cheChee's Profile

一度聖誕個個都食西餐,搞到好難book位;今年簡簡單單食酸菜魚,唔洗怕book唔到位之餘,仲可以慢慢坐食到飽傾到飽先走~疫情關係仲未通關,好在近近地銅鑼灣就有間好味酸菜魚!呢個係酸菜魚細份, 份量大過面盤; 而且夾極都有好多魚,所以$198真係好抵食!最正既係無骨, 大啖大啖咁咬都唔洗擔心有魚骨刺到!得一碟餸又點夠滿足呢~所以嗌多左個宮保雞丁 & 土豆燒排骨,用黎餸飯一流!最後點埋紅糖冰粉為完美一餐畫上句號.我一向鐘意食煙煙韌韌既野, 呢個紅糖冰粉疑似係寒天, 帶少少煙韌口感,加上唔太甜, 食完好清涼舒服, 好味~…Read More

蘇媽, 感覺好懷舊….入黎食都係因為 肉 骨 茶!我解釋唔到, 我真係好鐘意肉骨茶,但唔係度度都好食同識得整.可能你會話個湯好飲咪得囉,No No No! 正常黎講, 個湯係用肉 骨黎熬製出黎但好多時&好多食店個肉都係有 雪 味 架 囉 .v.大家放心, 蘇媽值得去!智能科技係大趨勢,蘇媽同其他食店一樣, 都採用手機落單而且上菜都非常快!先上熱湯!濃濃既肉骨茶湯底, 好味到不得了!轉個頭就遞上大煲肉骨茶!一字排啖啖肉, 而且香濃有肉味;完全唔係揸流攤比雪肉!黑豉油配大量蒜蓉係絕配;將排骨點少少醬油簡直無得頂!最正既係個熱湯可以無限添,我飲左幾碗都無口渴!另外仲叫左個砂煲老鼠粉;份量唔細, 香噴噴且惹味!臨走行出門口見到有優惠下午茶, 都幾抵食; 下次會再黎!…Read More

對上一次去新加坡係2019年年頭, 我仲記得玩4日食左起碼3次肉骨茶,因為真係好正, 個湯好濃好好味!朋友知我鐘意食肉骨茶, 喇沙….突登約我黎食海南少爺, 有美食之餘仲有靚景; 可惜天公不作美, 全日都陰陰天真係嘥晒個view講番海南少爺, 食物種類都幾多先叫個小食開開胃!沙嗲有豬牛雞, 可mix兩款;我同朋友都覺得好好味, 連醬汁都可以唔洗點!喇沙有驚喜!!尤其個湯底真係不得了,帶微微椰汁香味, 一d都唔覺油膩,差不多飲晒咁濟!我最愛既白胡椒蒜頭肉骨茶!!$108兩大舊肉骨配原粒全個蒜頭;其實有少少貴, 但個肉真係好正,好林入晒味, 如果多兩件骨就perfect池啦!不過個蠔仔煎賣賞就麻麻地…煎到有d燶, 但都ok,蠔仔大隻肉厚!呢度3-4個人既份量lol但樣樣都想食搞到食唔晒要打包…下次要再黎!!…Read More

日日都咁凍, 日日都想打邊爐, 哈哈!好在我有邊爐群組肯同我一齊打邊爐,今次帶我去<胡爐>, 估唔到咁正!先來一盤八款混醬!都係d大路野, 醬料無特別!湯底多選擇, 最後我地揀選左天寒地凍最岩食既胡椒豬肚花膠雞鍋!胡椒有暖身既作用, 花膠就養顏美肌!等左一陣湯底終於滾起, 食得!哇~ 好多大大隻花膠, 雖然唔算好厚身, 但帶有咬口, 唔係比cheap野!起初個湯底比較淡味, 應該係胡椒未爆花; 越食就越辣, 好鬼正! 而且真材實料, 啖啖嫩口滑雞, 真係無得頂!我一向愛豬多過牛, 呢個胡爐豚拼盤好似有少少貴 ($298), 其實好鬼值! 呢個係 伊比利亞黑毛豬豚肉, outlook好似雪花肥牛; 但真真係好鬼正, 自己出去買都買唔到咁正既豬肉!70%係蝦膠; 仲有30%係鮮蝦, 絕對無呃人既手打蝦滑!…Read More

