rickyng0505's Profile

有個傻嘅老Best話相識十週年，要襯放假前一日賀一賀佢，我地就專燈去咗跑馬地嘅 寿々乃 (Suzuno) 食Omakase 。 餐廳著重師父同客人嘅交流，所以坐位唔會太多，而且係counter-style，所以客人可以好清楚睇到師父握手法，師父亦可以了解到客人而作出彈性安排，食第一味菜時師父已經留意左我係左拗，所以上菜同食物擺位專燈就返我嘅方向，真係超級細心同誠意爆棚! 😍❇ 前菜拼盤賣相超吸引分別有腐皮卷、鹽身魷魚伴蘆筍、牛蒡太刀魚同澤蟹蟹仔超新鮮多汁，師父仲專燈拎咗盤蟹仔比我地睇，隻隻都好生猛，蟹仔到店鋪時仲係生嘅狀態，當然我地係食烹煮後魷醃過熟嘅蟹仔 🤤❇ 鱧魚。蒪菜高湯鱧魚做成卷狀，加上仲本鱧魚厚肉嘅口感，所以食落好滿足。第一次食蒪菜，外面好似有陣啫喱咁滑潺潺好得意好過癮 😍❇ 海老真丈呢個係富山白蝦做既炸蝦丸，同以往食過嘅口感好唔同。海老真丈口感好綿滑軟熟，每啖咬落會感受到鮮甜肉汁，加上出面炸皮好薄，相當出色!👍🏻吸盤好脆、有咬勁，八爪魚肉好彈牙❇ 刺身五點北海道水八爪魚吸盤好脆好爽口，加上師父自製嘅醬油漬Wasabi真係好出色，Wasabi整成醬油漬嘅食法真係第一次食，味道更辛辣之餘帶有口感，配上水八爪魚真係一流 ☺️👍🏻。北寄貝 &赤貝好新鮮，師父整嘅時候仲識郁，而且平時食開紅白色熟嘅北寄貝，難得食到刺身，真係鮮甜好多。三文魚籽配蘿蔔蓉好夾，三文魚籽甜味十足。❇ 壽司十貫壽司分別有金目鯛、縞鰺、魷魚、帆立貝、關鯖、秋刀魚、甘海老、中吞拿魚腩、大拖羅、醬油漬赤身。每一款壽司都好好食，個人最鍾意係關鯖，原本對鯖魚嘅印象係會帶有腥味，但關鯖食唔到腥味，而且肉質有彈性之餘仲食到魚嘅油脂味!🤤🤤❇ 海膽手卷☺️🌝👍🏻🤤😋👍🏻👍🏻超級滿足!!!海膽仲多過飯，而且紫菜包完後再係面頭鋪上海膽，簡單講就係手卷係滿滿嘅海膽，每一啖都食到好鮮甜 😍😍😍最後甜品有十勝紅豆糕配方和戈山嘅柿，紅豆糕甜味十足，而柿就香甜又多汁，可以解返紅豆糕嘅膩感。整體而言，呢餐性價比高好高，因為食材真係好新鮮、師父細心幽默、上菜速度唔會太快，體驗感相當高，而且估唔到連熟食嘅炸目光魚同埋連小食炸食甸魚苗都好出色，甚至漬物都真係醃得好好食，係暫時食過最好嘅Omakase，屬於天花板級數。👍🏻👍🏻👍🏻👍🏻👍🏻…Read More

之前去韓國弘大見過Joajung，一試後就認識咗呢間韓國人氣乳酪雪糕店。偶爾去奧海城行街，先知道原來香港都開左Joajung，即刻同朋友買尼食。乳酪雪糕普通杯$38，大杯要$58，唔包任何Topping的，店內有多款Topping選擇，但要每樣加大約$10-$20左右，所以一杯雪糕加一個配料已經要大約$50起跳，當日分別加咗香印提子同芒果，兩樣都要加$20，鮮果的確好新鮮同鮮甜，但$20的話份量就略為少了一點。乳酪雪糕的話，感覺同韓國食嘅有些少分別，唔知係咪心理作用，好似韓國嘅Joajung好食一啲  總括尼講，炎炎夏日食杯Joajung會覺得滿足，但價格方面略為貴，比韓國食費貴double有多。…Read More

