wpp211's Profile

送上沙冰，入口發現有膠粒，起初以為是冰粒，其實都幾危險。好彩有發現。經理表示是沙冰機的柄，並因脫落，所以膠斷了跌到杯中。大家要小心進食，希望不會再發生。其他食物還可。…Read More

難得有晚市堂食，我與朋友到了Luca 諗住環境有啲「旅行」feel ，坐左outdoor 位置，最後好後悔。。。點了bbq chicken pizza, 串燒，魷魚，如果問我邊樣好食😅我都講唔岀。三樣感覺都好乾, 無大口大口食。去到九點幾，我哋變左包場，餐廳好環保，熄左幾支燈，再營造一個暗啲嘅環境俾我哋😅😅😅我哋都預左打包未食完的食物，但無諗過。。。咁嘅環境「召喚」左曱甴🪳岀嚟食pizza 🥺我人生最怕的生物。。。搞到我大嗌同彈起身 ！隔咗2分鐘我先搵到店員，佢挺身而出殺曱甴！我印象中佢嘅說話係「死咗啦」，「食物嘢仲要唔要」、「一係買埋單」。。。。係！無道歉😒不過我地已經無胃口，都唔想再坐返係度🥺算吧啦～我今日嗱嗱臨趁我記得，寫返個食評😏提下大家小心😝不過有一樣嘢要讚，我地一坐低係outdoor , 侍應係俾支蚊怕水我哋，又有蚊香！其實係細心的☺️可能下次要多指「殺牠死」🤨…Read More

去東薈城行outlet , 行到攰又肚餓，去左鍋處食涮涮鍋！我哋揀左安格斯牛的仼食放題！好好味！果然係Mr. Steak的餐廳！岀面的配料乜都有😍甜品有movenpick 嘅咖啡雪糕！…Read More

天氣好似涼涼地 最啱食雞煲！大埔都有好多雞煲 左諗右諗 同朋友最後決定都係揀咗係大埔墟直街的八妹雞煲！七點幾去到幾乎滿座，好彩都唔洗等位！間店好有香港風味～睇下店內的裝修～我們二人用餐，本來也怕未能品嚐不同太多的款式食物。但八妹雞煲必有用心，在餐牌上我們很高興看到「二人必點」，解決了我們的問題。我們點了半隻微辣秘制八妹雞煲，以往食開的雞煲比較乾身，八妹雞煲較濕，雞肉又嫩滑，加埋秘制汁，感覺好juicy ! 值得一試！吃完雞後，可以加入湯，開始打邊爐！😍我們好喜歡脆口的食物，所以點了炸魚皮同埋響鈴🔔！兩款都好脆口，落去湯到幾秒上返來食，剛剛好！因為兩個人去，又想食多幾款食物，所以我哋叫了雙拼蚌、「二人必點」的菇拼、三拼、什餃！第一次打邊爐食雙拼蚌，好易熟，又爽口！我又覺得雲吞特別好吃，如果多人的話可以直接點雲吞呢！這裡的侍應好好人，好細心！一開始預備了水讓我們清洗餐具。我們吃了一半時，又來幫我們換碟！天氣漸涼，食八妹雞煲係一個好選擇！…Read More

去完龍尾灘玩完水，夜晚行去龍尾村路旁發現日本菜！見間野幾chill下，有戶外室內座位，裝潢都好有日本vacation feel，咁就去試下啦！我地叫左個特盛海鮮鍋，上枱個盆份量仲多過餐牌張相，有好多種類海鮮！還送三色刺身，另外再叫左雞泡魚乾同炸芝士年糕。海鮮鍋每樣海鮮都好新鮮，店員還推介我們先放魚頭魚骨放落湯中淆，令原本已很甜美的魚湯更加濃郁。時令魚超級滑同有鮮味，真心推介。厚切刺生，新鮮，送都有咁既質素，每啖都好有口感，又有魚油香味，真係好驚喜！雞泡魚乾好厚肉，燒得好香口，愈𡁻愈好味！送酒小食一流。最後，話係「隱世」，但其實好方便，係龍尾村村口牌坊旁，而且有停車場，消費可免費泊車。亦可以由龍尾灘沿馬路一直路行唔駛5分鐘。地點方便，但就有寧靜隱世feel，都幾適合情侶或一大班朋友坐戶外飲下清酒。食物真心推介，用心製作，食材新鮮，侍應又好樂意介紹每道菜，有傾有講，更加有日本居酒屋風味！…Read More