每次經過都見到好多人等外賣,約埋同事黎食個飽飯先~特選滷味飯 $75豬大腸; 豬腩肉; 紅腸; 滷雞蛋; 豆卜淨係賣相已經贏晒!個腩肉超正, 唔肥又唔瘦, 個豬皮煙煙靭靭, 好鬼正!我一向都麻麻地豬大腸,不過呢度個豬大腸洗得好乾淨,無so味!!仲有個魚餅?? 墨魚餅??好味喎!同事叫左招牌滷水鵝肉飯 $65啖啖肉, 好正!加$9 配鵝骨湯無得輸!都市人最缺錢之外, 第二樣就係湯水!只需加$9就有鵝骨湯, 真材實料, 滋補養生!…Read More

利舞台轉變左好多, 定係我太耐無黎呢??樓下原本賣韓仔衫變左幾間細店, 賣茶又有賣鞋又有, 包羅萬有, haha…位於8樓既古琴雅苑唔好被佢個名呃到,絕對唔係賣old-fashioned, 店內光猛又寬躺,好多鴨仔既掛畫, 好舒服自在!我有個朋友, 佢好鐘意好鐘意食片皮鴨!成日都叫我同佢去北京樓食片皮鴨…食鴨唔一定去北京樓, 去古琴雅苑仲正!烤北京填鴨(半隻) $188未上檯已經聞到味….賣相超吸引, 加上肥瘦均勻,唔需要卷餅包住, 忍唔住直至放入口…真係好好味, 難以形容!附送特脆鴨皮王, 聽經理講係鴨既心口果丁丁既脆皮;可以點砂糖或者蜂蜜黃梅醬,點砂糖黎食原來係咁好味!古琴酸菜魚 (每位) $88真係好耐好耐無食酸菜魚…見到餐牌有酸菜魚 即刻口水流「我要點我要食呢個」無嗌錯! 個酸菜魚真係好正,呢個係一人份量, 有好多好多魚;唔會太辣或過酸,我真係好鐘意呢個酸菜魚,下次黎可以叫大份 $288!…Read More

個個都食大閘蟹,唔通個個都鐘意食大閘蟹咩??!同事C由蘇州過黎香港工作差不多半年,成日都叫我同佢去食橋底辣蟹…講左幾個月終於成行!望住menu 10分鐘都唔知叫咩好,最後我地用最懶懶既方式: 套餐!! 套餐唔算多野食, 不過想食既野都有!淨係呢盅 金湯佛跳牆 都$88好鬼足料好鬼好味, 岩晒美顏滋補既女士!呢度上菜好鬼快…大大隻招牌橋底辣蟹就上枱!份量配合埋搶眼既顏色真係好吸引,我地揀左小辣, 但唔係好辣, 其實唔係好食到個辣味, 反而真食到蟹既鮮味!而且蟹肉飽滿, 啖啖肉真是very的good!因為掛住食蟹, 搞到其他野食唔切…豉汁炒蜆粒粒都脹卜卜, 又夠味;如果唔係掛住食蟹攤到凍晒既話, 個炒蜆真係無得頂哩!清炒時蔬敬送精美甜品: 紅豆沙起初仲覺得唔夠食, 因為得幾款野食…食到尾原來又飽飽架喎!如果就咁叫隻蟹食, 係會按時價計算;而家叫套餐, 計落每人只係3舊幾,仲要有佛跳牆, 炒蜆… 滿足!!…Read More

每每一出Lift 6/F都大排長龍,原來開左兩間新食店!今次就試下Vanda花漾!我本身好鐘意肉骨茶,一打開見到個Menu有肉骨茶,諗都唔洗諗梗係肉骨茶啦!!!等左一陣大大碗肉骨茶就遞到我面前!都有成5-6舊大大排骨,而且唔係肥膏橫飛, 但就好淋好易咬;個湯底夠熱又夠濃味, 用黎送飯食真係無得頂!至於個油炸鬼, 係扁撻撻的!無乜特別, 無憶味就已經非常好!有coupon真係好抵食!明明要$108一份新加坡白胡椒肉骨茶, 遞上coupon後平$50, 半價既感覺真好!!!另提提大家, 可以用Food Gulu 預先攞飛, 慳番唔少排隊時間!…Read More

