LewisNg7551's Profile

星期日一早起身來到La Kaffa嘆返個All day breakfast, 這裡的早餐是我的favourite. 不但價錢相宜， 而且份量相當大，晏些少來當食個Sunday Brunch都可以。我每次來都會叫呢個黃金法式多士英式早餐，份量很足，有兩條腸，兩塊薯餅，煎雙蛋，黃金多士，沙律菜和茄汁豆。 香腸好食，有少小辣，夠晒惹味。薯餅和煎蛋比較普通， 黃金多士是類似西多士的， 把多士加蛋漿炸成金黃色，好好食。飲品我叫了奶茶，不過這裡的所謂台式奶茶，味道是怪怪的。…Read More

有日無意中去到大坑東邨，走進了這間小店食個tea. tea menu沒有甚麼特別，這點似乎亦沒有甚麼獨特的美食。 我點了一碗炸雞翼麵和凍檸茶。雞翼表皮輕輕炸香，裡面仍保持肉汁和鬆軟。麵身煮得剛剛好， 湯底不會太鹹。 凍檸茶甜度適中，茶味濃。這間位於舊屋村的一間小店，外表平凡，裝修普通， 不過這裡除了食物，賣的還有人情味。食客大部份都是熟客，而且互相認識，一路食野有傾有講，感覺很親切。…Read More

去開mega box Aeon行街， 無意中經過呢間麵包咖啡店， 看看門口餐牌，有pizza, 六十幾蚊一個唔算貴，一於入去試試。我叫咗green tea latte, parma ham pizza和田園雜菜pizza. 因即叫即焗的關係，店員表示要等15-20分鐘，結果最後等了超過半個鐘， 不過見到又大又熱辣辣的pizza, 都無所謂啦。Green tea latte綠茶味很濃，奶味不太重，幾creamy, 都唔錯。Parma ham pizza和田園雜菜pizzapizza熱辣辣，餅底鬆軟， 芝士多， parma ham很香，亦有很多塊，好好味。不過田園雜菜pizza配料比較少，但整體味道亦不差。…Read More

係上環返工既朋友，午餐時間想揾個位都難，到揾到位啦，又趕頭趕命被店員催迫賣單。日日返工，間唔中都想嘆返下，想舒舒服服嘆個靚午餐，唯有行上少少。呢間餐廳位處僻靜地方，午餐比較容易有位，而且座位寬倘，坐幾耐都得。呢間餐廳提供set lunch, 有頭盤(湯或沙律), 主菜，甜品和飲品，價錢大約$120 - $200不等。我點了主菜黑醋燴豬脾。是日餐湯是南瓜湯，湯比較細碗，而且好杰，不過味道不錯，真材實料。黑醋豬脾有4件，望落感覺非常滿足，味道有點似薑醋，甜甜地酸酸地，很醒胃，豬脾燴得肉很鬆化，肉已離骨，用刀輕輕撥下，已經散開， 整體感覺不錯。甜品是chocolate brownie, 蛋糕本身不太甜，配合朱古力醬及cream, 甜度恰到好處。最後慢慢嘆杯優質咖啡，一小時咁就過了，期待下次再來。…Read More

朋友介紹呢間小店，出名食豬潤麵， 門口貼了雜誌及名人介紹。不過小弟唔喜歡食豬潤，所以叫咗鮮牛肉煎蛋麵及凍奶茶。見師傅逐碗好有心機慢慢煮，雖然客人只有三幾位，但都等了好一段時間先有得食。麵來了，湯底有些泡泡，小弟仲以為是鮮牛肉煮成的湯底， 點知吃了一口，的確有牛肉湯味，但公仔麵味粉的味更濃， 鮮牛肉都算合格，但無乜特別，煎蛋雖是即煎，但係蛋黃是煎到半生熟的唔合格荷包蛋，麵煮得唔錯。凍奶茶味道香滑，算幾好飲。不過此店早餐時段不提供套餐， 散叫接近$50的價錢都唔容易接受。…Read More

本身我對甜品和蛋糕都唔太喜好，不過諗住給另一半一個小驚喜，於是放工後特意來到此店買外賣回家和另一半嘆下。點知6點鬆D來到，只剩下一件栗子蛋糕和幾件千層蛋糕，心諗有無咁誇張呀。咁就唯有栗子蛋糕和千層蛋糕每樣一件吧。包裝內已附有小包乾冰，所以搭車回家個幾鐘都無問題。回到家，即刻打開先，包裝盒好精緻一個小蛋糕盒可裝兩件切餅，旁邊的小空格內附有乾冰千層蛋糕果然係招牌蛋糕， 芝士味重，一層層的蛋糕，每餐都沾滿芝士，唔太甜，亦唔太"漏", 味道恰到好處。栗子蛋糕我本身唔鐘意食栗子蛋糕，因無得揀之下先買。不過食過呢件栗子蛋糕，我忽然覺得栗子蛋糕好好食。栗子味好濃， 蛋糕好軟熟，cream不太甜，實在好好味，下次一定會再買。…Read More

