paa1paa1zau2's Profile

個蛋糕好難食，性價比極低，個蛋糕好硬同會散，食左個榛子味既 但咩味都無 連甜味都無😂完全唔知自己食緊咩 聖安娜都好食過佢。 飲品亦唔好飲，叫左杯芋頭奶，無芋頭 好淡 有啲似飲緊甜甜地又creamy既水咁，仲要成$50杯 飲番台式飲品店既野飲好過主菜還可以但絕對不值$100 up有上去按埋摩 ，按完第二日瘀左 join左800$兩個鐘package 普通中式按摩 絕對不值$800 所以上來留負評 blacklist 呼籲朋友不要去，…Read More

<總結:普通>環境 : ️⭐️️⭐️️⭐️️⭐️食物 : ️⭐️️⭐️️⭐️服務 : ️⭐️️⭐⭐衛生 : ️⭐️️⭐️️⭐️️⭐️抵食 : ⭐️️⭐️️⭐️️📍中環德輔道中80號中環街市2樓242A號舖難得黎到中環，男女小編就順便去左中環街市行個圈，見到勁多小食店，見有小小口渴就決定飲犀牛犀牛啦！見到好多杯都幾吸引，最後男女小編各自叫左一杯飲品。1️⃣ 白桃烏龍+仙草 (HKD$30+5)微糖少冰就基本啦，白桃烏龍+仙草係男小編簡既，其實依個組合男小編都係第一次試。原本係想簡寒天既，可惜寒天同我無咩緣份，又一次無貨，惟有簡仙草啦。味道上黎講都幾正常，甜度岩岩好，烏龍茶同白桃味真係好夾，大家都可以試下。可惜仙草同白桃烏龍麻麻地，唔係太夾。2️⃣ 熟成百香 (HKD$28)微糖少冰就基本啦，熟成百香係女小編簡既，熟成百香叫微糖少冰都係好甜，建議大家都係叫番走甜，同其他台式飲品店既百香水果茶無咩大分別，都係個果隻味。服務質素 : 無咩特別…Read More

<總結：味道很濃>環境 : ⭐️⭐️⭐️食物 : ⭐️⭐️⭐️服務 : ⭐️⭐️⭐️衛生 : ⭐️⭐️⭐️✨抵食 : ⭐️⭐️⭐️⭐️1️⃣ 香芋奶凍卷 （$35）中間個奶凍好好食，啲cream同個蛋糕好重香芋味，不過係香精味黎，好甜，唔可以話佢唔好食，但都唔可以話佢好好食，只可以話佢對得住呢個價錢，因為就算係香精都無偷工減料，雖然浸香芋味唔係天然既芋頭味，但係卷蛋黎講算出色，因為佢係會令人想繼續食曬既蛋糕。佢仲有芒果味，朱古力味同綠茶味，會考慮覆桌…Read More

不知不覺，九份茶舍都差唔多開左3年，依間出名既黃店都唔洗介紹架啦，男小編由第一間鋪旺角弼街開始已經飲緊。九份茶舍去過好多間，不過天水圍呢間都算係第一次去，去完先發現其他地方既九份茶舍真係高質小小。1️⃣水蜜桃四季春鮮果茶+寒天 (HKD$28+4)其實原本打算加小芋圓，點知個店員話一直以黎都無得加小芋圓，最後惟有加寒天，雖然我都唔知點解會無得加小芋圓，明明其他分店都有得加。水蜜桃四季春鮮果茶照舊都係微糖少冰，味道都正正常常，但係寒天黎講真係同花斑茶社好唔同，個人覺得花斑茶社好食好多，九份既寒天同啫哩差唔多，無咩特別。服務質素 : 無咩特別…Read More

1️⃣大蝦牛柳餐(HKD$158)招牌牛柳餐無左隻蝦都係$112 ，隻蝦要$46，建議大家直接叫招牌牛柳餐算，因為隻蝦唔值$46。服務質素 : 幫朋友慶祝生日，帶左個蛋糕去食，點知餐廳雪櫃唔夠大放唔落個蛋糕，仲要同番生日果條友講，簡值係豬隊友。 我地8個人一齊去食，因為限聚令要分開兩台，服務員話等隔離台食完走左再幫我地調位，點知最後條友唔記得左所以無左件事，最後要好白痴咁拎番走個蛋糕食。😑😑😑…Read More