打邊爐係我既至愛!今日就同朋友黎食老鍋台式火鍋,湯底唔多選擇, 包括麻辣鍋; 酸菜白肉鍋; 美人鍋及養生鍋!而我地就揀選左尚膳養生鍋,以人參及多款藥材, 配上老雞及豬肉而肴成既湯底,見到都覺得滋補哩!打邊爐除左個湯底重要之外,食材新唔新鮮, 特唔特別都吸引到我!就好似呢個 千張豆葉紙, 有d似特大張既雲吞皮, 點餸時特別註明 <滾2秒即可進食>!真係滾2秒就好啦, 最多5秒!應該係腐竹腐皮之類既野,唔易爛; 放入口仲有少少煙靭感添,我鐘意喎!!美國梅花豬$128五彩鮮蔬盤$88打邊爐點少得麵!老鍋提供既麵條係王子麵啊!!!台式火鍋主要係食個湯底,淨係湯料都飽左一半, haha!因為湯底已經夠晒味到, 所以混醬唔多選擇!老鍋既privacy 非常好, 隔板較高, 而且係C類餐廳, 可以多d人6個人一齊打邊爐!…Read More

位於灣仔利東街旁，座落大道東既QRE Plaza有好多好多餐廳食店，其中一間係食西班牙菜既espuma。裝修帶點馬德里特色，坐位寬堂舒適，係三五知己聚腳既不錯選擇。頭盤係Feta Cheese配牛油果黑醋沙律，開胃美味；而是日餐湯係蘑菇湯，味道剛好不濃不淡。主菜揀左香脆咸豬手。豬手的確好香好脆、肉質唔錯但略嫌乾身左DD…最後上菜既係需額外加$ 既海鮮西班牙炒飯… 蝦、帶子都好鮮味，但飯底都略嫌乾身。不過飲品配上Sangria就very good! 易入口得黎無太大酒味，無喝酒既人都可以一試，整體唔錯！…Read More

天氣一涼少少就想去打邊爐!!!朋友話親後生就要保養, 想滋陰養顏就要多食花膠; 花膠含豐富蛋白質及膠質, 係補而不燥既美餚!!哇哇哇!!! 好大方, 一d都唔孤寒, 成盤都係花膠; 而且呢度只係半份既份量咋!!! 仲要唔係薄片片既花膠, 都算有d厚度, 放入口都有口感可以咬哩~ 而且個湯底very good, 用上大量三黃雞熬煮, 味道出晒黎!打邊爐配混醬是常識吧!要改口了…. 因為湯底太正, 唔需要混醬都可以! 如果真係要混醬, 個人推介右下角果款, 係餐廳自家製乾蔥油!因為得兩個人既關係, 怕食唔晒浪費; 加上湯底有盤滿缽滿既花膠同雞, 所以我地無點太多食物… 首先點左海大蝦! 我覺得要改名, 應該叫海大蝦! 真係好大隻呢~ 同埋插響個盤度好有萬馬奔騰既感覺!海大蝦既size差不多成個鍋咁大, 而且非常新鮮, 正正正!講真雲吞/餃子係有少少over-priced; 不過真係足料又好味!蔬菜拼盤都幾抵食, 種類多之餘份量都算多同吸引! 多人打邊爐可以點多d食多d, 一大班人先開心!! 呢度係C類餐廳, 可以6人一檯; 而且呢度有幾個主題佈置, 更可以book房大班人唔洗怕嘈到其他客人, 哈!房間主題有幾款, 包括浪漫style有巴黎鐵塔; 另外仲有令你恍如置身櫻花樹下既日本….食到一半影相再繼續食!…Read More

