到呢個咁好食👍👍👍只係一個肉餅居然可以做到咁趣，咬落仲要啖啖有肉汁，唔怪得知咁多人叫啦😋下次嚟個快食，都可以返嚟呢度…Read More