muitommy's Profile

香港茶餐廳多，但好食既好少。要麼好貴，要不是就係貴夾唔跑，或者多鹽少料多味精。難得有機會試試呢間都小有名氣主打主家飯既餐廳，食左個午餐。今次叫左個鼓油雞飯，有飯連湯加甜品，未食都覺得好抵。雞煮得不錯，分量很足，雞沒有煮過火，非常幼滑。湯係霸王花，可惜好像煲燶了一點，有點燶味，不過見少少就飲掉算了。靚仔，正常，不過不失。有個蛋花馬蹄露，不是我杯茶，但味道不錯。$50蚊一個套餐，有埋甜品已經係錦上添花。餐單上重有其餘幾味都幾吸引，下次還會再來！…Read More

都唔係第一次去，不過每次都等好耐。有時係大排長龍，今日好彩無排長龍，但都等左半個鐘，我係講個豬扒飯。出餐速度真係世界級⋯所以趕時間趕行程既朋友千祈唔好去。講番正題，午市有餐，但最好食既豬扒菜飯無餐，淨豬扒飯係有啲dry，跟餐既飲品同老火湯都係二揀一，又係食客的抉擇，豬扒飯跟湯$61，如果散叫豬扒菜飯跟湯就要$71，如果要加埋杯凍檸，完美combo就要$88.....有點貴了。凍檸以前飲過，正常好飲。豬扒係好食既，應該係老抽整，不過平凡見真章，係對得住金牌個名，你俾枝老抽我我都整唔到。嗰日去個湯係亮點，海帶水草湯，真材實料，清熱一流。會唔會再去，得閒都會去翻尋味既。…Read More

今日係𧙗寧堂開工，午飯時間當然就係佐敦搵食。一出教堂轉個彎就見到呢間野，咁啱肚餓到爆，無諗咁多就入左去。起初以為係新式茶餐廳，細看先發現原來係粗菜館，牆上貼住蔡瀾個嘜頭。以前係九龍城食過，都重係舊式飯店格局，依家老餐館都實行現代化了。同朋友叫左兩個餸加白飯。第一味勝瓜有水準，有蒜香勝瓜熟透多汁，如果有埋粉絲就更正了！第二味係蔡瀾咸香茄子，其實即係魚香茄子，有蔡瀾個名加持，唔通會特別好食？果然都無失望，茄子很香，不過怕油膩既朋友可能就唔啱啦！…Read More

星期日無啦啦打八號風，原本諗住出去旺角既生日飯迫住改期，唯一落街睇下有咩好食。食開嗰兩間小店又無開，行過見呢間米芝連無咩人排隊，就俾個機會佢啦。晚市套餐選擇唔算多，最後㨂左個咕嚕肉同招牌菜芽菜水晶雞。咕嚕肉分量適中，甜酸度剛好，食落啖啖肉，唔錯喎。食落都幾開胃，可以再食！再黎就係芽菜水晶雞（半隻），雞好滑，有啲海南雞既風味，配菜係泰國食開個種芽菜，爽口肥美！跟餐可加錢要例湯—豬肺湯，本人唔太啱，就無嗌了！下次應該重會再黎，再試其他！…Read More