今天來馬鞍山返工，大熱天時在商場隨便揀間泰國餐廳食午飯，居然驚喜！門口裝修已有濃濃泰國風情，好似去左曼谷咁。餐廳內環境優雅，很喜歡那些燈飾和小擺設，光和影營造出很舒適氣氛。二人午市套餐都只係$228，每碟份量相當充足，十分抵食。店員還說一人午市套餐會每星期轉一次菜式，咁都幾有心，係呢頭返工既人日日食都唔悶。頭盤蝦米紙卷有好濃香草味十分清新，賣相亦十分精緻。青咖喱雞十分推介，辣度剛剛好，椰奶味濃，雞件都好肉嫩，除左都好多雞件外，配菜豆角、矮瓜都好多。配埋烤餅食相當唔錯。馬拉盞通菜好惹味，足料味濃，仲保持住通菜青綠。另外，散叫左碟生蝦，蝦新鮮爽口，好味！最後，值得一提服務很好，店員好友善。卡位枱有半級高低，每逢上落，店員都會再次提醒，十分細心。總括而言，食物水準有驚喜外，價錢都唔算好貴，值得一試。…Read More

餐廳四圍有好多舊式玩具，有Betty公仔，一見到就覺得好有回憶🤣。我哋一行廿人來，又試下唔同的菜式，每一款都好好味！這一間好值得推介！我食的laksa cha cha cha 個汁配埋薄餅好好味～個菇好大件，食到好飽🤣粟米仔又甜😍…Read More

Two of us didn’t reserve any table and luckily to have a seat. Most of the dishes reserved as buy one get one free. My friend would like to have a salad , pizza, pasta and risotto, so that we only pay for two more expensive dishes. However, it is too crazy to have four high carbohydrate dishes. Haha. That’s excited to have this discount and our stomaches were already full with three dishes. …Read More

試一下食印度咖哩雞的pancake ，特別的～但不是特別好味。如果pancake不是甜，而是咸，唔知會否更好味呢？另外叫左個明太子意粉，好好味😊太飽，試唔到pancake的甜品～下次再來試下😊…Read More

每次入到大尾篤，都想食忠誠，但好多時都滿座。今次帶朋友來食午餐，難得不用等位。我哋沒有看午餐，直接叫了咖哩蟹，串串餅來吃！咖哩蟹得一隻蟹，三百幾元，如果多啲肉就好～但佢個咖哩汁加埋串串餅食！真係一絕！好味😋…Read More

有過這裡四五次，幾次都看到有麻雀在店內飛來飛去，好有趣～不過有時怕牠撞到玻璃。這裡好近海星灣，行完去海邊，來這裡食個下午茶都不錯。甜品都好靚～又好味，戚風蛋糕做得好靚！疏乎厘蛋糕好好味！，入口即化！…Read More

每年秋冬都會同朋友來這裡吃雞煲，依家發現可以外賣雞煲，同家人在家分享！微辣雞煲，食到尾之後加烏冬去炒！超好味！之後再加湯打邊爐！三種食的層次😊家人都食過返尋味！…Read More

難得樓上care 有露台，可以chill下！今次約朋友上來輕鬆傾吓偈！一邊傾一邊醫肚～食左季節限定的巴馬火腿蜜瓜，明太子意粉，朱古力沙冰😊咖啡～簡單，寫意～舒服～令人輕鬆的地方。…Read More

來了三次，第一次係看到有乳鴿，所以入去食。乳鴿，鴨舌都好好味，當係小食，同朋友一路當下午茶，一路吹水。第二次再去，點知無哂鴨舌，我就試了其他，冰的糖醋排骨好好好好味！店員話等一會兒食冰上的炸排骨係最好食！又係喎，好脆口！第三次來仍有驚喜！牛同叉燒都好好味！…Read More

面包蟹的膏，好好好好好食牙！最衰怕太高膽固醇，只忍口吃了一半個殼。不過龍蝦肉就韌左啲～生蠔沖多點水，咸味剛剛好～扁皮鴨的鴨肉好好食，只係蒸籠中的荷葉餅冧咗～失色…Read More