好好運快餐店唔使我介紹啦，鐘意食沙嗲牛麵都會聽過佢個朵，獲得香港沙爹牛肉麵關注組狂讚，今日我終於有機會去朝聖啦！今日下就一點左右過去，排左10分鐘左右，終於入左去啦。去到好好運唔洗諗梗係食沙嗲牛麵啦，2餸沙嗲牛麵48蚊，我叫左煎蛋炒蛋補充蛋白質，貪心既我仲加左多份雞扒(HKD$13)，減肥係聽日既事，食埋今餐先減肥啦。1️⃣沙嗲牛麵+煎蛋+炒蛋+雞扒+熱奶茶 (HKD$48+13)老實講佢既份量比我想像中大份，雖然煎蛋炒蛋遮住左沙嗲牛，實際上沙嗲牛份量都唔少，我最後食到好飽，嚴重飯氣攻心。味道黎講湯底真係好重沙嗲味，牛肉食落甜甜地，第一啖食落去真心正既，不過食多幾啖開始覺得有小小咸。有個不足之處係價值13蚊既雞扒上到黎，竟然係凍既，真係令我好傷心。總結而言，不過不失啦，如果你比較重口味，鐘意食沙嗲牛可以去食一次。服務質素 : 無咩特別…Read More

1️⃣紅燒牛肉麵 (HKD$89)外觀黎講份量都幾大份，有牛肉﹑蘿蔔片﹑小唐菜同酸菜，仲有小小蔥，唔會好孤寒。牛肉滷得非常嫩滑而且入味，湯底濃郁，麵既質地就有小小似偏身既烏冬，同平時食開既麵有小小唔同，都算對得住佢既價錢。2️⃣麻辣魯肉乾伴麵 (HKD$59)照舊有一堆伴麵醬﹑魯肉﹑小唐菜﹑小小小同酸菜，最開心係有一隻糖心蛋，睇到糖心蛋個樣就知佢咩料啦。由於男小編唔可以食太辣既野，女小編惟有遷就男小編叫左小辣。味道唔錯，小小辣又開胃又惹味，令人想不斷想食。3️⃣口水雞冷烏龍麵 (HKD$79)雞肉數量有啲少，胡麻醬份量岩岩好，最緊要梗係有糖心蛋啦，睇得出烏龍麵比其他厚身小小。味道上黎講烏龍麵好有口感，又滑又爽口，睇得出用日本烏冬，成個冷烏龍麵唔會好乾，口水雞就比較普通無特別之處。4️⃣鹽酥雞+府城蝦卷+貢丸湯 (HKD$38+32+18)鹽酥雞同府城蝦卷炸得岩岩好，外脆內軟，唔會乾身，味道又唔會過咸，貢丸湯就普通。5️⃣蘆薈桂花雪梨茶 (HKD$24)清淡之選，男小編幾鐘意飲，真係飲得出蘆薈﹑桂花﹑雪梨三隻味，最重要係唔會太甜，岩岩好帶到小小甜味出黎。服務質素 : 大致上黎講都唔錯，上菜速度都算快，美中不足既得我地係上左一樓，落單要自己落樓落。…Read More

Seasonal Fruit Danish (Strawberry, Grape) (HKD$38X2)男女小編分別叫左Strawberry同Grape兩款口味既Fruit Danish，外表同味道都正正常常，唔算好特別，其實係打卡既工具。Tuna Melt Panini (HKD$68)兩面烘底外脆內軟，上黎既時候新鮮熱辣，份量都幾大份，成功填飽左男小編既肚。雖然男小編覺得佢唔值68蚊，不過港女cafe有樣野可以飽肚，你仲想點？味道正正常常，唔敢奢求太多。Hojicha Latte (HKD$50)份量比較少，杯面有加上Cream同綠茶粉，打卡黎講都合格既。味道不過不失啦，同平時飲既差唔多Chocolate (HKD$50)同Hojicha Latte一樣，份量比較少，杯面有加上Cream同可可粉，不過味道黎講男小編幾鐘意，香濃既朱古力味，而且唔會好甜，難得加分！女小編評價 : Dislike 點解唔甜架！！…Read More