FooDo係一間位於旺角嘅小店，主打手作意粉同薄餅，台鋪以純白色為主調，環境乾淨明亮，牆身都有掛上簡約小掛畫，營造一種簡約同純粹嘅氣氛。當日分別點了一份薄餅同手作意粉，自家手工闊麵好有嚼口，不過個人比較鍾意淋一點，所以如果唔太鍾意嚼口嘅可以落單時提醒店員煮淋一點，闊麵相當掛汁，每一條麵條都可以掛上滿滿嘅醬汁，配上生雞蛋會更順滑 而手作薄餅點了白菌車打芝士口味，菇菌都好多，味道不過不失，但同闊麵一樣，餅皮都係比較有嚼口嘅類型，所以成餐飯都食到有少少攰。另外值得一提嘅係店鋪唔太闊落，同隔籬枱其實好近，所以私隱度會相對低。 …Read More

難得去到觀塘行街，晚餐當然去返觀塘嘅工廈食。上網搵附近餐廳，見到Mini Friday呢個名幾得意，冇諗太多就去食。一入到店內，餐廳比想像中有格調，入面並唔係好光猛，而係好淡好柔嘅黃光，帶點工業風格，而當時播住英文慢歌，加上枱櫈都幾闊落，所以店內成個感覺好chill好relax :)  當日叫咗鴨肉pizza同burger，pizza餅皮係薄身，而且餅邊好脆口，但餅面嘅料就比較少，鴨肉並唔多，只有木魚較多覆蓋pizza。至於牛肉漢堡，真係好好食，牛肉好有肉香，但如果大塊d就更好。…Read More

因為Happy Friday，同事突然提議去食法國餐，就帶咗我去金鐘嘅DALLOYAU，去到見到裝潢同寧靜嘅氣氛已經感覺到係一間高檔次嘅法國餐廳。難得食法國菜，當然唔少得油封鴨，其實本人第一次食油封鴨，上菜一下見到覺得有d乾身覺得未切好食，經過同事嘅介紹同親身試過後立即改觀。原本油封鴨係要經過低溫鴨油中慢煮，然後外皮會變到好酥脆，所以外表睇落先會乾身，所以試食一啖後會發現外脆內嫩，肉質嫩滑之餘仲有滿滿嘅油香，而且因為低溫慢煮，所以原先嘅肉汁都可以鎖哂肉身入面，真係超好食。 另外牛油焗田螺都十分出色，配埋下面嘅薯蓉真係好好食，完全愛上法國菜，不過價錢就偏貴。…Read More

PHI Coffee & Pancake 嘅pancake一直都好高質，亦會經常推出不同口味嘅限定菜式，見今次推出芒果梳乎厘，所以即刻去試。一直知道pancake係日式嘅食物，而今期嘅pancake係配上泰式主題嘅芒果糯米飯，見到日泰fusion已經好期待。上碟時真係見到誠意滿滿，首先梳乎厘一如既往好大舊，芒果切得好工整亦都好多，連糯米飯放上小點綴，加上底下放有斑蘭葉做裝飾，營造出滿滿的泰國風。味道方面，厚厚嘅梳乎厘一如既往的好食，口感十分薘鬆輕盈，而且蛋香十足，一旁嘅芒果香甜，而糯米飯有滿滿嘅椰香味，整個配搭比起平時只食pancake更添色彩，亦豐富咗口感，絕對值得推薦。…Read More