星期日中午想係尖沙咀揾位食飯都唔容易，特地走上中港城平台，估唔到客人不多，很容易揾位。此店以售賣台灣食品為主，午餐提供套餐，配一杯台式飲品。我選了台式大腸豬腩肉麵配珍珠奶茶。麵很大碗，豬大腸和豬腩肉很入味和軟諗， 配菜有小棠菜和紅蘿蔔， 不過紅蘿蔔是生的，很硬。珍珠奶茶夠大杯，不太甜，味道唔錯。 …Read More

去太古城行街，想平平地食餐，呢個時候Apita美食廣場就岩晒啦，美食廣場地方唔大，選擇又唔太多，主要都係日式食品，但勝在價錢公道。麵大將主打拉麵和蛋包飯。我選了味僧拉麵定食，可選一款迷你飯，我選了小蝦天婦羅飯。 大約5分鐘左右已可取餐。味僧湯底都夠濃味，拉麵煮得比較軟身，可惜叉燒比較硬身，而且切得較厚。至於小蝦天婦羅飯，天婦羅炸得較黑，粉漿厚身，但味道都唔錯。整體來說，此價錢此質素，已經唔錯啦。…Read More

星期六夜晚一家大細揾好野食，咁啱係網上睇到篇介紹呢間親子餐廳，咁咪來試試囉。估唔到星期六夜晚都唔駛等位，餐廳面積頗大，侍應見我們帶著小朋友，特意安排我們坐近兒童遊戲區，小朋友未坐低已經急不及待除鞋入去玩， 我們可以舒舒服服慢慢睇下個餐牌啦。結果，我們點了一個兒童餐，2個主菜和一杯飲品。以西餐廳來說，上菜速度算唔錯，大約20分鐘已上齊全部菜式。1) 兒童餐(芝士漢堡)兒童餐有7個選擇，意粉，飯，焗通粉，pizza等等，我們選了芝士漢堡。我食了些少牛肉，幾彈牙，似是自家制。薯條新鮮炸起，色澤金黃，熱辣辣，很香脆好食。2) 脆皮蘋果醬五花腩賣相一流，齋睇已經覺得好食。豬皮勁脆 , 豬腩肉頭尾較薄的位置烤得有點乾， 但中間位肥膏溶化成肉汁，又諗有juicy, 雖然一個人食晒真係幾膩，但又真係忍唔到口喎。伴碟的有西蘭花苗，紅蘿蔔，蕃薯和薯仔，配上蘋果醬味道不錯。3) 香草雞肉闊麵闊麵以香草醬和橄欖油炒成，比較重手和膩，但味道是很好的。雞胸肉預先煎好，很軟熟。整睇唔錯，只是一個人食晒成碟，應該會好耐先落隔。4) 士多卑利奶昔士多卑利味很香，唔會太甜，好好味.每位小朋友可獲贈一個氦氣球。Kids Bar, 有免費糖果，爆谷和雪糕甜筒任食。架上面的蛋糕仔和曲奇餅也是免費的。kids menu後面是給小朋友油顏色的遊戲區有一張乒乓波枱，牆上有些小朋友玩具，另外有揸船和玩波波的地方。…Read More

之前睇過介紹，知道呢間餐廳有一個遊戲房，既可飽餐一頓，又可讓小朋友盡情玩一餐，很適合一家大小或三五知己帶著小朋友到來，大有大傾，細有細玩。 年初三大約下午2時到達餐廳門口，未算太多人等位， 我們跟侍應說想坐近遊戲房。大約等了15分鐘。侍應特別為我們安排遊戲房門口位的位置，好讓我們可以一邊食一邊望著孩子玩耍。餐牌設計如雜誌般，內裡食物及飲品的選擇很多。午餐時間當然是選擇Lunch Set啦，set lunch包括窩夫或沙律，主菜及飲品，而且以親子餐廳來說，價錢都幾大眾化。主菜：和風野菜意大利粉意粉份量都幾大碟，意粉以七種蔬菜和蕃茄醬煮成，蔬菜的軟硬度適中，意粉偏硬身，但可接受，唯獨茄醬有些少鹹。9主菜： 羅勒菜烤雞野菌意大利粉意粉炒得很乾身，軟硬度適中而且彈牙。雞肉是先以碳火烤熟，帶點焦，所以很香很好食，而且烤得適中， 內裡仍帶肉汁和軟熟。下次一定會再encore 。飲品：波蘿鮮果茶茶味和甜度適中，有兩粒波蘿肉，中規中矩啦。餐廳內設有遊戲房，內裡有廚房，超級市場及少量其他玩具。…Read More