花斑茶社相信大家都好熟識，都算係著名既香港茶飲品牌，出名現炒黑糖珍珠同台灣直送新鮮葉尖，最重要係黃店，平時同女小編行過路過都會買一杯飲。今次去左荃灣海之戀既分店，一入到門口就已經見到一面粉紅色既花牆，好岩女小編打卡用，男友們識做啦。由於岩岩食lunch，兩個人淨係叫左一杯野飲，過下口癮！1️⃣芒果冰茶+寒天(微糖少冰) (HKD$28+4)上次女小編試完白桃烏龍，今次女小編簡左芒果冰茶，用四季春作為茶底，循例微糖少冰，太甜真係唔健康。飲台式飲品無配料始終差少少口感，最後隨心簡左加寒天，其實我地都唔知寒天咩黎，後尾上網查資料先知原來係從海藻植物中提煉的膠質，口感黎講幾有咬口。味道黎講芒果味比較自然，唔係化學藥水味，依一點都幾感動，四季香茶味都非常出眾，茶味慢慢滲出黎，係夏天黎講都幾解渴！大家有興趣都可以試下，記住微糖少冰！服務質素 : 無咩特別…Read More

1️⃣海膽三文魚子竹炭烏冬 Uni Charcoal Udon (HKD$168)外觀上黎講都算係圖文相符，海膽未有呈溶化狀，都算還好未開始變壞，三文魚子既份量中等，唔多唔少。味道上黎講就真係幾一般啦，海膽同三文魚子帶住小小苦味，我真係唔識欣賞啦。另外，成碟烏冬既汁都比較油膩，食2啖就要飲啖水，食左幾啖好快就飽肚。女小編評價 : 好腥2️⃣牛角包(跟餐附送)應該係全個餐最好食既食物，當女小編打完卡後，仲係有小小微溫，出乎我意料之外，食落去都算鬆軟。女小編評價 : 我要食3️⃣湯(跟餐附送)好好地一個白湯竟然可以煮到有藥材味，除左寫個「服」字，我無野好講。女小編評價 : 交比你飲4️⃣荔枝紅桑子慕絲 Lychee Raspberry Champagne Mousse (HKD$58)外觀上黎講都幾靚既，岩晒女小編打卡用，隨碟附送幾粒藍莓同士多啤梨，上層係慕絲下層係蛋糕。味道上黎講就搞唔掂啦，我唔小心食左一粒藍莓真係酸到癲左，唔通佢係想襯托蛋糕係甜既，所以用心良苦搵酸到癲既藍莓？我真係睇唔透啦。女小編評價 : OK啦 無荔枝味 藍莓係裝飾品唔建議去食服務質素 : 感覺服務質素麻麻地，企左手一陣，都無人過黎幫手落單，水都無倒比我地。…Read More

夜晚放工一枝公，梗係食番啲好西安慰自己，第一時間就諗起【真台客】啦！其實已經食左好多次，簡直係我既飯堂，CP值真心高，麥香紅茶同冬瓜茶無限飲，我就比較鐘意兩溝，既有麥香味又帶小小冬瓜既甜味。今日叫左我既最愛鹽酥雞湯麵，唔知係唔係老闆既特別日子，定係慶祝中秋節，全部人都有統一布丁食。1️⃣鹽酥雞湯麵 (HKD$50)大家係相到都睇到鹽酥雞既份量完全唔孤寒，送上黎個陣仲係熱熱地。味道就唔洗講啦，食過咁多間鹽酥雞，真台客係最接近台灣既味道。2️⃣統一布丁係台灣既味道呀，好懷念呀，無得去台灣惟有食住布丁頂住癮先，3️⃣麥香紅茶溝冬瓜茶我自己就覺得幾好味，女朋友就覺得我痴鬼線，大家有興趣可能去試下，然後幫我平反，我飲開1:1。服務質素 : 服務質素唔錯，專登提醒我飲品自助，長時間有人留意顧客有冇舉手…Read More