見尖沙咀 Hotel ICON 的 GREEN推出咗以龍蝦為主題嘅Set就決定一試，GREEN大堂有唔少以植物做裝潢嘅外牆，加上樓底好高，塑造出一種既高尚又恬靜舒適嘅環境氛圍。頭盤分別選擇咗海鮮凍盤同龍蝦凍餅，海鮮凍盤包括左半隻龍蝦、海蝦、長腳蟹、鮑魚同螺，各款海鮮都好鮮甜。而龍蝦凍餅方面，覺得設計十分新穎，食落會覺得比較淡口。主菜嘅龍蝦係香燒，所以上菜時聞到好香嘅龍複味，食落肉質好有彈性，鮮味十足。而甜品嘅開心果味好出，再加上面頭鋪上開心果粒，令到層次大大增加。整體來說，GREEN係一間十分適合約會嘅餐廳。…Read More

呀媽冇煮飯又話想食點心，上網搵到附近有間得獎點心店「得閒飲茶」就決定一試，見到點心紙後會見到呢間鋪有別於傳統點心鋪，有好多創意點心。最吸引我嘅係紫薯流沙煎堆仔，佢嘅外表有少少似荔枝，紫薯外皮好香脆，一咬開超流沙! 而且有蛋黃嘅香，好好食  。而XO醬菜苗餃做得好精緻，每一粒都有滿滿嘅菜苗同蝦，上面再鋪有XO醬，有別於傳統點心鋪，呢間嘅菜苗餃嘅皮並冇完全包合，上開打開反而更睇到真材實料而且賣相更吸引  。叉燒腸都皮薄餡靚，食落好香滑。唯一較失望嘅係千島醬脆皮蘿蔔糕，雖然都係創意點心，但食落外表較厚，而且千島醬付到食唔到入面嘅蘿蔔糕味，真係會覺得傳統香煎蘿蔔糕比較好 。整體而言，食物質素普遍都偏高，但價格會比傳統點心鋪高一點。…Read More

最近天氣熱，喺尖沙咀食完晚飯就想食食甜品，就尼咗厚福街嘅八時。八時係一間台灣人氣仙草店，店鋪門口以纯白色裝修為主，比人一種簡約同清新感，去到嘅時候門口已經好多人，最後等咗差不多半個鐘先入得。雖然八時出名仙草，但當日唔想想食仙草，所以選擇咗食刨冰同楊枝金露。甜品都會有一個小木托盤做底，然後我同朋友選擇嘅甜品都配上芋圓。先講刨冰，今次選擇咗焙茶口味，冰上鋪上一層奶蓋，而奶蓋上再放有一球雪糕，十分邪惡。 焙茶味冰口味唔會太甜，有淡淡嘅焙茶香，味道較為清新，所以配上奶蓋同雪糕可以提升層次感同甜度。而楊枝金露都好鮮甜，食得出芒果好新鮮。因為甜品都配上芋圓，所以食哂真係好飽好滿足。…Read More

位於尖沙咀嘅「里木」係高級嘅日料OMAKASE，海鮮從唔同產地直送，亦都有部分係店養殖，所以絕對新鮮。店內嘅環境設計用心，風格融合了現代與自然元素，室內裝潢雅致，營造出輕鬆愉快的用餐氛圍。座位間距適中，適合小型聚會或浪漫晚餐。今次主要都係試海鮮為主，當中最鍾意嘅三道菜式係生蠔、煎魚同大蝦，佢地都冇過多嘅調味，一食落口已經感受到鮮甜四溢嘅滋味，證明用料同選材都相當有水準。離開時見到其他客人有試鐵板燒的菜式，下次都會一試。…Read More

介紹一下位於新都會廣場最頂層嘅木系Café，由於位於頂層，而且旁邊有空中花園，所以採光度十足，加上餐廳營造氛休閒風格，十分適合約會同朋加聚會。餐廳食物質素很高，燒三文魚柳肉質鮮嫩，並冇因為燒製會太乾身，肉質依然保持到濕潤，而且三文魚油脂很多，一咬落去肉汁同油脂浸出 ，加上一旁檸檬汁並不會因為油脂而感到太膩，而闊條麵超級掛汁，每食一啖都會到濃娑嘅醬汁，超級滿足 。而朋友試咗帶子意粉都高度評價，帶子煎得恰到好處，有煎香之餘帶子內裡亦保持鮮嫩軟熟，意粉亦一樣掛到濃濃嘅醬汁。薄餅方面都烤得剛剛好，薄底有焦脆十分香口，餅面芝士同配料都好吹料好食。整體而言，The Pantry Café係一間會再食多次嘅餐廳。…Read More