新年期間，菜式選擇不多，而且比平時貴少許，我點選了啫啫栗子雞煲和雜菌浸時蔬，套餐價一律$88。 小菜套餐已包括例湯和飯。例湯是南瓜蕃茄豬骨湯，南瓜和蕃茄已煲成蓉，所以湯很濃，但亦比較鹹。餸菜比平時大碟， 栗子雞煲很香，熱辣辣， 廚師加入大量薑，乾蔥和洋蔥調味，所以吃起來很香口，味道亦很濃， 但不算鹹。雞件很滑，不過豬潤煮得過熟而有點硬，以茶餐廳的質素來說已算不錯。雜菌浸時蔬，雜菌是先以油泡再煮，所以雜菌很香，很爽，而且菇味很濃郁，不過以油泡過所以較乾身。時蔬是菜心，比較大條，中規中矩，配合小量甜杞子，都算唔錯既。…Read More

朝早係上環食早餐選擇都幾多，見呢間平時都幾滿座，咁就一於試下啦。行入餐廳揾個位坐，都未坐低晒，侍應哥哥就扒咗落張枱問我食咩，仲催速我快D, 結果我係3秒之內亂點了這個蕃茄牛肉通。唔夠一分鐘就上菜，好杰的羅宋湯底，正呀， 蕃茄味很濃，有少少辣味， 不過牛肉變了豬軟骨，無所謂啦，豬軟骨仲正，豬軟骨很入味，不過煲得未算好諗，軟骨比較爽脆，食完仲可以飲埋個羅宋湯底， Yammy !! …Read More

之前食過呢度的set dinner, portion比較細，但勝在廉價而可享受百年酒店大堂的氣氛。今次再來，決定要試試其他菜式，我點了海南雞飯和半島朱古力特飲，睇睇呢個6星級價錢的海南雞飯有甚麼特別。等了30分鐘，海南雞飯終於來了，先吃一口飯，飯以雞湯煮成，不過似乎是一早煮好，然後放於熱撐很久似的，味道不差，但質地怪怪的。海南雞已去骨，雞皮不夠爽，但雞肉尚算嫩滑， 拌碟的白菜太諗，既影響賣相，口感亦不好，總括來說，價錢與質素無關。侍應漏了單，所以食完主菜後，要再order過呢杯半島朱古力特飲，朱古力很香濃，而且甜度適中，飲完都唔會覺得太漏， 值得一試。…Read More

星期日午飯時間來到i-sqaure揾嘢食，見到茶木唔駛排隊，梗係狗衝啦， 事關呢間野其他分店日日大排長龍。 入內，侍應安排坐卡位，餐牌選擇甚多，特別係台式飲品， 不過都係點了最基本的黑糖珍珠奶茶，另外點了滷肉蛋飯，雞扒麵和草莓香草蜜糖磚塊。不夠五分鐘便上菜。滷肉蛋飯。味道中規中矩, 其實滷肉飯係穩陣之選，好難整得唔好食，但又好難整得好突出。溏心蛋蛋黃比較熟。珍珠奶茶唔錯，甜度適中，黑糖乃健康之選。雞扒麵，雞扒新鮮炸起，炸漿夠薄，雞扒仍有肉汁，由於炸漿夠薄，所以啖啖肉。麵亦煮得適中，夠爽口，而且湯底濃味得來唔鹹。最後是這裡最出名的甜品， 不過等候時間亦都夠耐，由於差不多食完主菜才點，所以差不多齋等了25分鐘。不過等得耐也值得， 多士配上蜜糖及士多啤利雪糕真係無得輸，食完想再食， 只是有點熱氣。…Read More

早幾年前與朋友食過兩三次這裡的粥，已經被這裡的魚粥深深吸引。最近忽然想食粥，於是便專程來這裡，睇睇仲係咪咁好食。早上來到，只有數位客人，煮粥的師傅唔同了，記得幾年前，她是做樓面的。來一碗魚腩魚卜粥，看看煮粥師傅的煮粥手勢也是一種娛樂， 盞酒時那個火燒到上抽油煙機，真利害。粥來了，和以前一樣，粥底以魚湯煲出來，但偏鹹，亦唔夠綿，食到尾會變稀，不過這裡的精髓不是粥底，而是魚，要甚麼部位都有，魚嘴，魚鮫，魚尾，樣樣有。用粥底煮成的魚腩特別爽和滑，而且魚腩很新鮮，魚味很濃。 這裡是喜歡吃魚粥的人士不可錯過的地方。…Read More