最近朋友話想食Afternoon Tea, 咁岩就係我公司平時都有食開既GLASSHOUSE! 平時中午過黎食都大排長龍; 加上Fushion既餐單, 連揀飲擇食既我都輕易揀到野食!! 今次黎食Afternoon tea都無令我失望!一個三層高鐵架擺滿精緻可口既食物,$298 for two 一d都唔貴; 有16款食物, 由小食到咸點到蛋糕甜品, 一定滿意+大滿足!! Afternoon tea包埋咖啡或茶, 我地就add on special coffee: Lemongrass Tonic Coffee & Rosemary Tonic Coffee; 又幾特別啊~第一層係係小粒粒: 三文魚籽牛油果米紙卷; 吞拿魚他他撻; 八珍甜醋燴啤梨好清新, 好開胃!! 尤其個米紙卷; 個八珍甜醋燴啤梨又好得意, 出奇地夾!第二層係咸點: 迷你龍蝦漢堡; 酸甜棒棒蝦; 松露豬肉餃子; 巴馬火腿配布拉塔芝士多士. 我最喜愛ParmaHam, 真係好味; 另外個龍蝦包, 雖然係碎龍蝦, 但咬得到龍蝦味, 正!最底層係甜品, 有8款10件! 甜品係第2個胃, 無論幾食到幾飽都仲想食少少甜野!! 之所以d cake要做到咁細件, 就係可以食多兩件唔同款! Brownie同Macaroon 都係我至愛, 甜度剛剛好, 食完又唔覺濟! 太古城GLASSHOUSE雖然無落地大玻璃睇到出面, 但勝在環境舒服; 適合2-4人!…Read More

好耐都無幫襯UCC, 原來下午茶加左價… 而且無左Waffle, 變左Croissant Waffle; 唔知係咪咁, 無之前咁多人排隊等候叫左個B)士多啤梨紅豆牛角酥窩夫 Portion比舊時個Waffle細, 而家酥無乜蛋味, 感覺以前既好味d!下午茶仲有杯咖啡; 唔知係咖啡豆既問題定Barista沖得麻麻, 無以前咁香咁滑, 感覺退步左……Read More

早兩日打完波行番出黎加路連山道搵食, 見到春嬌個名幾得意又特別, 即刻諗起春嬌與志明套電影 in 55!W I… 但餐廳應該唔關套戲事??! 哈!餐廳唔算好大但環境好舒服. 而家好多餐廳都電子化, 照下個QR code就可以落單, 其實真係幾方便! 有埋圖片作參考, 揀食咩一睇就清楚晒~種類同款式都好多選擇, 同埋都幾人性化, 麵可選河粉米粉; 飲品可以揀凍熱, 少冰少甜多奶多珠等等點左個魚片頭叻沙, 個湯底very good! 濃郁得黎又唔會覺得係味; 五十零蚊大大碗, 物超所值!串燒有豬牛雞, 不過牛好好賣, 一早已售罄了. 叫左個雞肉串燒, 好得!! 只唔夠醬汁, $42 有3串志明咸滑雞飯, $59我個人就幾鐘意, 啖啖肉加上醃咸左既雞係特別好味!!飲品跟主食一齊叫只需加$8-10... 叫左杯 志明奶茶 & 珍多冰.志明奶茶就無乜特別; 而珍多冰就好正, 多料又多椰奶, 爽呀!!…Read More

早幾日fb 彈番2年前既今日.... 我響明洞食緊燒五花腩點解咁耐都仲未可以去旅行架, 好掛住燒肉; 泡菜; 韓國燒酒!!! 好在香港乜都有, 想食邊個國家既菜都有! 今日我就同我既旅腳齊齊懷緬一下韓國滋味!濟州燒肉食堂真係不得了!! 前菜任食任添(除左沙律); 淨係個泡菜已經流晒口水, 唔會太辣又唔會過酸, 我兩encore左好多次我地點左濟州五花肉套餐, 真係不得不得了;估唔到呢度既牛係咁very good! 醃肉個味度調得超正, 肉又juicy, 我破戒都要食哩!牛牛有四款: 黑毛和牛上貝身肉; 牛五花; 牛舌; 五花肉! 而豬有一款, 係超長梅花肉燒梅五花時有專人幫忙, 因為肉唔厚好快熟! 最緊要係燒熱塊板先, 咁先可以燒得靚仔鎖住肉汁!烤爐旁邊既泡菜蛋同芝士粟米又係可以任添! 我將芝士粟米加埋泡菜唔去, 好正呀個餐仲可以揀韓式炒粉絲或者大醬湯, 所以唔洗擔心唔夠食; 其實係好飽!!! 三個人都夠食!…Read More