Best Friend係史迪仔嘅Fans，知道TOP商場呢間Café用史迪仔做主題，於是就捉埋我去試了。一去到門口，已經見到有好多史迪仔嘅打卡位，入到去入面都見到好多用史迪仔做主題嘅掛布裝飾，而且餐品都有史迪仔元素，史迪仔迷一定會好開心。叫完野食上菜，見到餐盤用淺藍為主調，主菜都有史迪仔嘅元素，例如星球、滑板、貝殼等，營造陽光同沙灘氣氛，味道都不錯，咖哩味都好濃郁。而甜品更加靚，梳乎厘班戟配海鹽雪糕嘅賣相好吸引，梳乎厘班戟有兩塊，質感都好蓬鬆，淺藍色嘅cream同雪糕，加上雪糕上面有把太陽傘做裝飾，真係好有史迪仔Feel，同埋重點係，叫唔同嘅菜式會送唔同嘅史迪仔精品 ，例如叫凍飲的話就送杯墊同鎖匙扣，史迪仔迷必去。…Read More

同朋友元朗搵食 見秋風起又咁啱見到呢間煲仔飯小店決定一試 店鋪不大 只有大概6台位，入到去都只有一台客人。見到Menu有好多選擇，連龍蝦瀨尿蝦煲仔飯都有，但最後都揀返傳統d嘅肉餅煲仔飯同臘腸排骨煲仔飯。 到上菜時，見到煲仔飯外再有一個煲喺出面，等你唔會唔小心掂到個煲熱親，呢個位幾細心。 食物質素方面，因為肉餅叫咗蝦醬味，所以真係偏鹹咗⋯而且冇乜煲仔飯嘅飯香，但食物整體質素不錯。服務方面，呀姐幾親切有善，但可能有外賣平台訂單，就算堂食唔多人，都有少少忘腳亂，落單寫咗食蔥冇走到，聽到另外一台都有漏單情況，而當日製冰機壞咗，所以只可以選擇紙包飲品或者熱飲。…Read More

難得屋企人全部都放假，就做吓孝順仔女，帶屋企人去翠苑酒家食晚飯。當日冇book枱，去到亦唔洗等位直接入得。當日叫了燒味雙拼、大蝦帶子炒甜豆、鮑魚炆鴨掌、魚翅同炒飯。上菜速度好快，食物質素都很滿意，鮑魚同鴨掌都炆得好入名，炒飯都好乾身粒粒分明，屋企人都食得好開心。唯一嘅缺點真係食物份量真係較小，特別係大蝦帶子炒甜豆，大蝦同帶子真係得好少，甚至唔夠屋企人每人一粒，呢個位真係扣咗分 :( 如果食物份量可以增加，絕對會再次幫襯。…Read More

最近Owens喺 V city係開新分店，已經大受歡迎，就算店鋪位置及坐位較多，依然經常有好多人排隊。店鋪以香色及木色嘅裝修為主，營造出簡約同悠閒嘅嘅氣氛，絕對係一間環境舒適嘅Café。:)甜品質量極高，而且賣相相當吸弔，以小木盤做托盤，加上花瓣作裝飾，十分精緻。而且芝士蛋糕及開心果味甜品味道濃郁，不過一個人整份甜品可能會有點膩感。主食方面，試了扁意粉及扒類，質素都很高。個人對Owens食品整體性的評價都很高，難怪一直很多人排隊。不過要注意Owens唔可以拎飛，只可以排隊，所以如果想食的話就要預留排隊等候嘅時間。…Read More